Spricha 6
6
Woarnunk fa Birjschoft, Schlofheit un Faulschheit
1Mien Sän, wan du Birj jeworden best fa dienen Näakjsten, fa eenen aundren diene Haud enjeschloagen hast; 2best du faustjerant derch de Wieed von dienem Mul, jefangen derch de Wieed von dienem Mul: 3Dan doo dit, mien Sän, un riet die loos, doa du enne Haunt von dienem Näakjsten jekomen best; go han, schmiet die han, un bedwinj dienen Näakjsten; 4lot diene Uagen kjeen Schlop, un diene Ziepasch nich schleeprich woaren; 5riet die loos aus een Ree ut de Haunt, un aus een Voagel ut de Haunt vom Voageljriepa.
6Go han no de Eemskje, du Fula, kjikj opp äare Wäaj un woa weis. 7Kjikj, dee kjeenen Rechta, Väastona un Jebeeda ha, 8see moakt em Somma äa Broot reed, haft enne Arnt äare Speise enjesaumelt. 9Bat wanea west du ligjen, du Fula? Wan west du von dienem Schlop oppstonen? 10Een beskje Schlop, een beskje schleeprich, een beskje Henjfoljen, om uttoreiwen: 11Un diene Oamoot woat komen aus een jesunda opptoo Komenda, un diene Noot aus een Maun met eenem Jewäa.
12Een Bilialmensch, een heilloosa Maun es, wäa omhäajeit met Faulschheit em Mul, 13met siene Uagen plinkjat, met siene Feet schoaft, met siene Finjasch wiest. 14Faulschheit sent en sienem Hoaten; hee plont (schmett) Beeset too aule Tiet, streit Jezank ut. 15Doarom woat plazlich sien Vedoawen komen; em Uagenblekj woat hee veschmatat woaren onen Heelunk. -
166 sent daut, dee de Har haust, un 7 sent siene Seel een Aufschu: 17Huage Uagen, eene Läajestung, un Henj, dee onschuldjet Bloot vejeeten; 18een Hoat, daut heilloose Aunschläaj plont (schmett), Feet, dee schwind toom Beesen hanranen; 19wäa Läajes uträd aus een faulscha Zeij, un wäa Jezank utstreet tweschen Breeda.
Fresche Woarnunk fa Ehebruch
20Mien Sän, bewoa daut Jeboot von dienem Voda, un velot nich de Belierunk von diene Mutta; 21binj see emma opp dien Hoat, kjnepp dee om dien Hauls. 22Wan du omhäajeist, woat see die leiden; wan du die dollajst, woat see äwa die woaken; un wakjst du opp, soo woat see met die räden. 23Dan daut Jeboot es eene Laump, un de Belierunk een Licht; un de Trajchtwiesunk de Zucht es de Wajch toom Läwen: 24Om die too bewoaren ver de beese Fru, ver de glaute Tung eene Framde. 25Bejia nich en dienem Hoaten no äare Scheenheit, un see jript die nich met äare Ziepasch! 26Dan om eene huararische Fru äa Wellen kjemt maun bat opp een Broot, un eenem Maun siene Fru jajcht eene kostboare Seel no. -
27Sull wäa Fia en sienem Bossem nämen, onen daut siene Kjleeda vebrennen? 28Ooda sull wäa äwa jlieejende Kole gonen, onen daut siene Feet vesenjt wudden? 29Soo dee, dee no de Fru von sienem Näakjsten ennjeit: Kjeena, dee äa aunfoot, woat fa schultloos jehoolen woaren. -
30Maun veacht däm Deef nich, wan hee stält, om siene Jia too stelle, wiels am hungat; 31un wan hee jefungen woat, kaun hee 7-fach betolen, kaun aulet Goot von sienem Hus hanjäwen. 32Wäa met eene Fru Ehebruch bejeit, es onsennich; wäa siene Seel vedoawen well, dee deit soowaut. 33Ploag un Schaund woat hee finjen, un siene Schmach woat nich utjelascht woaren. 34Dan Aufgonst wakjt Oaja en eenem Maun, un aum Dach de Rach schoont hee nich. 35Hee nemt kjeene Rikjsecht opp irjent eenem Aufprachre un wellicht nich en, muchst du uk daut Jeschenkj vejratren.
Currently Selected:
Spricha 6: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
