Spricha 10
10
Kap. 10 – 31: Eene Saumlunk von weise Spricha
1Een weisa Sän moakt sienem Voda freid, oba een tierichta Sän es fa siene Mutta Kumma.
2Een Schauz de Gottloosichkjeit nuzt nuscht, oba Jerajchtichkjeit rad vom Doot.
3De Har lat de Seel de Jerajchte nich hungren, oba de Jia de Gottloose stat hee wajch.
4Wäa met ne fule Haunt schauft, woat oam; oba de Haunt de Pienje moakt rikj.
5Wäa aum Somma ennsaumlt, es een ensechtsvolla Sän; wäa too Arnttiet en deepen Schlop licht, es een Sän, dee Schaund brinjt.
6Däm Haupt de Jerajchte woaren Säajnungen tomdeel, oba daut Mul de Gottloose bedakjt Jewault.
7Daut Jedajchnis de Jerajchte es toom Säajen, oba de Nomen de Gottloose veschwinjt.
8Wäa een weiset Hoat haft, nemt Jebooten aun; oba een Noaremul kjemt toom Faul.
9Wäa en Vollkomenheit waundelt, waundelt secha; wäa oba siene Wäaj kromm moakt, woat bekaunt woaren.
10Wäa met de Uagen plinkjat, veuasoakt Lieden; un een Noaremul kjemt toom Faul.
11Eene Kjwal vom Läwen es daut Mul de Jerajchte, oba daut Mul de Gottloose brinjt Jewault.
12Hauss erräacht Striedichkjeiten, oba Leew dakjt aule Äwaträdungen too.
13Opp de Leppen de Vestendje woat Weisheit jefungen; oba de Wäd jehieet däm Rigjen de Onvestendje.
14De Weise bewoaren Erkjantnis, oba daut Mul vom Noa es een dreiwendet Onjlekjsfaul.
15De Woolstaunt de Rikje es siene fauste Staut, de Onjlekjsfaul de Jerinje äare Oamoot.
16De Jewenst de Jerajchte rieekjt toom Läwen, daut Ennkomen de Gottloose too Sinden.
17Daut es de Stich toom Läwen, wan eena Zucht beacht; wäa oba Zucht onbeacht lat, jeit err.
18Wäa Hauss vestakjt, haft Läajesleppen; un wäa Läajes vebreet, es een Noa.
19Bie väl Wieed fält de Äwaträdunk nich; wäa oba siene Leppen trigjhelt, es ensechtsvoll.
20De Tung de Jerajchte es utjelesnet Selwa, de Vestaunt de Gottloose es weinich wieet.
21De Leppen de Jerajchte weiden väle, oba de Noaren stoawen derch Mangel aun Vestaunt.
22De Säajen Gottes, dee moakt rikj, un Aunstrenjunk brinjt am nuscht doatoo.
23Däm Noa es daut aus een Späl, Schaunddot too veeewen, un Weisheit too eewen däm veständjem Maun.
24Fa waut de Gottloosa Angst haft, daut woat äwa am komen, un daut Wensch de Jerajchte woat erfelt.
25Aus een Stormwint doahan foat, soo es de Gottloose nich mea; oba de Jerajchta es een eewich fausta Grunt.
26Aus de Ädikj de Tänen, un aus de Ruak de Uagen, soo es de Fula dän, dee am schekjen.
27De Angst Gottes vemieet de Doag, oba de Joaren de Gottloose woaren vekjartat.
28De Hopninj de Jerajchte woat Freid, oba de Hopninj de Gottloose woat toonuscht.
29De Wajch Gottes es een Schutzdaum fa de Vollkomenheit, oba Unjagank fa dee, dee Fräfel doonen.
30De Jerajchta woat nich schwak en Eewichkjeit, oba de Gottloose woaren daut Launt nich bewonen.
31Daut Mul de Jerajchte drajcht Weisheit, oba de Tung de Vekjieetheit woat utjerot woaren.
32De Leppen de Jerajchte sent bedocht opp Wooljefaulen, oba daut Mul de Gottloose es Vekjieetheit.
Currently Selected:
Spricha 10: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
Spricha 10
10
Kap. 10 – 31: Eene Saumlunk von weise Spricha
1Een weisa Sän moakt sienem Voda freid, oba een tierichta Sän es fa siene Mutta Kumma.
2Een Schauz de Gottloosichkjeit nuzt nuscht, oba Jerajchtichkjeit rad vom Doot.
3De Har lat de Seel de Jerajchte nich hungren, oba de Jia de Gottloose stat hee wajch.
4Wäa met ne fule Haunt schauft, woat oam; oba de Haunt de Pienje moakt rikj.
5Wäa aum Somma ennsaumlt, es een ensechtsvolla Sän; wäa too Arnttiet en deepen Schlop licht, es een Sän, dee Schaund brinjt.
6Däm Haupt de Jerajchte woaren Säajnungen tomdeel, oba daut Mul de Gottloose bedakjt Jewault.
7Daut Jedajchnis de Jerajchte es toom Säajen, oba de Nomen de Gottloose veschwinjt.
8Wäa een weiset Hoat haft, nemt Jebooten aun; oba een Noaremul kjemt toom Faul.
9Wäa en Vollkomenheit waundelt, waundelt secha; wäa oba siene Wäaj kromm moakt, woat bekaunt woaren.
10Wäa met de Uagen plinkjat, veuasoakt Lieden; un een Noaremul kjemt toom Faul.
11Eene Kjwal vom Läwen es daut Mul de Jerajchte, oba daut Mul de Gottloose brinjt Jewault.
12Hauss erräacht Striedichkjeiten, oba Leew dakjt aule Äwaträdungen too.
13Opp de Leppen de Vestendje woat Weisheit jefungen; oba de Wäd jehieet däm Rigjen de Onvestendje.
14De Weise bewoaren Erkjantnis, oba daut Mul vom Noa es een dreiwendet Onjlekjsfaul.
15De Woolstaunt de Rikje es siene fauste Staut, de Onjlekjsfaul de Jerinje äare Oamoot.
16De Jewenst de Jerajchte rieekjt toom Läwen, daut Ennkomen de Gottloose too Sinden.
17Daut es de Stich toom Läwen, wan eena Zucht beacht; wäa oba Zucht onbeacht lat, jeit err.
18Wäa Hauss vestakjt, haft Läajesleppen; un wäa Läajes vebreet, es een Noa.
19Bie väl Wieed fält de Äwaträdunk nich; wäa oba siene Leppen trigjhelt, es ensechtsvoll.
20De Tung de Jerajchte es utjelesnet Selwa, de Vestaunt de Gottloose es weinich wieet.
21De Leppen de Jerajchte weiden väle, oba de Noaren stoawen derch Mangel aun Vestaunt.
22De Säajen Gottes, dee moakt rikj, un Aunstrenjunk brinjt am nuscht doatoo.
23Däm Noa es daut aus een Späl, Schaunddot too veeewen, un Weisheit too eewen däm veständjem Maun.
24Fa waut de Gottloosa Angst haft, daut woat äwa am komen, un daut Wensch de Jerajchte woat erfelt.
25Aus een Stormwint doahan foat, soo es de Gottloose nich mea; oba de Jerajchta es een eewich fausta Grunt.
26Aus de Ädikj de Tänen, un aus de Ruak de Uagen, soo es de Fula dän, dee am schekjen.
27De Angst Gottes vemieet de Doag, oba de Joaren de Gottloose woaren vekjartat.
28De Hopninj de Jerajchte woat Freid, oba de Hopninj de Gottloose woat toonuscht.
29De Wajch Gottes es een Schutzdaum fa de Vollkomenheit, oba Unjagank fa dee, dee Fräfel doonen.
30De Jerajchta woat nich schwak en Eewichkjeit, oba de Gottloose woaren daut Launt nich bewonen.
31Daut Mul de Jerajchte drajcht Weisheit, oba de Tung de Vekjieetheit woat utjerot woaren.
32De Leppen de Jerajchte sent bedocht opp Wooljefaulen, oba daut Mul de Gottloose es Vekjieetheit.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.