3. Mose 12
12
Veordnunk fa eene Fru enne Reinigungsdoag
1Un de Har räd too Moses un säd: 2Räd to de Kjinja Israel un saj: Wan eene Fru schwanga woat un een menlichet Kjint jebäat, soo woat see säwen Doag onrein sennen; aus en äare Räajeldoag woat see onrein sennen. 3Un aum 8 Dach saul daut Fleesch von siene Väahut beschnäden woaren. 4Un see saul 3dree Doag em Reinjunksbloot bliewen; nuscht Heiljet saul see aunrieren, un nom Heilichtum saul see nich komen, bat de Doag äare Reinjunk erfelt sent. 5Un wan see eene Mejal too Welt brinjt, soo woat see 2 Wäakj onrein sennen, aus bie äare Räajel; un 66 Doag saul see em Reinjunksbloot tus bliewen. 6Un wan de Doag äare Reinjunk erfelt sent fa eenen Sän ooda fa eene Dochta, soo saul see een eenjoaschet Laum brinjen toom Brauntopfa, un eene junge Duw ooda eene Turtelduw toom Sindopfa aun däm Engank vom Zelt de Bejäajnunk nom Priesta. 7Un hee saul daut ver däm Harn brinjen un Veseenunk fa ar doonen, un see woat rein sennen vom Blootfluss. Daut es daut Jesaz de Jebäarende bie eenem Menlichen ooda bie eene Mejal. 8Un wan äare Haunt däm Pries fa daut Schop nich brinjen kaun, soo saul see twee Turtelduwen ooda twee junge Duwen nämen, eene toom Brauntopfa un eene toom Sindopfa; un de Priesta saul Veseenunk fa ar doonen, un see woat rein sennen.
Currently Selected:
3. Mose 12: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
