Hiob 2
2
Soton rät met Gott äwa Hiob – Hiob blift uk Tru nom Velust von siene Jesuntheit
1Un daut passieed aun eenem Dach, doa kaumen de Säns Gottes, om sikj ver däm Harn too stalen; un uk Soton kaum en äare Medd, om sikj ver däm Harn too stalen. 2Un Gott säd toom Soton: Von wuahäa kjeemst du? Un Soton auntwuad däm Harn un säd: Vom Derchschräden de Ieed un vom omhäa waundlen opp äa. 3Un de Har säd toom Soton: Hast du achtjehaut opp mienem Kjnajcht Hiob? Dan siensjlikjen es kjeen Maun oppe Ieed, vollkomen un rajchtschaufen, gottesferchtich un omjeit daut Beese; un hee helt noch faust aun siene Vollkomenheit, uk wan du mie jäajen am jereizt hast, am onen Uasoak too veschlinjen. 4Un Soton auntwuad däm Harn un säd: Hut om Hut, jo, aules, waut de Mensch haft, jeft hee fa sien Läwen. 5Oba strakj eenmol diene Haunt ut un taust sien Kjarpa un sien Fleesch aun, auf hee sikj nich von die, em Aunjesecht, aufsajen woat. 6Un Gott säd toom Soton: Kjikj, hee es en diene Haunt; blooss schoon sien Läwen. 7Un Soton jinkj vom Aunjesecht Gottes wajch, un hee schluach Hiob met beese Schwäaren, von siene Footsole bat to sienem Schädel. 8Un hee naum een Schoawel, om sikj doamet too krautze; un hee saut medden enne Ausch. 9Doa säd siene Fru to am: Helst du noch faust aun diene Vollkomenheit? Saj die loos von Gott un stoaw! 10Un hee säd to ar: Du rädst, aus eene Tooriche räd. Wie sellen daut Goode von Gott aunnämen, un daut Beese sell wie nich uk aunnämen? Bie disem aulem sindijd Hiob nich met siene Leppen.
De Frind besieekjen Hiob
11Un Hiob siene dree Frind hieeden aul dit Onjlekj, daut äwa am jekomen wia; un see kaumen, een jiedra ut sienem Uat: Elifas, de Temanita, un Bildad, de Schuchita, un Zofar, de Naamathita; un see beräden sikj metenaunda too komen, om am äa Metleet too bewiesen un am to treesten. 12Un von wiet hoowen see äare Uagen un erkjanen am nich; doa erhoowen see äare Stemm un hielden, un see vereeten een jiedra siene Kjleeda un streiden Stoff vom himmelhäa opp äare Heipta. 13Un see sauten met am oppe Ieed säwen Doag un säwen Nachten lank; un kjeena räd een Wuat to am, dan see sagen, daut siene Weedoag sea groot wieren.
Currently Selected:
Hiob 2: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
Hiob 2
2
Soton rät met Gott äwa Hiob – Hiob blift uk Tru nom Velust von siene Jesuntheit
1Un daut passieed aun eenem Dach, doa kaumen de Säns Gottes, om sikj ver däm Harn too stalen; un uk Soton kaum en äare Medd, om sikj ver däm Harn too stalen. 2Un Gott säd toom Soton: Von wuahäa kjeemst du? Un Soton auntwuad däm Harn un säd: Vom Derchschräden de Ieed un vom omhäa waundlen opp äa. 3Un de Har säd toom Soton: Hast du achtjehaut opp mienem Kjnajcht Hiob? Dan siensjlikjen es kjeen Maun oppe Ieed, vollkomen un rajchtschaufen, gottesferchtich un omjeit daut Beese; un hee helt noch faust aun siene Vollkomenheit, uk wan du mie jäajen am jereizt hast, am onen Uasoak too veschlinjen. 4Un Soton auntwuad däm Harn un säd: Hut om Hut, jo, aules, waut de Mensch haft, jeft hee fa sien Läwen. 5Oba strakj eenmol diene Haunt ut un taust sien Kjarpa un sien Fleesch aun, auf hee sikj nich von die, em Aunjesecht, aufsajen woat. 6Un Gott säd toom Soton: Kjikj, hee es en diene Haunt; blooss schoon sien Läwen. 7Un Soton jinkj vom Aunjesecht Gottes wajch, un hee schluach Hiob met beese Schwäaren, von siene Footsole bat to sienem Schädel. 8Un hee naum een Schoawel, om sikj doamet too krautze; un hee saut medden enne Ausch. 9Doa säd siene Fru to am: Helst du noch faust aun diene Vollkomenheit? Saj die loos von Gott un stoaw! 10Un hee säd to ar: Du rädst, aus eene Tooriche räd. Wie sellen daut Goode von Gott aunnämen, un daut Beese sell wie nich uk aunnämen? Bie disem aulem sindijd Hiob nich met siene Leppen.
De Frind besieekjen Hiob
11Un Hiob siene dree Frind hieeden aul dit Onjlekj, daut äwa am jekomen wia; un see kaumen, een jiedra ut sienem Uat: Elifas, de Temanita, un Bildad, de Schuchita, un Zofar, de Naamathita; un see beräden sikj metenaunda too komen, om am äa Metleet too bewiesen un am to treesten. 12Un von wiet hoowen see äare Uagen un erkjanen am nich; doa erhoowen see äare Stemm un hielden, un see vereeten een jiedra siene Kjleeda un streiden Stoff vom himmelhäa opp äare Heipta. 13Un see sauten met am oppe Ieed säwen Doag un säwen Nachten lank; un kjeena räd een Wuat to am, dan see sagen, daut siene Weedoag sea groot wieren.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.