Jesaja 6
6
Jesaja sach eene Vision (Jesecht) un am woat waut oppjejäft
1Aum Doodesjoa vom Kjennich Usija, doa sach ekj däm Har setten opp eenem huagen un erhoownem Troon, un siene Seem felden däm Tempel. 2Serafiem stunden äwa am; een jiedra von an haud 6 Flichten: Met 2 bedakjt hee sien Aunjesecht, un met 2 bedakjt hee siene Feet, un met 2 fluach hee. 3Un eena roopt däm aundren too un säd: Heilich, heilich, heilich es Gott de Häaschoa, dee gaunze Ieed es voll siene Harlichkjeit! 4Un daut bäbde de Gruntfausten de Schwalen von de Stemm de Roopende, un daut Hus wort met Ruak jefelt.
5Un ekj säd: Wee mie! Dan ekj sie veloaren; dan ekj sie een Maun von orreine Leppen, un enne Medd von eenem Volkj von orreine Leppen won ekj; dan miene Uagen ha däm Kjennich, däm Gott de Häaschoa, jeseenen. 6Un eena de Serafiem fluach no mie; un en siene Haunt wia eene jlieejende Kol, dee hee met de Tang vom Aultoa jenomen haud. 7Un hee schied mien Mul doamet aun un säd: Kjikj, dit haft diene Leppen aunjeschiet; un soo es diene Schult wajchjenomen un diene Sinden toojedakjt [veseent].
8Un ekj hieed de Stemm vom Harn, dee doa säd: Wäm saul ekj schekjen, un wäa woat fa ons gonen? Doa säd ekj: Hia sie ekj, schekj mie. 9Un hee säd: Go han un saj to disem Volkj: Hierend hieet, un vestonen nich; un seenent kjikjt, un erkjanen nich! 10Moak daut Hoat von disem Volkj fat, un moak siene Uaren schwoa, un vekjleew siene Uagen: Doamet daut met siene Uagen nich seenen un met siene Uaren nich hieren un sien Hoat nich vesteit, un daut nich trigjdreit un jeheelt woat. 11Un ekj säd: Woo lang, Har? Un hee säd: Bat de Städa vewust sent, onen Bewona, un de Hiesa onen Menschen, un daut Launt too Wiestelaunt vewaundelt es, 12un de Har de Menschen wiet wajch jedonen haft, un de velotne Uaten väl sent enne Medd vom Launt. 13Un es noch een tieendel doabennen, soo woat daut wadamol vetilcht woaren, aus de Terebinten un aus de Ieekj, von dee, wan see jefollen sent, een Wartelstock blift; een heilja Somen es sien Wartelstock.
Currently Selected:
Jesaja 6: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
