Jesaja 15
15
De Strofnorecht äwa Moab
1Spruch äwa Moab. Dan äwa Nacht es Ar-Moab vewust, venicht; dan äwa Nacht es Kir-Moab vewust, venicht. 2Maun sticht nom Jetzentempel nopp, un no Dibon opp de Hechten, om to hielen; opp Nebo un opp Medeba jaumat Moab; opp aule siene Heipta es eene Glauts, jieda Boat es aufjeschoare. 3Opp siene Gaussen sent see met Sakduak omjebungen, opp siene Däakja un opp siene Moakjtplaza jaumat aules, veranen en Tronen. 4Un Hesbon schricht un Elale; bat Jahaz woat äare Stemm jehieet. Doarom schricht Moabs Kjrichsvolkj lud opp, siene Seel bäbt en am. 5Mien Hoat schricht äwa Moab - siene Flichtlinja ranen bat Zoar, bat Eglat. Dan de Aunboajch von Luchit jeit maun met Hielen enopp; dan opp däm Wajch no Horonaim erhäft maun jauma Jeschrecht. 6Dan de Wota von Nimrim sellen too eene Wieste woaren. Dan vedrieecht es daut Grauss, veschmacht daut Krut; daut Jreens es nich mea. 7Doarom droagen see waut see äwajehoolen ha un äa Oppbewoadent äwa däm Wiedefluss. 8Dan daut Weejeschrecht es rund jegonen enne Jrensen von Moab: Bat Eglaim drinjt sien Jaumre, un bat Beer-Elim sien Jaumre. 9Daut Wota von Dimon es voll von Bloot; dan ekj vehenj noch mea Onheil äwa Dimon: Eenen Leiw äwa de Wajchjeranden von Moab un äwa dee Äwajebläwne em Launt.
Currently Selected:
Jesaja 15: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
