Esta 6
6
1En jane Nacht kunn de Kjennich nich schlopen, un hee befool, daut Jedajchnisbuak de Chronik to brinjen; un daut wort ver däm Kjennich jeläst. 2Doa wia jeschräwen, daut Mordechai äwa Bigtana un Teresch, de beid Kjennichsdeena, dee de Schwal bewoakten, berecht haud, daut see doano jetracht hauden, de Haunt aun däm Kjennich Ahasveros too lajen.
3Un de Kjennich säd: Waut vere Iea un Aunerkjanunk es däm Mordechai doaväa erwäsen worden? Un de Kjennichsdeena, dee am bedeenden, säden: Daut es am nuscht erwäsen worden. 4Doa säd de Kjennich: Wäa es em Hoff? Un Haman wia jrod en däm butaschten Hoff von Kjennichshus jekomen, om däm Kjennich too sajen, maun mucht Mordechai aum Boom henjen, däm hee fa am reed jemoakt haft. 5Un de Kjennichsdeena säden to am: Kjikj, Haman steit em Hoff. Un de Kjennich säd: Lot am nenkomen! 6Un Haman kaum nenn. Un de Kjennich säd to am: Waut es met däm Maun to doonen, aun däm siene Iea de Kjennich Jefaulen haft? Doa docht Haman en sienem Hoaten: Wäm aundren – aus aun mie sull de Kjennich Jefaulen ha, Iea too erwiesen? 7Un Haman säd toom Kjennich: De Maun, aun däm siene Iea de Kjennich jefaulen haft, – 8maun brinjt een Kjleet vom Kjennich, daut de Kjennich selfst jedroacht haft, un daut Pieet, opp däm de Kjennich ritt, un opp däm sienen Kopp de Kjennichskroon jesat woat; 9un maun jeft daut Kjleet un daut Pieet enne Henj von eenem de väanämste Ferschten vom Kjennich; un maun trakjt däm Maun aun, aun däm siene Iea de Kjennich Jefaulen haft, un maun lat am opp däm Pieet derch de Gaussen de Staut rieden un ver am utroopen: Aulsoo woat däm Maun jedonen, aun däm siene Iea de Kjennich Jefaulen haft!
10Doa säd de Kjennich too Haman: Spood die, nemm daut Kjleet un daut Pieet, aus du jesajcht hast, un doo soo met Mordechai, däm Jud, dee em Kjennichsdooa sett; lot nuscht ut von däm, waut du jesajcht hast. 11Un Haman neem daut Kjleet un daut Pieet, un hee trock Mordechai doamet aun, un leet am derch de Gaussen de Staut rieden un roopt ver am ut: Aulsoo woat däm Maun jedonen, aun däm siene Iea de Kjennich Jefaulen haft!
12Un Mordechai kaum toom Kjennichsdooa trigj. Oba Haman spood sikj no sienem Hus, truarich un met vedakjtem Haupt. 13Un Haman vetald siene Fru Seresch un aul siene Frind aules, waut am bejäajent wia. Doa säden siene Weise un siene Fru Seresch to am: Wan Mordechai, ver däm du too faulen aunjefongen hast, vom Somen de Juden es, soo woascht du nich jäajen am bestonen, sonda du woascht jewess ver am faulen. 14Aus see noch met am räden, kaumen de Kjennichsdeena doahan un fieeden Haman schwind toom Mol, daut Esta reed jemoakt haud.
Currently Selected:
Esta 6: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
Esta 6
6
1En jane Nacht kunn de Kjennich nich schlopen, un hee befool, daut Jedajchnisbuak de Chronik to brinjen; un daut wort ver däm Kjennich jeläst. 2Doa wia jeschräwen, daut Mordechai äwa Bigtana un Teresch, de beid Kjennichsdeena, dee de Schwal bewoakten, berecht haud, daut see doano jetracht hauden, de Haunt aun däm Kjennich Ahasveros too lajen.
3Un de Kjennich säd: Waut vere Iea un Aunerkjanunk es däm Mordechai doaväa erwäsen worden? Un de Kjennichsdeena, dee am bedeenden, säden: Daut es am nuscht erwäsen worden. 4Doa säd de Kjennich: Wäa es em Hoff? Un Haman wia jrod en däm butaschten Hoff von Kjennichshus jekomen, om däm Kjennich too sajen, maun mucht Mordechai aum Boom henjen, däm hee fa am reed jemoakt haft. 5Un de Kjennichsdeena säden to am: Kjikj, Haman steit em Hoff. Un de Kjennich säd: Lot am nenkomen! 6Un Haman kaum nenn. Un de Kjennich säd to am: Waut es met däm Maun to doonen, aun däm siene Iea de Kjennich Jefaulen haft? Doa docht Haman en sienem Hoaten: Wäm aundren – aus aun mie sull de Kjennich Jefaulen ha, Iea too erwiesen? 7Un Haman säd toom Kjennich: De Maun, aun däm siene Iea de Kjennich jefaulen haft, – 8maun brinjt een Kjleet vom Kjennich, daut de Kjennich selfst jedroacht haft, un daut Pieet, opp däm de Kjennich ritt, un opp däm sienen Kopp de Kjennichskroon jesat woat; 9un maun jeft daut Kjleet un daut Pieet enne Henj von eenem de väanämste Ferschten vom Kjennich; un maun trakjt däm Maun aun, aun däm siene Iea de Kjennich Jefaulen haft, un maun lat am opp däm Pieet derch de Gaussen de Staut rieden un ver am utroopen: Aulsoo woat däm Maun jedonen, aun däm siene Iea de Kjennich Jefaulen haft!
10Doa säd de Kjennich too Haman: Spood die, nemm daut Kjleet un daut Pieet, aus du jesajcht hast, un doo soo met Mordechai, däm Jud, dee em Kjennichsdooa sett; lot nuscht ut von däm, waut du jesajcht hast. 11Un Haman neem daut Kjleet un daut Pieet, un hee trock Mordechai doamet aun, un leet am derch de Gaussen de Staut rieden un roopt ver am ut: Aulsoo woat däm Maun jedonen, aun däm siene Iea de Kjennich Jefaulen haft!
12Un Mordechai kaum toom Kjennichsdooa trigj. Oba Haman spood sikj no sienem Hus, truarich un met vedakjtem Haupt. 13Un Haman vetald siene Fru Seresch un aul siene Frind aules, waut am bejäajent wia. Doa säden siene Weise un siene Fru Seresch to am: Wan Mordechai, ver däm du too faulen aunjefongen hast, vom Somen de Juden es, soo woascht du nich jäajen am bestonen, sonda du woascht jewess ver am faulen. 14Aus see noch met am räden, kaumen de Kjennichsdeena doahan un fieeden Haman schwind toom Mol, daut Esta reed jemoakt haud.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.