Esta 5
5
Esta ver däm Kjennich
1Un daut wia aum dredden Dach, doa kjleed Esta sikj kjennichlich un jinkj em bennaschten Hoff vom Kjennichshus, däm Kjennichshus jäajenäwa. Un de Kjennich saut opp sienem Kjennichstroon em Kjennichshus, däm Husengank jäajenäwa. 2Un daut passieed, aus de Kjennich de Kjennijin Esta em Hoff stonen sach, funk see Jnod en siene Uagen; un de Kjennich rieekjt Esta daut goldne Zepta entjäajen, daut en siene Haunt wia; un Esta kaum noda un schieed de Spetz vom Zepta aun.
3Un de Kjennich säd to ar: Waut es met die, Kjennijin Esta? Un waut wenschst du? Bat de Halft vom Kjennichrikj, un daut saul die jejäft woaren! 4Un Esta säd: Wan daut däm Kjennich rajcht es, soo mucht de Kjennich un Haman vondoag toom Mol komen, daut ekj am reed jemoakt ha. 5Doa säd de Kjennich: Brinjt schwind Haman häa, doamet wie doonen, waut Esta jesajcht haft. Un de Kjennich un Haman kaumen toom Mol, daut Esta reed jemoakt haud. 6Un de Kjennich säd to Esta biem Wien drinkjen: Waut es diene Bedd? Un daut saul die jejäft woaren. Un waut es dien Wensch? Bat too Halft vom Kjennichrikj, un daut saul passieren! 7Doa auntwuad Esta un säd: Miene Bedd un mien Wensch es: 8Wan ekj Jnod enne Uagen vom Kjennich jefungen ha, un wan däm Kjennich daut rajcht es, miene Bedd un mien Wensch too erfellen, soo mucht de Kjennich un Haman toom Mol komen, daut ekj an reed moaken well; un Morjen well ekj nom Kjennichswuat doonen.
Haman haft de Aufsecht, Mordechai omtobrinjen – Mordechai woat derch Haman opp däm Befäl vom Kjennich jeieet
9Un Haman jinkj aum seljen Dach rut, froo un gooden Moot. Oba aus Haman däm Mordechai aum Kjennichsdooa sach, un daut hee nich oppstunt, noch sikj ver am venäjd, doa wort Haman voll Jrim äwa Mordechai; oba Haman bedwunk sikj. 10Un aus hee en sien Hus jekomen wia, schekjt hee han un leet siene Frind un siene Fru Seresch komen. 11Un Haman vetald an von de Harlichkjeit un sienem Rikjtum un von de Menj siene Säns; un aules, woo groot de Kjennich am jemoakt un woo hee am erhoowen haft äwa de Ferschten un de Kjennichskjnajchts. 12Un Haman säd: Uk de Kjennijin Esta haud kjeenem met däm Kjennich toom Mol komen loten, daut see reed jemoakt haud, aus blooss mie; un uk too morjen sie ekj met däm Kjennich von ar enjeloden. 13Oba dit aules befrädijt mie nich, soolang ekj Mordechai, däm Jud, em Kjennichsdooa kaun setten seenen. 14Doa säd siene Fru Seresch un aul siene Frind to am: Maun sull eenen Boom 50 Ellen huach oppstalen; un Zemorjes saj däm Kjennich, daut maun Mordechai doaraun opphenjen saul. Dan go met däm Kjennich froo toom Mol! Un daut Wuat jefoll Haman sea, un hee leet däm Boom reed moaken.
Currently Selected:
Esta 5: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
Esta 5
5
Esta ver däm Kjennich
1Un daut wia aum dredden Dach, doa kjleed Esta sikj kjennichlich un jinkj em bennaschten Hoff vom Kjennichshus, däm Kjennichshus jäajenäwa. Un de Kjennich saut opp sienem Kjennichstroon em Kjennichshus, däm Husengank jäajenäwa. 2Un daut passieed, aus de Kjennich de Kjennijin Esta em Hoff stonen sach, funk see Jnod en siene Uagen; un de Kjennich rieekjt Esta daut goldne Zepta entjäajen, daut en siene Haunt wia; un Esta kaum noda un schieed de Spetz vom Zepta aun.
3Un de Kjennich säd to ar: Waut es met die, Kjennijin Esta? Un waut wenschst du? Bat de Halft vom Kjennichrikj, un daut saul die jejäft woaren! 4Un Esta säd: Wan daut däm Kjennich rajcht es, soo mucht de Kjennich un Haman vondoag toom Mol komen, daut ekj am reed jemoakt ha. 5Doa säd de Kjennich: Brinjt schwind Haman häa, doamet wie doonen, waut Esta jesajcht haft. Un de Kjennich un Haman kaumen toom Mol, daut Esta reed jemoakt haud. 6Un de Kjennich säd to Esta biem Wien drinkjen: Waut es diene Bedd? Un daut saul die jejäft woaren. Un waut es dien Wensch? Bat too Halft vom Kjennichrikj, un daut saul passieren! 7Doa auntwuad Esta un säd: Miene Bedd un mien Wensch es: 8Wan ekj Jnod enne Uagen vom Kjennich jefungen ha, un wan däm Kjennich daut rajcht es, miene Bedd un mien Wensch too erfellen, soo mucht de Kjennich un Haman toom Mol komen, daut ekj an reed moaken well; un Morjen well ekj nom Kjennichswuat doonen.
Haman haft de Aufsecht, Mordechai omtobrinjen – Mordechai woat derch Haman opp däm Befäl vom Kjennich jeieet
9Un Haman jinkj aum seljen Dach rut, froo un gooden Moot. Oba aus Haman däm Mordechai aum Kjennichsdooa sach, un daut hee nich oppstunt, noch sikj ver am venäjd, doa wort Haman voll Jrim äwa Mordechai; oba Haman bedwunk sikj. 10Un aus hee en sien Hus jekomen wia, schekjt hee han un leet siene Frind un siene Fru Seresch komen. 11Un Haman vetald an von de Harlichkjeit un sienem Rikjtum un von de Menj siene Säns; un aules, woo groot de Kjennich am jemoakt un woo hee am erhoowen haft äwa de Ferschten un de Kjennichskjnajchts. 12Un Haman säd: Uk de Kjennijin Esta haud kjeenem met däm Kjennich toom Mol komen loten, daut see reed jemoakt haud, aus blooss mie; un uk too morjen sie ekj met däm Kjennich von ar enjeloden. 13Oba dit aules befrädijt mie nich, soolang ekj Mordechai, däm Jud, em Kjennichsdooa kaun setten seenen. 14Doa säd siene Fru Seresch un aul siene Frind to am: Maun sull eenen Boom 50 Ellen huach oppstalen; un Zemorjes saj däm Kjennich, daut maun Mordechai doaraun opphenjen saul. Dan go met däm Kjennich froo toom Mol! Un daut Wuat jefoll Haman sea, un hee leet däm Boom reed moaken.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.