Liera 4
4
Een sennlooset Läwen derch Unjadrekjunk, Aufgonst un Eensomkjeit
1Un wadamol sach ekj aul de Bedrekjunge, dee unja de Sonn passieren: Un kjikj, doa wieren Tronen de Bedrekjte, un see hauden kjeenen Treesta; un von de Haunt äare Bedrekja jinkj Jewault ut, un see hauden kjeenen Treesta. 2Doa lowd ekj de Doodje, dee lenjst jestorwen, mea aus de Läwendje, dee nu noch läwen; 3un jlekjlicha aus beid lowd ekj dän, dee noch nich jewast es, dee daut beese Doonen nich jeseenen haft, daut unjre Sonn es.
4Un ekj sach aule Mieej un Jeschaft enne Oabeit, daut et Aufgonst de eene jäajen de aundre es. Uk daut es Eitelkjeit un een Utholen no Wint. - 5De Noa lajcht siene Henj toop un frat sien ieejnet Fleesch. - 6Bäta eene Haunt voll Ru, aus beid Fusten voll Mieej un utholen nom Wint.
7Un ekj dreid mie om un sach Eitelkjeit unjre Sonn: 8Doa es een eensja un kjeen tweeda, uk haft hee nich Sän noch Brooda, un aul siene Mieej haft kjeen Enj; siene Uagen woaren vom Rikjtum nich saut: «Doch fa wäm mieej ekj mie auf, un lot miene Seel Mangel lieden aum Gooden?» Uk daut es Eitelkjeit un een ieblet Jeschaft.
9Twee sent bäta draun aus eena, wiels see eene goode Belooninj ha fa äare Mieej; 10dan wan see faulen, soo recht de eena sienen Frint opp. Oba wee däm eenen, dee doa fält, onen daut een tweeda doa es, om am opptorechten! 11Uk wan twee bieeenaunda ligjen, soo woaren see woam; oba de eena, woo woat hee woam woaren? 12Un wan wäa däm eenen jewaultich aunjript, soo woaren am de twee wadastonen; un eene dree-dobbelde Schnua veritt nich sooboolt.
13Bäta een oama un weisa Jinjlinkj aus een oola un onweisa Kjennich, dee nich mea weet, sikj woarnen to loten. 14Dan ut däm Jefenkjnis kjeem hee rut, om Kjennich to sennen, wiels hee en janem Kjennichrikj oam jebuaren wia. 15Ekj sach aule Läwendje, dee unjre Sonn waundlen, met däm Jinjlinkj, däm tweeden, dee aun janem siene Städ stonen sull: 16Kjeen Enj fa aul daut Volkj, aul dee, dee hee fieed; dan noch woaren de Nokomende sikj äwa am nich freien. Dan uk daut es Eitelkjeit un een Utholen nom Wint. 17emty
Currently Selected:
Liera 4: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
Liera 4
4
Een sennlooset Läwen derch Unjadrekjunk, Aufgonst un Eensomkjeit
1Un wadamol sach ekj aul de Bedrekjunge, dee unja de Sonn passieren: Un kjikj, doa wieren Tronen de Bedrekjte, un see hauden kjeenen Treesta; un von de Haunt äare Bedrekja jinkj Jewault ut, un see hauden kjeenen Treesta. 2Doa lowd ekj de Doodje, dee lenjst jestorwen, mea aus de Läwendje, dee nu noch läwen; 3un jlekjlicha aus beid lowd ekj dän, dee noch nich jewast es, dee daut beese Doonen nich jeseenen haft, daut unjre Sonn es.
4Un ekj sach aule Mieej un Jeschaft enne Oabeit, daut et Aufgonst de eene jäajen de aundre es. Uk daut es Eitelkjeit un een Utholen no Wint. - 5De Noa lajcht siene Henj toop un frat sien ieejnet Fleesch. - 6Bäta eene Haunt voll Ru, aus beid Fusten voll Mieej un utholen nom Wint.
7Un ekj dreid mie om un sach Eitelkjeit unjre Sonn: 8Doa es een eensja un kjeen tweeda, uk haft hee nich Sän noch Brooda, un aul siene Mieej haft kjeen Enj; siene Uagen woaren vom Rikjtum nich saut: «Doch fa wäm mieej ekj mie auf, un lot miene Seel Mangel lieden aum Gooden?» Uk daut es Eitelkjeit un een ieblet Jeschaft.
9Twee sent bäta draun aus eena, wiels see eene goode Belooninj ha fa äare Mieej; 10dan wan see faulen, soo recht de eena sienen Frint opp. Oba wee däm eenen, dee doa fält, onen daut een tweeda doa es, om am opptorechten! 11Uk wan twee bieeenaunda ligjen, soo woaren see woam; oba de eena, woo woat hee woam woaren? 12Un wan wäa däm eenen jewaultich aunjript, soo woaren am de twee wadastonen; un eene dree-dobbelde Schnua veritt nich sooboolt.
13Bäta een oama un weisa Jinjlinkj aus een oola un onweisa Kjennich, dee nich mea weet, sikj woarnen to loten. 14Dan ut däm Jefenkjnis kjeem hee rut, om Kjennich to sennen, wiels hee en janem Kjennichrikj oam jebuaren wia. 15Ekj sach aule Läwendje, dee unjre Sonn waundlen, met däm Jinjlinkj, däm tweeden, dee aun janem siene Städ stonen sull: 16Kjeen Enj fa aul daut Volkj, aul dee, dee hee fieed; dan noch woaren de Nokomende sikj äwa am nich freien. Dan uk daut es Eitelkjeit un een Utholen nom Wint. 17emty
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.