Maliko 6
6
Yesu bamusula ku Nasaleti
(Mat. 13.53-58; Luk. 4.16-30)
1Ulo Yesu afumineko ayile kumyabo, nabakusambila bakwe balimukonkele. 2Ulo akasuba ke Sabata kafikile, atatikile ukusambisha munanda yakulombelamo Lesa. Abantu abenji abalikumumfwa balishimbilwe ukwinekantu nokuti, “Nga akoyishiba shani mfi fintu fyonse? Elo nga uyu umulangwe akwete wafuma kwisa? Nefiso ifyakuchita ifyakushimbwisha ifyaba nga mfi, afumya kwisa? 3Napo ngu temwanapo wakwa kapala wamapulanga, mwana Maliya, nawabo wakwa Yemusi, Yose, Yuda na Simoni? Kanshi bankashi shakwe nabo temba benka twikala nabo nkuno?” Echo balimusulile.
4Elo Yesu abebele ati, “Umusoseshi balamuchinshika kumbi konse, kuntu kuchalo chakumyabo, mumukowa elo namunanda yakwe emo bamusula.”
5Echo tachitileko ifyafiso ifikulu, lelo abikile amaboko akwe pabalwele banini bwaka, nokubaposha alibaposeshe. 6Epo alishimbilwe ukwinekantu pamulandu wakutachetekela kwabo.
Yesu atuma abakusambila ikumi na babili
(Mat. 10.5-15; Luk. 9.1-6)
Elo Yesu ayile ulo enda-enda nokusambisha mumishi yamumbali. 7Elo Yesu ayitile abakusambila bakwe ikumi na babili. Atatikile nokubatuma babili-babili. Alibapele insambu ishakutamfishako mipashi iibi. 8Elo abebele ati, “Pabulwendo mulokupintapo lukoso inkoli, mwilokupintapo nafimbi iyowo, nangu umufuba, nangu litumba, nangu indalama. 9Inkwabilo shena mulokufwala, kuntu amalaya mwilokupintapo abili-abili iyowo.” 10Elo alibebele ati, “Nga mwafika mumushi, mwikale munanda umo bakumupokelela bwino ukufikila ulo mwakufumamo mumushi uyo. 11Konse uko bakana ukumupokelela nokumumfwa, pakufumamo, mukakunte ulukungu kumakasa enu, lwikale bumwanamboni pali bo!”
12Epo abakusambila balile ulo babilisha kubantu ukwebati bapilibuke kububi bwabo. 13Balikutamfya mipashi iibi mubantu, nabalwele abenji balibasubile amafuta nokubaposha.
Bayipaya Yohane Mubatishi
(Mat. 14.1-12; Luk. 9.7-9)
14Pali njilya nshita imfumu Helodi alyumfwile ululumbi lwaku Yesu. Elo abantu bambi balikusosa ati, “Yohane Mubatishi abuka kubafwa. Echo akochitila ifyafiso ifikulu mfi.”
15Nomba bambi bena balikusosa ati, “Ngu ni Eliya.”
Bambi nabo balikusosa ati, “Musoseshi, ali kubati musoseshi uwakale.”
16Ulo Helodi aumfwile mfi, asosele ati, “Yohane Mubatishi uwo naputwileko umutwi, eubukile kubafwa!” 17Pantu Helodi umwine atumine abantu ukuya kwikata Yohane Mubatishi nokumuposa muchifungo pamulandu wakwa Helodiya muka Filipo, wabo wakwa Helodi. Pantu abulile mukawabo, Helodiya, ewo aupile. 18Nipali nchi Yohane Mubatishi aebele Helodi ati, “Chalibindwa ukupa muka wenu.”
19Helodiya echo apatile Yohane Mubatishi, alikufwaya ukuti bamwipaye. Nomba alifililwe pamulandu wakwa Helodi. 20Pantu Helodi alikutina Yohane Mubatishi, ukuti muntu uwapatulika nakambi uwakaele. Echo alikumusungila bwino-bwino. Lonse ulo Helodi alikumumfwa, chalikumupesha amano, kuntu alikutemwisha ukumfwa ifyo Yohane Mubatishi alikusosa.
21Bwasukile ubushiku bwakuchinshika ukufyalwa kwakwa Helodi bwafika. Pali mbu bwine bushiku, Helodi atebetele bafilolo bakwe nabakabilo nabachindami bamu Galili. 22Ulo umwana mwanakashi wakwa Helodiya aponene mulwalala mukushana, Helodi pamo nabonse abalikulya nakwe balitemenwe ukwinekantu. Echo imfumu Helodi alapile nokusosa kumwanansungu ati, “Lomba chonse icho utemenwe, nkokupela.” 23Elo Helodi alilapile nokusosa ati, “Chonse icho ukolomba nkokupela, nangu lubali lumo ulwachalo chanji!”
24Umwanansungu alifumine nokuya kufumba banyina ati, “Nindo nakulomba?”
Banyina balyasukile ati, “Ukalombe umutwi wakwa Yohane Mubatishi.”
25Bwangu-bwangu alibwelele kumfumu nokuti, “Nkofwaya nduno lwenka mumpele umutwi wakwa Yohane Mubatishi mumbale!”
26Epo imfumu yayiketwe nechikonko ukwinekantu, kuntu umulandu wakulapa pachintu-bwinji, apali nabo abo ali nakwe pakulya, tafwayile ukuti amukanye. 27Penkapo imfumu yatumine umushilikali ati, “Kalete umutwi wakwa Yohane Mubatishi.” Umushilikali epakuya muchifungo, ayile kuputula nomutwi wakwa Yohane. 28Elo aletele umutwi mumbale nokupela umwanansungu. Naye atwalile banyina. 29Ulo abakusambila bakwa Yohane baumfwile, balile nokupinta ichitumbi chakwe nokuchishika.
Yesu alisha abalalume amakana asano
(Mat. 14.13-21; Luk. 9.10-17; Yoh. 6.1-14)
30Abatumwa babwelele kuli Yesu, nokumushimikila fyonse ifyo bachitile nefyo basambishe. 31Elo Yesu abebele ati, “Katiyeni fwenka ukushingilile, tutusheko panini.” Pantu abantu abenji balikwisa nokuya, Yesu nabakusambila tabakwetepo inshita yakulya. 32Elo baninine mubwato nokuya kuchifulo ukushingilile.
33Nomba abantu abenji balibabwene pakuya, abenji nabo balibeshibile, balibutukile pamo kumulundu, ukufuma kumishi yonse nokubachilawila. 34Ulo Yesu apatukile mubwato, abwene ibumba ilikulu ilyabantu. Elo ababelele inkumbu pakuti bali kubati nimbelele ishitakwete chembela. Elo atatikile ukubasambisha ifintu ifinji. 35Ulo akasuba kawile, abakusambila bayile kuli Yesu nokusosa ati, “Boneni, akasuba kawa, namuno tuli nimumpanga. 36Bebeni abantu ukuti baye mumabala namumishi iishingulukile bakayishitile ifyakulya.”
37Nomba Yesu alibasukile ati, “Mwebo mwenka bapeleni ifyakulya!”
Abakusambila balyasukile ati, “Kanshi nifwebo mukofwaya ukuti tuye kushita imifuba iikoshitwa indalama imyanda ibili ukuti balye?”
38Yesu alibafumbile ati, “Mukwete imifuba inga? Kamuya mukabone.”
Ulo babwene, bamwebele ati, “Tukwete imifuba isano bwaka nenswi shibili.”
39Epo Yesu aebele abakusambila bakwe ati bebe abantu ukuti bekale pamwemfu mumabumba. 40Abantu bayikele panshi mumilongo iyamyanda neyamakumi asano. 41Elo Yesu abulile imifuba isano nenswi shibili, aloleshe kumulu nokutotela kuli Lesa. Ulo ashilile ukutotela alisunawile imifuba nji nokupela abakusambila bakwe ukuti balumbe abantu. Nenswi shibili balilumbile. 42Elo bonse balilile nokwikuta. 43Epo abakusambila batolele utwabufumfwa twamifuba nenswi imiseke ikumi na ibili. 44Abalile imifuba abalalume bali amakana asano.
Yesu aenda pali bemba
(Mat. 14.22-33; Yoh. 6.15-21)
45Bwangu-bwangu Yesu alibakakatishe abakusambila bakwe ukupatama mubwato, ukuti batanjileko kwishilya kumushi wa Betesaida. Yesu ye ashele akolaya ibumba lyabantu. 46Ulo abalayile, ayile kulupili mukulomba. 47Ulo kwabele ichungulo, ninshi nobwato buli pakati kabemba, Yesu naye ashele enka pamulundu. 48Abwene ukuti bafilwa ukoba pakuti ichipupu chalibachilingenye. Nomba kumacha Yesu ayile uko bali, akoenda pamenshi, abele ukuba akopitilila. 49Ulo abakusambila bamubwene akoenda pamenshi, bakashile bati, “Chipuku?” Epo balyawile nokwebeka. 50Bwangu-bwangu Yesu asosele kuli bo ati, “Shipeni! Nine, mwitina!” 51Elo apateme mubwato, nechipupu chaleka nokuleka. Epo bonse balishimbilwe ukwinekantu 52pakuti tabayishibilepo ifyamifuba, pamulandu wakutomfwa kwabo.
Yesu aposha abalwele muchalo cha Genesaleti
(Mat. 14.34-36)
53Ulo Yesu nabakusambila bayabukile kwishilya, bafikile muchalo cha Genesaleti, bakakile nobwato pachabu. 54Ulo bafumine mubwato, bwangu-bwangu nabantu balimwishibile Yesu. 55Batatikile nokubutukila uku noku muli nchilya chalo, babalile ukutemba abalwele pampasa shabo. Babatwite uko baumfwile ati ekwali Yesu. 56Konse uko alikuya, mutumishi namumisumba namunkutu, balikuteka abalwele mumansa. Balikumupapatila ati, lekeni balokukumyako bwaka kwilaya lyenu. Elo bonse abali kukumyako balikupola nokupola.
Currently Selected:
Maliko 6: LalaNT
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.
Maliko 6
6
Yesu bamusula ku Nasaleti
(Mat. 13.53-58; Luk. 4.16-30)
1Ulo Yesu afumineko ayile kumyabo, nabakusambila bakwe balimukonkele. 2Ulo akasuba ke Sabata kafikile, atatikile ukusambisha munanda yakulombelamo Lesa. Abantu abenji abalikumumfwa balishimbilwe ukwinekantu nokuti, “Nga akoyishiba shani mfi fintu fyonse? Elo nga uyu umulangwe akwete wafuma kwisa? Nefiso ifyakuchita ifyakushimbwisha ifyaba nga mfi, afumya kwisa? 3Napo ngu temwanapo wakwa kapala wamapulanga, mwana Maliya, nawabo wakwa Yemusi, Yose, Yuda na Simoni? Kanshi bankashi shakwe nabo temba benka twikala nabo nkuno?” Echo balimusulile.
4Elo Yesu abebele ati, “Umusoseshi balamuchinshika kumbi konse, kuntu kuchalo chakumyabo, mumukowa elo namunanda yakwe emo bamusula.”
5Echo tachitileko ifyafiso ifikulu, lelo abikile amaboko akwe pabalwele banini bwaka, nokubaposha alibaposeshe. 6Epo alishimbilwe ukwinekantu pamulandu wakutachetekela kwabo.
Yesu atuma abakusambila ikumi na babili
(Mat. 10.5-15; Luk. 9.1-6)
Elo Yesu ayile ulo enda-enda nokusambisha mumishi yamumbali. 7Elo Yesu ayitile abakusambila bakwe ikumi na babili. Atatikile nokubatuma babili-babili. Alibapele insambu ishakutamfishako mipashi iibi. 8Elo abebele ati, “Pabulwendo mulokupintapo lukoso inkoli, mwilokupintapo nafimbi iyowo, nangu umufuba, nangu litumba, nangu indalama. 9Inkwabilo shena mulokufwala, kuntu amalaya mwilokupintapo abili-abili iyowo.” 10Elo alibebele ati, “Nga mwafika mumushi, mwikale munanda umo bakumupokelela bwino ukufikila ulo mwakufumamo mumushi uyo. 11Konse uko bakana ukumupokelela nokumumfwa, pakufumamo, mukakunte ulukungu kumakasa enu, lwikale bumwanamboni pali bo!”
12Epo abakusambila balile ulo babilisha kubantu ukwebati bapilibuke kububi bwabo. 13Balikutamfya mipashi iibi mubantu, nabalwele abenji balibasubile amafuta nokubaposha.
Bayipaya Yohane Mubatishi
(Mat. 14.1-12; Luk. 9.7-9)
14Pali njilya nshita imfumu Helodi alyumfwile ululumbi lwaku Yesu. Elo abantu bambi balikusosa ati, “Yohane Mubatishi abuka kubafwa. Echo akochitila ifyafiso ifikulu mfi.”
15Nomba bambi bena balikusosa ati, “Ngu ni Eliya.”
Bambi nabo balikusosa ati, “Musoseshi, ali kubati musoseshi uwakale.”
16Ulo Helodi aumfwile mfi, asosele ati, “Yohane Mubatishi uwo naputwileko umutwi, eubukile kubafwa!” 17Pantu Helodi umwine atumine abantu ukuya kwikata Yohane Mubatishi nokumuposa muchifungo pamulandu wakwa Helodiya muka Filipo, wabo wakwa Helodi. Pantu abulile mukawabo, Helodiya, ewo aupile. 18Nipali nchi Yohane Mubatishi aebele Helodi ati, “Chalibindwa ukupa muka wenu.”
19Helodiya echo apatile Yohane Mubatishi, alikufwaya ukuti bamwipaye. Nomba alifililwe pamulandu wakwa Helodi. 20Pantu Helodi alikutina Yohane Mubatishi, ukuti muntu uwapatulika nakambi uwakaele. Echo alikumusungila bwino-bwino. Lonse ulo Helodi alikumumfwa, chalikumupesha amano, kuntu alikutemwisha ukumfwa ifyo Yohane Mubatishi alikusosa.
21Bwasukile ubushiku bwakuchinshika ukufyalwa kwakwa Helodi bwafika. Pali mbu bwine bushiku, Helodi atebetele bafilolo bakwe nabakabilo nabachindami bamu Galili. 22Ulo umwana mwanakashi wakwa Helodiya aponene mulwalala mukushana, Helodi pamo nabonse abalikulya nakwe balitemenwe ukwinekantu. Echo imfumu Helodi alapile nokusosa kumwanansungu ati, “Lomba chonse icho utemenwe, nkokupela.” 23Elo Helodi alilapile nokusosa ati, “Chonse icho ukolomba nkokupela, nangu lubali lumo ulwachalo chanji!”
24Umwanansungu alifumine nokuya kufumba banyina ati, “Nindo nakulomba?”
Banyina balyasukile ati, “Ukalombe umutwi wakwa Yohane Mubatishi.”
25Bwangu-bwangu alibwelele kumfumu nokuti, “Nkofwaya nduno lwenka mumpele umutwi wakwa Yohane Mubatishi mumbale!”
26Epo imfumu yayiketwe nechikonko ukwinekantu, kuntu umulandu wakulapa pachintu-bwinji, apali nabo abo ali nakwe pakulya, tafwayile ukuti amukanye. 27Penkapo imfumu yatumine umushilikali ati, “Kalete umutwi wakwa Yohane Mubatishi.” Umushilikali epakuya muchifungo, ayile kuputula nomutwi wakwa Yohane. 28Elo aletele umutwi mumbale nokupela umwanansungu. Naye atwalile banyina. 29Ulo abakusambila bakwa Yohane baumfwile, balile nokupinta ichitumbi chakwe nokuchishika.
Yesu alisha abalalume amakana asano
(Mat. 14.13-21; Luk. 9.10-17; Yoh. 6.1-14)
30Abatumwa babwelele kuli Yesu, nokumushimikila fyonse ifyo bachitile nefyo basambishe. 31Elo Yesu abebele ati, “Katiyeni fwenka ukushingilile, tutusheko panini.” Pantu abantu abenji balikwisa nokuya, Yesu nabakusambila tabakwetepo inshita yakulya. 32Elo baninine mubwato nokuya kuchifulo ukushingilile.
33Nomba abantu abenji balibabwene pakuya, abenji nabo balibeshibile, balibutukile pamo kumulundu, ukufuma kumishi yonse nokubachilawila. 34Ulo Yesu apatukile mubwato, abwene ibumba ilikulu ilyabantu. Elo ababelele inkumbu pakuti bali kubati nimbelele ishitakwete chembela. Elo atatikile ukubasambisha ifintu ifinji. 35Ulo akasuba kawile, abakusambila bayile kuli Yesu nokusosa ati, “Boneni, akasuba kawa, namuno tuli nimumpanga. 36Bebeni abantu ukuti baye mumabala namumishi iishingulukile bakayishitile ifyakulya.”
37Nomba Yesu alibasukile ati, “Mwebo mwenka bapeleni ifyakulya!”
Abakusambila balyasukile ati, “Kanshi nifwebo mukofwaya ukuti tuye kushita imifuba iikoshitwa indalama imyanda ibili ukuti balye?”
38Yesu alibafumbile ati, “Mukwete imifuba inga? Kamuya mukabone.”
Ulo babwene, bamwebele ati, “Tukwete imifuba isano bwaka nenswi shibili.”
39Epo Yesu aebele abakusambila bakwe ati bebe abantu ukuti bekale pamwemfu mumabumba. 40Abantu bayikele panshi mumilongo iyamyanda neyamakumi asano. 41Elo Yesu abulile imifuba isano nenswi shibili, aloleshe kumulu nokutotela kuli Lesa. Ulo ashilile ukutotela alisunawile imifuba nji nokupela abakusambila bakwe ukuti balumbe abantu. Nenswi shibili balilumbile. 42Elo bonse balilile nokwikuta. 43Epo abakusambila batolele utwabufumfwa twamifuba nenswi imiseke ikumi na ibili. 44Abalile imifuba abalalume bali amakana asano.
Yesu aenda pali bemba
(Mat. 14.22-33; Yoh. 6.15-21)
45Bwangu-bwangu Yesu alibakakatishe abakusambila bakwe ukupatama mubwato, ukuti batanjileko kwishilya kumushi wa Betesaida. Yesu ye ashele akolaya ibumba lyabantu. 46Ulo abalayile, ayile kulupili mukulomba. 47Ulo kwabele ichungulo, ninshi nobwato buli pakati kabemba, Yesu naye ashele enka pamulundu. 48Abwene ukuti bafilwa ukoba pakuti ichipupu chalibachilingenye. Nomba kumacha Yesu ayile uko bali, akoenda pamenshi, abele ukuba akopitilila. 49Ulo abakusambila bamubwene akoenda pamenshi, bakashile bati, “Chipuku?” Epo balyawile nokwebeka. 50Bwangu-bwangu Yesu asosele kuli bo ati, “Shipeni! Nine, mwitina!” 51Elo apateme mubwato, nechipupu chaleka nokuleka. Epo bonse balishimbilwe ukwinekantu 52pakuti tabayishibilepo ifyamifuba, pamulandu wakutomfwa kwabo.
Yesu aposha abalwele muchalo cha Genesaleti
(Mat. 14.34-36)
53Ulo Yesu nabakusambila bayabukile kwishilya, bafikile muchalo cha Genesaleti, bakakile nobwato pachabu. 54Ulo bafumine mubwato, bwangu-bwangu nabantu balimwishibile Yesu. 55Batatikile nokubutukila uku noku muli nchilya chalo, babalile ukutemba abalwele pampasa shabo. Babatwite uko baumfwile ati ekwali Yesu. 56Konse uko alikuya, mutumishi namumisumba namunkutu, balikuteka abalwele mumansa. Balikumupapatila ati, lekeni balokukumyako bwaka kwilaya lyenu. Elo bonse abali kukumyako balikupola nokupola.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.