Maliko 5
5
Yesu aposha umuntu uwali nemipashi iibi
(Mat. 8.28-34; Luk. 8.26-39)
1Nakambi bayile kwishilya ilyaku Bemba wa Galili kuchalo cha Gelasa. 2Ulo Yesu afumine mubwato, bwangu-bwangu akumene nomuntu uwali nomupashi uubi. Alikufuma kumanda, ali nenjikalo yakwe kwenka nkulya. 3Abantu bafililwe ukumwikata nangu ukumukaka namabunyololo. 4Inshita ishinji balikumukaka inshita ishinji namangwelengwende nobunyololo, kuntu ye alikuputaula ubunyololo, nakambi namangwelengwende nawo alikuputayika mutupinswa. Echo tapalipo umuntu uwafiso ifyakuti amunashe. 5Elo inshita shonse, ubushiku nakasuba, alikwendauka kumanda nakumpili, alikwaula nokuyichenaula umwine enka namabwe.
6Ulo abwene Yesu apatali, alibutukile nokwisa kufukama nokumulambila pamakasa akwe 7nokwaula neshiwi ilikulu ati, “Nindo ukofwaya kuli nebo webo Yesu, we Mwana waku Lesa Uwapulamo? Napapata, winchushapo!” ( 8Asosele mfi pakuti Yesu amwebele ati, “Fuma mumuntu we mupashi uubi!”)
9Elo Yesu amufumbile ati, “Ishina lyobe niwe nani?”
Naye alimwasukile ati, “Nine Ibumba, pakuti tuli abenji.” 10Epo alimupapatile Yesu ukuti eitamfisha mipashi iibi kunse yachalo.
11Elo kwalipo ibumba ilikulu ilyankumba ilyalikulya mululamba lwalupili. 12Nomba imipashi iibi yalimupapatile Yesu ati, “Tutamfisheni munkumba, emo tuye twinjile.” 13Naye aliyisuminishe. Elo nemipashi iibi yalifumine mumuntu nokuya kwinjila munkumba. Nenkumba ishali ubwinji mupepi namakana abili, shalifulumukile pachinekami nokuya kwibila muli bemba, nokufwa kashifwa.
14Ulo bachembela babwene mfi, babutukile kumusumba nakumishi yamumbali mukweba abantu ilyashi ndi. Abantu balile mukubona ichachitikile. 15Ulo bafikile kuli Yesu basangile umuntu uwali nemipashi iinji iibi alikele, nokufwala alifwite, namano akwe alibwelelemo. Elo bonse baliketwe nomwenso. 16Bo ababweneko balisosele ifyo apolele umuntu uwali nemipashi iibi, nefyachitikile kunkumba.
17Elo batatikile ukumupapatila Yesu ati, “Tufuminenimo muno chalo chesu.”
18Ulo Yesu apateme mubwato, ngulya muntu uwali nemipashi iibi alimupapatile ati, “Lekeni ndokuya nenu.”
19Yesu alikene nokumweba ati, “Koya kumyenu, nakubantu bobe, uye ukabasambisheko fyonse ifyo Imfumu yakuchitila nefyo akubelela ichisa.”
20Elo ngulya muntu ayile, akoshimika muchalo cha Mishi Ikumi fyonse ifyo Yesu amuchitile. Epo abantu bonse balishimbilwe ukwinekantu.
Yesu abusha mwana Yayilo, aposha nomwanakashi
(Mat. 9.18-26; Luk. 8.40-56)
21Nakambi Yesu ayabukile mubwato kwishilya limbi ilyaku bemba. Ibumba ilikulu lyalilongene kuli Ye, pambali yaku Bemba wa Galili. 22Epo kwayishile umuntu umo uwabakulu bamunanda yakulombelamo Lesa, uwali kwitwa Yayilo. Pakubona Yesu, amufukamine 23nokumupapatila ukwinekantu ati, “Akanansungu kanji kali mupepi nokufwa. Iseni mubike amaboko enu pali nko, ukuti kapole, kabe nobumi.”
24Yesu alile nakwe, nakambi ibumba ilikulu lyalimukonkele, epo balimufininkishe.
25Mwibumba mwalimo nomwanakashi uwalikulwala umukunko pamyaka ikumi na ibili. 26Aliposayikile ifyuma fyonse akwete kung’anga, kuntu takwalipo nangu umo uwamuposeshe. Ubulwele bwakwe bwalikulile. 27Ngu mwanakashi aumfwile kale ifyo abantu balikusosa pamulandu waku Yesu. Epakupekesa mwibumba nokupalamina kuli Yesu kunuma, nokukumyako kwilaya lyakwe. 28Umwanakashi alikulanguluka ati, “Nga nakumyako kwilaya lyakwe, epela nkopola.”
29Alikumyako kwilaya bwangu-bwangu nomukunko waleka, aumfwa nomubili waleka ubukali. 30Bwangu-bwangu Yesu, pakwishiba umwine ukuti ifiso fyafumamo muli Ye, walyalukile mwibumba nokuti, “Ninani wakumya kwilaya lyanji?”
31Abakusambila bakwe basosele kuli Ye ati, “Ulibwene ibumba likokufininkisha, epo ukofumba shani wati, ninani wankumya?”
32Nomba Yesu alichenchentele konse-konse ukuti abone umukumishe. 33Umwanakashi pakwishiba nchilya ichamuchitikile, alile akotina nokututuma, awile pamakasa aku Yesu nokumubusha ukwebesha konse. 34Elo Yesu asosele kuli ye ati, “We mwana wanji ichichetekelo chobe chakuposha. Endelapo umutende, wikale we wapola kubulwele bobe.”
35Ulo Yesu alikusosa mfi, kwayishile bambi abafumine kunanda yakwa Yayilo nokuti, “Umwanansungu obe afwa. Mba nindo ukochushisha umusambishi?”
36Yesu tasakamenepo nefyo balikulabila. Elo asosele kumukulu wananda yakulombelamo Lesa ati, “Witina, chetekela bwaka.” 37Nomba tasuminishepo ukuti umuntu amukonke, kuntu Petulo, Yakobe na Yohane wabo wakwa Yakobe. 38Ulo ayile kunanda yamukulu wananda yakulombelamo Lesa, emo aumfwile abantu bakolila nenkonde nokuwowoka. 39Atile ukwinjila munanda, abebele ati, “Findo mukolilila inkonde nokuwowoka? Umwana tafwilepo, alele bwaka utulo!”
40Abantu balimusekele ukwinekantu. Elo Yesu alibafumishe bonse, abulile bawishi nabanyina nabo ali nabo, ayinjile nabo umwali umwana. 41Epo alimwikete umwana pakuboko nokusosa kuli ye ati, “Tabita komu,” ekweba ati, “We mwanansungu, buka!”
42Bwangu-bwangu umwanansungu alibukile, alimakene nokwenda (pakuti ali nemyaka ikumi na ibili.) Abantu ulo babwene mfi, balishimbilwe ukwinekantu! 43Elo Yesu abakonkobesha ukwinekantu ati, “Mwileka nchi chintu chishibikwe kumuntu nangu umo. Nakambi abebele ati, ‘Peleniko umwana ichakulya.’”
Currently Selected:
Maliko 5: LalaNT
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.
Maliko 5
5
Yesu aposha umuntu uwali nemipashi iibi
(Mat. 8.28-34; Luk. 8.26-39)
1Nakambi bayile kwishilya ilyaku Bemba wa Galili kuchalo cha Gelasa. 2Ulo Yesu afumine mubwato, bwangu-bwangu akumene nomuntu uwali nomupashi uubi. Alikufuma kumanda, ali nenjikalo yakwe kwenka nkulya. 3Abantu bafililwe ukumwikata nangu ukumukaka namabunyololo. 4Inshita ishinji balikumukaka inshita ishinji namangwelengwende nobunyololo, kuntu ye alikuputaula ubunyololo, nakambi namangwelengwende nawo alikuputayika mutupinswa. Echo tapalipo umuntu uwafiso ifyakuti amunashe. 5Elo inshita shonse, ubushiku nakasuba, alikwendauka kumanda nakumpili, alikwaula nokuyichenaula umwine enka namabwe.
6Ulo abwene Yesu apatali, alibutukile nokwisa kufukama nokumulambila pamakasa akwe 7nokwaula neshiwi ilikulu ati, “Nindo ukofwaya kuli nebo webo Yesu, we Mwana waku Lesa Uwapulamo? Napapata, winchushapo!” ( 8Asosele mfi pakuti Yesu amwebele ati, “Fuma mumuntu we mupashi uubi!”)
9Elo Yesu amufumbile ati, “Ishina lyobe niwe nani?”
Naye alimwasukile ati, “Nine Ibumba, pakuti tuli abenji.” 10Epo alimupapatile Yesu ukuti eitamfisha mipashi iibi kunse yachalo.
11Elo kwalipo ibumba ilikulu ilyankumba ilyalikulya mululamba lwalupili. 12Nomba imipashi iibi yalimupapatile Yesu ati, “Tutamfisheni munkumba, emo tuye twinjile.” 13Naye aliyisuminishe. Elo nemipashi iibi yalifumine mumuntu nokuya kwinjila munkumba. Nenkumba ishali ubwinji mupepi namakana abili, shalifulumukile pachinekami nokuya kwibila muli bemba, nokufwa kashifwa.
14Ulo bachembela babwene mfi, babutukile kumusumba nakumishi yamumbali mukweba abantu ilyashi ndi. Abantu balile mukubona ichachitikile. 15Ulo bafikile kuli Yesu basangile umuntu uwali nemipashi iinji iibi alikele, nokufwala alifwite, namano akwe alibwelelemo. Elo bonse baliketwe nomwenso. 16Bo ababweneko balisosele ifyo apolele umuntu uwali nemipashi iibi, nefyachitikile kunkumba.
17Elo batatikile ukumupapatila Yesu ati, “Tufuminenimo muno chalo chesu.”
18Ulo Yesu apateme mubwato, ngulya muntu uwali nemipashi iibi alimupapatile ati, “Lekeni ndokuya nenu.”
19Yesu alikene nokumweba ati, “Koya kumyenu, nakubantu bobe, uye ukabasambisheko fyonse ifyo Imfumu yakuchitila nefyo akubelela ichisa.”
20Elo ngulya muntu ayile, akoshimika muchalo cha Mishi Ikumi fyonse ifyo Yesu amuchitile. Epo abantu bonse balishimbilwe ukwinekantu.
Yesu abusha mwana Yayilo, aposha nomwanakashi
(Mat. 9.18-26; Luk. 8.40-56)
21Nakambi Yesu ayabukile mubwato kwishilya limbi ilyaku bemba. Ibumba ilikulu lyalilongene kuli Ye, pambali yaku Bemba wa Galili. 22Epo kwayishile umuntu umo uwabakulu bamunanda yakulombelamo Lesa, uwali kwitwa Yayilo. Pakubona Yesu, amufukamine 23nokumupapatila ukwinekantu ati, “Akanansungu kanji kali mupepi nokufwa. Iseni mubike amaboko enu pali nko, ukuti kapole, kabe nobumi.”
24Yesu alile nakwe, nakambi ibumba ilikulu lyalimukonkele, epo balimufininkishe.
25Mwibumba mwalimo nomwanakashi uwalikulwala umukunko pamyaka ikumi na ibili. 26Aliposayikile ifyuma fyonse akwete kung’anga, kuntu takwalipo nangu umo uwamuposeshe. Ubulwele bwakwe bwalikulile. 27Ngu mwanakashi aumfwile kale ifyo abantu balikusosa pamulandu waku Yesu. Epakupekesa mwibumba nokupalamina kuli Yesu kunuma, nokukumyako kwilaya lyakwe. 28Umwanakashi alikulanguluka ati, “Nga nakumyako kwilaya lyakwe, epela nkopola.”
29Alikumyako kwilaya bwangu-bwangu nomukunko waleka, aumfwa nomubili waleka ubukali. 30Bwangu-bwangu Yesu, pakwishiba umwine ukuti ifiso fyafumamo muli Ye, walyalukile mwibumba nokuti, “Ninani wakumya kwilaya lyanji?”
31Abakusambila bakwe basosele kuli Ye ati, “Ulibwene ibumba likokufininkisha, epo ukofumba shani wati, ninani wankumya?”
32Nomba Yesu alichenchentele konse-konse ukuti abone umukumishe. 33Umwanakashi pakwishiba nchilya ichamuchitikile, alile akotina nokututuma, awile pamakasa aku Yesu nokumubusha ukwebesha konse. 34Elo Yesu asosele kuli ye ati, “We mwana wanji ichichetekelo chobe chakuposha. Endelapo umutende, wikale we wapola kubulwele bobe.”
35Ulo Yesu alikusosa mfi, kwayishile bambi abafumine kunanda yakwa Yayilo nokuti, “Umwanansungu obe afwa. Mba nindo ukochushisha umusambishi?”
36Yesu tasakamenepo nefyo balikulabila. Elo asosele kumukulu wananda yakulombelamo Lesa ati, “Witina, chetekela bwaka.” 37Nomba tasuminishepo ukuti umuntu amukonke, kuntu Petulo, Yakobe na Yohane wabo wakwa Yakobe. 38Ulo ayile kunanda yamukulu wananda yakulombelamo Lesa, emo aumfwile abantu bakolila nenkonde nokuwowoka. 39Atile ukwinjila munanda, abebele ati, “Findo mukolilila inkonde nokuwowoka? Umwana tafwilepo, alele bwaka utulo!”
40Abantu balimusekele ukwinekantu. Elo Yesu alibafumishe bonse, abulile bawishi nabanyina nabo ali nabo, ayinjile nabo umwali umwana. 41Epo alimwikete umwana pakuboko nokusosa kuli ye ati, “Tabita komu,” ekweba ati, “We mwanansungu, buka!”
42Bwangu-bwangu umwanansungu alibukile, alimakene nokwenda (pakuti ali nemyaka ikumi na ibili.) Abantu ulo babwene mfi, balishimbilwe ukwinekantu! 43Elo Yesu abakonkobesha ukwinekantu ati, “Mwileka nchi chintu chishibikwe kumuntu nangu umo. Nakambi abebele ati, ‘Peleniko umwana ichakulya.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.