Philipiite Ephangjatjih
Ephangjatjih
Pool ih Philipiite loong suh Iurop hah ni chaas phangdong hoonta hadaang, Roman juungkhuung Mesidonia hah adi le ah maat raangta. Erah raang maatta tok adi heh phaatak ni tongta, Kristo mina wahoh mihak phokhoh loong Philipi Chaas ni tiitmoong nyootte loong ah ih heh cham thuk rumta. Ang abah uh arah leeraang nawa ih tenroonjih nyia amiisak ih laalomjih Pool ih heh mongtang tenthun nawa ih tiitkhaap ah Jisu Kristo suh hanpi ano jangbaat kaatla.
Arah le maat raang ah jaakhothoon Philipiite Kristo mina loong ih neng lakchoh maatkaat rumta thoih jengkhaapse maat raang suh liita. Heh ih erah raangmaat rumta ah langla, neng chamnaang tokdoh tenchaan toom ang rum ah ih thunta. Heh ih neng suh Jisu toongtang tenthun lam ih toom tongsong rum ah ih huk baat rumta, engaampo nyia nyamnyook tenthun loong ah naktoom ang rum ah eah. Jisu Kristo damdoh neng roidong roongrungla rah esiit Rangte heh minchan lakkot neng tuungmaang jun ih choh rumla, Jehudi loong Hootthe lam ah phan thoih tah angka. O mina Jisu Kristo damdi tongla erah loong asuh Rangte ih tenroon nyia semroongroong ah koh ah ih raangmaat rumha.
Arah leeraang maatta adi, ehan ah Kristo mina hanpi jun ih, tenroon, laalom, jengjun nyia Kristaan roidong tiit ah baat ha. Erah dam ih Pool ih Philipi Chaas mina loong suh heh tenthet tiit ah baat rum ah.
Hemong Dowa Jatjih
Ephangjatjih(1:1-11)
Pool heh teeteewah ih thoijat arah loong(1:12-26)
Kristo roidong(1:27—2:18)
Timothi nyia Epaphroditas raang ih kaankoong (2:19-30)
Piiara nyia Choophaan phaan angte suh jengkhaap thih (3:1—4:9)
Pool nyia Philipi nawa heh joon awaan(4:10-20)
Hethoonhemat(4:21-23)
Currently Selected:
Philipiite Ephangjatjih: TUT
Highlight
Copy
Compare
Share
Want to have your highlights saved across all your devices? Sign up or sign in
Tutsa First Bible: Esa Leedap Ena Banlam © NECTAR and The Word For The World International, 2018.