1 Thesalonikah Pyenhlüma
Pyenhlüma
Thesalonikah mlüh cun Romah pe Maketawnih khawa mlühnua kyaki. Philipih mlüh käna Thesalonikah sangcim hin Pawluh naw a mdüiha sangcima kyaki. Cunüngpi, ivei am nghjawk se, Judah jumnak üng vanga yängkie Judah am niki khyangea ksunga Pawluh naw thangkdaw a sang hü mkeiki Judahe naw ngtäknak pawh lawkie. Pawluh cun Thesalonikah mlüh ceh ta lü Berea mlüha cit khaia ami sihlingnak. Pawluh cun Korintuh mlüh a pha käna, Thesalonikah Sangcima a mawngma cun ngkhahpüi lü a khüipüi Timotia vei üngkhyüh mthehnaka kca a yah.
Thesalonikah üng Pawluha Kca Yuk Akcüknak hin acua veki khritjane jah mcuhmtheh lü ngjuktha a jah petnak betüa kyaki. Ami jumeinak ja mhläkphyanaka thanga phäh jenak ngthu jah mthehki. Ami hlawnga a ve üng a awmih a jah sümsak. Käna, Khritawa law be vaia mawng sangcim k’uma, “Khritawa am law be ham üng thikia jumeikie hin Ania lawpüi vaia angsäia xünnak yah hnga khawh acun he aw?” tia ngthähnake a jah msang be. Acun käna, Khritaw itia law be khai? Khritaw law be vai äpeinak am mtät lü khut ami bi nglät vaia Pawluh naw jah mthehki.
Amawng Ktawie
Pyenhlüma (1:1)
Jenak mthehnak ja mküieinak (1:2—3:13)
Khritjan awmih mthümhletnak (4:1-12)
Khritawa law be vaia mawng mtheimthangnak (4:13—5:11)
Akpäihnaka mthümhletnak (5:12-22)
Khüpnak (5:23-28)
Currently Selected:
1 Thesalonikah Pyenhlüma: DNT
Highlight
Copy
Compare
Share
Want to have your highlights saved across all your devices? Sign up or sign in
The New Testament in Dai © The Word for the World International and North East Centre for Training and Research, 2018.