Bumomo Bɔka 30
30
Kenye Busie Lɛlɔ Ɔda Bubo
1Amu na Mose ɔ́su Israelƒuɔ kaba batɔnkune ƒui ɔnini, “Unwoti uubó-mii ɔnii, 2‘Si ukyuli ɔdi úse Unwoti kenye kadi iye ɔ́kpali ala ɔ́su lɛla lɛdi únyimi lɛlɔ na nwuna anumi ka wabla lɛla lɛdi ni, útalɛka ɔlɛ nwuna litemi kama mmomu ɔlɛka ɔsia anumi na ɔdi lɛla lɛmmɔ lɛlɔ ute Unwoti lɛni kani.
3“ ‘Si ugblebi ɔni na uli ɔti kaduli úse Unwoti kenye kadi iye ɔ́kpali ala ɔ́su lɛla lɛdi únyimi lɛlɔ na lɛla lɛdi lɛlɔ 4na ɔti únu-nwu linyese iye ala bɔkpali bɔmmɔ na útabala-nwu iye ɔsu-nwu lɛla lɛdi ni, linyese iye lɛla biala na ɔ́kpali ala ɔ́su lɛdubunye lɛni kani. 5Nsu si ɔti úbulo lɛla lɛmmɔ úte-nwu ni, ugblebi ɔmmɔ linyese iye ala bɔkpali bulebo-nwu kemmo bulete-nwu lɛni na Unwoti lɛnɔ ulásia-nya kɔnu, ɔsika ɔti úbulo lɛla lɛmmɔ úte-nwu.
6“ ‘Na si ugblebi ɔmɛni úse kenye kadi iye ɔ́babla ɔ́kpali ala kama na útélie kɔgya 7na ɔgyani únu ɔmɛni nsu útasu lɛla lɛdi ni, ala ani na ɔ́su adububo-nwu kemmo lɛni. 8Nsu si uwi ɔni na ɔgyani únu ala amɛni na úbulo úte-nwu ni, úbile linyese ku ala ani na ɔ́kpali únyimi lɛlɔ mmɔ ƒui kemmo na Unwoti lɛnɔ ɔsɔ ulasia-nya kɔnu.
9“ ‘Na kenye biala na ukpinele iye uleku ɔni na ɔgyani ɔ́nyonu-nwu ɔdubuse ni, lɛla lɛmmɔ lɛdubo-nwu bunyimi lɛni kani.
10“ ‘Si uleku ɔni na uliku ɔgyani úse kenye iye ɔ́kpali ala ɔ́su lɛla lɛdi, 11na ɔgyani únu kenye kani na úse mmɔ nsu útasu-nwu lɛla lɛdi iye ubulo ute-nwu ni, na kenye kani na úse mmɔ ku ala ani ndanku-nya adububo-nwu kemmo. 12Nsu si ɔgyani únu linyese lɛmmɔ ku ala ani na ɔ́kpali únyimi lɛlɔ mmɔ na úni-nya úte-nwu ni, úbile kenye kammɔ na Unwoti lɛnɔ ulasia-nya kɔnu. 13Na ɔgyani ubo kenyekɔ biala na ubile linyese lɛmmɔ kemmo iye ɔsia-ni kɔnu. 14Nsu si ɔgyani útasu-nwu lɛla lɛdi limeyi limodi lɛmmɔ útalɛ kadi bugye ni, na ɔɔtina ka anwu lɛnɔ ɔ́sia linyese ku ala bɔkpali bɔmmɔ kɔnu ka ulekudi linyese lɛmmɔ linye sɔsɔ ka únu na útasu lɛla lɛdi ɔsu. 15Nsu si unu kenye kammɔ na uwi ɔdi kama asa na úbeni-ka ni, na uleku bɔƒiɔ bɔmmɔ bɔkɛ-nwu.’ ”
16Ɔda bubo bɔmɛni na Unwoti úte Mose ɔkɛnku kɔna kɔni na ɔlɛ ka kɔkya ɔnana ku ulekudi ku ɔnana ku ubidi ulekubi ɔni na ɔmu ulie-nwu kudɔ ntɛ.
Currently Selected:
Bumomo Bɔka 30: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Bumomo Bɔka 30
30
Kenye Busie Lɛlɔ Ɔda Bubo
1Amu na Mose ɔ́su Israelƒuɔ kaba batɔnkune ƒui ɔnini, “Unwoti uubó-mii ɔnii, 2‘Si ukyuli ɔdi úse Unwoti kenye kadi iye ɔ́kpali ala ɔ́su lɛla lɛdi únyimi lɛlɔ na nwuna anumi ka wabla lɛla lɛdi ni, útalɛka ɔlɛ nwuna litemi kama mmomu ɔlɛka ɔsia anumi na ɔdi lɛla lɛmmɔ lɛlɔ ute Unwoti lɛni kani.
3“ ‘Si ugblebi ɔni na uli ɔti kaduli úse Unwoti kenye kadi iye ɔ́kpali ala ɔ́su lɛla lɛdi únyimi lɛlɔ na lɛla lɛdi lɛlɔ 4na ɔti únu-nwu linyese iye ala bɔkpali bɔmmɔ na útabala-nwu iye ɔsu-nwu lɛla lɛdi ni, linyese iye lɛla biala na ɔ́kpali ala ɔ́su lɛdubunye lɛni kani. 5Nsu si ɔti úbulo lɛla lɛmmɔ úte-nwu ni, ugblebi ɔmmɔ linyese iye ala bɔkpali bulebo-nwu kemmo bulete-nwu lɛni na Unwoti lɛnɔ ulásia-nya kɔnu, ɔsika ɔti úbulo lɛla lɛmmɔ úte-nwu.
6“ ‘Na si ugblebi ɔmɛni úse kenye kadi iye ɔ́babla ɔ́kpali ala kama na útélie kɔgya 7na ɔgyani únu ɔmɛni nsu útasu lɛla lɛdi ni, ala ani na ɔ́su adububo-nwu kemmo lɛni. 8Nsu si uwi ɔni na ɔgyani únu ala amɛni na úbulo úte-nwu ni, úbile linyese ku ala ani na ɔ́kpali únyimi lɛlɔ mmɔ ƒui kemmo na Unwoti lɛnɔ ɔsɔ ulasia-nya kɔnu.
9“ ‘Na kenye biala na ukpinele iye uleku ɔni na ɔgyani ɔ́nyonu-nwu ɔdubuse ni, lɛla lɛmmɔ lɛdubo-nwu bunyimi lɛni kani.
10“ ‘Si uleku ɔni na uliku ɔgyani úse kenye iye ɔ́kpali ala ɔ́su lɛla lɛdi, 11na ɔgyani únu kenye kani na úse mmɔ nsu útasu-nwu lɛla lɛdi iye ubulo ute-nwu ni, na kenye kani na úse mmɔ ku ala ani ndanku-nya adububo-nwu kemmo. 12Nsu si ɔgyani únu linyese lɛmmɔ ku ala ani na ɔ́kpali únyimi lɛlɔ mmɔ na úni-nya úte-nwu ni, úbile kenye kammɔ na Unwoti lɛnɔ ulasia-nya kɔnu. 13Na ɔgyani ubo kenyekɔ biala na ubile linyese lɛmmɔ kemmo iye ɔsia-ni kɔnu. 14Nsu si ɔgyani útasu-nwu lɛla lɛdi limeyi limodi lɛmmɔ útalɛ kadi bugye ni, na ɔɔtina ka anwu lɛnɔ ɔ́sia linyese ku ala bɔkpali bɔmmɔ kɔnu ka ulekudi linyese lɛmmɔ linye sɔsɔ ka únu na útasu lɛla lɛdi ɔsu. 15Nsu si unu kenye kammɔ na uwi ɔdi kama asa na úbeni-ka ni, na uleku bɔƒiɔ bɔmmɔ bɔkɛ-nwu.’ ”
16Ɔda bubo bɔmɛni na Unwoti úte Mose ɔkɛnku kɔna kɔni na ɔlɛ ka kɔkya ɔnana ku ulekudi ku ɔnana ku ubidi ulekubi ɔni na ɔmu ulie-nwu kudɔ ntɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.