Lewiƒuɔ Ɔda Bubo 11
11
Bebuo Bani Námanku Ka Bakun Ku Bani Nátamanku Ka Bakun
1Amu na Unwoti ɔ́su Mose ku Aaron ɔnini, 2“Bɛkɔ lɛsa na bɛsu Israelƒuɔ bɛnini, ‘Bebuo bani ƒui nkya kalɔ lɛlɔ na bámanku ka bakun ama ndi bamɛni. 3Bibo kuƒi ka bɛkun ebuo biala ɔni muukpó taalɛku ɔkwɛ kemmo taakun, na nwuna lɛgba agbanvuo kemmo ábwɛ inyɔ.
4“ ‘Nsu bebuo badi bakya na beekpó taakun kani, nsu bana lɛgbanvuo kemmo kátabwɛ-ma. Na badi lɛnɔ bakya na bana agbanvuo kani nábwɛ kemmo inyɔ na belekpo taakun, bitakun bammɔ udu. Bitakun ɔƒlumu ina ka uukpó taakun, nwuna lɛgba agbanvuo átabwɛ kemmo inyɔ. Bebuo bammɔ udu beesé lɛlɔ na beeese sɛɛn beeete-mii. 5-6Na bitakun bayana iye bagbɛnɛgbɛnɛ ku bana udu, ina ka beekpó taakun ni, bana lɛgba agbanvuo átabwɛ kemmo inyɔ. Ɔmɛni ɔsu beesé lɛlɔ. 7Na bitakun ɔplakuo ina ka nwuna lɛgba agbanvuo ábwɛ inyɔ ni, ulekpo taakun na uusé lɛlɔ. 8Na ɔdi utakun nwuna lɛna lɛdi iye uti kɔnu utuku nwuna ukpine muedi. Ɔsika beesé lɛlɔ.
9“ ‘Na lɛna biala na lɛkya ntukpa ku ɛpu kemmo na bebo atula ku akpa ni, bibo kuƒi ka bɛkun. 10Nsu lɛna biala na lɛkya ɛpu kemmo iye ntukpa biala kemmo na beeebo atula ku akpa ni, biiibo kuƒi ka bɛkun ɔdi. 11Uwi ɔni na ketu kemmo lɛna lɛmɛni lɛdi likisila lite-mii mɛni ni, utalɛ ka ɔdi ɔkun nwuna lɛna lɛdi iye uti nwuna kɔnu utuku nwuna ukpine. 12Lɛna biala na lɛkya ntu kemmo na liiibo atula ku akpa ni, lɛdi likisila lite-mii.
13-19“ ‘Na baasɛ bani anyi ndubo bɔlɔ mɛni ni, bitakun-ma. Kɔdigbo aasɛ, okum ku nwuna lidu, ɔsansa, kasangbii ku nwuna lidu, soholi, lɛkpaƒɛɛlɛ, ligbini, kwakwadabi, ɛpu kemmo kwakwadabi, likuku ku nwuna lidu ƒui, ntu kemmo kɔdigbo aasɛ, aasɛ ku limɔ gyɔlɔɔ ku nwuna lidu lidu, lɛpan ku baƒelelee.
20“ ‘Na kubweyi pii kɔni muuveyi na lisu kemmo na beesié taavi lɛgba lɛlɔ lɛnɔ ni, bitakun-ku, ɔsika beesé lɛlɔ. 21Nsu kubweyi kɔdi kɔkya na kɔɔkpɛ́ kalɔ ama amu bibo kuƒi ka bɛkun-ma. Ama ndi bani mbo lɛgba gyɔlɔɔ na babagyu. 22Bɛkana bɛkun baalɔlɔ ku baagyu ku bakpɔtilikpɔ ku bana udu. 23Nsu kubweyi kɔkladi kɔni mɔɔkpɛ́ kalɔ na bebo avwi ku lɛgba ine ni, ɔdi utakun.
24“ ‘Ukyuli biala metuku ala ani muusé lɛlɔ mɛni ukpine ɔdubuse lɛlɔ utédu useyi uwi. 25Na ukyuli biala magyu nwuna lɛna lɛdi ɔlɛka ɔƒɔ nwuna lɛwu na useyi uwi asa na ɔdubɔbla sɛɛn.
26“ ‘Na ebuo biala na nwuna agbanvuo átabwɛ kemmo inyɔ iye ulekpo taakun ɔdi ebuo ɔni muusé lɛlɔ. Na ukyuli biala metuku nwuna ukpine ɔdubuse lɛlɔ. 27Na bebuo bani ƒui na bebo lɛgba ine na baakpɛ́ kalɔ ku bebuo bani mbo akɔkɔ badi bebuo bani muusé lɛlɔ. Na ukyuli biala metuku bana bekpine ɔdubuse lɛlɔ utédu useyi uwi asa na wabla sɛɛn. 28Na ukyuli biala metuku bana lɛna lɛdi ɔlɛka ɔƒɔ nwuna lɛwu na useyi uwi asa na ɔdubɔbla sɛɛn.
29“ ‘Bebuo bani ƒui mɔɔkpɛ́ kalɔ beesé lɛlɔ na beeese sɛɛn beeete-mii. Na ama ndi ɔƒiamu ku kesi ku bapoo 30kadɔdɔ ku ɔtɔlati ku ugunti 31ku bana udu bani mɔɔkpɛ́ kalɔ ƒui beesé lɛlɔ. Na ukyuli biala metuku bana ukpine ɔdubuse lɛlɔ utédu useyi uwi asa na ɔdubɔbla sɛɛn. 32Na si bebuo bamɛni ɔdi úkpi ɔ́yu lɛla biala lɛlɔ ni, lɛla lɛmmɔ lɛdubuse lɛlɔ. Si ina kegyikɛ kadi lɛlɔ na ɔ́yu o-o iye kɔdi lɛlɔ o-o iye ebuo ɔku lɛlɔ o-o iye lɛla biala na ɔdia lɛla lɛdi buti bɔbla lɛlɔ na ɔ́yu o-o ni, ɔlɛka beti lɛla lɛmmɔ bakya ntu kemmo útédu useyi uwi asa na lɛla lɛmmɔ lɛdubɔbla sɛɛn na ɔmmɔ kama.
33“ ‘Na si ebuo ɔmmɔ ɔdi úkpi úduo lɛvɔbui lɛdi kemmo ni, ɔlɛka babwɛ libui lɛmmɔ. 34Na adila biala ndia bɔdi na libui lɛmmɔ kemmo ntu bútuku-nya ni, adila ammɔ eesé lɛlɔ. Na si ntu bɔnidi bɔdi nwi-ni kemmo lɛnɔ ni, bɔsɔ bɔɔɔdia bɔni ɔsika buusé lɛlɔ. 35Na lɛla biala na bebuo bammɔ ɔdi ukpine úkpi ɔ́yu ni, ɔdi lɛla lɛni na liisé lɛlɔ. Ina bodobodo lɛyu iye anwabui na adi ni, ɔdi ka babwɛ-nya lɛni kani ɔsika eesé lɛlɔ. 36Nsu libiɔ iye lɛba lɛni kemmo na beedú ntu bɔnidi asa na ebuo ɔmmɔ úkpi ɔ́kya-nwu kemmo ni, ntu bɔmmɔ amu buse sɛɛn. Nsu ukyuli biala metuku nwuna ukpine ɔdubuse lɛlɔ. 37Na si ebuo ɔmmɔ ukpine ɔdi útuku edula ebi ani báklibi bése béte bɔva ni, ebi ammɔ ese sɛɛn. 38Nsu si bíwi ebi ammɔ ntu asa na ebuo ɔmmɔ ukpine útuku ebi ammɔ ni, adubuse lɛlɔ na uuuse sɛɛn uuute-mii.
39“ ‘Na si bebuo bani lɛlɔ na béte-mii kuƒi ka bɛkun ɔdi úkpi ni, ukyuli biala metuku nwuna ukpine ɔdubuse lɛlɔ utédu useyi uwi. 40Na ukyuli biala makun lɛna lɛmmɔ lɛdi ɔlɛka ɔƒɔ nwuna adi na useyi uwi asa na ɔdubɔbla sɛɛn. Na ukyuli biala magyu nwuna ukpine lɛnɔ ɔlɛka ɔƒɔ nwuna adala asa na ɔdubɔbla sɛɛn.
41“ ‘Kebweyi biala mɔɔkpɛ́ kalɔ kadi kebweyi kani muusé lɛlɔ na utalɛka bɛkun ebuo ɔmmɔ. 42Bitakun kebweyi biala mɔɔkpɛ́ taavi kalɔ ku kaƒɔ iye ku lɛgba ine iye bani lɛgba mmomo. Badi kubweyi kɔni muusé lɛlɔ. 43Bitaya na bina lɛlɔ lise lɛlɔ ɔkɛnku kubweyi kɔmɛni ɔsu. Bɛbla lɛlɔ sɛɛn na bilásɔ na ulu biala lɛlɔ na bana ɔdi ɔsu. 44Ami ndi bina Unwoti Katɔti. Bidie lɛlɔ bise sɛsɛɛ na bɛbla lɛlɔ kedee ɔsika nse Kedee. Na bitabla na bina lɛlɔ liteese lɛlɔ ɔkɛnku kubweyi kɔni mɔɔkpɛ́ kalɔ mɛni ɔsu. 45Ami ndi Unwoti ɔni nákpanku-mii lɛ́lɛku Egyipte kalɔ lɛlɔ kalɛ na lɛbla bina Katɔti. Ɔmɛni ɔsu bɛbla lɛlɔ kedee ɔsika nse kedee.
46“ ‘Amɛni ndi ɔda ɔni na muubó-mii ɔkɛnku bebuo ku baasɛ ku lɛna biala nkya ntu kemmo ku kubweyi biala mɔɔkpɛ́ na kalɔ lɛlɔ lɛlɔ. 47Na ɔlɛka bɛnu kavumana kani na kakya bebuo bani nse sɛɛn ku bani neeese sɛɛn ntɛ. Na bɛnu bɛti kubweyi kɔni na bɛkana na bɛkun ku bani na útalɛka bɛkun.’ ”
Currently Selected:
Lewiƒuɔ Ɔda Bubo 11: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Lewiƒuɔ Ɔda Bubo 11
11
Bebuo Bani Námanku Ka Bakun Ku Bani Nátamanku Ka Bakun
1Amu na Unwoti ɔ́su Mose ku Aaron ɔnini, 2“Bɛkɔ lɛsa na bɛsu Israelƒuɔ bɛnini, ‘Bebuo bani ƒui nkya kalɔ lɛlɔ na bámanku ka bakun ama ndi bamɛni. 3Bibo kuƒi ka bɛkun ebuo biala ɔni muukpó taalɛku ɔkwɛ kemmo taakun, na nwuna lɛgba agbanvuo kemmo ábwɛ inyɔ.
4“ ‘Nsu bebuo badi bakya na beekpó taakun kani, nsu bana lɛgbanvuo kemmo kátabwɛ-ma. Na badi lɛnɔ bakya na bana agbanvuo kani nábwɛ kemmo inyɔ na belekpo taakun, bitakun bammɔ udu. Bitakun ɔƒlumu ina ka uukpó taakun, nwuna lɛgba agbanvuo átabwɛ kemmo inyɔ. Bebuo bammɔ udu beesé lɛlɔ na beeese sɛɛn beeete-mii. 5-6Na bitakun bayana iye bagbɛnɛgbɛnɛ ku bana udu, ina ka beekpó taakun ni, bana lɛgba agbanvuo átabwɛ kemmo inyɔ. Ɔmɛni ɔsu beesé lɛlɔ. 7Na bitakun ɔplakuo ina ka nwuna lɛgba agbanvuo ábwɛ inyɔ ni, ulekpo taakun na uusé lɛlɔ. 8Na ɔdi utakun nwuna lɛna lɛdi iye uti kɔnu utuku nwuna ukpine muedi. Ɔsika beesé lɛlɔ.
9“ ‘Na lɛna biala na lɛkya ntukpa ku ɛpu kemmo na bebo atula ku akpa ni, bibo kuƒi ka bɛkun. 10Nsu lɛna biala na lɛkya ɛpu kemmo iye ntukpa biala kemmo na beeebo atula ku akpa ni, biiibo kuƒi ka bɛkun ɔdi. 11Uwi ɔni na ketu kemmo lɛna lɛmɛni lɛdi likisila lite-mii mɛni ni, utalɛ ka ɔdi ɔkun nwuna lɛna lɛdi iye uti nwuna kɔnu utuku nwuna ukpine. 12Lɛna biala na lɛkya ntu kemmo na liiibo atula ku akpa ni, lɛdi likisila lite-mii.
13-19“ ‘Na baasɛ bani anyi ndubo bɔlɔ mɛni ni, bitakun-ma. Kɔdigbo aasɛ, okum ku nwuna lidu, ɔsansa, kasangbii ku nwuna lidu, soholi, lɛkpaƒɛɛlɛ, ligbini, kwakwadabi, ɛpu kemmo kwakwadabi, likuku ku nwuna lidu ƒui, ntu kemmo kɔdigbo aasɛ, aasɛ ku limɔ gyɔlɔɔ ku nwuna lidu lidu, lɛpan ku baƒelelee.
20“ ‘Na kubweyi pii kɔni muuveyi na lisu kemmo na beesié taavi lɛgba lɛlɔ lɛnɔ ni, bitakun-ku, ɔsika beesé lɛlɔ. 21Nsu kubweyi kɔdi kɔkya na kɔɔkpɛ́ kalɔ ama amu bibo kuƒi ka bɛkun-ma. Ama ndi bani mbo lɛgba gyɔlɔɔ na babagyu. 22Bɛkana bɛkun baalɔlɔ ku baagyu ku bakpɔtilikpɔ ku bana udu. 23Nsu kubweyi kɔkladi kɔni mɔɔkpɛ́ kalɔ na bebo avwi ku lɛgba ine ni, ɔdi utakun.
24“ ‘Ukyuli biala metuku ala ani muusé lɛlɔ mɛni ukpine ɔdubuse lɛlɔ utédu useyi uwi. 25Na ukyuli biala magyu nwuna lɛna lɛdi ɔlɛka ɔƒɔ nwuna lɛwu na useyi uwi asa na ɔdubɔbla sɛɛn.
26“ ‘Na ebuo biala na nwuna agbanvuo átabwɛ kemmo inyɔ iye ulekpo taakun ɔdi ebuo ɔni muusé lɛlɔ. Na ukyuli biala metuku nwuna ukpine ɔdubuse lɛlɔ. 27Na bebuo bani ƒui na bebo lɛgba ine na baakpɛ́ kalɔ ku bebuo bani mbo akɔkɔ badi bebuo bani muusé lɛlɔ. Na ukyuli biala metuku bana bekpine ɔdubuse lɛlɔ utédu useyi uwi asa na wabla sɛɛn. 28Na ukyuli biala metuku bana lɛna lɛdi ɔlɛka ɔƒɔ nwuna lɛwu na useyi uwi asa na ɔdubɔbla sɛɛn.
29“ ‘Bebuo bani ƒui mɔɔkpɛ́ kalɔ beesé lɛlɔ na beeese sɛɛn beeete-mii. Na ama ndi ɔƒiamu ku kesi ku bapoo 30kadɔdɔ ku ɔtɔlati ku ugunti 31ku bana udu bani mɔɔkpɛ́ kalɔ ƒui beesé lɛlɔ. Na ukyuli biala metuku bana ukpine ɔdubuse lɛlɔ utédu useyi uwi asa na ɔdubɔbla sɛɛn. 32Na si bebuo bamɛni ɔdi úkpi ɔ́yu lɛla biala lɛlɔ ni, lɛla lɛmmɔ lɛdubuse lɛlɔ. Si ina kegyikɛ kadi lɛlɔ na ɔ́yu o-o iye kɔdi lɛlɔ o-o iye ebuo ɔku lɛlɔ o-o iye lɛla biala na ɔdia lɛla lɛdi buti bɔbla lɛlɔ na ɔ́yu o-o ni, ɔlɛka beti lɛla lɛmmɔ bakya ntu kemmo útédu useyi uwi asa na lɛla lɛmmɔ lɛdubɔbla sɛɛn na ɔmmɔ kama.
33“ ‘Na si ebuo ɔmmɔ ɔdi úkpi úduo lɛvɔbui lɛdi kemmo ni, ɔlɛka babwɛ libui lɛmmɔ. 34Na adila biala ndia bɔdi na libui lɛmmɔ kemmo ntu bútuku-nya ni, adila ammɔ eesé lɛlɔ. Na si ntu bɔnidi bɔdi nwi-ni kemmo lɛnɔ ni, bɔsɔ bɔɔɔdia bɔni ɔsika buusé lɛlɔ. 35Na lɛla biala na bebuo bammɔ ɔdi ukpine úkpi ɔ́yu ni, ɔdi lɛla lɛni na liisé lɛlɔ. Ina bodobodo lɛyu iye anwabui na adi ni, ɔdi ka babwɛ-nya lɛni kani ɔsika eesé lɛlɔ. 36Nsu libiɔ iye lɛba lɛni kemmo na beedú ntu bɔnidi asa na ebuo ɔmmɔ úkpi ɔ́kya-nwu kemmo ni, ntu bɔmmɔ amu buse sɛɛn. Nsu ukyuli biala metuku nwuna ukpine ɔdubuse lɛlɔ. 37Na si ebuo ɔmmɔ ukpine ɔdi útuku edula ebi ani báklibi bése béte bɔva ni, ebi ammɔ ese sɛɛn. 38Nsu si bíwi ebi ammɔ ntu asa na ebuo ɔmmɔ ukpine útuku ebi ammɔ ni, adubuse lɛlɔ na uuuse sɛɛn uuute-mii.
39“ ‘Na si bebuo bani lɛlɔ na béte-mii kuƒi ka bɛkun ɔdi úkpi ni, ukyuli biala metuku nwuna ukpine ɔdubuse lɛlɔ utédu useyi uwi. 40Na ukyuli biala makun lɛna lɛmmɔ lɛdi ɔlɛka ɔƒɔ nwuna adi na useyi uwi asa na ɔdubɔbla sɛɛn. Na ukyuli biala magyu nwuna ukpine lɛnɔ ɔlɛka ɔƒɔ nwuna adala asa na ɔdubɔbla sɛɛn.
41“ ‘Kebweyi biala mɔɔkpɛ́ kalɔ kadi kebweyi kani muusé lɛlɔ na utalɛka bɛkun ebuo ɔmmɔ. 42Bitakun kebweyi biala mɔɔkpɛ́ taavi kalɔ ku kaƒɔ iye ku lɛgba ine iye bani lɛgba mmomo. Badi kubweyi kɔni muusé lɛlɔ. 43Bitaya na bina lɛlɔ lise lɛlɔ ɔkɛnku kubweyi kɔmɛni ɔsu. Bɛbla lɛlɔ sɛɛn na bilásɔ na ulu biala lɛlɔ na bana ɔdi ɔsu. 44Ami ndi bina Unwoti Katɔti. Bidie lɛlɔ bise sɛsɛɛ na bɛbla lɛlɔ kedee ɔsika nse Kedee. Na bitabla na bina lɛlɔ liteese lɛlɔ ɔkɛnku kubweyi kɔni mɔɔkpɛ́ kalɔ mɛni ɔsu. 45Ami ndi Unwoti ɔni nákpanku-mii lɛ́lɛku Egyipte kalɔ lɛlɔ kalɛ na lɛbla bina Katɔti. Ɔmɛni ɔsu bɛbla lɛlɔ kedee ɔsika nse kedee.
46“ ‘Amɛni ndi ɔda ɔni na muubó-mii ɔkɛnku bebuo ku baasɛ ku lɛna biala nkya ntu kemmo ku kubweyi biala mɔɔkpɛ́ na kalɔ lɛlɔ lɛlɔ. 47Na ɔlɛka bɛnu kavumana kani na kakya bebuo bani nse sɛɛn ku bani neeese sɛɛn ntɛ. Na bɛnu bɛti kubweyi kɔni na bɛkana na bɛkun ku bani na útalɛka bɛkun.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.