Lewiƒuɔ Ɔda Bubo 10
10
Nadab Ku Abihu Bábla Likpidi
1Na uwi ɔmmɔ ni, Aaron bebi bananabi inyɔ bani ndi Nadab ku Abihu béti bana kɔlɛkɛ kɔni lɛlɔ na beedie ogya teewi na bédie ogya béwi-ku lɛlɔ. Béti oloƒui béwi ogya ɔmɛni lɛlɔ banii baakyula bete Unwoti na ɔmɛni ɔ́ta únye ɔda bubo bɔni na úte-ma lɛlɔ. 2Ɔmmɔ ɔsu Unwoti ɔ́ya na ogya unyemi bonwu ɔdi úbo na úbakyula-ma na békpi kɔnakunwi na nwuna anumi mmɔ. 3Mmɔ na Mose ɔ́su Aaron ɔnini, “Lɛla lɛmɛni na Unwoti ɔ́su uwi ɔni na ɔ́su ɔnini, ‘Bekyuli bani muubo-mi kudɔ ƒui ɔlɛka babla-mi lɛla biala kedee aani kalɛ kani na nse kedee. Na kadi bekyuli ƒui beti ɔbu bete-mi.’ ” Na bunye kani na Aaron unye kpoo uunú na útebimi kenye.
4Amu na Mose ɔ́kpali Misael ku Elsaƒan bani ndi Aaron ɔti ɔnwani ɔnanabi Usiel bebi bananabi ɔnini, “Bɛlɛ bibo na bibetiku bina banwani bekpine bɛtɔlɔku Katɔti Kevo Kedee anumi mɛni bɛlɛku bula keliekɔ bisienku kama.” 5Anwuɔsu bálɛ bébo na báda bekpine bammɔ ku awuku ani mmu nkya-ma lɛlɔ mmɔ atu na bágyu-ma bálɛku mmɔ aani kalɛ na Mose úbo-ma ɔda.
6Amu na Mose ɔ́su Aaron ku nwuna bebi bananabi Eleasar ku Itamar ɔnini, “Amii amu ni, bitanyonu bina lili linwini bitewi na lɛbla kalɛ kalɛ iye bɛni bina adala bɛbwɛ bɛtina ka likpidi lɛdi lɛ́lɛku-mii si ɔɔɔdi lɛni bɛdubo bukpi, na Unwoti ɔ́kɛku bina kadi kammɔ bekyuli ƒui kɔnyi. Na bina lɛlɔ bekyuli ku kadi ƒui ama bakana na bewulo bani ƒui na Unwoti ɔ́ya na ogya ɔ́yila-ma udu mmɔ. 7Bitavi tɔ bitalɛ Unwoti Adi Kevo kayakun kammɔ, na uwi ɔni na úwi-mii lili nnɔmii na úse-mii likpo, si ɔɔɔdi lɛni ni, bɛdubo bukpi.” Ɔmmɔ ɔsu bábla kalɛ kani na Mose úbo-ma ɔda.
8Ɔmmɔ kama Unwoti ɔ́su Aaron ɔnini, 9“Ɔkpane ɔdi biala, awɔ ku ƒula bebi bananabi ɔdi utani ntɛ bubulodi bɔni kemmo na bɔnyii bɔkya iye bɔbambadi bɔdi biala udu na uduo Unwoti Adi Kevo kammɔ kemmo, si ɔɔɔdi lɛni bɛdubo bukpi. Na bunyimi bɔmɛni lɛlɔ na bɛdubɔdi úti úsela uwi ƒui amii ku bina kaba kaba ƒui bekyuli. 10Ɔlɛka kavumana kakya lɛla lɛni nse kedee ku lɛni neeese kedee ntɛ. Na ɔlɛka kavumana kakya lɛla lɛni báƒuna bése sɛsɛɛ ku lɛla lɛni na baaƒuƒwɛ ntɛ. 11Na ɔlɛka atina Israelƒuɔ ƒui ala ani ƒui na línyimiku-ma ɔkɛnku Mose lɛlɔ.”
12Amu na Mose ɔ́su Aaron ku nwuna bebi bananabi bani nébu, Eleasar ku Itamar ɔnini, “Biti edula ebi akpala ani bákyula lɛkpabi lɛlɔ béte Unwoti na ébu mmɔ bɛnwa bɛdi na lɛkpabi lɛmmɔ kɔmadɔ, ɔsika ese kedee ƒui. 13Bɛdi-nya na kesii kani nse kedee mmɔ, ɔsika ɔmmɔ ndi awɔ ku ƒula bebi bananabi kadikɔ, na akpala ani na bákyula lɛkpabi lɛlɔ béte Unwoti mmɔ kemmo. Na ɔmmɔ ndi ɔda ɔni na Unwoti úbo-mi, 14Na kayi ɔvu ɔmmɔ ni, awɔ ku ƒula bebi bananabi ku belekubi ƒui bɛkana na bɛkun anwu. Ɔsika ɔmmɔ na bɛ́kɔliku katɔ bɛ́tina Unwoti bíbo kudu ku nwuna libuli lɛnɔ. Na kesii kani na bɛdubo lɛna lɛmmɔ bɔkun ni, bɛnu ka kesii kammɔ kese sɛɛn na lɛla lɛni muusé lɛlɔ lɛdi liiibo mmɔ. Ɔmmɔ ndi bina kadikɔ ɔ́si unwi bɔbla akpala ani na Israelƒuɔ bábla kemmo. 15Ɔdi ka beti ebuo libuli ku kayi ɔvu ɔni béte mmɔ béboku na bákɔliku katɔ bátina-mi uwi ɔni na béti ekpo ani nélie lɛmwi mmɔ bábla enyimo adila bɔsia akpala. Na ɔmmɔ ndubo ƒula kadikɔ bunwini ku ƒula bebi aani kalɛ na Unwoti úbo-mii ɔda.”
16Uwi ɔni na Mose úye ekpidi bɔkyiɛ ese ɔni na bádu na básu-nwu ka béti anwu lɛnɔ bákyula ni, úti kɔnyi ɔ́kya Eleasar ku Itamar Aaron bebi bani nébu na úye-ma ɔnini, 17“Bi ɔsu na bítakun likpidi lili buvele akpala ammɔ na Kevo kammɔ kaduli? Ɔdi lɛla lɛni na lise kedee ƒui, na buti na béti-nwu béte-ɔ ka edie ekpidi na bekyuli ƒui lili aani kɔtɔ bukpi akpala na Unwoti anumi. 18Na ka bíteti nwuna ubugya bíteduoku Katɔma Kedee kemmo ɔsu ni, ɔdi ka nka bɛkun lɛna lɛmmɔ na Katɔma Kevo kaduli aani kalɛ na líbo-mii ɔda.”
19Amu na Aaron údie kenye ɔnini, “Ɔmwi na bábla bana likpidi buvele ku akpala bɔkyula na Unwoti anumi, nsu lɛla lɛmɛni udu lɛ́ɛlɛku-mi, na muuye-ɔ ni, si bɔdi na lɛ́di likpidi lili buvele akpala ammɔ ɔmwi ni, nka ɔdubo Unwoti kaƒɔ bɔyɔ ntuu?” 20Uwi ɔni na Mose únu kenye kamɛni kani na ɔ́bla-nwu buɛɛ.
Currently Selected:
Lewiƒuɔ Ɔda Bubo 10: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Lewiƒuɔ Ɔda Bubo 10
10
Nadab Ku Abihu Bábla Likpidi
1Na uwi ɔmmɔ ni, Aaron bebi bananabi inyɔ bani ndi Nadab ku Abihu béti bana kɔlɛkɛ kɔni lɛlɔ na beedie ogya teewi na bédie ogya béwi-ku lɛlɔ. Béti oloƒui béwi ogya ɔmɛni lɛlɔ banii baakyula bete Unwoti na ɔmɛni ɔ́ta únye ɔda bubo bɔni na úte-ma lɛlɔ. 2Ɔmmɔ ɔsu Unwoti ɔ́ya na ogya unyemi bonwu ɔdi úbo na úbakyula-ma na békpi kɔnakunwi na nwuna anumi mmɔ. 3Mmɔ na Mose ɔ́su Aaron ɔnini, “Lɛla lɛmɛni na Unwoti ɔ́su uwi ɔni na ɔ́su ɔnini, ‘Bekyuli bani muubo-mi kudɔ ƒui ɔlɛka babla-mi lɛla biala kedee aani kalɛ kani na nse kedee. Na kadi bekyuli ƒui beti ɔbu bete-mi.’ ” Na bunye kani na Aaron unye kpoo uunú na útebimi kenye.
4Amu na Mose ɔ́kpali Misael ku Elsaƒan bani ndi Aaron ɔti ɔnwani ɔnanabi Usiel bebi bananabi ɔnini, “Bɛlɛ bibo na bibetiku bina banwani bekpine bɛtɔlɔku Katɔti Kevo Kedee anumi mɛni bɛlɛku bula keliekɔ bisienku kama.” 5Anwuɔsu bálɛ bébo na báda bekpine bammɔ ku awuku ani mmu nkya-ma lɛlɔ mmɔ atu na bágyu-ma bálɛku mmɔ aani kalɛ na Mose úbo-ma ɔda.
6Amu na Mose ɔ́su Aaron ku nwuna bebi bananabi Eleasar ku Itamar ɔnini, “Amii amu ni, bitanyonu bina lili linwini bitewi na lɛbla kalɛ kalɛ iye bɛni bina adala bɛbwɛ bɛtina ka likpidi lɛdi lɛ́lɛku-mii si ɔɔɔdi lɛni bɛdubo bukpi, na Unwoti ɔ́kɛku bina kadi kammɔ bekyuli ƒui kɔnyi. Na bina lɛlɔ bekyuli ku kadi ƒui ama bakana na bewulo bani ƒui na Unwoti ɔ́ya na ogya ɔ́yila-ma udu mmɔ. 7Bitavi tɔ bitalɛ Unwoti Adi Kevo kayakun kammɔ, na uwi ɔni na úwi-mii lili nnɔmii na úse-mii likpo, si ɔɔɔdi lɛni ni, bɛdubo bukpi.” Ɔmmɔ ɔsu bábla kalɛ kani na Mose úbo-ma ɔda.
8Ɔmmɔ kama Unwoti ɔ́su Aaron ɔnini, 9“Ɔkpane ɔdi biala, awɔ ku ƒula bebi bananabi ɔdi utani ntɛ bubulodi bɔni kemmo na bɔnyii bɔkya iye bɔbambadi bɔdi biala udu na uduo Unwoti Adi Kevo kammɔ kemmo, si ɔɔɔdi lɛni bɛdubo bukpi. Na bunyimi bɔmɛni lɛlɔ na bɛdubɔdi úti úsela uwi ƒui amii ku bina kaba kaba ƒui bekyuli. 10Ɔlɛka kavumana kakya lɛla lɛni nse kedee ku lɛni neeese kedee ntɛ. Na ɔlɛka kavumana kakya lɛla lɛni báƒuna bése sɛsɛɛ ku lɛla lɛni na baaƒuƒwɛ ntɛ. 11Na ɔlɛka atina Israelƒuɔ ƒui ala ani ƒui na línyimiku-ma ɔkɛnku Mose lɛlɔ.”
12Amu na Mose ɔ́su Aaron ku nwuna bebi bananabi bani nébu, Eleasar ku Itamar ɔnini, “Biti edula ebi akpala ani bákyula lɛkpabi lɛlɔ béte Unwoti na ébu mmɔ bɛnwa bɛdi na lɛkpabi lɛmmɔ kɔmadɔ, ɔsika ese kedee ƒui. 13Bɛdi-nya na kesii kani nse kedee mmɔ, ɔsika ɔmmɔ ndi awɔ ku ƒula bebi bananabi kadikɔ, na akpala ani na bákyula lɛkpabi lɛlɔ béte Unwoti mmɔ kemmo. Na ɔmmɔ ndi ɔda ɔni na Unwoti úbo-mi, 14Na kayi ɔvu ɔmmɔ ni, awɔ ku ƒula bebi bananabi ku belekubi ƒui bɛkana na bɛkun anwu. Ɔsika ɔmmɔ na bɛ́kɔliku katɔ bɛ́tina Unwoti bíbo kudu ku nwuna libuli lɛnɔ. Na kesii kani na bɛdubo lɛna lɛmmɔ bɔkun ni, bɛnu ka kesii kammɔ kese sɛɛn na lɛla lɛni muusé lɛlɔ lɛdi liiibo mmɔ. Ɔmmɔ ndi bina kadikɔ ɔ́si unwi bɔbla akpala ani na Israelƒuɔ bábla kemmo. 15Ɔdi ka beti ebuo libuli ku kayi ɔvu ɔni béte mmɔ béboku na bákɔliku katɔ bátina-mi uwi ɔni na béti ekpo ani nélie lɛmwi mmɔ bábla enyimo adila bɔsia akpala. Na ɔmmɔ ndubo ƒula kadikɔ bunwini ku ƒula bebi aani kalɛ na Unwoti úbo-mii ɔda.”
16Uwi ɔni na Mose úye ekpidi bɔkyiɛ ese ɔni na bádu na básu-nwu ka béti anwu lɛnɔ bákyula ni, úti kɔnyi ɔ́kya Eleasar ku Itamar Aaron bebi bani nébu na úye-ma ɔnini, 17“Bi ɔsu na bítakun likpidi lili buvele akpala ammɔ na Kevo kammɔ kaduli? Ɔdi lɛla lɛni na lise kedee ƒui, na buti na béti-nwu béte-ɔ ka edie ekpidi na bekyuli ƒui lili aani kɔtɔ bukpi akpala na Unwoti anumi. 18Na ka bíteti nwuna ubugya bíteduoku Katɔma Kedee kemmo ɔsu ni, ɔdi ka nka bɛkun lɛna lɛmmɔ na Katɔma Kevo kaduli aani kalɛ na líbo-mii ɔda.”
19Amu na Aaron údie kenye ɔnini, “Ɔmwi na bábla bana likpidi buvele ku akpala bɔkyula na Unwoti anumi, nsu lɛla lɛmɛni udu lɛ́ɛlɛku-mi, na muuye-ɔ ni, si bɔdi na lɛ́di likpidi lili buvele akpala ammɔ ɔmwi ni, nka ɔdubo Unwoti kaƒɔ bɔyɔ ntuu?” 20Uwi ɔni na Mose únu kenye kamɛni kani na ɔ́bla-nwu buɛɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.