Yeremia 47
47
Unwoti Ɔ́su Lɛla Lɛdi Na Ƒilistiƒuɔ Lɛlɔ
1Asa na Egyipteƒuɔ ɔga ɔdubukpo Gasa ɔma ni, Unwoti ɔ́su-mi ɔnii nsu Ƒilistiƒuɔ ɔnini, 2“Ami Unwoti mɔɔsu-mii nnii bekisine bekpone badubɔsi katɔ kakɛ na babaƒɔ bina kalɔ lɛlɔ ƒui. Na badubo bina lɛma bɔbwɛ na bakpala-mii batɔlɔku na anu ka keku ku kɔvanu kɔda. 3Si uwi ɔni na bínu ka bapɔnkɔ ku kɛɛkɛ kɔku kɔ́bwɛ kɔdubo ni, bina ɔtɔtɔ ɔdubɔgyu-mii na bawɔne badubɔda ama alati bana bebi bewi. 4Na amii baƒɔ bekeline bani nási Kreta, bina uwi údu na ndubo-mii udu bɔyila. Na bina akɔ ɔdi ɔsɔ ulébu na uteebunku Tiro ku Sidon lɛma linengudi lɛmmɔ. 5Na bablani bani na baalɔ-ma Anakƒuɔ bani nébu belie ngba na Gasa ku Askelon ni, badubo bana eli bukpeyi na basɔ belie kpoo beteewulo-mii kɔnyana.
6“Biiye bɛnii uwi ɛlɛ na ndubo-mii bukpo butálɛ ku mina kewii na bɛdubɔsu-mi bɛnii nsɔku-ka nkya livuo kemmo na lite-mii bɔnwuna. 7Nsu dɛ na mina kewii kadubo bɔnwuna si lídie lɛdi líte-ka ka ukpo Askelonƒuɔ ku bani ƒui nli ɛpu kɔtu?”
Currently Selected:
Yeremia 47: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
