Yeremia 43
43
Bekyuli Bammɔ Bátɔlɔ Bésie Egyipte
1Lɛ́su bekyuli bammɔ lɛla biala na Unwoti ɔ́su-mi. 2Nsu Hosaia ubidi Asaria ku Karea ubidi Yohanan ku batuɔkplune bamba básu-mi banini, “Ɔkɔ na aanyi! Unwoti ɔdi útasu-ɔ ɔnii su-bu anii butesie Egyipte. 3Bɔgyi Neria ubidi Baruk násu-ɔ ɔnii su-bu lɛni, ɔsika ɔɔwia ka Babilonƒuɔ bebeƒie-bu kalɛ na bakpanku-bu besienku Babilon iye badu-bu muedi.”
4Yohanan ku bekpone benengu bamba ku bekyuli bakladi ƒui béni ka basɔ bakya Yuda ina ka Unwoti úbo-ma ɔda. 5Anwuɔsu Yohanan ku benengu bammɔ bátɔnku-bu na buti bɔ́yu ulu bésela Egyipte. Na bekyuli bani ƒui náyu ulu ɔmmɔ ndi bekyuli bani negyingya bakya kɔlɔ ƒui lɛlɔ na básɔ bénwini bébo ka nka bebelie Yuda. 6Ami ku Baruk nkɛ ku bekyuli bamba bani na nka bulie Gekalia kudɔ ɔni na Nebusaradan, Babilonƒuɔ bagyumanane unengu ɔmmɔ, ɔ́su-nwu kpakplaa ka utaanu abu ku ɔga bebi belekubi bammɔ ku banana ɛlɛɛ badi ku beleku ku banamu bammɔ lɛlɔ.
7Bekyuli bammɔ bétenu Unwoti litemi na bátɔlɔ bésie Egyipte na bétéli kesii kani baalɔ banii Taƒanes. 8Mmɔ na Unwoti ɔ́su-mi ɔnini, 9“Yeremia, ti atabi adi sienku aban ɔgadine ɔmmɔ kaduli kayakun na Taƒanes mmɔ na eku-nya akya atimbɔ aƒidi ani na béti bákya ulu mmɔ kalɔ na Yudaƒuɔ bammɔ anumi. 10Ɔmmɔ kama na asu-ma ka ami Unwoti Ɔyikune Ƒui, Israel Katɔti, nátala nnii balɔ mina kabla ɔblane Nebukadnesar ɔni nási Babilon. Ndubo-nwu bɔkpanku buboku mɛni na ubatu nwuna lɛga kadikɔ na use nwuna lɛgaboku mɛni na ɔdi lɛlɔ na kesii kani na éku atabi ani na lɛsu-ɔ mɛni ákya kalɔ mmɔ. 11Ɔdubo ubekpo Egyipte na ɔdu bekyuli pii na ɔlɛ ɔdu bana akɔ badi iye bakya-ma lɛbuli batɔlɔku aani bekyuli beƒiedi. 12-13Ndubo bɔya na ɔtu ogya ɔkya Egyipteƒuɔ baƒiɔ akpabi na ɔkyula iye uti baƒiɔ bavɔdi ku anwidi ammɔ ɔtɔlɔku. Na lɛya na ubile bana ekpo ani bábla na ese-ma kedee ute bana ɔƒɛ baƒiɔ mmɔ.
“Ɔmmɔ kama ni, Nebukadnesar ɔdubo kalɔ kemodi kammɔ bɔgyu buɛɛ bɔtɔlɔku aani kalɛ na baami kebweyi na adala lɛlɔ na lɛla lɛdi lilabla-nwu.”
Currently Selected:
Yeremia 43: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
