Yesaia 62
62
1Yerusalem, ndubɔtɛmi
lidie-ɔ kenye,
na ƒula bɔdia ɔsu na lɛɛɛdubo kenye bubile
bɔsɔ bulie kpoo wetédu uwi ɔni na lɛ́ƒɔ-ɔ
na élie kalɔ na ebo bɔnwuna
na eekeye aani ogya unyemi.
2Na kadi ƒui bekyuli
ku bana baga
badubɔnu kalɛ na ádi lɛlɔ
na Unwoti muedi ɔdubute-ɔ lɛnyi lɛwɔdi.
3Na adubɔbla aani kagabwa
kani muukeye na ƒula Unwoti Katɔti lɛkɔkɔ.
4Na bekyuli basɔ baaadubo
ƒula kalɔ kammɔ lɛnyi
bɔsia banii,
“Udinkɔ ɔni na béni bése.”
Mmomu badubɔlɔ-ka banii,
“Uleku ɔni na báwɛɛ-nwu kaduɛ.”
Ɔsika ƒula lɛlɔ lɛdubɔda Unwoti ebiti
na ɔdubɔbla aani
uleku ogya ute-ɔ.
5Kalɛ na ebiti aada okloƒu ɔni néti adagyaa
na lɛlɔ lɛɛyɔ́-nwu na ɔɔda-nwu ni,
lɛni na ƒula bebi badubɔda-kalɔ kammɔ.
Na kalɛ na uleku ɔgya ku ulekudi beelie ku ebiti ni,
lɛni na ebiti adubɔda Unwoti na ƒula lɛlɔ.
6Yerusalem ƒula ɔma awodu lɛlɔ
na ndubunyene bagyumanane
bani ndubo-mi buteenyimene usien ku ɔƒɛ
na belebile kenye
7ka lɛbla na Yerusalem
ɔkɛ ɔlɔkplu
na ɔƒɔ lɛnyi na kesi kesii.
8Unwoti úse kenye kpakplaa ɔnini,
“Nsɔ lɛɛɛdubo bina edula
buti bute bina bekisine na badi.
Na kadi bamba bekyuli basɔ baaadubo
bina ntɛ bɔwɔdi bɔni lɛnɔ
na bíbo abi bídie bɔni kudii.
9Uwi ɔni na amii alati néti
bina enu
bɛ́bla bina edula mmo ni,
bɛdubo bina adila bɔdi ku lɛlɔyɔ.
Na ntɛ bɔni na bídie ni,
bɛdubɔni-mu na mina kaduli
ku ebiti
na bɛgya-mi enu na mina kakpakɔ.”
10Yerusalem kadi bekyuli,
bɛlɛ na bitábwɛ ulu kaduɛ
bibeduoku ɔma ɔmmɔ kemmo bite bina bekyuli
bani nási badubo na bidie atabi ƒui na ulu lɛlɔ.
Bɛlɛ aƒlaga bite kadi bekyuli
na banu.
11Na bati ka Unwoti muute-ma bɔti ɔnini,
“Yerusalem bebi bɛnu, bina Ɔƒɔne ɔ́si ɔdubo!
Na ɔda lɛyuƒɔla ɔduboku-mii.
12Na ɔmmɔ kama badubɔlɔ-mii banii,
‘Unwoti ɔlati bekyuli
bani na ɔ́ƒɔ ɔ́lɛku bubie kemmo!’
Na bekyuli badubɔtɛmi bɔsiku ƒula ɔma ɔmmɔ lɛlɔ banii
kesii kabuni kani na
bekyuli bilie
ku ɔma ɔni na bekyuli báƒɔ-nwu kemmo geen.”
Currently Selected:
Yesaia 62: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
