Yesaia 32
32
Lɛgakadikɔ Kani Mɔɔbla Ala Siin
1Ɔga ɔdi ɔdubo ubadi bekyuli lɛlɔ ulu siin lɛlɔ,
na lɛlɔ badine batɛ etemila na ulu geen ɔmmɔ lɛlɔ.
2Na badubunwini kabɛkɔ bete bekyuli
si uwi ɔni na ɔƒɛƒɛɛ kpakplaa uukpó.
Na badubunwini libiɔ bete bekyuli
na kalɔ kakwiidi kemmo
ku lɛtakpɛ lɛni ndubɔkya bekyuli ɔyuli si ɔƒɛ ɔɔbi.
3Na ukyuli biala na ubo anumi
ɔdubo-nya bubimi na ɔnu,
na bani na bebo atu lɛnɔ
badubuse atu na benu.
4Na bekyuli bani na beeebo lɛlɔ buwi
na bana lɛlɔ kemmo lɛnɔ badubɔkɛ kayi
na babla kasusu.
Na bani mɔɔtɛmi taawalɛ lɛnɔ
badubɔtɛmi siin.
5Basɔ balakya lili kalɔ belete badɔlɔdi ɔƒɛni amu.
Na bekyuli bekpidi basɔ balákɛ kenyekɔ kadi
na bekyuli akɔ aani babune.
6Adɔlɔtɛ na badɔlɔdi baatɛmi,
na likpidi bɔbla kɔkwɛ kani na baakya.
Na baasu ɔkɔ ala teedumi Unwoti
na baayá na kɔka ku utukwɛ ɔɔdú bekyuli na beekpi.
7Balalane ni, ɔkɔ na baanyi
taasu ala,
na baabla likyulikpi ala na baakya likpidi kɔkwɛ
kalɛ na badu bekyuli bani nse kpɛtɛ kpɛtɛ
na baayaki ala na belenu-ma buvele
ina dɛ na beekpi-ma kɔtɔ
banii banu-ma kɔnyana.
8Na bekyuli babuni ama
baawia ulu
ɔni lɛlɔ na basia beteebunku bekyuli.
Na ɔmmɔ ɔsu na badubɔkɛ kusɛsɛ
na benye kpakplaa uwi ƒui.
9Amii beleku bani nédie lɛlɔ atu
na bɛɛɛdaku lɛla biala lɛda ni,
bise atu na binu lɛla lɛni na ndubo-mii bɔsu!
10Lɛla lɛdi lɛɛɛdubo-mii tɔ bukpoku ɔƒɛni
nsu asa na lɛkwa liteedu ni,
bɛdubɔti kalɛ na use.
Akutu udewi ɔɔɔdubo kɔtɛ bɔbla,
na mmɔ na lɛlɔ lɛdubo-mii bɔtɔ.
11Amii beleku bani na bulie kani na bilie
na bilábla kasusu taasiku lɛla lɛdi lɛlɔ ni,
bɛya na lɛlɔ litaatɔ-mii kpakpaakpa ku liƒu!
Bidie bina adala bise
na binyimi ala ani mɔɔtina ka biiwulo kɔnyana.
12Biti enu biwi kayi ku kɔnyana
na ala ani ndubo bɔlɛku bina adingyii mmo
ku mmo bamba lɛnɔ ƒui ɔsu,
ku ala ani ndubɔlɛku Yerusalem lɛnɔ ɔsu.
13Mina kadi bekyuli kalɔ ƒui
kadubunwini liyu kalɔ sɔɔn.
14Baga kesii kadubɔƒɔ lɛlɔ kese ukpludi
na ɔma ɔni kemmo
na nka bekyuli báƒɔ-nwu kemmo tɛtɛɛtɛ dii
ɔdubɔsa ɔbla ukpludi.
Na bekpone kɔgyumakɔ kpakplaa
ku lɛma kɔgyumanakɔ ƒui
kɔdubunwini alakpi akɔ bebuo kaƒiakɔ
na kunwini baƒonu kadikɔ.
15Uwi ɔni na Unwoti
ɔdubɔsɔku nwuna kɔyu ute-bu ɔsiku katɔ ni,
kɔlɔ kɔkwiidi ƒui kɔdubunwini adingyii mmo
bɔni adingyii ndubɔlɛ lili abla aani aku,
na kalɔ kammɔ kadia geen.
16Na litemi lɛlɔ bɔdi
ku ala bɔbla ulu lɛlɔ siin ndubɔkya mmɔ.
17Na ka ukyuli biala ɔdubɔbla ala ulu lɛlɔ siin ɔsu ni,
keyi buɛɛ ku atu bɔyɔ bɔdubɔkya
na ukyuli biala ɔƒɔ ɔkpana ɔdi.
18Amii Unwoti bekyuli bɛdubulie kpoo
ku keyi buɛɛ na atu ayɔ-mii na bina kɔkyakɔ ƒui.
19Na si ina ɔƒɛƒɛɛ ku ɔnantu
ku etubankɛ aana teebile ala,
na lɛma lɛɛbwɛ muedi ni,
20Unwoti ɔdubute-mii kusɛ kusɛ
uwi ɔni na bɛɛvá bina edula na ketu kɔtu
na bina bebuo ala betine ku bebuo bamba
badubusie bavi ƒaa na lɛla lɛdi lilabla-ma.
Currently Selected:
Yesaia 32: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
