Yesaia 3
3
Unwoti Ɔdubɔtɛku Yuda Ku Yerusalem Litemi
1Unwoti ɔni ndi Unwoti
Ɔyikune Ƒui
ɔdubutile kebunku biala kuƒi,
na ɔdubɔya na adila ku ntu
bɔsɔ bulédu Yerusalem ku Yuda bekyuli,
2kadi bayikune ku bekpone, litemi batɛne
ku kenye bediene, ku bani muubó like
ku benengu ƒui,
3ku bekpone esu batɔnkune ku bekyuli babune
ku kasusu bakyane ku enu kabla lidu bablane
ku bani mɔɔkanti taakya ala.
4Na bakloƒu na ɔdubɔya na bataanu-ma lɛlɔ,
na ɔya na banamu keeke bataadi-ma lɛlɔ.
5Na bekyuli badubo lɛlɔ butaanya taakya,
na banwani ku bakpana beteekpoku lɛlɔ.
Bakɔdi badubɔta benye benengu lɛlɔ,
na bani na nka balábu-ma kadi akɔ
badubɔta benye bekyuli babune lɛlɔ.
6Na uwi ɔmmɔ ni, ɔnwa ɔdubɔta na ɔsu ɔnwani
na ɔti kaduli ɔnini,
“Ka awɔ ebo ala adadi ɔsu ni,
awɔ nwini bula ɔtɔnkune
na anu kalɛ na aklibi ala ani nébie mɛni!”
7Nsu ɔdubudie kenye ɔnini,
“Oowo! Lɛɛɛdubo bɔkana kebunku kadi bute,
ɔsika liiibo adila iye adala adi na mina kaduli,
anwuɔsu tabla-mi ɔtɔnkune tete bekyuli bammɔ.”
8Yerusalem ku Yuda lɛma ƒui lɛdubo bubie
na ala ƒui eƒu akya, ɔsika bana etemila áta énye Unwoti lɛlɔ,
na béni ka babu anwu ɔni muukeye na bana akɔ.
9Na bana anumi lɛlɔ muedi adubɔnu bana bɔƒiɔ ati.
Na anumi ku anumi na baabla ekpidi ammɔ,
aani Sodom kadi bekyuli kalɛ na balábɛla-nya muedi.
Bɔbuɛ ute-ma!
Ama alati néti bana ɔgbankpi kɔtu bɔni béboku lɛlɔ.
10Su bekyuli bani nse siin anii, ɔdubɔtɛ ute-ma
ɔsika badubɔdi bana kabla ebi.
11Bɔbuɛ ute likyulikpi ala bablane!
Ɔgbankpi ɔ́ɔda ɔ́lɛ-ma lɛlɔ!
Bana enu kabla lɛyuƒɔla badubo bɔƒɔ.
12Bekyuli bani ablala nse aani banamu
mɔɔnya mina bekyuli taakya,
na beleku baadi-ma lɛlɔ.
O mina kadi bekyuli, bina batɔnkune
bákpanku-mii bésela batáyila.
Bákpanku-mii bálɛku ulu geen ɔmmɔ lɛlɔ.
13Katɔti úusie ulie kalɔ na litemi katɛkɔ,
na ɔdubo bekyuli ƒui litemi bɔtɛku.
14Ɔdubɔtɛku nwuna kadi benengu
ku batɔnkune litemi ɔnini,
“Amii nébile Yerusalem ɔni nse
aani mina adingyii ebi kemo.
Na bíyile bina kɔduli ku ala ani na
bíƒie bɛ́ƒɔ bawabane kudɔ.”
15Unwoti Ɔyikune Ƒui ɔnini,
“Ulu ɔmani udu na bɛ́kɛ,
na bɛɛkɔ́ mina bekyuli bawabane kpɛtɛ kpɛtɛ
lɛni binwini ɔtumu?”
Katɔti Ɔ́lɛ Yerusalem Beleku Kpakplaa
16Unwoti ɔnini,
“Yerusalem beleku balábu.
Bákpa bana amɔ bakɛ beesé anumi teete banana,
na bana enwu eti kayaa, na ala ani nda-ma akɔnkɔ
ku anikpo aabla kɔku na beebó lɛlɔ kudu.
Katɔti ɔdubɔni-ma kɔtu.
17Unwoti ɔdubɔya na bana eli alɛ alɛlɛbi
na bana eli apa na linwini lɛsɔ lilákwɛ.”
18Limeyi lɛmmɔ ni, Unwoti ɔdubɔda bana ala abuni ani na beeti taaklibi lɛlɔ udie-ma lɛlɔ. Ala ammɔ adi ndi asɛɛ ani na baakya amɔ ku ani mɔɔƒa bana lɛduuku lɛlɔ ku duuku ɔmmɔ alati 19ku asɛɛ ani baakya atu ku usɔ ku aduni ani baabala amɔ. 20Na ɔdubudie bana dukuu ku asɛɛ ebi ani nda-ma anikpo, ku kedi kani baabala agblinti, ku ligyulo ku ala ani na beeti teeƒie bakyuli kayi. 21Na ɔdubudie bana asikpɛɛ ku sika ugyiedi ala, 22ku limeyi kadikɔ adala ku lɛwu gyɔlɔɔ ku bana sika ugyiedi ala ani náƒɔ kuye ku egulabi kɔvumi wɛlɛ wɛlɛ kɔmmɔ ƒui 23ku bana kɔnu kɔni baanu lɛlɔ ku lɛwu kpɛtɛ kpɛtɛ gyɔlɔɔ ku ala ani beeti taakya bana eli bɔdia ku aduni ani beebi eli ku amangba mmɔ ƒui ɔdubo-nya budie.
24Na bana ugyulo ɔnyi ƒɛƒɛɛ ɔmmɔ ɔdububie.
Na bana agblinti aduni buni enwini lɛbuli lɛbuli.
Na bana eli linwini lɛni báklibi ƒui lɛdubɔyii udu.
Na benyimi adikpi na lɛwu buni gyɔlɔɔ lɛmmɔ kenye.
Na bayila bana bɔdia ƒui, na beti kɔƒa kani bataavi.
25Bana banana badubukpi kekpokɔ na kuwii kenye,
na bekpone batɛ kekpo.
26Na Yerusalem lɛban kenye ƒui lɛdubuse aani bekyuli
bani néduo kɔnyana, na beewulo bani nékpi.
Na ɔma umodi ɔmmɔ ɔdubɔbla aani uleku
ɔni náyu uwi kalɔkplu na ɔsɔ uuubo lɛla lɛla.
Currently Selected:
Yesaia 3: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Yesaia 3
3
Unwoti Ɔdubɔtɛku Yuda Ku Yerusalem Litemi
1Unwoti ɔni ndi Unwoti
Ɔyikune Ƒui
ɔdubutile kebunku biala kuƒi,
na ɔdubɔya na adila ku ntu
bɔsɔ bulédu Yerusalem ku Yuda bekyuli,
2kadi bayikune ku bekpone, litemi batɛne
ku kenye bediene, ku bani muubó like
ku benengu ƒui,
3ku bekpone esu batɔnkune ku bekyuli babune
ku kasusu bakyane ku enu kabla lidu bablane
ku bani mɔɔkanti taakya ala.
4Na bakloƒu na ɔdubɔya na bataanu-ma lɛlɔ,
na ɔya na banamu keeke bataadi-ma lɛlɔ.
5Na bekyuli badubo lɛlɔ butaanya taakya,
na banwani ku bakpana beteekpoku lɛlɔ.
Bakɔdi badubɔta benye benengu lɛlɔ,
na bani na nka balábu-ma kadi akɔ
badubɔta benye bekyuli babune lɛlɔ.
6Na uwi ɔmmɔ ni, ɔnwa ɔdubɔta na ɔsu ɔnwani
na ɔti kaduli ɔnini,
“Ka awɔ ebo ala adadi ɔsu ni,
awɔ nwini bula ɔtɔnkune
na anu kalɛ na aklibi ala ani nébie mɛni!”
7Nsu ɔdubudie kenye ɔnini,
“Oowo! Lɛɛɛdubo bɔkana kebunku kadi bute,
ɔsika liiibo adila iye adala adi na mina kaduli,
anwuɔsu tabla-mi ɔtɔnkune tete bekyuli bammɔ.”
8Yerusalem ku Yuda lɛma ƒui lɛdubo bubie
na ala ƒui eƒu akya, ɔsika bana etemila áta énye Unwoti lɛlɔ,
na béni ka babu anwu ɔni muukeye na bana akɔ.
9Na bana anumi lɛlɔ muedi adubɔnu bana bɔƒiɔ ati.
Na anumi ku anumi na baabla ekpidi ammɔ,
aani Sodom kadi bekyuli kalɛ na balábɛla-nya muedi.
Bɔbuɛ ute-ma!
Ama alati néti bana ɔgbankpi kɔtu bɔni béboku lɛlɔ.
10Su bekyuli bani nse siin anii, ɔdubɔtɛ ute-ma
ɔsika badubɔdi bana kabla ebi.
11Bɔbuɛ ute likyulikpi ala bablane!
Ɔgbankpi ɔ́ɔda ɔ́lɛ-ma lɛlɔ!
Bana enu kabla lɛyuƒɔla badubo bɔƒɔ.
12Bekyuli bani ablala nse aani banamu
mɔɔnya mina bekyuli taakya,
na beleku baadi-ma lɛlɔ.
O mina kadi bekyuli, bina batɔnkune
bákpanku-mii bésela batáyila.
Bákpanku-mii bálɛku ulu geen ɔmmɔ lɛlɔ.
13Katɔti úusie ulie kalɔ na litemi katɛkɔ,
na ɔdubo bekyuli ƒui litemi bɔtɛku.
14Ɔdubɔtɛku nwuna kadi benengu
ku batɔnkune litemi ɔnini,
“Amii nébile Yerusalem ɔni nse
aani mina adingyii ebi kemo.
Na bíyile bina kɔduli ku ala ani na
bíƒie bɛ́ƒɔ bawabane kudɔ.”
15Unwoti Ɔyikune Ƒui ɔnini,
“Ulu ɔmani udu na bɛ́kɛ,
na bɛɛkɔ́ mina bekyuli bawabane kpɛtɛ kpɛtɛ
lɛni binwini ɔtumu?”
Katɔti Ɔ́lɛ Yerusalem Beleku Kpakplaa
16Unwoti ɔnini,
“Yerusalem beleku balábu.
Bákpa bana amɔ bakɛ beesé anumi teete banana,
na bana enwu eti kayaa, na ala ani nda-ma akɔnkɔ
ku anikpo aabla kɔku na beebó lɛlɔ kudu.
Katɔti ɔdubɔni-ma kɔtu.
17Unwoti ɔdubɔya na bana eli alɛ alɛlɛbi
na bana eli apa na linwini lɛsɔ lilákwɛ.”
18Limeyi lɛmmɔ ni, Unwoti ɔdubɔda bana ala abuni ani na beeti taaklibi lɛlɔ udie-ma lɛlɔ. Ala ammɔ adi ndi asɛɛ ani na baakya amɔ ku ani mɔɔƒa bana lɛduuku lɛlɔ ku duuku ɔmmɔ alati 19ku asɛɛ ani baakya atu ku usɔ ku aduni ani baabala amɔ. 20Na ɔdubudie bana dukuu ku asɛɛ ebi ani nda-ma anikpo, ku kedi kani baabala agblinti, ku ligyulo ku ala ani na beeti teeƒie bakyuli kayi. 21Na ɔdubudie bana asikpɛɛ ku sika ugyiedi ala, 22ku limeyi kadikɔ adala ku lɛwu gyɔlɔɔ ku bana sika ugyiedi ala ani náƒɔ kuye ku egulabi kɔvumi wɛlɛ wɛlɛ kɔmmɔ ƒui 23ku bana kɔnu kɔni baanu lɛlɔ ku lɛwu kpɛtɛ kpɛtɛ gyɔlɔɔ ku ala ani beeti taakya bana eli bɔdia ku aduni ani beebi eli ku amangba mmɔ ƒui ɔdubo-nya budie.
24Na bana ugyulo ɔnyi ƒɛƒɛɛ ɔmmɔ ɔdububie.
Na bana agblinti aduni buni enwini lɛbuli lɛbuli.
Na bana eli linwini lɛni báklibi ƒui lɛdubɔyii udu.
Na benyimi adikpi na lɛwu buni gyɔlɔɔ lɛmmɔ kenye.
Na bayila bana bɔdia ƒui, na beti kɔƒa kani bataavi.
25Bana banana badubukpi kekpokɔ na kuwii kenye,
na bekpone batɛ kekpo.
26Na Yerusalem lɛban kenye ƒui lɛdubuse aani bekyuli
bani néduo kɔnyana, na beewulo bani nékpi.
Na ɔma umodi ɔmmɔ ɔdubɔbla aani uleku
ɔni náyu uwi kalɔkplu na ɔsɔ uuubo lɛla lɛla.
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.