Yesaia 2
2
Unwoti Kɔbi Lɛlɔ Kɔtɛ
1Ala ani ndubo mɛni na Amos ubidi Yesaia ɔ́nu ɔkɛnku Yuda ku Yerusalem lɛlɔ.
2Na uwi ukplodi kemmo ni,
kɔbi kɔni lɛlɔ na Katɔti kakpakɔ kenye
ndubɔbla kɔbi kɔni náƒɔ kuye kutulo abi ƒui akɔ.
Kɔdubɔkuku kɔvia abi ƒui eli, na kadi bekyuli ƒui
badubukeli besie mmɔ.
3Bekyuli badubɔsi kɔlɔ pii lɛlɔ bebo na babasu banini,
“Bɛya na bɔkɔ busie Unwoti Katɔti kɔbi lili
na Yakob Katɔti kakpakɔ, na ɔtina-bu
nwuna lilu na bɔsia-ni lɛlɔ.”
Ɔsika Sion mmɔ na badubɔtina-bu ala,
na bunu Unwoti litemi bɔsiku Yerusalem.
4Na Unwoti ɔdubɔtɛ litemi na ɔklibi kadi ku kadi
unyeƒi ɔni nkya-ma ntɛ.
Na bana kuwii ƒui ni, ama alati badubuti-ku bakywɛ
anwami bonwu ani
muunwíni kalɔ.
Na beti bana atula bakywɛ asaaka.
Na kadi ku kadi basɔ balata kekpo,
na basɔ balatumini bekyuli belete kekpo lɛnɔ.
5Israel kadi bekyuli, bibo
na bɔsia Unwoti bukeye kemmo.
Katɔti Ɔ́su Bekyuli Úse Ka Ɔdubɔtɛku-ma Litemi
6Unwoti úni Israel kadi bekyuli,
ɔsika bábla unwi ku ɔƒɛ katukɔ kadi bamba bekyuli
bani na evo ala bɔbla bɔ́ƒɔ-ma lɛlɔ kemmo,
na beebó like aani
Ƒilistiƒuɔ kalɛ.
Na baakya kadi bamba bekyuli lɛnɔ kɔgbu.
7Na Israelƒuɔ bebo akɛla lidu lidu aani sika ɔƒualadi
ku ugyiedi ku bapɔnkɔ ku bana kɛɛkɛ pii.
8Baƒiɔ béyi kalɔ kammɔ lɛlɔ.
Na bekyuli bammɔ baakya eli kalɔ taakpa ala
ani na béti bana enu bábla béte lɛlɔ.
9Ɔmmɔ ɔsu Unwoti ɔdububoku bekyuli ƒui kalɔ.
Na ukyuli biala ɔyila nwuna kenyekɔ.
Teti takyiɛ-ma!
10Bikeli bitéduo atakpɛ libu.
Na bɛbɛla bina lɛlɔ bɛsiku Unwoti ɔni mɔɔda liƒu,
na nwuna lɛgadi liikeye kudɔ.
11Limeyi lɛmmɔ ni, bekyuli bekpidi
bani mɔɔnu bekyuli ɔnusɛ bɔdubɔkya lili kalɔ,
na lɛlɔ katɔ bɔkɔliku biala bɔdububo kalɔ.
12Unwoti ubo nwuna limeyi na lɛsia ulu lɛdubo lite
bani mɔɔkun lɛmɛnɛ na baanu lɛlɔ katɔ katɔ.
Na ɔdububoku lɛlɔ katɔ bɔkɔli biala kalɔ limeyi lɛmmɔ.
13Na Lebanon egyii kpakplaa enengudi ammɔ ƒui
ɔdubukulo-nya uwi kalɔ ku Basan adi kpakplaa ammɔ.
14Na ɔdubɔbwɛ abi ku abinkpo ƒui uwi kalɔ.
15Na bagyumane kɔgyumanakɔ kpakplaa biala ni,
ɔdubɔƒɛ-ku ku awodu ƒui
uwi kalɔ.
16Na ɔbwɛ beyedine lɛkɔlɔ libendi ƒui ku lɛkɔlɔ libliidi
lɛni nnye lɛkɔlɔ kalɛlɛkɔ.
17Na bekyuli atuɔkplu ku lɛlɔ katɔ bɔkɔliku ƒui
ɔdububoku-mu kalɔ.
Na Unwoti lɛnyi kani ndubɔkɔ katɔ limeyi lɛmmɔ.
18Na Unwoti ɔdubɔyila baƒiɔ
biala udu.
19Na uwi ɔni na Katɔti ɔdubɔta unye ɔnii ɔɔkunku
kalɔ kammɔ ni, nwuna bekisine badubɔkpɛ
na bekeli beduo ubu.
Na babɛ na libu kemmo na atakpɛ akɔ,
na Unwoti bɔyia ku kalɛ na uukeye ɔsu.
20Na limeyi lɛmmɔ ni, sika ɔƒualadi ku ugyiedi baƒiɔ
bani na bávɔ bése lɛlɔ
baakpá ni,
badububo-nwu bewi baƒiamu ku bagyina.
21Badubo bukeli butéduo atabi libu bonwu kemmo,
na batábɛ atabi yayaaya ammɔ kɔka,
na bekeli Unwoti kɔnyi limeyi lɛmmɔ ku nwuna lɛgadi
lɛni muukeye na limeyi lɛni na ɔdubɔta unye
ɔnii ɔɔkunku kayawi.
22Bɛsɔ bitasia ukyuli ɔyawine anu ka ɔƒɛƒɛɛ
kani na nkya-nwu enwu.
Bi kɔsia na ɔdubɔlɛ ute-mii?
Currently Selected:
Yesaia 2: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Yesaia 2
2
Unwoti Kɔbi Lɛlɔ Kɔtɛ
1Ala ani ndubo mɛni na Amos ubidi Yesaia ɔ́nu ɔkɛnku Yuda ku Yerusalem lɛlɔ.
2Na uwi ukplodi kemmo ni,
kɔbi kɔni lɛlɔ na Katɔti kakpakɔ kenye
ndubɔbla kɔbi kɔni náƒɔ kuye kutulo abi ƒui akɔ.
Kɔdubɔkuku kɔvia abi ƒui eli, na kadi bekyuli ƒui
badubukeli besie mmɔ.
3Bekyuli badubɔsi kɔlɔ pii lɛlɔ bebo na babasu banini,
“Bɛya na bɔkɔ busie Unwoti Katɔti kɔbi lili
na Yakob Katɔti kakpakɔ, na ɔtina-bu
nwuna lilu na bɔsia-ni lɛlɔ.”
Ɔsika Sion mmɔ na badubɔtina-bu ala,
na bunu Unwoti litemi bɔsiku Yerusalem.
4Na Unwoti ɔdubɔtɛ litemi na ɔklibi kadi ku kadi
unyeƒi ɔni nkya-ma ntɛ.
Na bana kuwii ƒui ni, ama alati badubuti-ku bakywɛ
anwami bonwu ani
muunwíni kalɔ.
Na beti bana atula bakywɛ asaaka.
Na kadi ku kadi basɔ balata kekpo,
na basɔ balatumini bekyuli belete kekpo lɛnɔ.
5Israel kadi bekyuli, bibo
na bɔsia Unwoti bukeye kemmo.
Katɔti Ɔ́su Bekyuli Úse Ka Ɔdubɔtɛku-ma Litemi
6Unwoti úni Israel kadi bekyuli,
ɔsika bábla unwi ku ɔƒɛ katukɔ kadi bamba bekyuli
bani na evo ala bɔbla bɔ́ƒɔ-ma lɛlɔ kemmo,
na beebó like aani
Ƒilistiƒuɔ kalɛ.
Na baakya kadi bamba bekyuli lɛnɔ kɔgbu.
7Na Israelƒuɔ bebo akɛla lidu lidu aani sika ɔƒualadi
ku ugyiedi ku bapɔnkɔ ku bana kɛɛkɛ pii.
8Baƒiɔ béyi kalɔ kammɔ lɛlɔ.
Na bekyuli bammɔ baakya eli kalɔ taakpa ala
ani na béti bana enu bábla béte lɛlɔ.
9Ɔmmɔ ɔsu Unwoti ɔdububoku bekyuli ƒui kalɔ.
Na ukyuli biala ɔyila nwuna kenyekɔ.
Teti takyiɛ-ma!
10Bikeli bitéduo atakpɛ libu.
Na bɛbɛla bina lɛlɔ bɛsiku Unwoti ɔni mɔɔda liƒu,
na nwuna lɛgadi liikeye kudɔ.
11Limeyi lɛmmɔ ni, bekyuli bekpidi
bani mɔɔnu bekyuli ɔnusɛ bɔdubɔkya lili kalɔ,
na lɛlɔ katɔ bɔkɔliku biala bɔdububo kalɔ.
12Unwoti ubo nwuna limeyi na lɛsia ulu lɛdubo lite
bani mɔɔkun lɛmɛnɛ na baanu lɛlɔ katɔ katɔ.
Na ɔdububoku lɛlɔ katɔ bɔkɔli biala kalɔ limeyi lɛmmɔ.
13Na Lebanon egyii kpakplaa enengudi ammɔ ƒui
ɔdubukulo-nya uwi kalɔ ku Basan adi kpakplaa ammɔ.
14Na ɔdubɔbwɛ abi ku abinkpo ƒui uwi kalɔ.
15Na bagyumane kɔgyumanakɔ kpakplaa biala ni,
ɔdubɔƒɛ-ku ku awodu ƒui
uwi kalɔ.
16Na ɔbwɛ beyedine lɛkɔlɔ libendi ƒui ku lɛkɔlɔ libliidi
lɛni nnye lɛkɔlɔ kalɛlɛkɔ.
17Na bekyuli atuɔkplu ku lɛlɔ katɔ bɔkɔliku ƒui
ɔdububoku-mu kalɔ.
Na Unwoti lɛnyi kani ndubɔkɔ katɔ limeyi lɛmmɔ.
18Na Unwoti ɔdubɔyila baƒiɔ
biala udu.
19Na uwi ɔni na Katɔti ɔdubɔta unye ɔnii ɔɔkunku
kalɔ kammɔ ni, nwuna bekisine badubɔkpɛ
na bekeli beduo ubu.
Na babɛ na libu kemmo na atakpɛ akɔ,
na Unwoti bɔyia ku kalɛ na uukeye ɔsu.
20Na limeyi lɛmmɔ ni, sika ɔƒualadi ku ugyiedi baƒiɔ
bani na bávɔ bése lɛlɔ
baakpá ni,
badububo-nwu bewi baƒiamu ku bagyina.
21Badubo bukeli butéduo atabi libu bonwu kemmo,
na batábɛ atabi yayaaya ammɔ kɔka,
na bekeli Unwoti kɔnyi limeyi lɛmmɔ ku nwuna lɛgadi
lɛni muukeye na limeyi lɛni na ɔdubɔta unye
ɔnii ɔɔkunku kayawi.
22Bɛsɔ bitasia ukyuli ɔyawine anu ka ɔƒɛƒɛɛ
kani na nkya-nwu enwu.
Bi kɔsia na ɔdubɔlɛ ute-mii?
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.