Yesaia 15
15
Yesaia Ɔ́su Kenye Kadi Ɔ́siku Moab Kalɔ Lɛlɔ
1Kenye kamɛni kaatina lɛla lɛdi na Ar ku Kir Moab lɛma linengudi lɛlɔ.
Usien unwi kani na bábwɛ lɛma
lɛmmɔ na lɛ́yii udu ƒui!
2Dibon ɔma bekyuli
bákɔ bésie kɔbi lɛlɔ, na bana baƒiɔ kɔdu,
na Moab kalɔ bekyuli ƒui béwulo
na Medeba ɔma lili.
Békpeyi bana eli ku kuduo ƒui.
3Na bakɛ bana ɔma kemmo lilu lɛlɔ ƒui,
na benyimi adikpi,
ani mɔɔtina ka beewulo kɔnyana.
Na benye kadi kasakɔ ku lɛsa eli
na keku kada ƒioƒiooƒio na báyu bewi kalɔ.
4Na kɔvanu ku keku kani nda momoomo
na Hesbon ku Eleale lɛma linengudi kemmo,
na kɔku kɔmmɔ kuusié ɔgyu teetédu Yahas ɔma kemmo.
Ɔkɛnku ɔmmɔ ɔsu liƒu líƒie
Moab kalɔ bekpone bammɔ
na ama lɛnɔ bése kalɔ baava na ɔƒɛƒɛɛ ɔ́sa-ma.
5Mina kayi keenú ɔlɛ teete Moab kadi bekyuli,
ka bana bekyuli beekeli kekpo
béti bésela Soa ku Eglat-Selesia lɛma kakaaka ƒui.
Béti Luhit ɔma ulu na bákɔ bésela na beewulo.
Na bakɛ baaká bana ɔgbankpi ala ku kɔnyana
na Horonaim ɔma ulu lɛlɔ.
6Nimrim ntukpa bɔ́kwii!
Na ɔƒɛ ɔ́du utubili livo
lɛmmɔ ƒui,
na livo lɛdi lɛsɔ liiide mmɔ.
7Anwuɔsu akɛla ani na bábla
na báklibi bese lɛlɔ ni,
béti-nya na bávia utukwalɛ
ketudɔ egyii gyɛnglɛɛ ammɔ kemmo bátɔlɔku.
8Na kɔku kɔni na Moab kalɔ lɛlɔ bekyuli baabla ni,
kɔvanu kɔmmɔ ku kɔnyana etemila
aaku teetéwi Eglaim
na ɔkɛ mmɔ útédu Ber-Elim
na kalɔ kammɔ ɔmii lɛlɔ muedi.
9Dibon ketu ntu bɔ́ƒɔ ubugya,
nsu ubugya ɔni nsɔ ndubo kama uuuse buɛɛ.
Na Moabƒuɔ bani na banii bukeli na bada ni,
gyata na ndubo budie bɔkya-ma
ku bana ɛlɛɛ bani nébu ƒui.
Currently Selected:
Yesaia 15: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
