Yesaia 12
12
Batu Bumwi Ɔnu
1Na Unwoti limeyi lɛmmɔ lɛlɔ ni, bɛdubo ɔnu budie bɛnini,
“Bemwi-ɔ, O Unwoti!
Ina ka éti kɔnyi ákya-bu ni,
kɔnyi kɔmmɔ kɔ́yɔ-ɔ
na ásɔ énwini aayala-bu kaƒɔ mmomu.
2Sɔsɔ geen na ɔdi ka Unwoti úbo
ɔnii ubaƒɔ-mi ngba.
Ndubuti mina anu ƒui
bɔsia-nwu lɛlɔ
na lɛɛɛdubo bɔyia.
Unwoti Katɔti ndi ukyuli ɔni mɔɔkya-mi ɔyikun,
na anwu ndi ɔnu ɔni ndubɔkya-mi kenye uwi ƒui
ka anwu ndi-mi ngba bɔƒɔ.”
3Ebiti kemmo na bɛdubo ntu budu bɔni
bɔsiku ngba bɔƒɔ libiɔ lɛmɛni kemmo.
4Na Unwoti limeyi lɛmmɔ lɛlɔ ni, bɛdubɔsu bɛnii,
“Bimwi Unwoti lɛnyi
na bɛkpali-nwu lɛnyi bivele ala.
Na bibo nwuna ala ebendi
ani na ɔ́bla kudu bite kadi ƒui,
na bati ka Unwoti lɛnyi lɛ́kɔ katɔ katɔ ƒui.
5Bidie ɔnu bimwi Unwoti,
ɔsika ɔ́bla ala ebendi ani muukeye.
Bɛya na kayawi bekyuli ƒui bati kalɛ na biimwi-nwu.
6Amii bani nkya Sion ƒui
bidie ɔnu ku kudu momoomo,
ɔsika Israel Unwoti Kedee úbomo na bina akɔ.”
Currently Selected:
Yesaia 12: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
