Yesaia 11
11
Yese Kugyii Kagba Lɛlɔ Kɔtɛ
1Yese kaba kemmo ligyukui lɛdi lɛdubɔta,
na nwuna ugyitu ɔdubudie kagba na kanwu ebi.
2Na Katɔti Kɔyu kɔdubɔƒɔ-nwu lɛlɔ kemmo ƒui,
kɔyu kɔni ndanku lɛnunda ku ala kalɔ bunu
kakwɛ ku ɔyikun ku lɛlati ku Katɔti bɔyia.
3Nwuna lɛƒɔyɔ ndi ka bekyuli ƒui
beti ɔbu ku bɔyia bete Unwoti.
Na ɔɔɔdubo anumi bɔnu
bɔtɛ litemi,
iye unu bekyuli litemi ɔtɛ
lɛla lɛdi.
4Mmomu ɔdubɔtɛ litemi siin bute bawabane
na ukulo litemi kemmo ulu geen ɔmmɔ lɛlɔ
ute kalɔ kamɛni lɛlɔ bawabane.
Nwuna kenye litemi na ɔdubuti
ɔni bekyuli kɔtu aani lɛbuala na ɔyila-ma udu.
5Na ala bɔbla siin ndi kadii
kani ndubɔda-nwu kavobi,
na litemi geen lɛlɔ bɔdi ndubɔdi
lɛduni lɛni nda-nwu lɛmana.
6Na limeyi lɛmmɔ lɛlɔ ni,
kegidi ku koƒonu badubɔtɛ liku linwi,
na ebuoƒuala ku ese besie bavi kpɛtɛ kpɛtɛ.
Na ɔmantɛ bakɔ bebi ku
bebuo bamba
bani bebi nétedu tɔ
lɛkwa linwi
badubusie bavi bagyata ntɛ.
Na ɔnamu blii kani ndubɔtɔnku bana ƒui.
7Na ɔmantɛ bakɔ bebi
badubɔdi na begidi akɔ,
na bebuo inyɔ bammɔ
batɛ liku linwi basala,
na gyata ɔkun livo aani ɔmantɛ akɔ kalɛ.
8Ubiwɔ ɔni na anyi ntu
amu akya-nwu akpu ɔdubɔƒia
na balakpi bani mbo ugyulo ukpidi libu kenye,
na ɔkya-ma kɔnu libu, nsu lɛla lɛdi lilabla-nwu.
9Ɔdi ɔsɔ ulabla ɔkpanadi kalala,
na basɔ baládu lɛlɔ lɛnɔ
na mina kɔbi kedee lɛlɔ
na Sion mmɔ,
ɔsika kayawi bekyuli badubɔƒɔ-mi
na bati ami bana Unwoti geen
aani kalɛ na ntu bɔɔƒɔ́ ɛpu kemmo tɛtɛɛtɛ.
10Na limeyi lɛmmɔ lɛlɔ ni, Yese kugyii ugyiitu ɔdubɔlɛ unye aani ngba bɔƒɔ aƒlaga ute kayawi bekyuli ƒui. Na kadi ƒui bekyuli badubukeli bebo-nwu kudɔ na kesii kani na uli, ɔsika mmɔ kadubɔbla kesii kani muukeye na bekyuli baakɛ́ bɔnwuna. 11Ɔƒɛni na limeyi lɛni na Unwoti ɔlati úse úse lɛlɔ ni, ɔdubɔsɔ ɔkɔliku aƒlaga katɔ ute-ma na ɔsɔku nwuna kadi nkyuli ɛlɛɛ bani mebu ubasala ɔsiku Asiria ku Egyipte ku Patros ku Elam lɛnɔ.
12Ɔdubo bunyene aƒlaga ɔdi ute kadi ƒui bekyuli,
na ɔkpanku Israel kadi bekyuli
bani na béƒie bésienku kɔlɔ bamba
ku Yudaƒuɔ bani na bégyingya bakya ƒui
ɔsiku kayawi lɛƒɛnyi ine bɔmmɔ ƒui ubasala.
13Eƒraim ɔsɔ ulékpo kogyulo,
na bekisine Yudaƒuɔ bukpoku
kenye kadubo buklo.
Na Yuda kadi bekyuli lɛnɔ
basɔ belékpoku Eƒraim.
14Mmomu badubɔsala lɛlɔ
na babwɛ bayu Ƒilistiƒuɔ besie ɔƒɛ kanukɔ.
Na basi mmɔ betékpoku
kadi kani bekyuli nkya bésie ɔƒɛ katukɔ.
15Na Unwoti ɔdubɔya na Ɛpugyie kaviakɔ
kani nédie utukwalɛ aani lɛba mmɔ kakwii.
Na ɔtalaku nwuna kɔnu ɔsia Euƒrate Ketu
na utiku ɔƒɛƒɛɛ ɔni
mɔɔkula ala
na ukpo ɔvi-ka anumi
na ule-ka ɔbla ntukpa wɛlɛ wɛlɛ maatɛ
na ɔdia bɔvia ku lɛgba.
16Na Unwoti ɔdubɔya
na ulu bɛbɛɛbɛ ɔdi
ɔsia mmɔ ɔvi
ute nwuna kadi bekyuli
bani na bébu bakya Asiria,
aani kalɛ na ɔ́bla úte-ma
uwi ɔni na bávi baalɛ́ Egyipte kalɔ lɛlɔ.
Currently Selected:
Yesaia 11: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Yesaia 11
11
Yese Kugyii Kagba Lɛlɔ Kɔtɛ
1Yese kaba kemmo ligyukui lɛdi lɛdubɔta,
na nwuna ugyitu ɔdubudie kagba na kanwu ebi.
2Na Katɔti Kɔyu kɔdubɔƒɔ-nwu lɛlɔ kemmo ƒui,
kɔyu kɔni ndanku lɛnunda ku ala kalɔ bunu
kakwɛ ku ɔyikun ku lɛlati ku Katɔti bɔyia.
3Nwuna lɛƒɔyɔ ndi ka bekyuli ƒui
beti ɔbu ku bɔyia bete Unwoti.
Na ɔɔɔdubo anumi bɔnu
bɔtɛ litemi,
iye unu bekyuli litemi ɔtɛ
lɛla lɛdi.
4Mmomu ɔdubɔtɛ litemi siin bute bawabane
na ukulo litemi kemmo ulu geen ɔmmɔ lɛlɔ
ute kalɔ kamɛni lɛlɔ bawabane.
Nwuna kenye litemi na ɔdubuti
ɔni bekyuli kɔtu aani lɛbuala na ɔyila-ma udu.
5Na ala bɔbla siin ndi kadii
kani ndubɔda-nwu kavobi,
na litemi geen lɛlɔ bɔdi ndubɔdi
lɛduni lɛni nda-nwu lɛmana.
6Na limeyi lɛmmɔ lɛlɔ ni,
kegidi ku koƒonu badubɔtɛ liku linwi,
na ebuoƒuala ku ese besie bavi kpɛtɛ kpɛtɛ.
Na ɔmantɛ bakɔ bebi ku
bebuo bamba
bani bebi nétedu tɔ
lɛkwa linwi
badubusie bavi bagyata ntɛ.
Na ɔnamu blii kani ndubɔtɔnku bana ƒui.
7Na ɔmantɛ bakɔ bebi
badubɔdi na begidi akɔ,
na bebuo inyɔ bammɔ
batɛ liku linwi basala,
na gyata ɔkun livo aani ɔmantɛ akɔ kalɛ.
8Ubiwɔ ɔni na anyi ntu
amu akya-nwu akpu ɔdubɔƒia
na balakpi bani mbo ugyulo ukpidi libu kenye,
na ɔkya-ma kɔnu libu, nsu lɛla lɛdi lilabla-nwu.
9Ɔdi ɔsɔ ulabla ɔkpanadi kalala,
na basɔ baládu lɛlɔ lɛnɔ
na mina kɔbi kedee lɛlɔ
na Sion mmɔ,
ɔsika kayawi bekyuli badubɔƒɔ-mi
na bati ami bana Unwoti geen
aani kalɛ na ntu bɔɔƒɔ́ ɛpu kemmo tɛtɛɛtɛ.
10Na limeyi lɛmmɔ lɛlɔ ni, Yese kugyii ugyiitu ɔdubɔlɛ unye aani ngba bɔƒɔ aƒlaga ute kayawi bekyuli ƒui. Na kadi ƒui bekyuli badubukeli bebo-nwu kudɔ na kesii kani na uli, ɔsika mmɔ kadubɔbla kesii kani muukeye na bekyuli baakɛ́ bɔnwuna. 11Ɔƒɛni na limeyi lɛni na Unwoti ɔlati úse úse lɛlɔ ni, ɔdubɔsɔ ɔkɔliku aƒlaga katɔ ute-ma na ɔsɔku nwuna kadi nkyuli ɛlɛɛ bani mebu ubasala ɔsiku Asiria ku Egyipte ku Patros ku Elam lɛnɔ.
12Ɔdubo bunyene aƒlaga ɔdi ute kadi ƒui bekyuli,
na ɔkpanku Israel kadi bekyuli
bani na béƒie bésienku kɔlɔ bamba
ku Yudaƒuɔ bani na bégyingya bakya ƒui
ɔsiku kayawi lɛƒɛnyi ine bɔmmɔ ƒui ubasala.
13Eƒraim ɔsɔ ulékpo kogyulo,
na bekisine Yudaƒuɔ bukpoku
kenye kadubo buklo.
Na Yuda kadi bekyuli lɛnɔ
basɔ belékpoku Eƒraim.
14Mmomu badubɔsala lɛlɔ
na babwɛ bayu Ƒilistiƒuɔ besie ɔƒɛ kanukɔ.
Na basi mmɔ betékpoku
kadi kani bekyuli nkya bésie ɔƒɛ katukɔ.
15Na Unwoti ɔdubɔya na Ɛpugyie kaviakɔ
kani nédie utukwalɛ aani lɛba mmɔ kakwii.
Na ɔtalaku nwuna kɔnu ɔsia Euƒrate Ketu
na utiku ɔƒɛƒɛɛ ɔni
mɔɔkula ala
na ukpo ɔvi-ka anumi
na ule-ka ɔbla ntukpa wɛlɛ wɛlɛ maatɛ
na ɔdia bɔvia ku lɛgba.
16Na Unwoti ɔdubɔya
na ulu bɛbɛɛbɛ ɔdi
ɔsia mmɔ ɔvi
ute nwuna kadi bekyuli
bani na bébu bakya Asiria,
aani kalɛ na ɔ́bla úte-ma
uwi ɔni na bávi baalɛ́ Egyipte kalɔ lɛlɔ.
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.