Yesaia 10
10
1Bɔbuɛ beete bekyuli,
ama bani muunyimi ɔda bubo bukpidi
kalɛ na bataanya bekyuli taakya.
2Na balátɛ litemi ulu lɛlɔ
teete bawabane ku bekpinele ku bekpinebi
kalɛ kɔnu kutuku-ma
bana ala lɛlɔ.
3Bi na bɛdubo bɔbla
ɔgbankpi uwi,
uwi ɔni na ndubɔya na ɔsi kalɔ kakaaka
ubo ubalɛ-mii lɛlɔ?
Ɔma na bɛdubo bukeli bɔtamiku?
Na ɔma na bɛdubo bina akɛla bɔda buse?
4Badubɔni-mii batɔlɔku na abuli kemmo
ku bekyuli beƒiedi bakladi na biiibo lɛla lɛdi bɔbla,
iye badu-mii bebunku bani na báadu béwi.
Nsu ɔmmɔ ƒui Katɔti kɔnyi kɔɔɔdubo-nwu bɔyɔ tɔ.
Katɔti Ɔ́tɛku Asiriaƒuɔ Litemi
5“Bɔbuɛ beete Asiria, mina ugyii ɔni nda ku kɔnyi.
Bana enu kemmo na mina kɔnyi ligyiiku lɛkya!
6Na mɔɔtala-ma ka betékpoku mina bekyuli
bani naaadi mina etemila lɛlɔ.
Lídie-ma ulu nnii betékpo mina kadi bekyuli,
bekyuli bani mɔɔkya-mi kɔnyi,
na beƒie-ma ala baƒɔ na besusu-ma kpɛtɛ kpɛtɛ.
7Nsu Asiriaƒuɔ baaagyi banii
ami nda-ma mɔɔbla lɛla
lɛni mɔɔyɔ́.
Ama bana kasusu ndi ka
ama alati nda bana ɔyikun
ka bekpo
na badi kɔlɔ pii lɛlɔ
na bayila-ma udu.
8Anwuɔsu na Asiria ɔga ɔɔkun lɛmɛnɛ ɔnini,
‘Mina kekpo batɔnkune ƒui badi baga.
9Na bádi Kalno ɔma lɛlɔ
aani kalɛ na bádi Karkemis ku Hamat
ku Arpad ku Samaria ku Damasko lɛnɔ lɛlɔ.
10Geen ni, líkpo lɛ́di kɔlɔ kɔni baƒiɔ nákuku lɛlɔ,
na kúbomo kútulo Yerusalem ku Samaria badi.
11Na lɛni kani na ndubo bukpo
na lɛdi Yerusalem ku nwuna baƒiɔ ƒui lɛlɔ.’ ”
12Ɔƒɛni si lebo lɛni na Unwoti Katɔti ɔ́sia Asiriaƒuɔ lɛlɔ ɔ́wɔlɔ lɛla lɛni na ɔɔwia ka ɔbla na Yerusalem ku Sion ni, ɔdubunwini na ɔsu ɔnini, “Ndubɔni Asiriaƒuɔ ɔga ku nwuna kadi bekyuli kɔtu, ɔsika uutú kɔnu kayi na ɔɔkun lɛmɛnɛ na ɔɔnu bekyuli bani lɛlɔ na ɔ́di ɔnusɛ. 13Ɔɔtina lɛlɔ ku enyekpi taasu ɔnini,
“ ‘Ami ɔlati mina ɔyikun ku lɛlati
ku lɛnunda kemmo na líkpo bekyuli bamɛni
na lɛ́di-ma lɛlɔ na líƒie kɔlɔ pii
ku bana akɛla lɛ́ƒɔ
na lɛ́di baga bammɔ lɛlɔ na lɛ́yila-ma udu ƒui.
14Kalɛ na ukyuli ɔɔkya kɔnu
nwuna bebuo lɛyu teeƒie ebuo ɔni na ɔɔyɔ́ ni,
lɛni na lɛ́kya kɔnu kadi bamba kalɔ kemmo
na lɛ́kpala-ma akɛla ƒui lɛ́tɔlɔku.
Kalɛ na ukyuli ɔɔla avala na lɛyu kemmo ni,
lɛni na lɛ́sala kalɔ lɛlɔ baga ku bana bekyuli
ɔni na ɔdi útebimi kenye iye unene kɔvwi muedi.’ ”
15Bɔkana na kadadi kadubɔkana
lɛlɔ katɔ bɔkɔli butulo ukyuli ɔni nda-ka?
Munuu lɛbuala lɛni bada baabwɛ kugyii
ndubɔkana kayi butu bɔkya ukyuli ɔni nda-nwu?
Aani si lɛbuala mɔɔgyú ukyuli teeƒwimi
iye ligyiiku mɔɔda ukyuli taaƒiɛmi lɛla lɛdi.
16Anwuɔsu Unwoti Ɔyikune Ƒui, ɔdubɔya
na ɔlɛ kpakplaa ubo Asiria ɔga
ku nwuna bekpone bani mɔɔtina lɛlɔ lɛlɔ,
na bana ɔlɔna kemmo
keteenu ɔlɛ
aani ogya mɔɔkyula-ma.
17Unwoti ɔni ndi Israel bukeye
ɔdubunwini ogya na udie ogya unyemi
na ɔkyula-ma limeyi linwi pɛ
na bakywi
aani liyu ku alakpigya kalɛ.
18Na bana akumiɔ ani nábi
ku kɔlɔ kɔni nélie lɛmwi
mmɔ ƒui
ndubo-ku bɔkyula na kɔyii udu
aani kalɛ na ɔlɛne uuƒi
taayii udu.
19Na egyii alɛɛ geen
ndubo bubu
na ɔnamu blii muedi
adubɔka-nya!
Israelƒuɔ Ɛlɛɛ Badi Badubo Bubu
20Na uwi ɔmmɔ ni, Israelƒuɔ ɛlɛɛ bani mebu
na badi Yakob kaba kemmo bebi ni,
basɔ beleti bana anu balasia
bekyuli bani nékpo-ma na bádi-ma lɛlɔ
banii ama ndubo-ma bubunku.
Mmomu Unwoti Israel
Katɔti Kedee
na badubuti bana kayi ƒui basia.
21Yakob kaba kemmo
nkyuli ɛlɛɛ
badubunwini bebo Katɔti Ɔyikune Ƒui kudɔ.
22O Israel, ina ka bina kadi bekyuli bemomo
aani ɛpu kɔnwinimi muedi ni,
bina ɛlɛɛ kani ndubunwini bibo kama.
Katɔti ɔ́lɛ ugyii na nwuna ulu siin lɛlɔ úse ka
ɔkyula-mii na ɔyila-mii udu.
23Na Unwoti ɔni ndi Ɔyikune Ƒui
ɔdubo kalɔ kammɔ ƒui kɔtu kɔmɛni bɔni sɔsɔ.
24Anwuɔsu binu lɛla lɛni na Unwoti Ɔyikune Ƒui ɔmmɔ ɔ́su,
“Mina kadi bekyuli bani nkya Yerusalem,
bise kayi na bitayia Asiriaƒuɔ si beekpóku-mii
na baanya-mii taakya
aani kalɛ kani na Egyipte kadi bekyuli
bábla kuuku dii bábavi.
25Bana bukpoku bɔmmɔ
buletu uwi.
Na uwi klukwii kemmo ni,
kɔnyi kɔni na líti lɛ́kya-mii kɔdubo-mi bɔyɔ
na bana lɛlɔ mmomu na kɔnyi kɔdubo-mi bɔkɔ
kalɛ na lɛkyula-ma.”
26Unwoti Katɔti Ɔyikune Ƒui
ɔdubo-ma bubo bɔƒiɛmi kalɔ
na ebola eduo-ma lɛlɔ
aani kalɛ na ɔkɛnku
Gideon lɛlɔ,
na ɔ́di Midian kadi bekyuli lɛlɔ
na kesii kani baalɔ banii Oreb lɛtakpɛ.
Iye uwi ɔni na Mose ɔ́talaku Unwoti ugyii katɔ
na ɛpu úle ntɛ
na ɔ́nyina Egyipteƒuɔ bekpone bammɔ ƒui
na ntu kemmo.
27Limeyi lɛmmɔ lɛlɔ na Unwoti ɔdubɔya
na kalɛ na nwuna kadi bekyuli
bakya bekyuli bamba kalɔ
baabla-ma kabla ɔdubɔwɔ.
Na ɔƒɛ bana lɛlɔ bɔdi kɔgba
kɔni nda-mii amɔ ku amangba udie-mii lɛlɔ.
28Bɛnu! Báasi bébedu Aiat ɔma,
na básia bálɛ Migron ɔma kemmo.
Na baaklibi bana ala buse na Mikmas.
29Bávia ketu na utukwalɛ
bonwu ɔdi,
na bátáƒɔ lɛlɔ bátɛ Geba ɔma kemmo.
Na liƒu lɛ́ya na lɛlɔ lɛɛtɔ́ Rama ɔma bekyuli.
Na Saul ɔma Gibea kadi bekyuli
beekeli ka baƒɔ bana lili ngba.
30Amii Galim ɔma bekyuli,
bibo kɔnu kenye!
Na amii Laisa ɔma bekyuli,
binu kudu kɔni nda
O Anatos ɔma bekyuli, bíduo kɔnyana.
31Madmena ɔma bekyuli
bakɛ usi baawia kabɛkɔ.
Na Gebim kadi bekyuli
bábɛ beeduo ala kalɔ.
32Ɔmwi ni, bekisine bammɔ
badubɔƒɔ lɛlɔ bakya Nob ɔma
na bataadu anyi teekene lɛvu
taayila Sion teemene kɔbi kɔmmɔ na Yerusalem.
33Nsu bɛnu! Unwoti Ɔyikune Ƒui
ɔdubo kugyii bonwu
ku kuna kɔgba bonwu bɔmɛnɛ buwi kalɔ
ku nwuna ɔyikun bonwu.
Egyii enengudi ani nákuku mmɔ
na ɔdubo bɔƒɛ
na uboku-nya kalɔ.
34Ɔdubɔda lɛkumiɔ egyii ammɔ ku kadadi.
Na Lebanon egyii mmɔ
ewi kalɔ
na nwuna anumi na ayii udu.
Currently Selected:
Yesaia 10: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Yesaia 10
10
1Bɔbuɛ beete bekyuli,
ama bani muunyimi ɔda bubo bukpidi
kalɛ na bataanya bekyuli taakya.
2Na balátɛ litemi ulu lɛlɔ
teete bawabane ku bekpinele ku bekpinebi
kalɛ kɔnu kutuku-ma
bana ala lɛlɔ.
3Bi na bɛdubo bɔbla
ɔgbankpi uwi,
uwi ɔni na ndubɔya na ɔsi kalɔ kakaaka
ubo ubalɛ-mii lɛlɔ?
Ɔma na bɛdubo bukeli bɔtamiku?
Na ɔma na bɛdubo bina akɛla bɔda buse?
4Badubɔni-mii batɔlɔku na abuli kemmo
ku bekyuli beƒiedi bakladi na biiibo lɛla lɛdi bɔbla,
iye badu-mii bebunku bani na báadu béwi.
Nsu ɔmmɔ ƒui Katɔti kɔnyi kɔɔɔdubo-nwu bɔyɔ tɔ.
Katɔti Ɔ́tɛku Asiriaƒuɔ Litemi
5“Bɔbuɛ beete Asiria, mina ugyii ɔni nda ku kɔnyi.
Bana enu kemmo na mina kɔnyi ligyiiku lɛkya!
6Na mɔɔtala-ma ka betékpoku mina bekyuli
bani naaadi mina etemila lɛlɔ.
Lídie-ma ulu nnii betékpo mina kadi bekyuli,
bekyuli bani mɔɔkya-mi kɔnyi,
na beƒie-ma ala baƒɔ na besusu-ma kpɛtɛ kpɛtɛ.
7Nsu Asiriaƒuɔ baaagyi banii
ami nda-ma mɔɔbla lɛla
lɛni mɔɔyɔ́.
Ama bana kasusu ndi ka
ama alati nda bana ɔyikun
ka bekpo
na badi kɔlɔ pii lɛlɔ
na bayila-ma udu.
8Anwuɔsu na Asiria ɔga ɔɔkun lɛmɛnɛ ɔnini,
‘Mina kekpo batɔnkune ƒui badi baga.
9Na bádi Kalno ɔma lɛlɔ
aani kalɛ na bádi Karkemis ku Hamat
ku Arpad ku Samaria ku Damasko lɛnɔ lɛlɔ.
10Geen ni, líkpo lɛ́di kɔlɔ kɔni baƒiɔ nákuku lɛlɔ,
na kúbomo kútulo Yerusalem ku Samaria badi.
11Na lɛni kani na ndubo bukpo
na lɛdi Yerusalem ku nwuna baƒiɔ ƒui lɛlɔ.’ ”
12Ɔƒɛni si lebo lɛni na Unwoti Katɔti ɔ́sia Asiriaƒuɔ lɛlɔ ɔ́wɔlɔ lɛla lɛni na ɔɔwia ka ɔbla na Yerusalem ku Sion ni, ɔdubunwini na ɔsu ɔnini, “Ndubɔni Asiriaƒuɔ ɔga ku nwuna kadi bekyuli kɔtu, ɔsika uutú kɔnu kayi na ɔɔkun lɛmɛnɛ na ɔɔnu bekyuli bani lɛlɔ na ɔ́di ɔnusɛ. 13Ɔɔtina lɛlɔ ku enyekpi taasu ɔnini,
“ ‘Ami ɔlati mina ɔyikun ku lɛlati
ku lɛnunda kemmo na líkpo bekyuli bamɛni
na lɛ́di-ma lɛlɔ na líƒie kɔlɔ pii
ku bana akɛla lɛ́ƒɔ
na lɛ́di baga bammɔ lɛlɔ na lɛ́yila-ma udu ƒui.
14Kalɛ na ukyuli ɔɔkya kɔnu
nwuna bebuo lɛyu teeƒie ebuo ɔni na ɔɔyɔ́ ni,
lɛni na lɛ́kya kɔnu kadi bamba kalɔ kemmo
na lɛ́kpala-ma akɛla ƒui lɛ́tɔlɔku.
Kalɛ na ukyuli ɔɔla avala na lɛyu kemmo ni,
lɛni na lɛ́sala kalɔ lɛlɔ baga ku bana bekyuli
ɔni na ɔdi útebimi kenye iye unene kɔvwi muedi.’ ”
15Bɔkana na kadadi kadubɔkana
lɛlɔ katɔ bɔkɔli butulo ukyuli ɔni nda-ka?
Munuu lɛbuala lɛni bada baabwɛ kugyii
ndubɔkana kayi butu bɔkya ukyuli ɔni nda-nwu?
Aani si lɛbuala mɔɔgyú ukyuli teeƒwimi
iye ligyiiku mɔɔda ukyuli taaƒiɛmi lɛla lɛdi.
16Anwuɔsu Unwoti Ɔyikune Ƒui, ɔdubɔya
na ɔlɛ kpakplaa ubo Asiria ɔga
ku nwuna bekpone bani mɔɔtina lɛlɔ lɛlɔ,
na bana ɔlɔna kemmo
keteenu ɔlɛ
aani ogya mɔɔkyula-ma.
17Unwoti ɔni ndi Israel bukeye
ɔdubunwini ogya na udie ogya unyemi
na ɔkyula-ma limeyi linwi pɛ
na bakywi
aani liyu ku alakpigya kalɛ.
18Na bana akumiɔ ani nábi
ku kɔlɔ kɔni nélie lɛmwi
mmɔ ƒui
ndubo-ku bɔkyula na kɔyii udu
aani kalɛ na ɔlɛne uuƒi
taayii udu.
19Na egyii alɛɛ geen
ndubo bubu
na ɔnamu blii muedi
adubɔka-nya!
Israelƒuɔ Ɛlɛɛ Badi Badubo Bubu
20Na uwi ɔmmɔ ni, Israelƒuɔ ɛlɛɛ bani mebu
na badi Yakob kaba kemmo bebi ni,
basɔ beleti bana anu balasia
bekyuli bani nékpo-ma na bádi-ma lɛlɔ
banii ama ndubo-ma bubunku.
Mmomu Unwoti Israel
Katɔti Kedee
na badubuti bana kayi ƒui basia.
21Yakob kaba kemmo
nkyuli ɛlɛɛ
badubunwini bebo Katɔti Ɔyikune Ƒui kudɔ.
22O Israel, ina ka bina kadi bekyuli bemomo
aani ɛpu kɔnwinimi muedi ni,
bina ɛlɛɛ kani ndubunwini bibo kama.
Katɔti ɔ́lɛ ugyii na nwuna ulu siin lɛlɔ úse ka
ɔkyula-mii na ɔyila-mii udu.
23Na Unwoti ɔni ndi Ɔyikune Ƒui
ɔdubo kalɔ kammɔ ƒui kɔtu kɔmɛni bɔni sɔsɔ.
24Anwuɔsu binu lɛla lɛni na Unwoti Ɔyikune Ƒui ɔmmɔ ɔ́su,
“Mina kadi bekyuli bani nkya Yerusalem,
bise kayi na bitayia Asiriaƒuɔ si beekpóku-mii
na baanya-mii taakya
aani kalɛ kani na Egyipte kadi bekyuli
bábla kuuku dii bábavi.
25Bana bukpoku bɔmmɔ
buletu uwi.
Na uwi klukwii kemmo ni,
kɔnyi kɔni na líti lɛ́kya-mii kɔdubo-mi bɔyɔ
na bana lɛlɔ mmomu na kɔnyi kɔdubo-mi bɔkɔ
kalɛ na lɛkyula-ma.”
26Unwoti Katɔti Ɔyikune Ƒui
ɔdubo-ma bubo bɔƒiɛmi kalɔ
na ebola eduo-ma lɛlɔ
aani kalɛ na ɔkɛnku
Gideon lɛlɔ,
na ɔ́di Midian kadi bekyuli lɛlɔ
na kesii kani baalɔ banii Oreb lɛtakpɛ.
Iye uwi ɔni na Mose ɔ́talaku Unwoti ugyii katɔ
na ɛpu úle ntɛ
na ɔ́nyina Egyipteƒuɔ bekpone bammɔ ƒui
na ntu kemmo.
27Limeyi lɛmmɔ lɛlɔ na Unwoti ɔdubɔya
na kalɛ na nwuna kadi bekyuli
bakya bekyuli bamba kalɔ
baabla-ma kabla ɔdubɔwɔ.
Na ɔƒɛ bana lɛlɔ bɔdi kɔgba
kɔni nda-mii amɔ ku amangba udie-mii lɛlɔ.
28Bɛnu! Báasi bébedu Aiat ɔma,
na básia bálɛ Migron ɔma kemmo.
Na baaklibi bana ala buse na Mikmas.
29Bávia ketu na utukwalɛ
bonwu ɔdi,
na bátáƒɔ lɛlɔ bátɛ Geba ɔma kemmo.
Na liƒu lɛ́ya na lɛlɔ lɛɛtɔ́ Rama ɔma bekyuli.
Na Saul ɔma Gibea kadi bekyuli
beekeli ka baƒɔ bana lili ngba.
30Amii Galim ɔma bekyuli,
bibo kɔnu kenye!
Na amii Laisa ɔma bekyuli,
binu kudu kɔni nda
O Anatos ɔma bekyuli, bíduo kɔnyana.
31Madmena ɔma bekyuli
bakɛ usi baawia kabɛkɔ.
Na Gebim kadi bekyuli
bábɛ beeduo ala kalɔ.
32Ɔmwi ni, bekisine bammɔ
badubɔƒɔ lɛlɔ bakya Nob ɔma
na bataadu anyi teekene lɛvu
taayila Sion teemene kɔbi kɔmmɔ na Yerusalem.
33Nsu bɛnu! Unwoti Ɔyikune Ƒui
ɔdubo kugyii bonwu
ku kuna kɔgba bonwu bɔmɛnɛ buwi kalɔ
ku nwuna ɔyikun bonwu.
Egyii enengudi ani nákuku mmɔ
na ɔdubo bɔƒɛ
na uboku-nya kalɔ.
34Ɔdubɔda lɛkumiɔ egyii ammɔ ku kadadi.
Na Lebanon egyii mmɔ
ewi kalɔ
na nwuna anumi na ayii udu.
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.