Esekiel 27
27
Bédie Ɔkwanu Béte Tiro Ɔmmɔ
1Unwoti ɔnini,
2“Esekiel, ɔyawine ubi, die ɔkwanu na Tiro lili. 3Ɔdi ɔma unengudi ɔni na nka uwi ɛpu kɔtu na útaadiku kadi bekyuli bamba bani na ɛpu kɔtu mmɔ kuye. Na aya na bati anii kenye kamɛni kási-mi kudɔ nnini, ‘Tiro aakun lɛmɛnɛ na ƒula bɔdia bɔni na aanu ka adia geen ɔsu. 4Na ɛpu ɔmmɔ ɔkya-a kalɔ na aadi-nwu lɛlɔ. Na ese aani ɔkɔlɔ bonwu ɔni na bánwi na ɔdia geen. 5Ƒula banwine béti egyii abuni kpakplaa ani na básiku Hermon Kɔbi lɛlɔ bánwi ƒula kɔnyakɔ kugyikɛ na béti egyii ani na básiku Lebanon bábla eƒulo ligyii kangyaa lɛni mɔɔƒɔ́ ɔƒɛƒɛɛ teete-ɔ. 6Na béti egyii kpakplaa udu bamba básiku Basan abi lɛlɔ bánwi ɔkɔlɔ likuni bonwu lɛni na beeti taaka-a. Na básiku ligyii lɛni nálɛ ƒia ƒia na Kipro kalɔ lɛlɔ basia-a ɔtɔ kalɔ ubili kuliekɔ kuliekɔ na béti ɔtunkpɛ básia kukulo kukulo bákya-a akya abuni. 7Ƒula banwine béti adi kpɛtɛ kpɛtɛ ani náƒɔ kuye geen básiku Egyipte kalɔ lɛlɔ bédi ƒula eƒulo ammɔ kalɛ na bekyuli banu-ɔ ɔsiku ɔgyu kakaaka ƒui. Adi ani náƒɔ kuye geen ku kunweni lidu lidu na básiku Kipro na béti bébi kuliekɔ kɔni na bási ubili mɛni kevo na ɔ́kya-nwu ɔyuli.
8“ ‘Na banana bani nási Sidon ku Arvad mɔɔka ɔkɔlɔ ku likuni bonwu bonwu lɛmɛni. Na benengu bani mɔɔnu kabla bablane bamɛni lɛlɔ ndi ƒula banwine bani nánwi-ɔ kaduɛ mɛni. 9Na bekyuli bani ngyi ɔkɔlɔ lɛlɔ ala kabla kaduɛ na bási Biblos ni, ama mɔɔklibi-ɔ si lɛla lɛdi líbie-ɔ lɛlɔ. Na beyedine baasí ekpo ekpo teebo teebeye ƒula eyedila na ƒula kalɛlɛkɔ.
10“ ‘Bekpone bani mbo kayi geen na bási Persia ku Lidia ku Libia mɔɔbla kabla aani ƒula ketu lɛlɔ bekpone na baagyumana-a ku kekpo agyumanala ku kekpo kɔbwa na báya na aaƒɔ́ lɛnyi teesie ɔgyu sɔsɔ. 11Ƒula bagyumanane bamɛni bási Arvad ku Kilikia. Na bekyuli bani na bási Gamad muunye ƒula kɔgyumanakɔ kpakplaa kɔmmɔ taasia anu na béti bana ekpola báƒala ƒula awodu lɛlɔ na ƒula bɔdia búdu bɔ́wɔlɔ.
12“ ‘Beyedine bani nási Tarsis baadi sika ɔƒualadi ku abuala kpakplaa ku abuala ani baanwamana kuye teete-ɔ kalɛ na eti-nya abla kabla lidu.
13“ ‘Na Grikiƒuɔ ku Tubal ku Mesek bekyuli beeyé bekyuli teeboku-ɔ ku abuala egyiedi.
14“ ‘Na bekyuli bani nási Bet-Togarma baadiku-ɔ kuye teeboku-ɔ bapɔnkɔ bani mɔɔtuma ku bani muusié kekpokɔ ku bebuo ala betine.
15“ ‘Awɔ ku Dedanƒuɔ bɛɛdi kuye taasala. Na kadi bekyuli bani nli ɛpu kɔtu mmɔ bene ƒui bɛɛdi kuye na beeyé batu ɔtunkpɛ teete-ɔ ku egyii atonwudi kpakplaa adi udu teeti taavumanaku ala ani na awɔ ebo.
16“ ‘Na Edomƒuɔ béti atabi ani na áƒɔ kuye ku kunweni lidu lidu béboku ku adi ani na áƒɔ kuye geen ku ani na ese kpɛtɛ kpɛtɛ bábadiku-ɔ kuye.
17“ ‘Na Yuda ku Israelƒuɔ béti kakpa edula ku egyiibi lidu béboku-ɔ ku uwɔ ku nnɔ ku kutu akyala lidu bábavumanaku ƒula eyedila.
18“ ‘Na ka Damaskoƒuɔ bánu ala ani na ebo ɔsu ni, ama lɛnɔ béti ntɛ bɔni na bɔ́si Helbon ku bebuo linwini lɛni na básiku Saha béboku-ɔ.
19“ ‘Na Vedan ku Yavan bani nde Usal béboku-ɔ abuala ku kutu akyala.
20“ ‘Dedanƒuɔ béti kuntu ɔni na baasia bapɔnkɔ lɛlɔ teelie-nwu lɛlɔ mmɔ béboku-ɔ.
21“ ‘Na Arabiaƒuɔ ku Kedar lɛlɔ badine béboku-ɔ baƒonubi ku baƒonu ku bese.
22“ ‘Beyedine bani na bási Seeba ku Raama béti kutu akyala abuni geen ku atabi ani na áƒɔ kuye geen ku sika ugyiedi bábavumana ku ƒula eyedila ani na ebo.
23“ ‘Lɛni kani na awɔ ku bekyuli bani na bási lɛma linengudi lɛni ndi Haran ku Kane ku Eden ku Seeba ku Asur ku Kilmad bɛ́di kuye bɛ́sala. 24Na ama béte-ɔ adi ani na áƒɔ kuye geen na bédi-nya atu bákya akya lidu lidu ku ani muukeye ku lɛbuli lɛnɔ.
25“ ‘Lɛkɔlɔ libendi geen muuti-ɔ ala kesii biala na lɛɛyɔ́ ka lisie. Na awɔ ɔlati ɔmmɔ ese aani ɔkɔlɔ ɔni na bétile-nwu ala pii geen, 26na asia ntu anumi ésela na ɔƒɛƒɛɛ kpakplaa úbebo-ɔ ɔ́bwɛ. 27Na ala ani ƒui na eti áyii udu ku ani náƒɔ kuye geen mmɔ ƒui. Ƒula lɛkɔlɔ bakane ku ligyii banwine ƒui báyii ku udu úbunku ƒula beyedine ku bekpone ƒui. 28Bekyuli bénu kɔvanu kɔni na bekyuli bani nkya-a kemmo baabla ka ketu keeti-ma na ɛpu utubli ƒui. 29Lɛkɔlɔ bamba bakane ku bani na bakya-ni kemmo ku lɛkɔlɔ lɛmmɔ lɛlɔ banune ƒui bálɛ bana lɛkɔlɔ kemmo bésie benye utubli, 30na beewulo teete-ɔ ku kɔnyana na ƒula ɔgbankpi ɔsu na baakpí ɔtumu teebo lɛti teewi lili taatina kalɛ na lɛla lɛni mɔɔlɛ́ku-ɔ liikpóku-ma. 31Békpeyi bana eli na bada kɔnyana buwulo adala na beewulo ku kɔnyana ka basɔ beeebo lɛnunsia lɛdi ɔsu.
32“ ‘Na bana kɔnyana kemmo ni, bédie ɔkwanu béte-ɔ banini, “Tiro, nka awɔ náƒɔ lɛnyi étulo lɛma linengudi lɛkladi ƒui. Nsu ɔƒɛni amu ni, ƒula kenye kába mana mana na atɛ ɛpu kalɔ ƒui.” 33Ebiti átaada kadi bani bekyuli nákɛ ƒula eyedila béye. Na baga ƒui na kesi kesii bénwini balakɛne na ƒula ala ani náƒɔ bekyuli kuye geen ɔsu. 34Nsu ɔƒaani ni, aanu-ɔ nábwɛ ewi ɛpu kalɔ na ƒula eyedila ku kabla lidu bablane ƒui bégyingya bakya kesi kesii na ɛpu ɔmmɔ lɛlɔ. 35Ɔtɔtɔ buɛ ɔ́gyu bekyuli bani ƒui na beli ɛpu ɔmmɔ kɔtu mmɔ na liƒu líƒie-ma na ɔɔtina na bana anumi lɛnɔ kɔnakunwi. 36Kayawi beyedine ƒui balakana na bɔƒɔ lɛla lɛni udu nálɛku-mii mɛni udu badi. Ƒula kukpi litemi lɛdi lɛyiala geen. Na awɔ ɔdi ɔ́sa ƒui kede kede.’ ”
Currently Selected:
Esekiel 27: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
