Israelƒuɔ Bɔlɛ 2
2
Báwɔ Mose
1Uwi ɔmmɔ kemmo ni, ɔnana ɔdi ɔ́si Lewi ɔtɔ kemmo na úti uleku ɔdi ɔ́siku ɔtɔ ɔmmɔ kani kemmo. 2Na uleku ɔmɛni úbawɔ ɔnanabi úte-nwu. Na kalɛ na ubiwɔ ɔmɛni ɔɔdia bɔnu ɔsu ni, úti-nwu ɔ́bɛla abuli atɛ sɔɔn. 3Nsu ka ɔ́nu ɔ́ti ka ubiwɔ ɔmɛni ɔsɔ uládia bɔbɛla ni, ɔ́wia kagyigyɛ kadi na ɔ́wia kɔma ɔ́mana-nwu kemmo ku kama kalɛ na ntu bulakana-ka kemmo buduo. Amu na úti ubiwɔ ɔmɛni ɔ́kya kagyigyɛ kamɛni kemmo. Na úti-nwu útákya ketudɔ alakpi adi akɔ na Nil Ketu kɔtu. 4Na ubiwɔ ɔmɛni ɔnwani ulekubi ɔ́bɛ unye kesii kadi na unye ɔɔnu lɛla lɛni ndubɔlɛku ubi ɔmmɔ.
5Uwi ɔmmɔ kani na Ɔga Ƒarao ubidi ulekubi úsie ketu mmɔ ɔnii utákpi. Na ka ɔkya ɔɔkpí ni, nwuna bebunkune lɛnɔ bakɛ ketu amadɔ mmɔ. Amu na kɔnakunwi Ƒarao ubidi ɔmɛni ɔ́nu kagyigyɛ kamɛni na livo lɛmmɔ akɔ na ɔ́tala nwuna belekubi kabla bablane bammɔ unwi ka utágyu-ka uboku-nwu. 6Ka Ƒarao ubidi úbimi kagyigyɛ kamɛni ni, ɔ́nu ka ubiwɔ ɔdi ɔ́kya-nwu kemmo. Ubiwɔ ɔmɛni úse kalɔ uuwulo na nwuna lɛlɔ lɛ́kywi-nwu kaƒɔ. Mmɔ na ɔ́su ɔnini, “Ubiwɔ ɔmɛni ɔdi Hebriƒuɔ bebi akɔ ɔdi.”
7Anwuɔsu ubiwɔ ɔmɛni ɔnwani ulekubi úsie ɔga ubidi ɔmɛni kudɔ na úye-nwu ɔnini, “Nteesie na ntálɔ Hebrini uleku ɔdi mboku-ɔ na uteete-nwu lɛnyii teete-ɔ?”
8Amu na ɔga ubidi ɔmɛni údie kenye ɔnini, “Ɛɛn.” Mmɔ na ulekubi ɔmɛni útálɔ ubiwɔ ɔmmɔ uni geen. 9Amu na ɔga ubidi ɔmɛni ɔ́su uleku ɔni bátálɔ mmɔ ɔnini, “Ti ubiwɔ ɔmɛni na eteete-nwu lɛnyii teete-mi, na ndubuteete-ɔ lɛyuƒɔla.” Anwuɔsu uleku ɔmɛni úti ubiwɔ ɔmɛni na uute-nwu lɛnyii. 10Amu ka ubiwɔ ɔmɛni ɔ́lɛ lili blii ni, uleku ɔmmɔ úti ɔnamu ɔmmɔ úsienku ɔga ubidi ɔmmɔ, na úti-nwu ɔ́bla ubidi na ɔ́sia-nwu lɛnyi ɔnii Mose lɛni kalɔ ndi “Lídie ubi ɔmɛni lɛ́lɛku ketu kemmo.”
Mose Úkeli Úsie Midian Kalɔ Lɛlɔ
11Uwi ɔni na Mose ɔ́ɔlɛ lili ƒui kama ni, limeyi lɛdi úsie kesii kani na nwuna bekyuli bakya, na ɔ́nu kabla kpakplaa kani na baabla. Mmɔ ni, ɔ́nu ka Egyipteni ɔdi ɔkya uubó Hebrini ɔdi ɔni ndi anwu Mose lɛlɔ ukyuli. 12Amu ka Mose ɔ́tɛ anu ɔ́mana ni, ɔ́nu ka ukyuli ɔdi uuude mmɔ. Amu na úƒie Egyipteni ɔni nébo Hebrini ɔmmɔ na úbo-nwu ɔ́du. Na úti-nwu ɔ́bɛla lɛti kemmo. 13Na ka kadi kégye ni, Mose ɔ́nu ka Hebriƒuɔ lɛti lɛti badi bakya beekpó. Amu na ɔ́su ɔnwa ɔni náƒiɔ ɔnini, “Bi ɔsu na eebó ƒula ɔnwa Hebrini?”
14Amu na ɔnana ɔmmɔ údie kenye ɔnini, “Ɔma nédi-ɔ bula lɛlɔ ɔdine ku bula litemi ɔtɛne? Munuu aayɔ́ ka adu-mi aani kalɛ na ádu Egyipteni ɔmmɔ yoo?” Mmɔ na Mose ɔ́yia na ɔ́su lɛlɔ ɔnini, “Likpidi lɛni na lɛ́bla mɛni ni, bekyuli bánu-ni báti.”
15Amu ka Ƒarao únu litemi lɛmɛni ni, ɔ́wia ulu biala lɛlɔ ka nka ɔdu Mose. Nsu Mose úkeli na útélie Midian kalɔ lɛlɔ na libiɔ lɛdi kɔtu. 16Na ka úsie útélie mmɔ ni, Midian ɔkpane ɔdi bebi begblebi maatɛ bébo libiɔ lɛmmɔ kudɔ banii bebedu ntu na beti betéte bana ɔti baƒonu ku bese. 17Nsu baƒonu lɛlɔ banune badi bébo libiɔ lɛmmɔ kudɔ na bábɔku begblebi bammɔ. Na Mose úkpo ɔ́ƒɔ begblebi bammɔ na údu ntu úte-ma.
18Amu ka begblebi bammɔ bénwini bésie bana ɔti Yetro kudɔ ni, úye-ma ɔnini, “Bi nébo ɔsu na ɔmwi bíyile bubo lɛni?”
19Amu na bédie kenye banini, “Egyipteni ɔdi úbo na úbekpo ɔ́ƒɔ-bu na baƒonu lɛlɔ banune bammɔ enu kemmo. Na úbunku na búdu bula ntu muedi búte bula bebuo.”
20Amu na úye nwuna bebi bammɔ ɔnini, “Wɛ na ɔnana ɔmmɔ ɔkya? Bi ɔsu na bɛ́ya na ɔtɔlɔ? Bitáwia-nwu biboku na bute-nwu lɛla lɛdi na ɔdi.”
21Mose únu kalɔ ka ɔsɔ ɔkya ɔnana ɔmɛni kudɔ, na ɔnana ɔmmɔ úti ubidi ulekubi Sipora úte-nwu ɔnii uti. 22Na Sipora ɔ́wɔ ubi ɔnanabi úte Mose. Na Mose ɔ́sia-nwu lɛnyi ɔnii Gerson ɔni kalɔ ndi ɔnii, “Línwini ɔƒɔ na kalɔ bamba lɛlɔ.”
23Akwa pii adi kama ni, Egyipteƒuɔ ɔga úbekpi. Nsu Israelƒuɔ bamu bakya bana lɛbibo kemmo. Ɔmɛni ɔsu béwulo bévele Katɔti ka ubedie-ma ɔlɛku bana lɛbibo kemmo. 24Na Katɔti únu bana budumo na únyimo bunyimi bɔni na únyimi ku Abraham ku Isak ku Yakob. 25Anwuɔsu Katɔti ɔ́nu kalɛ na Israelƒuɔ beebó abi, na litemi lɛmmɔ líkpoku-nwu.
Currently Selected:
Israelƒuɔ Bɔlɛ 2: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Israelƒuɔ Bɔlɛ 2
2
Báwɔ Mose
1Uwi ɔmmɔ kemmo ni, ɔnana ɔdi ɔ́si Lewi ɔtɔ kemmo na úti uleku ɔdi ɔ́siku ɔtɔ ɔmmɔ kani kemmo. 2Na uleku ɔmɛni úbawɔ ɔnanabi úte-nwu. Na kalɛ na ubiwɔ ɔmɛni ɔɔdia bɔnu ɔsu ni, úti-nwu ɔ́bɛla abuli atɛ sɔɔn. 3Nsu ka ɔ́nu ɔ́ti ka ubiwɔ ɔmɛni ɔsɔ uládia bɔbɛla ni, ɔ́wia kagyigyɛ kadi na ɔ́wia kɔma ɔ́mana-nwu kemmo ku kama kalɛ na ntu bulakana-ka kemmo buduo. Amu na úti ubiwɔ ɔmɛni ɔ́kya kagyigyɛ kamɛni kemmo. Na úti-nwu útákya ketudɔ alakpi adi akɔ na Nil Ketu kɔtu. 4Na ubiwɔ ɔmɛni ɔnwani ulekubi ɔ́bɛ unye kesii kadi na unye ɔɔnu lɛla lɛni ndubɔlɛku ubi ɔmmɔ.
5Uwi ɔmmɔ kani na Ɔga Ƒarao ubidi ulekubi úsie ketu mmɔ ɔnii utákpi. Na ka ɔkya ɔɔkpí ni, nwuna bebunkune lɛnɔ bakɛ ketu amadɔ mmɔ. Amu na kɔnakunwi Ƒarao ubidi ɔmɛni ɔ́nu kagyigyɛ kamɛni na livo lɛmmɔ akɔ na ɔ́tala nwuna belekubi kabla bablane bammɔ unwi ka utágyu-ka uboku-nwu. 6Ka Ƒarao ubidi úbimi kagyigyɛ kamɛni ni, ɔ́nu ka ubiwɔ ɔdi ɔ́kya-nwu kemmo. Ubiwɔ ɔmɛni úse kalɔ uuwulo na nwuna lɛlɔ lɛ́kywi-nwu kaƒɔ. Mmɔ na ɔ́su ɔnini, “Ubiwɔ ɔmɛni ɔdi Hebriƒuɔ bebi akɔ ɔdi.”
7Anwuɔsu ubiwɔ ɔmɛni ɔnwani ulekubi úsie ɔga ubidi ɔmɛni kudɔ na úye-nwu ɔnini, “Nteesie na ntálɔ Hebrini uleku ɔdi mboku-ɔ na uteete-nwu lɛnyii teete-ɔ?”
8Amu na ɔga ubidi ɔmɛni údie kenye ɔnini, “Ɛɛn.” Mmɔ na ulekubi ɔmɛni útálɔ ubiwɔ ɔmmɔ uni geen. 9Amu na ɔga ubidi ɔmɛni ɔ́su uleku ɔni bátálɔ mmɔ ɔnini, “Ti ubiwɔ ɔmɛni na eteete-nwu lɛnyii teete-mi, na ndubuteete-ɔ lɛyuƒɔla.” Anwuɔsu uleku ɔmɛni úti ubiwɔ ɔmɛni na uute-nwu lɛnyii. 10Amu ka ubiwɔ ɔmɛni ɔ́lɛ lili blii ni, uleku ɔmmɔ úti ɔnamu ɔmmɔ úsienku ɔga ubidi ɔmmɔ, na úti-nwu ɔ́bla ubidi na ɔ́sia-nwu lɛnyi ɔnii Mose lɛni kalɔ ndi “Lídie ubi ɔmɛni lɛ́lɛku ketu kemmo.”
Mose Úkeli Úsie Midian Kalɔ Lɛlɔ
11Uwi ɔni na Mose ɔ́ɔlɛ lili ƒui kama ni, limeyi lɛdi úsie kesii kani na nwuna bekyuli bakya, na ɔ́nu kabla kpakplaa kani na baabla. Mmɔ ni, ɔ́nu ka Egyipteni ɔdi ɔkya uubó Hebrini ɔdi ɔni ndi anwu Mose lɛlɔ ukyuli. 12Amu ka Mose ɔ́tɛ anu ɔ́mana ni, ɔ́nu ka ukyuli ɔdi uuude mmɔ. Amu na úƒie Egyipteni ɔni nébo Hebrini ɔmmɔ na úbo-nwu ɔ́du. Na úti-nwu ɔ́bɛla lɛti kemmo. 13Na ka kadi kégye ni, Mose ɔ́nu ka Hebriƒuɔ lɛti lɛti badi bakya beekpó. Amu na ɔ́su ɔnwa ɔni náƒiɔ ɔnini, “Bi ɔsu na eebó ƒula ɔnwa Hebrini?”
14Amu na ɔnana ɔmmɔ údie kenye ɔnini, “Ɔma nédi-ɔ bula lɛlɔ ɔdine ku bula litemi ɔtɛne? Munuu aayɔ́ ka adu-mi aani kalɛ na ádu Egyipteni ɔmmɔ yoo?” Mmɔ na Mose ɔ́yia na ɔ́su lɛlɔ ɔnini, “Likpidi lɛni na lɛ́bla mɛni ni, bekyuli bánu-ni báti.”
15Amu ka Ƒarao únu litemi lɛmɛni ni, ɔ́wia ulu biala lɛlɔ ka nka ɔdu Mose. Nsu Mose úkeli na útélie Midian kalɔ lɛlɔ na libiɔ lɛdi kɔtu. 16Na ka úsie útélie mmɔ ni, Midian ɔkpane ɔdi bebi begblebi maatɛ bébo libiɔ lɛmmɔ kudɔ banii bebedu ntu na beti betéte bana ɔti baƒonu ku bese. 17Nsu baƒonu lɛlɔ banune badi bébo libiɔ lɛmmɔ kudɔ na bábɔku begblebi bammɔ. Na Mose úkpo ɔ́ƒɔ begblebi bammɔ na údu ntu úte-ma.
18Amu ka begblebi bammɔ bénwini bésie bana ɔti Yetro kudɔ ni, úye-ma ɔnini, “Bi nébo ɔsu na ɔmwi bíyile bubo lɛni?”
19Amu na bédie kenye banini, “Egyipteni ɔdi úbo na úbekpo ɔ́ƒɔ-bu na baƒonu lɛlɔ banune bammɔ enu kemmo. Na úbunku na búdu bula ntu muedi búte bula bebuo.”
20Amu na úye nwuna bebi bammɔ ɔnini, “Wɛ na ɔnana ɔmmɔ ɔkya? Bi ɔsu na bɛ́ya na ɔtɔlɔ? Bitáwia-nwu biboku na bute-nwu lɛla lɛdi na ɔdi.”
21Mose únu kalɔ ka ɔsɔ ɔkya ɔnana ɔmɛni kudɔ, na ɔnana ɔmmɔ úti ubidi ulekubi Sipora úte-nwu ɔnii uti. 22Na Sipora ɔ́wɔ ubi ɔnanabi úte Mose. Na Mose ɔ́sia-nwu lɛnyi ɔnii Gerson ɔni kalɔ ndi ɔnii, “Línwini ɔƒɔ na kalɔ bamba lɛlɔ.”
23Akwa pii adi kama ni, Egyipteƒuɔ ɔga úbekpi. Nsu Israelƒuɔ bamu bakya bana lɛbibo kemmo. Ɔmɛni ɔsu béwulo bévele Katɔti ka ubedie-ma ɔlɛku bana lɛbibo kemmo. 24Na Katɔti únu bana budumo na únyimo bunyimi bɔni na únyimi ku Abraham ku Isak ku Yakob. 25Anwuɔsu Katɔti ɔ́nu kalɛ na Israelƒuɔ beebó abi, na litemi lɛmmɔ líkpoku-nwu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.