Israelƒuɔ Bɔlɛ 1
1
Israelƒuɔ Bébo Abi Na Egyipte Kalɔ Lɛlɔ
1Anyi amɛni ndi Yakob bebi bani na ama ku-nwu bésie Egyipte kalɔ lɛlɔ ku bana bebi. 2Ruben ku Simeon ku Lewi ku Yuda 3ku Isakar ku Sebulon ku Benyamin 4ku Dan ku Naƒtali ku Gad ku Aser. 5Na kaba bekyuli bani nási Yakob kemmo bumomo bɔdi nkyuli liti ku aavlanyɔ. Nsu Yakob ubidi Yoseƒ anwu ɔkya Egyipte kukuuku.
6Na uwi ɔdi kama ni, Yoseƒ ku nwuna banwani ku kaba kammɔ bekyuli bakladi bébekpi. 7Nsu Israel kadi bekyuli bammɔ báwɔ pii geen béyile Egyipte kalɔ lɛlɔ, na bébo ɔlɔkplu lɛnɔ geen.
8Na uwi útetu asa na bése ɔga ɔwɔdi na Egyipte mmɔ. Na ɔga ɔmɛni ɔɔɔgyi Yoseƒ. 9Amu na ɔga ɔmɛni ɔ́su nwuna bekyuli ɔnini, “Bɛnu, Israelƒuɔ bamɛni béemomo bétulo-bu. 10Bɛya na bɔwia ulu ɔdi na basɔ belemomo belebu. Si ɔɔɔdi lɛni na banii kekpo kadi kébo ɔƒɛni ni, badubo bula bekisine bubunku na bekpo badi-bu lɛlɔ na bekeli balɛ kalɔ kamɛni kemmo.”
11Amu na Egyipteƒuɔ báwia lɛlɔ badine béte-ma aani bekyuli beƒiedi lɛlɔ banune kalɛ. Bekyuli bamɛni bénye-ma lɛlɔ na baabla kabla kpakplaa, na bátu Pitom ku Rameses lɛma linengudi kesii kani na beesé ala teete bana Ɔga Ƒarao. 12Nsu kalɛ kani na baanya Israelƒuɔ bamɛni taamana ni, lɛni kani na beemomo teebu na Egyipte kalɔ lɛlɔ. Anwuɔsu Egyipteƒuɔ bébo baayia Israelƒuɔ bamɛni, 13na beenye-ma lɛlɔ na baabla kabla kpakplaa teetulo lɛlɔ. 14Baanwu lɛti na beekúlo atimbɔ ku katuma lidu bamba lɛnɔ na kemo ɔni na bana ngba keliela káyu-ma ɔdu geen.
15Amu na Egyipteƒuɔ ɔga ɔmɛni ɔ́su Siƒra ku Pua bani mɔɔƒɔ́ kɔwɔ teete Hebriƒuɔ beleku bammɔ ɔnini, 16“Si uwi ɔni na bɛɛƒɔ́ Israelni uleku ɔdi kɔwɔ na ubi ɔmmɔ ɔdi ɔnanabi ni, na bɛdu-nwu. Nsu si ulekubi na ɔdi ni, bitadu-nwu.” 17Nsu ka beleku bamɛni baayia Katɔti ɔsu bátabla bátasiaku kalɛ na Ƒarao ɔ́su-ma mmɔ lɛlɔ, mmomu báya na beli ngba. 18Amu ka ɔga ɔmɛni ɔ́nu lɛla lɛmɛni ɔ́ti ni, ɔ́tala bekyuli ɔ́kya kɔwɔ baƒɔne beleku bamɛni ɔnii betéye-ma banini, “Bi ɔsu na bɛ́bla lɛla lɛmɛni udu na bítadu bananabi bammɔ na bɛ́ya na beli ngba?”
19Amu na beleku bamɛni bédie kenye banini, “Israelƒuɔ beleku beeese aani Egyipteƒuɔ beleku. Bebo ɔlɔkplu ɔkplu. Ɔmmɔ ɔsu asa na buteenu ni, na báawɔ!”
20Anwuɔsu Katɔti ɔ́nu kɔwɔ baƒɔne beleku bamɛni ku lɛƒɔndia na Hebriƒuɔ bammɔ beemomo teebu geen na bebo ɔlɔkplu lɛnɔ. 21Na ka baayia Katɔti ɔsu ni, ɔ́ya na kɔwɔ baƒɔne bammɔ alati lɛnɔ báwɔ.
22Amu na Ɔga Ƒarao úbo nwuna bekyuli ɔda ɔnini, “Si bɛ́nu ka Hebrini uleku ɔdi ɔ́wɔ ubi ɔnanabi ɔdi ɔda ni, na bibo-nwu bɛkya Nil Ketu kemmo. Nsu si ulekubi na ɔdi ni, na bɛya na ɔsɔ ɔkya ngba.”
Currently Selected:
Israelƒuɔ Bɔlɛ 1: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Israelƒuɔ Bɔlɛ 1
1
Israelƒuɔ Bébo Abi Na Egyipte Kalɔ Lɛlɔ
1Anyi amɛni ndi Yakob bebi bani na ama ku-nwu bésie Egyipte kalɔ lɛlɔ ku bana bebi. 2Ruben ku Simeon ku Lewi ku Yuda 3ku Isakar ku Sebulon ku Benyamin 4ku Dan ku Naƒtali ku Gad ku Aser. 5Na kaba bekyuli bani nási Yakob kemmo bumomo bɔdi nkyuli liti ku aavlanyɔ. Nsu Yakob ubidi Yoseƒ anwu ɔkya Egyipte kukuuku.
6Na uwi ɔdi kama ni, Yoseƒ ku nwuna banwani ku kaba kammɔ bekyuli bakladi bébekpi. 7Nsu Israel kadi bekyuli bammɔ báwɔ pii geen béyile Egyipte kalɔ lɛlɔ, na bébo ɔlɔkplu lɛnɔ geen.
8Na uwi útetu asa na bése ɔga ɔwɔdi na Egyipte mmɔ. Na ɔga ɔmɛni ɔɔɔgyi Yoseƒ. 9Amu na ɔga ɔmɛni ɔ́su nwuna bekyuli ɔnini, “Bɛnu, Israelƒuɔ bamɛni béemomo bétulo-bu. 10Bɛya na bɔwia ulu ɔdi na basɔ belemomo belebu. Si ɔɔɔdi lɛni na banii kekpo kadi kébo ɔƒɛni ni, badubo bula bekisine bubunku na bekpo badi-bu lɛlɔ na bekeli balɛ kalɔ kamɛni kemmo.”
11Amu na Egyipteƒuɔ báwia lɛlɔ badine béte-ma aani bekyuli beƒiedi lɛlɔ banune kalɛ. Bekyuli bamɛni bénye-ma lɛlɔ na baabla kabla kpakplaa, na bátu Pitom ku Rameses lɛma linengudi kesii kani na beesé ala teete bana Ɔga Ƒarao. 12Nsu kalɛ kani na baanya Israelƒuɔ bamɛni taamana ni, lɛni kani na beemomo teebu na Egyipte kalɔ lɛlɔ. Anwuɔsu Egyipteƒuɔ bébo baayia Israelƒuɔ bamɛni, 13na beenye-ma lɛlɔ na baabla kabla kpakplaa teetulo lɛlɔ. 14Baanwu lɛti na beekúlo atimbɔ ku katuma lidu bamba lɛnɔ na kemo ɔni na bana ngba keliela káyu-ma ɔdu geen.
15Amu na Egyipteƒuɔ ɔga ɔmɛni ɔ́su Siƒra ku Pua bani mɔɔƒɔ́ kɔwɔ teete Hebriƒuɔ beleku bammɔ ɔnini, 16“Si uwi ɔni na bɛɛƒɔ́ Israelni uleku ɔdi kɔwɔ na ubi ɔmmɔ ɔdi ɔnanabi ni, na bɛdu-nwu. Nsu si ulekubi na ɔdi ni, bitadu-nwu.” 17Nsu ka beleku bamɛni baayia Katɔti ɔsu bátabla bátasiaku kalɛ na Ƒarao ɔ́su-ma mmɔ lɛlɔ, mmomu báya na beli ngba. 18Amu ka ɔga ɔmɛni ɔ́nu lɛla lɛmɛni ɔ́ti ni, ɔ́tala bekyuli ɔ́kya kɔwɔ baƒɔne beleku bamɛni ɔnii betéye-ma banini, “Bi ɔsu na bɛ́bla lɛla lɛmɛni udu na bítadu bananabi bammɔ na bɛ́ya na beli ngba?”
19Amu na beleku bamɛni bédie kenye banini, “Israelƒuɔ beleku beeese aani Egyipteƒuɔ beleku. Bebo ɔlɔkplu ɔkplu. Ɔmmɔ ɔsu asa na buteenu ni, na báawɔ!”
20Anwuɔsu Katɔti ɔ́nu kɔwɔ baƒɔne beleku bamɛni ku lɛƒɔndia na Hebriƒuɔ bammɔ beemomo teebu geen na bebo ɔlɔkplu lɛnɔ. 21Na ka baayia Katɔti ɔsu ni, ɔ́ya na kɔwɔ baƒɔne bammɔ alati lɛnɔ báwɔ.
22Amu na Ɔga Ƒarao úbo nwuna bekyuli ɔda ɔnini, “Si bɛ́nu ka Hebrini uleku ɔdi ɔ́wɔ ubi ɔnanabi ɔdi ɔda ni, na bibo-nwu bɛkya Nil Ketu kemmo. Nsu si ulekubi na ɔdi ni, na bɛya na ɔsɔ ɔkya ngba.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.