Ester 6
6
1Usien ɔmmɔ ni, Ɔga Ahasweros útakana bɔlɛɛ. Anwuɔsu ɔ́ya na bálɔ nwuna kabla ɔblane ɔdi béte-nwu, na unye ɔɔká ala ani ƒui náalɛ na nwuna lɛga bɔdi uwi na nwuna lɛga kadikɔ teete-nwu. 2Na ka kabla ɔblane ɔmmɔ ɔ́ka kalɛ na Mordekai ɔ́bla asa na Bigtana ku Teres bátakana-nwu bɔdu ni, 3úye-nwu ɔnini, “Bi ndi lɛla lɛni na bénweni ka ani na béti bágya Mordekai enu?”
Amu na kabla ɔblane ɔmmɔ údie kenye ɔnini, “Mina Ɔbune, bátabla lɛla lɛdi.”
4Uwi ɔmmɔ kemmo kani ni, Haman úbo ɔnii ubasu ɔga na ɔya na bakya Mordekai ɔbuli limɔ baƒala akpa ku ɔta bonwu ɔni na ɔ́tu únyene mmɔ lɛlɔ. Nsu ɔga ɔmmɔ ɔ́ɔnu-nwu úmene, anwuɔsu ɔ́kpali úye ɔnini, “Awɔ ɔma na ɔdi nnye mmɔ?”
5Amu na kabla ɔblane ɔmmɔ údie kenye ka Haman na ɔdi.
Mmɔ na ɔga ɔsu-nwu ɔnini, “Su-nwu anii ami nnii ubo.”
6Ka Haman úduo-nwu kudɔ mmɔ ni, ɔga ɔmmɔ úye-nwu ɔnini, “Bi na ɔdi ka lɛbla lite ukyuli ɔni na mɔɔkali ka lɛkɔliku katɔ na lite-nwu ɔbu?”
Ɔ́bla Haman kasusu ka ukyuli bamba ɔdi ɔsɔ uuubo na ɔga ɔmmɔ wakali ɔnii ɔɔkɔliku katɔ utulo anwu Haman. 7Anwuɔsu údie kenye ɔnini, “Si aayɔ́ ka akɔliku ukyuli ɔdi katɔ bɔdi ni, 8amu tala na betéti ƒula awu bonwu ɔbunidi ku ƒula ɔpɔnkɔ ku lɛduni lɛni na eebi lili na lɛ́ƒɔ kuye geen mmɔ beboku. 9Na aya na ƒula kabla ɔblane ɔni na ubo kenyekɔ utulo ƒui uti awu ɔbunidi bonwu ɔmɛni ɔkya ukyuli ɔmmɔ, na ɔkɔ ulie ƒula ɔpɔnkɔ ɔmmɔ lɛlɔ, na batɔnku-nwu na ɔvi ɔma ɔmmɔ lɛblɔnu ƒui lɛlɔ ɔsa, na ukyuli ɔdi utaava taasu ɔnini, ‘Lɛni na baabla teete ukyuli ɔni na ɔga ɔ́kɔliku katɔ.’ ”
10Mmɔ kani na ɔga ɔmmɔ údie kenye ɔnini, “Babla na atábla lɛla lɛni na ásu mɛni na tayiƒala lɛdi tese. Sie na atáƒɔ awu ɔmmɔ ku ɔpɔnkɔ ɔmmɔ na eti atákya Yudani Mordekai na ɔban kenye na abla-nwu ala ani ƒui na ásu mɛni!”
11Haman úsie útáƒɔ ala amɛni ƒui úboku na úbakya Mordekai awu ɔbunidi ɔmmɔ, na ɔ́tɔnku Mordekai ɔ́siaku ulu biala lɛlɔ na ɔma ɔmmɔ kemmo, na ulie ɔpɔnkɔ ɔmmɔ lɛlɔ, na Haman ɔɔva taasu ɔnini, “Lɛni na baabla teete ukyuli ɔni na ɔga ɔ́kɔliku katɔ!”
12Ɔmmɔ kama ni, Mordekai ɔ́sɔ únwini úsie nwuna kabla kablakɔ na ɔga kesii ɔban kenye mmɔ. Nsu Haman úkeli ɔ́tɔlɔ ku kɔƒa ku kɔƒa úsie kaduli. 13Na útásɔku ala ani nálɛ mɛni ƒui ɔ́su ulekudi ku nwuna bakpana.
Amu na nwuna bakpana ku ulekudi básu-nwu banini, “Si anii Yudani na Mordekai ɔdi bɔdi ni, na agyi anii adubo bɔnɔ geen! Na si étewi lɛlɔ adubɔyii udu muedi.” 14Na bétedie tɔ kenye na lɛla lɛni na baasu kemmo asa ɔga ɔmmɔ ɔtu úbeduo, na ɔ́lɔ Haman ɔnii ɔga ɔnii ubo na beteesie kadikɔ kani na beleku ɔga ɔ́lɔ-ma mmɔ.
Currently Selected:
Ester 6: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.