Etemila 7
7
Ukyuli Ɔdi Ɔɔɔgyi Lɛla Ku Uwi Ɔni Mebo
1Lɛnyi buni bɔƒɔ bɔdia butulo nnɔmii ku ɔnyi ƒɛƒɛɛ.
Na likpimeyi lɛdia litulo lɛwɔmeyi.
2Na kekwa kalɔ busie bɔdia butulo
ka esie limeyi buni kadikɔ.
Ɔsika kukpi ndi ukyuli biala
kawɔlɔkɔ ku kesiekɔ.
3Kɔnyana kɔdia kutulo lɛma.
Ɔsika anumi ani muuwulo kɔnyana
aayá na ukyuli kayi kemmo ablala
eeboku ukyuli kubiti.
4Ɔnundane kayi kaasia ala
ani mɔɔlɛ́ na kɔnyana kewulokɔ lɛlɔ.
Nsu ɔdɔlɔdi uuti nwuna kayi
taasia ebiti kakɛkɔ ala lɛlɔ.
5Ukyuli bɔdɔnku kpakplaa bɔdia butulo
si badɔlɔdi beedie lɛnu teemwi-ɔ.
6Ɔdɔlɔdi lɛma ni, buse na use
aani kalɛ na liyu alakpi eetulo
na ogya kemmo na libui kalɔ.
Na ɔmmɔ lɛlɔ uuubo kalɔ bunu bɔdi.
7Ala buƒu taakya ɔɔyá na
ɔnundane uunwíni ɔdɔlɔdi.
Na ala bɔbɛ taaƒɔ taadi ulaya
na ukyuli kayi keeti-nwu taasiaku
ala bɔbla ulu lɛlɔ siin.
8Litemi kawɔlɔkɔ kadia ketulo litemi kalɔ kesekɔ.
Na kayi buɛɛ kadia ketulo lɛlɔ bɔtina.
9Tataababla ku kɔnyi buti na ƒula lɛlɔ kemmo. Ɔsika badɔlɔdi lɛgba akɔ na kúti-ɔ kúsela kutálɛlɛ.
10Teye anii bi ɔsu kuuku uwi
ɔdia utulo uwi
ɔni kemmo na bɔkya mɛni.
Ɔsika kɔdɔlɔ litemi na lɛdi.
11Si ukyuli ebo lɛnunda ni,
ɔdia utulo kese bamba
biala ƒui.
12Ɔsika lɛnunda lɛdubudie-ɔ
na lɛla biala kemmo
aani egulabi.
Na lɛlati ku kasusu buni
kadubo-ɔ bɔgyumana
ngba uwi ƒui.
13Bla kasusu na Katɔti ala ani ƒui na ɔ́bla lɛlɔ na anu anii adubɔkana lɛdi bunyene si ánu ka lɛdi lɛ́bu? 14Si ala aatɛku ukyuli ɔdi ni, lɛlɔ lɛyɔ-nwu. Na si bubie na ala eebieku-nwu ni, na ulie kalɔ na uye lɛlɔ lɛla lɛni kudɔ na ɔ́si. Ɔsika Katɔti nábla alakpa anyɔ ammɔ kalɛ na ukyuli ɔsia lɛlɔ anu ka ɔɔɔgyi lɛla lɛni nsɔ ndubo bɔlɛ ɔsu.
15Na mina ngba bɔni neeebo-mi kalɔ mɛni kemmo ni, lɛ́nu
kalɛ na ukyuli ɔni nsiaku Katɔti kama siin
ɔɔkana na uukpi taayii udu.
Na lɛ́nu kalɛ na ukyuli ukpidi lɛnɔ
ɔɔkana na uulie ngba taabi lɛlɔ geen
na nwuna likyulikpi ala bɔbla kemmo.
16Anwuɔsu tabla lɛlɔ aani ukyuli kedee tagya,
na tabla lɛlɔ ukyuli ɔni na ɔ́da anu ɔ́gya lɛnɔ.
17Telie tabla ulikplu tavili
na ekulo ƒula ngba liku iye tadɔlɔ,
na ƒula kɔdɔlɔ kɔya na ƒula ngba bɔda liku.
18Nu ka akɛ ulu ntɛntɛ
na étedeyi étésie kakɛ kadi átavili.
Na ɔmɛni bɔbla ulayu-ɔ ɔkplu ulavili
si aabu Katɔti.
19Lɛnunda lɛɛyá na ukyuli unwi ɔɔkɛ́ ɔyikun
teetulo lɛlɔ badine leevu na ɔma unengudi ɔdi kemmo.
20Ukyuli ɔdi uuubo na banii anwu use siin
na ɔɔbla lɛla biala kaduɛ
ɔsu na ulábla likpidi lɛdi na kalɔ kamɛni lɛlɔ.
21Tese atu anii eenú lɛla biala na ukyuli ɔɔsu,
si ɔɔɔdi lɛni ni,
ésela eténu ka ƒula kabla ɔblane unye
uudumi teewida-a.
22Ɔsika awɔ ɔlati agyi nwaa
ka áabla lɛni kɔlɛ kɔlɛ.
23Ala amɛni ƒui na lɛ́nu laa kpoo na lɛ́su ka ndubɔda anu na lɛnu lɛla lɛni ɔsu na ala amɛni ese lɛni lɛti, nsu útulo-mi.
24Ina bi anu na ukyuli ɔ́da ni,
litemi geen lɛmmɔ lɛ́gyunku-bu
na nina kemmo bunu
bɔ́gyu geen
ɔni na ɔdi ulakana kalɔ bunu bɔwɔlɔ.
25Anwuɔsu na lɛ́bla kasusu nnii
mɔɔtɛya lɛla biala na makana
kalɛ na lɛda anu na lɛti lɛla lɛni
na ngba bumodi bɔmmɔ bɔdanku.
Na lɛti kɔdɔlɔ ku libuokpi lɛni udu
nkya likyulikpi bulie taabla lɛnɔ kemmo.
26Lɛ́nu lɛ́ti ka uleku ukpidi ubo ɔdu utulo kukpi.
Na úbimi enu ku kayi ƒui úse
aani kakpagyuɛ ka uƒie ukyuli.
Na ɔnana ɔni mɔɔdi Katɔti litemi
lɛlɔ ni,
ɔkana na ukeli-nwu.
Nsu ukyuli ɔni na uládi-ni lɛlɔ ni,
ɔdubo-nwu buƒie aani kakpagyuɛ
na ɔyii udu kede kede.
27Ala ɔtinane ɔnini,
“Lɛ́sia mina lɛnunda lɛni ƒui na mbo lɛlɔ nnii
mɔɔnu kalɛ na ala amɛni ámanku lɛlɔ.
28Nsu lítuku laa lɛ́nɔ.
Mmomu lɛ́nu ka na nkyuli apim unwi kemmo ni,
bakana na bakɛ ɔnana ɔbuni unwi
nsu beleku ama lítuku lɛ́nɔ
na ńtakɛ ɔdi na bɔka bɔmɛni kemmo.
29Lɛla linwi nábla-mi nwaa ƒui
ndi ka Katɔti ɔ́bla-bu
na nka bɔdi bekyuli siin,
nsu búbavumana kasusu bɔ́sia ala bamba pii lɛlɔ
na búƒu bula kasusu.”
Currently Selected:
Etemila 7: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Etemila 7
7
Ukyuli Ɔdi Ɔɔɔgyi Lɛla Ku Uwi Ɔni Mebo
1Lɛnyi buni bɔƒɔ bɔdia butulo nnɔmii ku ɔnyi ƒɛƒɛɛ.
Na likpimeyi lɛdia litulo lɛwɔmeyi.
2Na kekwa kalɔ busie bɔdia butulo
ka esie limeyi buni kadikɔ.
Ɔsika kukpi ndi ukyuli biala
kawɔlɔkɔ ku kesiekɔ.
3Kɔnyana kɔdia kutulo lɛma.
Ɔsika anumi ani muuwulo kɔnyana
aayá na ukyuli kayi kemmo ablala
eeboku ukyuli kubiti.
4Ɔnundane kayi kaasia ala
ani mɔɔlɛ́ na kɔnyana kewulokɔ lɛlɔ.
Nsu ɔdɔlɔdi uuti nwuna kayi
taasia ebiti kakɛkɔ ala lɛlɔ.
5Ukyuli bɔdɔnku kpakplaa bɔdia butulo
si badɔlɔdi beedie lɛnu teemwi-ɔ.
6Ɔdɔlɔdi lɛma ni, buse na use
aani kalɛ na liyu alakpi eetulo
na ogya kemmo na libui kalɔ.
Na ɔmmɔ lɛlɔ uuubo kalɔ bunu bɔdi.
7Ala buƒu taakya ɔɔyá na
ɔnundane uunwíni ɔdɔlɔdi.
Na ala bɔbɛ taaƒɔ taadi ulaya
na ukyuli kayi keeti-nwu taasiaku
ala bɔbla ulu lɛlɔ siin.
8Litemi kawɔlɔkɔ kadia ketulo litemi kalɔ kesekɔ.
Na kayi buɛɛ kadia ketulo lɛlɔ bɔtina.
9Tataababla ku kɔnyi buti na ƒula lɛlɔ kemmo. Ɔsika badɔlɔdi lɛgba akɔ na kúti-ɔ kúsela kutálɛlɛ.
10Teye anii bi ɔsu kuuku uwi
ɔdia utulo uwi
ɔni kemmo na bɔkya mɛni.
Ɔsika kɔdɔlɔ litemi na lɛdi.
11Si ukyuli ebo lɛnunda ni,
ɔdia utulo kese bamba
biala ƒui.
12Ɔsika lɛnunda lɛdubudie-ɔ
na lɛla biala kemmo
aani egulabi.
Na lɛlati ku kasusu buni
kadubo-ɔ bɔgyumana
ngba uwi ƒui.
13Bla kasusu na Katɔti ala ani ƒui na ɔ́bla lɛlɔ na anu anii adubɔkana lɛdi bunyene si ánu ka lɛdi lɛ́bu? 14Si ala aatɛku ukyuli ɔdi ni, lɛlɔ lɛyɔ-nwu. Na si bubie na ala eebieku-nwu ni, na ulie kalɔ na uye lɛlɔ lɛla lɛni kudɔ na ɔ́si. Ɔsika Katɔti nábla alakpa anyɔ ammɔ kalɛ na ukyuli ɔsia lɛlɔ anu ka ɔɔɔgyi lɛla lɛni nsɔ ndubo bɔlɛ ɔsu.
15Na mina ngba bɔni neeebo-mi kalɔ mɛni kemmo ni, lɛ́nu
kalɛ na ukyuli ɔni nsiaku Katɔti kama siin
ɔɔkana na uukpi taayii udu.
Na lɛ́nu kalɛ na ukyuli ukpidi lɛnɔ
ɔɔkana na uulie ngba taabi lɛlɔ geen
na nwuna likyulikpi ala bɔbla kemmo.
16Anwuɔsu tabla lɛlɔ aani ukyuli kedee tagya,
na tabla lɛlɔ ukyuli ɔni na ɔ́da anu ɔ́gya lɛnɔ.
17Telie tabla ulikplu tavili
na ekulo ƒula ngba liku iye tadɔlɔ,
na ƒula kɔdɔlɔ kɔya na ƒula ngba bɔda liku.
18Nu ka akɛ ulu ntɛntɛ
na étedeyi étésie kakɛ kadi átavili.
Na ɔmɛni bɔbla ulayu-ɔ ɔkplu ulavili
si aabu Katɔti.
19Lɛnunda lɛɛyá na ukyuli unwi ɔɔkɛ́ ɔyikun
teetulo lɛlɔ badine leevu na ɔma unengudi ɔdi kemmo.
20Ukyuli ɔdi uuubo na banii anwu use siin
na ɔɔbla lɛla biala kaduɛ
ɔsu na ulábla likpidi lɛdi na kalɔ kamɛni lɛlɔ.
21Tese atu anii eenú lɛla biala na ukyuli ɔɔsu,
si ɔɔɔdi lɛni ni,
ésela eténu ka ƒula kabla ɔblane unye
uudumi teewida-a.
22Ɔsika awɔ ɔlati agyi nwaa
ka áabla lɛni kɔlɛ kɔlɛ.
23Ala amɛni ƒui na lɛ́nu laa kpoo na lɛ́su ka ndubɔda anu na lɛnu lɛla lɛni ɔsu na ala amɛni ese lɛni lɛti, nsu útulo-mi.
24Ina bi anu na ukyuli ɔ́da ni,
litemi geen lɛmmɔ lɛ́gyunku-bu
na nina kemmo bunu
bɔ́gyu geen
ɔni na ɔdi ulakana kalɔ bunu bɔwɔlɔ.
25Anwuɔsu na lɛ́bla kasusu nnii
mɔɔtɛya lɛla biala na makana
kalɛ na lɛda anu na lɛti lɛla lɛni
na ngba bumodi bɔmmɔ bɔdanku.
Na lɛti kɔdɔlɔ ku libuokpi lɛni udu
nkya likyulikpi bulie taabla lɛnɔ kemmo.
26Lɛ́nu lɛ́ti ka uleku ukpidi ubo ɔdu utulo kukpi.
Na úbimi enu ku kayi ƒui úse
aani kakpagyuɛ ka uƒie ukyuli.
Na ɔnana ɔni mɔɔdi Katɔti litemi
lɛlɔ ni,
ɔkana na ukeli-nwu.
Nsu ukyuli ɔni na uládi-ni lɛlɔ ni,
ɔdubo-nwu buƒie aani kakpagyuɛ
na ɔyii udu kede kede.
27Ala ɔtinane ɔnini,
“Lɛ́sia mina lɛnunda lɛni ƒui na mbo lɛlɔ nnii
mɔɔnu kalɛ na ala amɛni ámanku lɛlɔ.
28Nsu lítuku laa lɛ́nɔ.
Mmomu lɛ́nu ka na nkyuli apim unwi kemmo ni,
bakana na bakɛ ɔnana ɔbuni unwi
nsu beleku ama lítuku lɛ́nɔ
na ńtakɛ ɔdi na bɔka bɔmɛni kemmo.
29Lɛla linwi nábla-mi nwaa ƒui
ndi ka Katɔti ɔ́bla-bu
na nka bɔdi bekyuli siin,
nsu búbavumana kasusu bɔ́sia ala bamba pii lɛlɔ
na búƒu bula kasusu.”
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.