Etemila 3

Lɛla Biala Libo Nina Uwi

1Lɛla biala libo nina uwi na kabla biala lɛnɔ kebo kana uwi.

2Uwi ɔni na bawɔ ubi ɔkya,

na uwi ɔni na ukyuli ukpi lɛnɔ ɔkya.

Edula ɔkyawi ɔkya,

na ana ɔƒɛwi lɛnɔ ɔkya.

3Uwi ɔni baadú lɛla lɛdi ɔkya,

na uwi ɔni na baabwi lɛnɔ ɔkya.

Na uwi ɔni na baabwɛ lɛnɔ ɔkya,

na uwi ɔni na baatú lɛnɔ ɔkya.

4Uwi ɔni na beewulo ɔkya,

na uwi ɔni na baamá lɛnɔ ɔkya.

Na uwi ɔni na beewulo kɔnyana ɔkya,

na uwi ɔni na baatɔ́ lɛnɔ ɔkya.

5Uwi ɔni na beegyingya atabi ɔkya,

na uwi ɔni na baasála-nya lɛnɔ ɔkya.

Na uwi ɔni na baakya lɛlɔ kɔgbu ɔkya,

na uwi ɔni na beegyingyaku lɛlɔ lɛnɔ ɔkya.

6Uwi ɔni na baawia lɛla lɛdi ɔkya,

na uwi ɔni beedie-ni atu lɛnɔ ɔkya.

Na uwi ɔni na baada lɛla teese lɛlɔ ɔkya,

na uwi ɔni na beevakun-ni lɛnɔ ɔkya.

7Uwi ɔni na baaní lɛla taabwɛ ɔkya,

na uwi ɔni na baaka-ni taasala lɛnɔ ɔkya.

Na uwi ɔni na beebile kenye kpoo ɔkya,

na uwi ɔni na baatɛmi lɛnɔ ɔkya.

8Uwi ɔni na baayɔ́ lɛlɔ ɔkya,

na uwi ɔni na beekisi lɛlɔ lɛnɔ ɔkya.

Na uwi ɔni na beekpó kekpo ɔkya,

na uwi ɔni na beewi kenye ntu taabla unwi lɛnɔ ɔkya.

9Bi kɔsia na ukyuli ɔni na unye nwuna kabla lɛlɔ ɔɔkɛ́ taasiku nwuna lɛlɔ bususu kemmo? 10Lɛ́nu etila ani na Katɔti úti ɔ́sia bekyuli lili. 11Katɔti ɔɔyá na lɛla biala lɛɛlɛ́ na uwi lɛlɔ pɛpɛɛpɛ. Nsu bula ɔdi biala ulenu ala ani ƒui na ɔ́bla kalɔ taawɔlɔ geen. Na ɔɔyá na bula kasusu keekpóku-bu, na buuye lɛlɔ ala ɔ́siku ala ani na Katɔti ɔ́bla, ɔ́si uwi ɔni náavi úti úsela uwi ɔni ndubo lɛlɔ. 12Anwuɔsu lɛla lɛbuni ƒui lɛni na ɔlɛka bɔbla ndi ka ɔdi biala unye nwuna kabla lɛlɔ ku kubiti, na utaabla lɛbuni na nwuna ngba kemmo. 13Ɔsika lɛla lɛni na Katɔti úte-bu ndi ka bunye bula kabla lɛlɔ na bɔkɛ adila bɔdi, na bɔni, na lɛlɔ lɛyɔ-bu. 14Ngyi nwaa ka lɛla lɛni na Katɔti ɔ́bla ni, ani kani ndubo bunye uwi ƒui. Na ɔdi ulakana lɛla lɛdi buti bubunku iye ɔda ɔdi udie. Na Katɔti ɔ́bla ɔmɛni kalɛ na bekyuli beti ɔbu ku bɔyia bete-nwu.

15Ala ani ƒui mɔɔlɛ́ ɔƒɛni ni, áalɛ ábavi.

Na ani ndubo abálɛ lɛnɔ áakya dii.

Katɔti ɔɔyá na ala ani náalɛ dii

aasɔ teebo taabalɛ.

16Na lɛ́nu lɛla bamba lɛnɔ ka na kesi kesii.

Kekpo ku ala tabla ulu lɛlɔ siin kani nkya

na lɛbuni kenye mmomu.

17Anwuɔsu mina kasusu kátina-mi

ka Katɔti ɔdubɔtɛku bekyuli babuni ku bekpidi ƒui litemi,

ɔsika uwi ɔdubo ute lɛla biala na ukyuli ɔ́bla na kesii biala.

18Na lɛ́nu lɛ́ti ka bɔkɔku na Katɔti ɔɔkɔ́ku abu bekyuli bayawine ƒui taanu na bɔnu bɔti ka bútavumanaku bebuo. 19Ukyuli ngba bulie ku nwuna kawɔlɔkɔ kátavumanaku ebuo ɔdi. Ɔƒɛƒɛɛ unwi na bɔɔnwuna aani bana kalɛ. Anwuɔsu ukyuli uuubo kenyekɔ kadi na kadia ketulo ebuo kadi. 20Ala ani na Katɔti údie na ebo ngba ni, likpo linwi na bana ƒui baasɔ teenwini teesie. Ɔsika lɛti kemmo na bédie bula ƒui bálɛku na lɛti kani na bɔdubɔsɔ bunwini. 21Ɔma geen ngyi si ukyuli kɔyu aku katɔ na kɔɔkɔ́ teesie, na ebuo kɔyu aku kalɔ kemmo na kɔɔyu teeduo?

22Anwuɔsu lɛla bamba lɛdi liiibo liiite ukyuli uuutulo ka lɛlɔ lɛyɔ-nwu na nwuna kabla lɛlɔ, ɔsika ɔɔɔdubo lɛla lɛni malɛ bɔti na nwuna kama.

Currently Selected:

Etemila 3: lef

Highlight

Copy

Compare