Gesami Hea:su 6
6
Se Nabasu Hou Doaga:be amogalu Fidima:ne Sia:ne Gadosu
1 # 6:1 Gesami Hea:su 38:1 Hina Gode! Nama Di mae ougima amola gagabole mae sia:ma.
Nama dia ougi amoga se mae ima.
2Hina Gode! Na da gufia:ne gala:i galebe.
Nama asigima! Na da:i da gasa hamedei galebe.
Di nama gasa ima.
3Na da:i huluane da se nabala Hina Gode!
Di da habowali ouesalu na fidima:bela:?
4Hina Gode! Fidila misa!
Di da asigiba:le, na bogosa:besa:le, Dia na gaga:ma.
5Osobo bagade fi bogosu sogebi amo ganodini ilia da Di hame dawa:sa.
Amogawi, Dima nodomu da hamedei.
6Na da da:i dioi bagade nababeba:le, gasa hame galebe.
Gasi huluane, na wibi fa:i da na si hano amoga nanegai ba:sa.
Na busafugulu amola da na si hano amoga nanegai ba:sa.
7Nama ha lai da nama se bagade iabeba:le, na da bagadewane disa.
Na si da fofaiba:le, ba:mu gogolei.
8 # 6:8 Ma:diu 7:23; Luge 13:27 Dilia wadela:i hou hamosu dunu!
Nama mae gadenena misa.
Hina Gode da na disu naba.
9Gode da na fidima:ne dibi naba
amola na sia:ne gadobe bu alofele imunu.
10Nama ha lai ilia da dafamuba:le bagadewane gogosiamu.
Di da ili sefasimuba:le, ilia da hedolowane gogolele dafugili hobeamu.
Currently Selected:
Gesami Hea:su 6: BEO
Highlight
Copy
Compare
Share
Want to have your highlights saved across all your devices? Sign up or sign in
Copyright © 2000 Tom Hoey. CC-BY-SA 4.0
