Gesami Hea:su 24
24
Hina Bagadedafa
1 # 24:1 1 Golidia 10:26 Osobo bagade amola liligi huluane amo ganodini dialebe
da Hina Gode Ea: fawane. Osobo bagade dunu fifilai huluane
amo ganodini esala da Hina Gode Ea: fawane.
2Ea da osobo bagade amo hano lugudu osobo hagudu dialebe amo da:iya hiougi.
Amola Ea da hano wayabo bagade amo, ea lugudu sogebi
amoga osobo bagade ea bai fa:si.
3Nowa dunu da Hina Gode Ea agoloba:le heda:mu da defele galoma:bela:?
Nowa dunu da Ea sia:ne gadosu hadigi diasu ganodini
golili sa:imu da defele galoma:bela:?
4 # 24:4 Ma:diu 5:8 Nowa ilia hou amola asigi dawa:su amo ganodini ledo hame galea,
amola loboga hamoi liligi amoma hame sia:ne gadobeba:le,
amola ogogosu hou hame dawa:beba:le,
amo dunu fawane da Hina Godema heda:mu defele ba:mu.
5Hina Gode da amo dunuma hahawane bagade imunu.
Amola E da ilia wadela:i hou da dodofei dagoi sia:mu.
6Dunu amo da Godema maha, ilia hou da agoaiwane gala.
Agoai dunu da Ya:igobe Ea Gode Ea midadini maha.
7Logo ga:su ha:gi gaguia gama! Hina Bagade ganodini misa:ne,
hea logo ga:su, ili doasima!
8Amo Hina Bagade da nowala:?
E da Hina Gode amola E da baligili gasa bagade.
E da gegesu ganodini hasala.
9Logo ga:su ha:gi gaguia gama!
Hina Bagade ganodini misa:ne, hea logo ga:su, ili doasima!
10Amo Hina Bagade da nowala:?
Hasalasu Hina Gode, Hi fawane da amo Hina Bagadedafa.
Currently Selected:
Gesami Hea:su 24: BEO
Highlight
Copy
Compare
Share
Want to have your highlights saved across all your devices? Sign up or sign in
Copyright © 2000 Tom Hoey. CC-BY-SA 4.0
