Gesami Hea:su 20
20
Hasalasimusa: Sia:ne Gadosu
1Se nabasu da dima doaga:sea, Hina Gode da di fidimu da defea.
Ya:igobe ea Gode da di gaga:mu da defea.
2E da Ea Debolo diasuga dima fidisu iasimu
amola Saione Goumia dima fidisu iasimu da defea.
3E da dia hahawane dogolegele iasu huluane lamu da defea.
E da dia gobele salasu huluane hahawane ba:mu da defea.
4E da dia hanai huluane dima imunu
amola dia fa:no hamomu sia: hahamoi
amo huluane didima:ne hamomu da defea.
5Amasea, di da hasalasi dagoi ba:sea, ninia da hahawane bagade wele sia:mu.
Amola dia hasalasi dawa:ma:ne, Godema bagadewane nodomu.
Gode da dia adole ba:su huluane amo defele adole imunu da defea.
6Na da wali dawa:, Hina Gode da Ea ilegei hina bagade ema hasalasu hou iaha.
E da Ea hadigi Hebene soge amoga hina bagadema adole iaha
amola Ea gasaga ema hasalasu hou bagade iaha.
7Dunu mogili da ilia gegesu sa:liode amoga ilia ha lai
amoga hasalasimusa: dawa:lala.
Mogili da gegesu hosi, bagohame gaguiba:le, hasalasimusa: dawa:.
Be ninia da ninia Hina Gode Ea gasa bagade dafawaneyale dawa:beba:le
fawane, hasalasimusa: dawa:.
8Dunu mogili da didigabone dafamu.
Be ninia da wa:legadole, gasawane lelumu.
9Hina Gode! Di da hina bagade ema hasalasu hou ima.
Ninia wele adole ba:su amoma Dia dabe adole ima.
Currently Selected:
Gesami Hea:su 20: BEO
Highlight
Copy
Compare
Share
Want to have your highlights saved across all your devices? Sign up or sign in
Copyright © 2000 Tom Hoey. CC-BY-SA 4.0
