Mousese Ea Malasu 32

1“Osobo bagade amola mu! Na sia: noga:le nabima!

2Na olelesu da gibu dadadi agoane sa:imu

amola osobo bagadega oubi baea agoane dialumu.

Na sia: da gibu gisia dahabe defele sa:imu.

Asaboi gibu da asaboi gisiga daha agoane.

3Na da Hina Gode Ea Dio amoma nodomu.

Amola Ea fi dunu da Ea noga:idafa gasa bagade hou olelemu.

4Hina Gode da dilia gasa bagade Gaga:su Dunu.

Ea hou huluane ganodini da noga:idafa amola moloidafa fawane ba:sa.

E da yolesimu hame dawa:. E da dafawanedafa hou hamosa.

E da moloidafa fawane hamosa.

5Be dilia da moloi hou hame dawa:. Dilia amo hou hedolo fisisa.

Dilia da wadela:i amola ogogosu bagade dawa:.

Dilia da Ea fi dunu esalumu defele hame agoai ba:sa.

6Dilia gagaoui amola asigi dawa:su hame fi!

Dilia Hina Godema agoane hamomu da defeala:? Hame mabu!

Bai E da dilia Ada, dili Hahamosu Dunu.

Ea hamobeba:le, dilia da fi gasa bagade hamoi.

7Musa: hemone eso bu dawa:ma!

Musa: hou hamoi amo dilia ada ilima adole ba:ma!

Musa: hemonega hou ba:i amo dawa:ma:ne,

dilia da:i hamoi dunuma adole ba:ma!

8 # 32:8 Asunasi Dunu Ilia Hou 17:26 Hina Gode Gasa Bagade da fifi asi gala ilia soge olei ilegei dagoi.

E da dunu fi esaloma:ne ilia soge ilegei.

E da Isala:ili ea mano ilia idi defele amo soge huluane ilegei.

9Be Ya:igobe egaga fi, E da Ea fidafa hamoma:ne ilegei.

10E da Ya:igobe ea fi amo hafoga:i amola ha:i manu hame soge

amo ganodini hogole ba:i.

Amo soge da wadela:idafa, foga fai dagoi.

E da amo fi Ea si amoga ouligisu hou defele,

ili noga:le gaga:i amola ouligi.

11Buhiba da ea sio bibi dusa:le fasisia

amola ea mano gadodili fananea

amola ea ougia amo mano da:ma:ne wa:sa,

ea mano gaguli ahoa,

12amo defele Hina Gode Hisu da Ea fi bisili oule asi.

Ga fi dunu ilia ogogosu ‘gode’ liligi da ilima hame sigi asi.

13E da hamobeba:le, ilia da goumi soge ouligisu

amola ilia da soge ha:i manu bugi amo nasu.

E da agime hani igi ganodini sali

amola olife susuligi igi agologa lai ili moma:ne, ilima i.

14Ilia bulamagau amola goudi da dodo maga:me bagade iasu.

Ilia sibi, goudi amola bulamagau da eno baligili, noga:idafa ba:i.

Amola widi amola waini eno baligili, noga:i nasu.

15Hina Gode Ea fi dunu da bagade gaguiwane ba:i.

Be gasa fi amola odoga:su hou da heda:i.

Ilia da sefe bagade sadi bagadewane ba:i.

Ilia da ili Hahamosu Gode yolesi dagoi.

Ilia gasa bagade Gaga:su Gode higale yolesiagai.

16Ilia loboga hamoi ‘gode’ ogogosu liligi

amoma sia:ne gadosu hou ba:beba:le,

Hina Gode da mudale ba:i.

E da ilia wadela:i hou ba:beba:le, ougi bagade ba:i.

17 # 32:17 1 Golidia 10:20 Ilia da ogogosu ‘gode’ liligi amoma gobele salasu hou hamosu.

Isala:ili dunu da hame nabasu hou hamone,

gaheabolo ‘gode’ liligi amo ilia aowalali da hame dawa:i,

ilima gobele salasu hou hamosu.

18Be ilia Gode, ilia gasa bagade Gaga:su Gode amo da esalusu ilima i,

amo ilia da gogolei.

19Hina Gode da amo hou ba:beba:le, ougi bagade ba:i.

E da egefelali amola idiwilali yolesi.

20E amane sia:i, “Na da ili bu hame fidimu.

Amasea, amo hame nabasu wadela:i hamosu dunu

ilima adi hou da doaga:ma:bela:? Na da ba:mu.

21 # 32:21 1 Golidia 10:22; Louma 10:19 Ilia da loboga hamoi ‘gode’ liligi dawa:beba:le, Na da ougi ba:i.

Ilia ogogosu ‘gode’ liligi (amo da ‘gode’ hame) ilima dawa:beba:le,

Na da mudale ba:i.

Amaiba:le, Na da hamedei fi amo ili ougima:ne

amola gagaoui fi ili mudama:ne, amo ilima asunasimu.

22Na ougi da lalu agoane heda:mu.

Liligi huluane osobo bagadega diala da amoga nene dagomu.

Amo lalu da bogoi sogega doaga:le, goumi ea bai huluane nene dagomu.

23Na da se nabasu idimu gogolei ilima imunu.

Na da Na dadi huluane amoga ili doagala:le gala:mu.

24Ilia da ha:iba:le amola asugiba:le bogogia:mu.

Na da sigua amola gasonasu ohe fi ilima doagala:ma:ne asunasimu.

Amola saya:be ilima gasomoma:ne asunasimu.

25Gegesu ganodini ilia da moilai logoga bogomu.

Ilia diasu ganodini bagade beda:mu.

Ayeligi amola a:fini da bogogia:mu.

Mano dubusa amola da:i hamoi dunu da bogogia:mu.

26Na amo fi huluane, ilia dio bu mae dawa:ma:ne,

dafawane gugunufinisi dagoma:ne dawa:i galu.

27Be ilima ha lai ilisu da Na fi gugunufinisimu, amo ilia da dawa:sa:besa:le,

Na da huluane hame gugunufinisi. Bai Nisu da Na fi gugunufinisi.’

28Isala:ili da gagaoui fi. Ilia da asigi dawa:su hamedafa gala.

29Eno dunu fi da ili hasali. Be ilia da amo hou ea bai hame ba:sa.

Ilia da hou ilima doaga:i amo ea bai hamedafa dawa:.

30Dunu 1000agoane da abuliba:le dunu afaega hasalila:?

Dunu 10,000 agoane da abuliba:le dunu adunaga fane legebala:?

Bai Hina Gode, ilia Gode, da ili yolesi dagoi.

Ilia gasa bagade Gode da ili yolesiagai.

31Ilima ha lai dunu da ilisu ogogosu ‘gode’ liligi da gasa hame amo dawa:be.

Ilia da Isala:ili Gode amo Ea gasa bagade defele hame gala.

32Ilima ha lai fi da Sodame amola Gomoula fi amo defele, wadela:idafa.

Ilia da waini efe amo da gamogai

amola medosu waini legesa defele ba:sa.

33Ilia da waini hano amo saya:be ea medosu defo amoga hamoi defele.

34Hina Gode da Isala:ili fi ilima ha lai dunu ilia hou hame gogolesa.

E da ilima se iasu ima:ne eso amo doaga:ma:ne ouesala.

35 # 32:35 Louma 12:19; Hibulu 10:30 Hina Gode da ilima dabe imunu.

E da ilima se imunu. Ilia dafasu eso da doaga:mu.

Ilia gugunufinisimu eso da gadenei.

36 # 32:36 Gesami Hea:su 135:14 Hina Gode da Ea fi dunu gaga:mu.

E da ilisu gasa da dagoi ba:sea amola ilisu da ili fidimu gogoleiba:le,

E da ilima gogolema:ne olofosu imunu.

37Amasea, Hina Gode da Ea fi dunuma amane adole ba:mu,

“Amo gasa bagade ‘gode’ liligi dilia dafawaneyale dawa:i, amo da habila:?

38Dilia da dilia gobele salasu sefe amo ili moma:ne i,

amola ilima waini hano moma:ne olei.

Ilia da wali dili fidima:ne hehenaia misunu da defea.

39Na fawane da Godedafa. Eno ‘gode’ liligi huluane da ogogosu.

Na da medole legesu amola Na da esalusu iaha.

Na da fa:gisa amola Na da uhinisisa.

Na hawa: hamosu logo enoga hedofamu da hamedei.

40- 41Na da Gode Esala. Na da Na lobo amo Hebene amoga ligia gadole

amane sia:sa, Na hadigi gobihei Na da debesa.

Moloidafa hou Na da hamomu.

Na da Nama ha lai dunu dabemu

amola Nama higa:i dunu ilima se imunu.

42Na dadi amoga da ilia maga:me bagade dialebeba:le, dadabimu.

Amola Na gegesu gobihei bagade

da nowa Nama gegesea amo medole legemu.

Na da nowama da Nama gegesea, ema hame asigimu.

Fa:gi hamoi dunu amola se iasu diasu hamosu dunu huluane da bogogia:mu.’

43 # 32:43 Louma 15:10; Wamolegei Sia: Olelesu 19:2 Fifi asi gala huluane! Dilia Hina Gode Ea Fi ilima nodoma:mu.

Nowa da ili medole legesea, E da ilima se iaha.

E da Ema ha lai dunu amo dabesa.

Amola Ea fi dunu ilia wadela:i hou gogolema:ne olofosa.”

44Mousese amola Yosiua (Nane ea mano) da Isala:ili dunu huluane nabima:ne, amo gesami olelei.

Mousese ea Dagosu Sia:

45Mousese da Gode Ea olelesu amo Isala:ili dunuma olelei dagosea, 46e da amane sia:i, “Hamoma:ne sia:i na da wali eso dilima olelei amo huluane noga:le nabima. Dilia mano da Gode Ea olelesu amo mae fisili, noga:le fa:no bobogema:ne, amo sia: ilima bu olelema. 47Amo olelesu da hamedei liligi hame. Ilia da dilia esalusudafa. Amo noga:le nabasea, dilia da ode bagohame Yodane Hano na:iyado bega: soge dilia gesowale fimu soge, amo ganodini esalumu.

48 # 32:48 Idisu 27:12-14; Mousese ea Malasu 3:23-27 Amo esoha Hina Gode da Mousesema amane sia:i, 49“Di A:balime Goumiga gilisisu (Moua:be soge ganodini, Yeligou moilai bai bagade gadenene) amoga masa. Nibou Goumiba:le heda:le, Ga:ina:ne soge amo Na da Isala:ili dunuma iaha, amo ba:ma. 50Dia ola Elane da Ho Goumia bogoi amo defele di da Nibou Goumia bogomu.

51Bai ali da Isala:ili dunu huluane ba:ma:ne, Na Dio hame gaguia gadoi. Di da Meliba hano (Ga:idesie soge gadenene, wadela:i soge Sine ganodini) amoga esalea, dunu huluane ba:ma:ne Na Dio hame gaguia gadoi. 52Di da sedagawane amo soge ba:mu, be soge amo Na da Isala:ili dunuma iaha, amo ganodini hame masunu,” Hina Gode da amane sia:i.

Currently Selected:

Mousese Ea Malasu 32: BEO

Highlight

Copy

Compare