KOLOSE 3
3
1 #
Sala 110.1
Tela la, kafai ko oti ne faka'tu ake fakatasi koutou mo Keliso, salasala ki mea kola i te lagi me i a Keliso e nofo i kona i te feitu fakaatamai o te Atua, tela ko te feitu taua. 2Ke tukutonu otou mafaufau ki mea faka te lagi, kae se ki mea faka te lalolagi. 3Me i a koutou ne 'mate, ka ko otou ola ko faka'lafi fakatasi mo Keliso i te Atua. 4Kafai e fakaasi mai Keliso tela ko te ola o tatou, ko tona uiga ka fakaasi fakatasi foki koutou mo ia i tona 'malu.
Ko te Ola Mua mo te Ola Fou
5Fakagata a uiga faka te lalolagi i loto i a koutou, e penei mo mea konei: te fina lalolagi, ko te amio se 'ma, ko manakoga masei, ko te kaimanako, me i te kaimanako ko te ifo ki tupua tena. 6Ko mea kona e oko mai ei te kaitaua o te Atua ki tino kola e se faka'logo ki a ia.#3.6 I nisi lomiga e seai i ei ki luga i a latou kola e se fakalogo ki a ia. 7Ne sasale foki koutou i ei i taimi koi ola koutou i ei.
8Kae nei, ka tuku katoa keatea a mea konei mai i a koutou: ko te ita, ko te kaitaua, ko te loto masei, ko te faitala loi, mo te muna masei mai i otou gutu. 9#Efe 4.22Ke se loi te sua tino ki te sua tino, i te mea ko oti ne tuku keatea ne koutou a te natula mua mo ana faiga, 10#Efe 4.24; Kene 1.26ka ko oti ne fakapei ki luga i a koutou a te natula fou, tela ko oti ne fakafou i te poto i foliga o ia tela ne faite ne ia a mea katoa. 11Tela la, e seai se kesekesega o te Eleni mo te Iutaia, se tino pilitome me se tino se pilitome, se tino amio se pulea mo te fai valevale, se pologa me se saoloto, ka ko i a Keliso a mea katoa, kae e iai foki a ia i mea katoa.
12 #
Efe 4.2
A koutou ne kelisiano kola ne alofagina kae filifilia ne te Atua mō ia, tela la e 'tau mo koutou o taofi mau ki te alofa, te kaimalie, te loto malalo, te agamalu, mo te loto kufaki. 13#Efe 4.32Ke fakatau fesoasoani koutou i a koutou eiloa, ke fakatau fakamagalo foki koutou i a koutou eiloa, manafai e isi se mea e se malie ei te sua tino ki te sua tino. E pela mo te Aliki ko oti ne fakamagalo ne ia koutou, e 'tau foki mo koutou o fakatau fakamagalo. 14Kae sili i mea katoa konei, taofi mau koutou ki te alofa, tela e fusi fakatasi ei ne ia a mea katoa ke 'lei. 15Ke pule i otou loto te filemu o Keliso, me ko ia tena ne ana kalagagina koutou i te foitino e tasi, ke maua foki ne koutou te loto fakafetai. 16#Efe 5.19,20Ke tupu ola te muna a Keliso i a koutou, manafai e akoako atu io me polopoloki atu koutou ki se tino i poto valevale, ke pena foki manafai e 'pese atu koutou i te loto fakafetai ki te Atua i salamo, mo pese mo kupu faka te Agaga. 17So se mea a koutou e fai i muna me ko faiga, ke fai ne koutou a mea katoa i te igoa o te Aliki ko Iesu, i te siki atu o 'talo fakafetai ki te Atua te Tamana e alatu i a ia.
Ko te Mafutaga Faka te Tagata i te Ola Fou
18 #
Efe 5.22; 1Pete 3.1 Fafine, e 'tau mo koutou o faka'logo ki otou avaga i ala 'tau katoa i te Aliki.
19 #
Efe 5.25; 1Pete 3.7 Tagata, e 'tau mo koutou o alofa ki otou avaga, kae sa fakasaua ki ei.
20 #
Efe 6.1
Tamaliki, e 'tau mo koutou o faka'logo ki otou matua i mea katoa, me se mea fakafiafia loto tena ki te Aliki.
21 #
Efe 6.4
Matua, sa faka'itaitagina otou fanau, i te mea mana loto vaivai ei latou.
22 #
Efe 6.5-8
Pologa, fakalogo ki otou pule faka te lalolagi i mea katoa, e se i te galue fakaloiloi o fakafiafia tino, kae i te loto fakamaoni i te mataku ki te Aliki. 23So se galuega e fai ne koutou, ke fai mo te loto katoatoa, e pela eiloa me tavini atu koutou ki te Aliki kae se ki tino. 24Ke masaua ne koutou, ne maua ne koutou mai i te Aliki te tofi, ko te otou taui tena, i a koutou e tavini atu ki te Aliki ko Keliso. 25#Teu 10.17; Efe 6.9Me i te tino e fai mea masei e maua ne ia te taui o ana mea 'se ne fai ne ia, me i te Atua e se fakailoga tino.
Currently Selected:
KOLOSE 3: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
KOLOSE 3
3
1 #
Sala 110.1
Tela la, kafai ko oti ne faka'tu ake fakatasi koutou mo Keliso, salasala ki mea kola i te lagi me i a Keliso e nofo i kona i te feitu fakaatamai o te Atua, tela ko te feitu taua. 2Ke tukutonu otou mafaufau ki mea faka te lagi, kae se ki mea faka te lalolagi. 3Me i a koutou ne 'mate, ka ko otou ola ko faka'lafi fakatasi mo Keliso i te Atua. 4Kafai e fakaasi mai Keliso tela ko te ola o tatou, ko tona uiga ka fakaasi fakatasi foki koutou mo ia i tona 'malu.
Ko te Ola Mua mo te Ola Fou
5Fakagata a uiga faka te lalolagi i loto i a koutou, e penei mo mea konei: te fina lalolagi, ko te amio se 'ma, ko manakoga masei, ko te kaimanako, me i te kaimanako ko te ifo ki tupua tena. 6Ko mea kona e oko mai ei te kaitaua o te Atua ki tino kola e se faka'logo ki a ia.#3.6 I nisi lomiga e seai i ei ki luga i a latou kola e se fakalogo ki a ia. 7Ne sasale foki koutou i ei i taimi koi ola koutou i ei.
8Kae nei, ka tuku katoa keatea a mea konei mai i a koutou: ko te ita, ko te kaitaua, ko te loto masei, ko te faitala loi, mo te muna masei mai i otou gutu. 9#Efe 4.22Ke se loi te sua tino ki te sua tino, i te mea ko oti ne tuku keatea ne koutou a te natula mua mo ana faiga, 10#Efe 4.24; Kene 1.26ka ko oti ne fakapei ki luga i a koutou a te natula fou, tela ko oti ne fakafou i te poto i foliga o ia tela ne faite ne ia a mea katoa. 11Tela la, e seai se kesekesega o te Eleni mo te Iutaia, se tino pilitome me se tino se pilitome, se tino amio se pulea mo te fai valevale, se pologa me se saoloto, ka ko i a Keliso a mea katoa, kae e iai foki a ia i mea katoa.
12 #
Efe 4.2
A koutou ne kelisiano kola ne alofagina kae filifilia ne te Atua mō ia, tela la e 'tau mo koutou o taofi mau ki te alofa, te kaimalie, te loto malalo, te agamalu, mo te loto kufaki. 13#Efe 4.32Ke fakatau fesoasoani koutou i a koutou eiloa, ke fakatau fakamagalo foki koutou i a koutou eiloa, manafai e isi se mea e se malie ei te sua tino ki te sua tino. E pela mo te Aliki ko oti ne fakamagalo ne ia koutou, e 'tau foki mo koutou o fakatau fakamagalo. 14Kae sili i mea katoa konei, taofi mau koutou ki te alofa, tela e fusi fakatasi ei ne ia a mea katoa ke 'lei. 15Ke pule i otou loto te filemu o Keliso, me ko ia tena ne ana kalagagina koutou i te foitino e tasi, ke maua foki ne koutou te loto fakafetai. 16#Efe 5.19,20Ke tupu ola te muna a Keliso i a koutou, manafai e akoako atu io me polopoloki atu koutou ki se tino i poto valevale, ke pena foki manafai e 'pese atu koutou i te loto fakafetai ki te Atua i salamo, mo pese mo kupu faka te Agaga. 17So se mea a koutou e fai i muna me ko faiga, ke fai ne koutou a mea katoa i te igoa o te Aliki ko Iesu, i te siki atu o 'talo fakafetai ki te Atua te Tamana e alatu i a ia.
Ko te Mafutaga Faka te Tagata i te Ola Fou
18 #
Efe 5.22; 1Pete 3.1 Fafine, e 'tau mo koutou o faka'logo ki otou avaga i ala 'tau katoa i te Aliki.
19 #
Efe 5.25; 1Pete 3.7 Tagata, e 'tau mo koutou o alofa ki otou avaga, kae sa fakasaua ki ei.
20 #
Efe 6.1
Tamaliki, e 'tau mo koutou o faka'logo ki otou matua i mea katoa, me se mea fakafiafia loto tena ki te Aliki.
21 #
Efe 6.4
Matua, sa faka'itaitagina otou fanau, i te mea mana loto vaivai ei latou.
22 #
Efe 6.5-8
Pologa, fakalogo ki otou pule faka te lalolagi i mea katoa, e se i te galue fakaloiloi o fakafiafia tino, kae i te loto fakamaoni i te mataku ki te Aliki. 23So se galuega e fai ne koutou, ke fai mo te loto katoatoa, e pela eiloa me tavini atu koutou ki te Aliki kae se ki tino. 24Ke masaua ne koutou, ne maua ne koutou mai i te Aliki te tofi, ko te otou taui tena, i a koutou e tavini atu ki te Aliki ko Keliso. 25#Teu 10.17; Efe 6.9Me i te tino e fai mea masei e maua ne ia te taui o ana mea 'se ne fai ne ia, me i te Atua e se fakailoga tino.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific