KOLOSE 2
2
1Au e manako ke iloa ne koutou te lasi o toku galue malosi mō koutou, pela foki mo tino i Laotikaia, mo latou foki katoa kola e seki matea ne latou oku foliga, 2ko te mea ke fakamalosigina olotou loto, kae ke fusi tasi foki olotou loto i te alofa, ke maua foki ne latou a koloa o te poto mo te iloa 'lei o te mea 'funa a te Atua, ko Keliso,#2.2: te mea 'funa a te Atua, ko Keliso eiloanisi lomiga e isi i ei te mea 'funa a te Atua; i nisi lomiga e isi i ei te mea 'funa a te Atua te Tamana o Keliso; i nisi lomiga e isi i ei te mea 'funa a te Atua mo te Tamana, mo Keliso. 3a ia ko te ki tela e tala ei te koloa tāua o te poto mo te iloa 'lei o te Atua.
4Ko taku atu ne au a te mea nei, ko te mea ke seai se tino e fakavalea ne ia koutou ki ana pati fakakolekole, e tusa eiloa me pefea te gali mo te logo'lei, ke mo a ma faka'segina koutou. 5E ui eiloa i toku se nofo i a koutou i te foitino, ka ko toku loto e fakatasi eiloa mo koutou, kae fiafia eiloa au o onoono atu i te otou nofonofo 'lei, mo te mautakitaki o te otou fakatuanaki i a Keliso.
Ko te Katoatoaga o te Olaga i a Keliso
6Ona ko te mea ko oti ne talia ne koutou a Keliso Iesu ko te Aliki, tela la, ke ola koutou i a ia. 7Ke 'mau otou aka, ke putiputi ake foki koutou i a ia, ke ati ake foki koutou i te fakatuanaki, e pela eiloa mo te mea ne akoako atu ki a koutou, ke 'fonu foki koutou i te loto fakafetai.
8Ke onoono fakalei koutou, ke mo a e vau se tino o fakapologa koutou i te poto mo takolekolega se aoga, kola e fakavae i munatuku a tino, io me ko agaga pule muamua o te lalolagi, kae se fakavae i a Keliso, 9tela e nofo i a ia a te katoatoaga o te natula faka te Atua, 10ka ko fakakatoatoagina foki te otou olaga i a ia, ko te ulu o aliki mo pule katoa.
11Ne pilitome foki koutou i tona igoa, ko tona uiga ko te pilitome e seki fai ki lima. Tenei te pilitome faka te Agaga, tela ko tena uiga ko fakasaoloto tatou ne Keliso mai manakoga faka te foitino. 12#Loma 6.4Ne tanu fakatasi koutou mo ia i te papatisoga, ne toetu fakatasi ake foki koutou mo ia i te fakatuanaki i galuega mana a te Atua, tela ko ia ne fakatu ake ne ia a Iesu mai tino 'mate. 13#Efe 2.1-5A koutou ne 'mate faka te agaga ona ko otou agasala. E se gata i ei, ka ko koutou foki ne tino o fenua fakaatea, kola e se aofia i te Tulafono. Kae ne aumai ne te Atua koutou ke ola fakatasi mo Keliso i te Atua. Ko fakamagalo foki ne te Atua o'tou agasala. 14#Efe 2.15Ko oti ne 'solo ne ia te tala masei o o'tou kaitalafu, pela foki mo tulafono kola e saisaitia ei tatou, kae fakatautau ne ia i te sataulo, tela ko te sataulo o Iesu. 15Mai te sataulo o Keliso, ko fakasaoloto ei a ia ne ia mai te pule mo malosi fakasatani.#2.15: A Keliso ne fakasaoloto ne ia a ia mai malosi o agaga pule masei mo malosi; io me A Keliso ne fakaseai ne ia a pulega o agaga masei mo malosi o olotou pulega. Ne fai ne ia se fakaasiga fakaofoofogina, ki tino valevale i te takimaiga o latou mai te nofo pologa ki tena manumalo.
16 #
Loma 14.1-6
Tela la, ke seai se tino e fakamasino atu ki a koutou i feitu e uiga ki meakai mo meainu, io me ko te feitu ki aso fakamanatu, mo aso fiafia o te masina sae io me ko te Sapati. 17A mea nei ne ata fua o mea ka oko mai, ka ko te mea tonu ko Keliso. 18Ke seai se tino e fakaseaoga ne ia koutou, i te fia sili ona ko fakaasiga taua ne maua ne ia, mo te loto malalo fakaloiloi mo te ifo ki agelu. A te tino pena e 'fete valea fua tona mafaufau i manatu faka te foitino, 19#Efe 4.16kae se puke mautakitaki ki a Keliso, tela ko te ulu o te foitino. Mai te pule a Keliso ko 'soko fakatasi mo te olaola 'lei sokoga mo totoga o te foitino, e pela eiloa mo te mea e loto ki ei te Atua.
Ko te Mate mo te Ola Fakatasi mo Keliso
20Kafai ne 'mate koutou fakatasi mo Keliso, ka ko fakasaoloto foki koutou mai agaga pule o te lalolagi; ai a la e ola ei koutou, i se olaga e foliga mai pela i a koutou koi fai eiloa mo tino o te lalolagi? Ai a e faka'logo ei koutou ki olotou fakatonuga konei? 21“Sa puke ki ei o kai, sa tofo o kai ki ei, sa puke o kai ki ei.” 22E se aoga katoa a tulafono konei, manafai e fakaaoga. A tulafono me ko akoakoga konei, ne mea fua ne fai ne tino. 23A mea konei: te fai malo ke tapuaki atu ki agelu, te loto malalo fakaloiloi, te fakafita o te foitino, e foliga mai pela me maua mai i ei se 'lei, ka ko te fakalavelave e se mafai ne latou o 'teke atu manakoga agasala o te foitino.
Currently Selected:
KOLOSE 2: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
KOLOSE 2
2
1Au e manako ke iloa ne koutou te lasi o toku galue malosi mō koutou, pela foki mo tino i Laotikaia, mo latou foki katoa kola e seki matea ne latou oku foliga, 2ko te mea ke fakamalosigina olotou loto, kae ke fusi tasi foki olotou loto i te alofa, ke maua foki ne latou a koloa o te poto mo te iloa 'lei o te mea 'funa a te Atua, ko Keliso,#2.2: te mea 'funa a te Atua, ko Keliso eiloanisi lomiga e isi i ei te mea 'funa a te Atua; i nisi lomiga e isi i ei te mea 'funa a te Atua te Tamana o Keliso; i nisi lomiga e isi i ei te mea 'funa a te Atua mo te Tamana, mo Keliso. 3a ia ko te ki tela e tala ei te koloa tāua o te poto mo te iloa 'lei o te Atua.
4Ko taku atu ne au a te mea nei, ko te mea ke seai se tino e fakavalea ne ia koutou ki ana pati fakakolekole, e tusa eiloa me pefea te gali mo te logo'lei, ke mo a ma faka'segina koutou. 5E ui eiloa i toku se nofo i a koutou i te foitino, ka ko toku loto e fakatasi eiloa mo koutou, kae fiafia eiloa au o onoono atu i te otou nofonofo 'lei, mo te mautakitaki o te otou fakatuanaki i a Keliso.
Ko te Katoatoaga o te Olaga i a Keliso
6Ona ko te mea ko oti ne talia ne koutou a Keliso Iesu ko te Aliki, tela la, ke ola koutou i a ia. 7Ke 'mau otou aka, ke putiputi ake foki koutou i a ia, ke ati ake foki koutou i te fakatuanaki, e pela eiloa mo te mea ne akoako atu ki a koutou, ke 'fonu foki koutou i te loto fakafetai.
8Ke onoono fakalei koutou, ke mo a e vau se tino o fakapologa koutou i te poto mo takolekolega se aoga, kola e fakavae i munatuku a tino, io me ko agaga pule muamua o te lalolagi, kae se fakavae i a Keliso, 9tela e nofo i a ia a te katoatoaga o te natula faka te Atua, 10ka ko fakakatoatoagina foki te otou olaga i a ia, ko te ulu o aliki mo pule katoa.
11Ne pilitome foki koutou i tona igoa, ko tona uiga ko te pilitome e seki fai ki lima. Tenei te pilitome faka te Agaga, tela ko tena uiga ko fakasaoloto tatou ne Keliso mai manakoga faka te foitino. 12#Loma 6.4Ne tanu fakatasi koutou mo ia i te papatisoga, ne toetu fakatasi ake foki koutou mo ia i te fakatuanaki i galuega mana a te Atua, tela ko ia ne fakatu ake ne ia a Iesu mai tino 'mate. 13#Efe 2.1-5A koutou ne 'mate faka te agaga ona ko otou agasala. E se gata i ei, ka ko koutou foki ne tino o fenua fakaatea, kola e se aofia i te Tulafono. Kae ne aumai ne te Atua koutou ke ola fakatasi mo Keliso i te Atua. Ko fakamagalo foki ne te Atua o'tou agasala. 14#Efe 2.15Ko oti ne 'solo ne ia te tala masei o o'tou kaitalafu, pela foki mo tulafono kola e saisaitia ei tatou, kae fakatautau ne ia i te sataulo, tela ko te sataulo o Iesu. 15Mai te sataulo o Keliso, ko fakasaoloto ei a ia ne ia mai te pule mo malosi fakasatani.#2.15: A Keliso ne fakasaoloto ne ia a ia mai malosi o agaga pule masei mo malosi; io me A Keliso ne fakaseai ne ia a pulega o agaga masei mo malosi o olotou pulega. Ne fai ne ia se fakaasiga fakaofoofogina, ki tino valevale i te takimaiga o latou mai te nofo pologa ki tena manumalo.
16 #
Loma 14.1-6
Tela la, ke seai se tino e fakamasino atu ki a koutou i feitu e uiga ki meakai mo meainu, io me ko te feitu ki aso fakamanatu, mo aso fiafia o te masina sae io me ko te Sapati. 17A mea nei ne ata fua o mea ka oko mai, ka ko te mea tonu ko Keliso. 18Ke seai se tino e fakaseaoga ne ia koutou, i te fia sili ona ko fakaasiga taua ne maua ne ia, mo te loto malalo fakaloiloi mo te ifo ki agelu. A te tino pena e 'fete valea fua tona mafaufau i manatu faka te foitino, 19#Efe 4.16kae se puke mautakitaki ki a Keliso, tela ko te ulu o te foitino. Mai te pule a Keliso ko 'soko fakatasi mo te olaola 'lei sokoga mo totoga o te foitino, e pela eiloa mo te mea e loto ki ei te Atua.
Ko te Mate mo te Ola Fakatasi mo Keliso
20Kafai ne 'mate koutou fakatasi mo Keliso, ka ko fakasaoloto foki koutou mai agaga pule o te lalolagi; ai a la e ola ei koutou, i se olaga e foliga mai pela i a koutou koi fai eiloa mo tino o te lalolagi? Ai a e faka'logo ei koutou ki olotou fakatonuga konei? 21“Sa puke ki ei o kai, sa tofo o kai ki ei, sa puke o kai ki ei.” 22E se aoga katoa a tulafono konei, manafai e fakaaoga. A tulafono me ko akoakoga konei, ne mea fua ne fai ne tino. 23A mea konei: te fai malo ke tapuaki atu ki agelu, te loto malalo fakaloiloi, te fakafita o te foitino, e foliga mai pela me maua mai i ei se 'lei, ka ko te fakalavelave e se mafai ne latou o 'teke atu manakoga agasala o te foitino.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific