Матфей 6
6
1Уӕхи хизут, рӕстгӕнджытӕ кӕй стут, уый адӕмы цӕстмӕ ӕвдисынӕй, науӕд хӕрзиуӕг нӕ райсдзыстут уӕ Уӕларвон Фыдӕй. 2Мӕгуырӕн ӕххуыс кӕныс, уӕд ӕй дӕрдтыл ма ныхъхъӕр кӕн. Афтӕ синагогӕтӕ ӕмӕ уынгты фӕкӕнынц дыдзӕсгӕмттӕ — искӕй цӕстмӕ, кады охыл. Ӕцӕг цы у, уый уын зӕгъын: уыдон ныридӕгӕн райстой сӕ хорзӕх. 3Ды та мӕгуырӕн куы ӕххуыс кӕнай, уӕд дӕ галиу къух ма зонӕд, рахиз цы гӕнӕг у, уый. 4Уӕд де ’ххуысы хай уыдзӕни сусӕг, ӕмӕ дӕ Фыд, сусӕг хъуыддӕгтӕ уынӕг, дӕу схорзӕхджын кӕндзӕн ӕргомӕй.
5Уӕдӕ, куы фӕкувут, уӕд дыдзӕсгӕмтты ма фӕзмут — уыдон уарзынц адӕмы цӕстмӕ синагогӕты ӕмӕ тигътыл лӕугӕйӕ кувын. Ӕцӕг цы у, уый уын зӕгъын: уыдон ныридӕгӕн райстой сӕ хорзӕх. 6Ды та, куы фӕкувыс, уӕд бацу дӕ уатмӕ, сӕхгӕн дӕ дуар ӕмӕ скув, цӕстӕй Кӕй нӕ уыныс, дӕ уыцы Фыдмӕ. Ӕмӕ дӕ Фыд, сусӕг хъуыддӕгтӕ уынӕг, дӕу схорзӕхджын кӕндзӕн ӕргомӕй.
7Кувгӕйӕ та уӕлдай ныхӕстӕ ма дзурут муртаттӕгтау — уыдон афтӕ ӕнхъӕл сты, ӕмӕ, фылдӕр куы дзурой, уӕд сӕ куывд хуыздӕр фехъуысдзӕн Хуыцаумӕ. 8Ма сӕ фӕзмут, уымӕн ӕмӕ, нӕма ской кӕнут, афтӕмӕй йӕ уӕ Фыд фӕзоны, сымах хъуаг цӕмӕй ӕййафут, уый. 9Кувгӕ та кӕнут афтӕ:
Нӕ Уӕларвон Фыд!
Кадджын уӕд Дӕ ном!
10Ӕрцӕуӕд Дӕ Паддзахад,
уӕлӕрвты куыд у, афтӕ зӕххыл дӕр
сӕххӕст уӕд Дӕ фӕндон.
11Ратт нын абон цӕрынваг къӕбӕр.
12Ныббар нын нӕ хӕстӕ,
мах нӕ хӕсджынтӕн куыд барӕм, афтӕ.
13Ма нӕ бафтау фыдӕвзарӕны,
фӕлӕ нӕ бахиз сайтанӕй.
Уымӕн ӕмӕ Паддзахад, тых ӕмӕ кад
Дӕу сты мыггагмӕ. Аммен.
14Ӕмӕ адӕмӕн сӕ рӕдыдтытӕ куы хатыр кӕнат, уӕд сымахӕн дӕр уӕ Уӕларвон Фыд ныббардзӕни уӕ тӕригъӕдтӕ. 15Фӕлӕ сымах адӕмӕн сӕ рӕдыдтытӕ куынӕ хатыр кӕнат, уӕд уын уӕ Фыд дӕр нӕ ныббардзӕн уӕ рӕдыдтытӕ.
16Ком даргӕйӕ-иу дыдзӕсгӕмттау уӕхи ма хъуынтъыз кӕнут — уыдон ныттар кӕнынц сӕ цӕсгӕмттӕ, цӕмӕй адӕм уыной, ком кӕй дарынц, уый. Ӕцӕг цы у, уый уын зӕгъын: уыдон ныридӕгӕн райстой сӕ хорзӕх. 17Ды та, ком куы дарай, уӕд ныффас дӕ сӕр ӕмӕ цӕхс дӕ цӕсгом, 18цӕмӕй, ком кӕй дарыс, уый адӕм ма уыной, фӕлӕ йӕ фена Дӕ Фыд, цӕстӕй Кӕй нӕ уыныс, Уый, ӕмӕ дӕ уӕд дӕ Фыд, сусӕг хъуыддӕгтӕ уынӕг, схорзӕхджын кӕндзӕн ӕргомӕй.
19Зӕххыл уӕхицӕн хӕзнатӕ ма ӕмбырд кӕнут — ам сӕ рӕмпӕг ӕмӕ згӕ бахӕрынц, хуыснӕджытӕ сӕм баирвӕзынц ӕмӕ сӕ адавынц. 20Уӕхицӕн хӕзнатӕ ӕмбырд кӕнут уӕларвы — уым сӕ нӕдӕр рӕмпӕг хӕры, нӕдӕр сыл згӕ хӕцы, хуыснӕджытӕ дӕр сӕм не ’ххӕссынц ӕмӕ сӕ нӕ давынц. 21Уымӕн ӕмӕ уӕ хӕзна кӕм ис, уӕ зӕрдӕ дӕр уым уыдзӕн.
22Буарӕн йӕ рухсгӕнӕн цӕст у. Ӕмӕ дӕ цӕст сыгъдӕг куы уа, уӕд дӕ буар иууылдӕр рухс уыдзӕн. 23Фӕлӕ дӕ цӕст хӕрамӕй талынг куы уа, уӕд дӕ буар иууылдӕр талынг уыдзӕн. Уӕдӕ дӕ мидӕг цы рухс ис, уый талынг кӕд у, уӕд ма талынг та цавӕр у, цымӕ!
24Никӕй бон у дыууӕ хицауӕн кусын — сӕ иуӕй йе сӕфт уындзӕн, иннӕйы та уарздзӕни, кӕнӕ сӕ иуыл иузӕрдион уыдзӕн, иннӕйы та ницӕмӕ дардзӕни. Уӕ бон нӕ бауыдзӕни Хуыцауӕн дӕр ӕмӕ ӕхцайӕн дӕр лӕггад кӕнын.
25Уымӕ гӕсгӕ уын зӕгъын: ма мӕт кӕнут нӕдӕр, цы бахӕрат ӕмӕ цы бануазат, ууыл, нӕдӕр дарӕсыл. Ау, цард хойрагӕй ахсджиагдӕр нӕу, буар та — дарӕсӕй? 26Акӕсут-ма уӕларвон мӕргътӕм: уыдон нӕдӕр таугӕ кӕнынц, нӕдӕр кӕрдгӕ, нӕдӕр хордӕтты хор ӕфснайынц, ӕмӕ сӕ уӕ Уӕларвон Фыд хӕссы. Сымах уыдонӕй бирӕ зынаргъдӕр не стут, ӕви?
27Стӕй куы мӕт кӕнат, уӕддӕр уӕ уымӕй йӕ цардыл бирӕ нӕ, фӕлӕ иу сахат бафтауын дӕр кӕй бон бауыдзӕн#6:27 Кӕнӕ: «…йӕ асыл иу ӕлмӕрины бӕрц бафтауын дӕр йӕ бон кӕмӕн суыдзӕн»? ? 28Уӕдӕ дарӕсыл дӕр цы мӕт кӕнут? Акӕсут-ма, быдираг дидинджытӕ куыд рӕзынц, уымӕ: нӕдӕр кусынц, нӕдӕр ӕлвисынц, 29фӕлӕ уын зӕгъын: суанг Соломон дӕр, уый бӕрц кадджын уӕвгӕйӕ, уыдонӕй иуы хуызӕн дӕр нӕ фӕлыста йӕхи. 30Абон чи ис, райсом та пецы кӕй баппардзысты, уыцы быдираг зайӕгхалы Хуыцау афтӕ кӕм фӕлынды, уым сымах ӕнӕ дарӕсӕй куыд ныууадздзӕни, лӕмӕгъуырнджытӕ! 31Уӕдӕ ма мӕт кӕнут ӕмӕ ма дзурут: «Цы хӕрӕм?», «Цы нуазӕм?», «Нӕ уӕлӕ цы скӕнӕм?» 32Ӕппӕт уыдӕттыл муртаттӕгтӕ тыхсынц; сымахӕн та уӕ Уӕларвон Фыд зоны, уыдон уӕ иууылдӕр кӕй хъӕуынц, уый. 33Фыццаджыдӕр агурут Хуыцауы Паддзахад ӕмӕ Йӕ рӕстдзинад, ӕмӕ уын ӕппӕт уыдӕттӕ дӕр лӕвӕрд уыдзысты. 34Уӕдӕ ма мӕт кӕнут сомбоныл, уымӕн ӕмӕ сомбон йӕхӕдӕг тыхсдзӕни йӕхиуыл. Алы бонӕн дӕр йӕхи сагъӕстӕ фаг сты.
Currently Selected:
Матфей 6: ОссБ
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002, 2009, 2011-2015, 2018.
Матфей 6
6
1Уӕхи хизут, рӕстгӕнджытӕ кӕй стут, уый адӕмы цӕстмӕ ӕвдисынӕй, науӕд хӕрзиуӕг нӕ райсдзыстут уӕ Уӕларвон Фыдӕй. 2Мӕгуырӕн ӕххуыс кӕныс, уӕд ӕй дӕрдтыл ма ныхъхъӕр кӕн. Афтӕ синагогӕтӕ ӕмӕ уынгты фӕкӕнынц дыдзӕсгӕмттӕ — искӕй цӕстмӕ, кады охыл. Ӕцӕг цы у, уый уын зӕгъын: уыдон ныридӕгӕн райстой сӕ хорзӕх. 3Ды та мӕгуырӕн куы ӕххуыс кӕнай, уӕд дӕ галиу къух ма зонӕд, рахиз цы гӕнӕг у, уый. 4Уӕд де ’ххуысы хай уыдзӕни сусӕг, ӕмӕ дӕ Фыд, сусӕг хъуыддӕгтӕ уынӕг, дӕу схорзӕхджын кӕндзӕн ӕргомӕй.
5Уӕдӕ, куы фӕкувут, уӕд дыдзӕсгӕмтты ма фӕзмут — уыдон уарзынц адӕмы цӕстмӕ синагогӕты ӕмӕ тигътыл лӕугӕйӕ кувын. Ӕцӕг цы у, уый уын зӕгъын: уыдон ныридӕгӕн райстой сӕ хорзӕх. 6Ды та, куы фӕкувыс, уӕд бацу дӕ уатмӕ, сӕхгӕн дӕ дуар ӕмӕ скув, цӕстӕй Кӕй нӕ уыныс, дӕ уыцы Фыдмӕ. Ӕмӕ дӕ Фыд, сусӕг хъуыддӕгтӕ уынӕг, дӕу схорзӕхджын кӕндзӕн ӕргомӕй.
7Кувгӕйӕ та уӕлдай ныхӕстӕ ма дзурут муртаттӕгтау — уыдон афтӕ ӕнхъӕл сты, ӕмӕ, фылдӕр куы дзурой, уӕд сӕ куывд хуыздӕр фехъуысдзӕн Хуыцаумӕ. 8Ма сӕ фӕзмут, уымӕн ӕмӕ, нӕма ской кӕнут, афтӕмӕй йӕ уӕ Фыд фӕзоны, сымах хъуаг цӕмӕй ӕййафут, уый. 9Кувгӕ та кӕнут афтӕ:
Нӕ Уӕларвон Фыд!
Кадджын уӕд Дӕ ном!
10Ӕрцӕуӕд Дӕ Паддзахад,
уӕлӕрвты куыд у, афтӕ зӕххыл дӕр
сӕххӕст уӕд Дӕ фӕндон.
11Ратт нын абон цӕрынваг къӕбӕр.
12Ныббар нын нӕ хӕстӕ,
мах нӕ хӕсджынтӕн куыд барӕм, афтӕ.
13Ма нӕ бафтау фыдӕвзарӕны,
фӕлӕ нӕ бахиз сайтанӕй.
Уымӕн ӕмӕ Паддзахад, тых ӕмӕ кад
Дӕу сты мыггагмӕ. Аммен.
14Ӕмӕ адӕмӕн сӕ рӕдыдтытӕ куы хатыр кӕнат, уӕд сымахӕн дӕр уӕ Уӕларвон Фыд ныббардзӕни уӕ тӕригъӕдтӕ. 15Фӕлӕ сымах адӕмӕн сӕ рӕдыдтытӕ куынӕ хатыр кӕнат, уӕд уын уӕ Фыд дӕр нӕ ныббардзӕн уӕ рӕдыдтытӕ.
16Ком даргӕйӕ-иу дыдзӕсгӕмттау уӕхи ма хъуынтъыз кӕнут — уыдон ныттар кӕнынц сӕ цӕсгӕмттӕ, цӕмӕй адӕм уыной, ком кӕй дарынц, уый. Ӕцӕг цы у, уый уын зӕгъын: уыдон ныридӕгӕн райстой сӕ хорзӕх. 17Ды та, ком куы дарай, уӕд ныффас дӕ сӕр ӕмӕ цӕхс дӕ цӕсгом, 18цӕмӕй, ком кӕй дарыс, уый адӕм ма уыной, фӕлӕ йӕ фена Дӕ Фыд, цӕстӕй Кӕй нӕ уыныс, Уый, ӕмӕ дӕ уӕд дӕ Фыд, сусӕг хъуыддӕгтӕ уынӕг, схорзӕхджын кӕндзӕн ӕргомӕй.
19Зӕххыл уӕхицӕн хӕзнатӕ ма ӕмбырд кӕнут — ам сӕ рӕмпӕг ӕмӕ згӕ бахӕрынц, хуыснӕджытӕ сӕм баирвӕзынц ӕмӕ сӕ адавынц. 20Уӕхицӕн хӕзнатӕ ӕмбырд кӕнут уӕларвы — уым сӕ нӕдӕр рӕмпӕг хӕры, нӕдӕр сыл згӕ хӕцы, хуыснӕджытӕ дӕр сӕм не ’ххӕссынц ӕмӕ сӕ нӕ давынц. 21Уымӕн ӕмӕ уӕ хӕзна кӕм ис, уӕ зӕрдӕ дӕр уым уыдзӕн.
22Буарӕн йӕ рухсгӕнӕн цӕст у. Ӕмӕ дӕ цӕст сыгъдӕг куы уа, уӕд дӕ буар иууылдӕр рухс уыдзӕн. 23Фӕлӕ дӕ цӕст хӕрамӕй талынг куы уа, уӕд дӕ буар иууылдӕр талынг уыдзӕн. Уӕдӕ дӕ мидӕг цы рухс ис, уый талынг кӕд у, уӕд ма талынг та цавӕр у, цымӕ!
24Никӕй бон у дыууӕ хицауӕн кусын — сӕ иуӕй йе сӕфт уындзӕн, иннӕйы та уарздзӕни, кӕнӕ сӕ иуыл иузӕрдион уыдзӕн, иннӕйы та ницӕмӕ дардзӕни. Уӕ бон нӕ бауыдзӕни Хуыцауӕн дӕр ӕмӕ ӕхцайӕн дӕр лӕггад кӕнын.
25Уымӕ гӕсгӕ уын зӕгъын: ма мӕт кӕнут нӕдӕр, цы бахӕрат ӕмӕ цы бануазат, ууыл, нӕдӕр дарӕсыл. Ау, цард хойрагӕй ахсджиагдӕр нӕу, буар та — дарӕсӕй? 26Акӕсут-ма уӕларвон мӕргътӕм: уыдон нӕдӕр таугӕ кӕнынц, нӕдӕр кӕрдгӕ, нӕдӕр хордӕтты хор ӕфснайынц, ӕмӕ сӕ уӕ Уӕларвон Фыд хӕссы. Сымах уыдонӕй бирӕ зынаргъдӕр не стут, ӕви?
27Стӕй куы мӕт кӕнат, уӕддӕр уӕ уымӕй йӕ цардыл бирӕ нӕ, фӕлӕ иу сахат бафтауын дӕр кӕй бон бауыдзӕн#6:27 Кӕнӕ: «…йӕ асыл иу ӕлмӕрины бӕрц бафтауын дӕр йӕ бон кӕмӕн суыдзӕн»? ? 28Уӕдӕ дарӕсыл дӕр цы мӕт кӕнут? Акӕсут-ма, быдираг дидинджытӕ куыд рӕзынц, уымӕ: нӕдӕр кусынц, нӕдӕр ӕлвисынц, 29фӕлӕ уын зӕгъын: суанг Соломон дӕр, уый бӕрц кадджын уӕвгӕйӕ, уыдонӕй иуы хуызӕн дӕр нӕ фӕлыста йӕхи. 30Абон чи ис, райсом та пецы кӕй баппардзысты, уыцы быдираг зайӕгхалы Хуыцау афтӕ кӕм фӕлынды, уым сымах ӕнӕ дарӕсӕй куыд ныууадздзӕни, лӕмӕгъуырнджытӕ! 31Уӕдӕ ма мӕт кӕнут ӕмӕ ма дзурут: «Цы хӕрӕм?», «Цы нуазӕм?», «Нӕ уӕлӕ цы скӕнӕм?» 32Ӕппӕт уыдӕттыл муртаттӕгтӕ тыхсынц; сымахӕн та уӕ Уӕларвон Фыд зоны, уыдон уӕ иууылдӕр кӕй хъӕуынц, уый. 33Фыццаджыдӕр агурут Хуыцауы Паддзахад ӕмӕ Йӕ рӕстдзинад, ӕмӕ уын ӕппӕт уыдӕттӕ дӕр лӕвӕрд уыдзысты. 34Уӕдӕ ма мӕт кӕнут сомбоныл, уымӕн ӕмӕ сомбон йӕхӕдӕг тыхсдзӕни йӕхиуыл. Алы бонӕн дӕр йӕхи сагъӕстӕ фаг сты.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002, 2009, 2011-2015, 2018.