Рацыд 21
21
1Мӕнӕ, адӕмӕн цы уагӕвӕрдтӕ хъуамӕ раттай, уыдон.
2Дзуттаг цагъары куы балхӕнай, уӕд дӕм бакусӕд ӕхсӕз азы, ӕвдӕм аз ӕй суӕгъд кӕн ӕнӕ фиддон. 3Кӕд ӕрмӕст йӕхӕдӕг сси цагъар, уӕд ссӕрибар уӕд йӕхӕдӕг, кӕд ӕмӕ — ӕд ус, уӕд та — йӕ усимӕ. 4Кӕд ын йӕ хицау ус ракуырдта ӕмӕ йын уый лӕппутӕ кӕнӕ чызджытӕ ныййардта, уӕд йӕ ус ӕмӕ йӕ сабитӕ хицауы исбон сты, ӕмӕ йын иунӕг йӕхи ӕмбӕлы ссӕрибар кӕнын. 5Фӕлӕ цагъар куы зӕгъа, уарзын мӕ хицауы, мӕ усы ӕмӕ мӕ сабиты ӕмӕ мӕ сӕрибар нӕ хъӕуы, зӕгъгӕ, 6уӕд ӕй йӕ хицау бакӕнӕд Хуыцауы размӕ — бакӕнӕд ӕй дуармӕ кӕнӕ дуарӕн йӕ тарвазмӕ — ӕмӕ йын уым туасӕй фӕхуынкъ кӕнӕд йӕ хъус, ӕмӕ йӕ хицауӕн цагъарӕй баззайӕд мыггагмӕ.
7Иу адӕймаг йӕ чызджы иннӕмӕн куы ауӕй кӕна, уӕд уыцы чызгӕн нӕлгоймаг цагъартау ссӕрибар уӕвӕн нӕй. 8Йӕ хицау ӕй куринаг уыди, фӕлӕ чызг йӕ зӕрдӕмӕ нӕ фӕцыди, зӕгъгӕ, уӕд бар раттӕд, ӕмӕ йӕ фӕстӕмӕ балхӕной: чызгыл кӕй нӕ баввӕрсыди, уый йын ӕй ӕцӕгӕлӕттӕн ауӕй кӕныны бар нӕ дӕтты. 9Йӕ фыртӕн ӕй куы ракура, уӕд ын, йӕхи чызг цыма у, ахӕм бартӕ раттӕд. 10Хицау ӕй йӕхӕдӕг куы ракура ӕмӕ ма фӕстӕдӕр ӕндӕр ус дӕр куы ’рхӕсса, уӕд йӕ фыццаг усы хӕрд ӕмӕ дарӕсӕй ма фӕцух кӕнӕд, ма йӕ фенӕхай кӕнӕд бинойнаджы бартӕй дӕр. 11Ацы ӕртӕ хорзы йын куынӕ фӕуа, уӕд чызг ссӕрибар уӕд ӕнӕ фиддонӕй.
12Иу иннӕйы ныццавта ӕмӕ йӕ афтӕмӕй амардта, зӕгъгӕ, уӕд йӕхӕдӕг дӕр мард ӕрцӕуӕд.
13Ӕцӕг ын кӕд ӕнӕбары рауад ацы фыдми — Хуыцауы фӕндонӕй йын афтӕ рауад, — уӕд ын бацамондзынӕн, йӕ сӕр бафснайынмӕ кӕдӕм алидза, ахӕм бынат. 14Барӕй, йӕ фыр налатӕй, чи амара искӕй, уый та амарын хъӕуы, Мӕ нывондхӕссӕны цур йӕ сӕр куы бафснайа, уӕддӕр.
15Йӕ мад кӕнӕ йӕ фыдмӕ йӕ къух чи сиса, уый хъуамӕ мард ӕрцӕуа.
16Искӕй чи адава ӕмӕ йӕ чи ауӕй кӕна, науӕд давд адӕймаджы кӕмӕ ссарой, уый хъуамӕ мард ӕрцӕуа.
17Йӕ мад кӕнӕ йӕ фыды ӕфхӕрӕг хъуамӕ мард ӕрцӕуа.
18Хылгӕнгӕйӕ, иу иннӕйы дурӕй кӕнӕ тымбылкъухӕй куы ныццӕва ӕмӕ, цӕф кӕуыл ӕруад, уый куынӕ амӕла, фӕлӕ куы ӕруатон уа, 19стӕй фӕстӕдӕр куы рабада ӕмӕ уынгмӕ лӕдзӕджы ӕнцӕйтты цӕуын куы райдайа, уӕд йӕ ныццӕвӕг ӕфхӕрд ма баййафӕд, фӕлӕ йын, йӕ куыстӕй йӕ цы рӕстӕг бакъуылымпы кодта, уый ӕмӕ йе сдзӕбӕх кӕныны аргъ бафидӕд.
20Исчи йӕ цагъары, нӕлгоймаг кӕнӕ сылгоймаджы, лӕдзӕгӕй куы ныццӕва ӕмӕ йӕ афтӕмӕй куы ӕрбамара, уӕд ахӕм хицау бафхӕринаг у. 21Ӕцӕг, цӕф кӕуыл ӕруад, уый ма иу кӕнӕ дыууӕ боны куы ацӕра, уӕд хицауы ӕфхӕрын нӕ хъӕуы, уымӕн ӕмӕ цагъар йӕ исбон у.
22Нӕлгоймӕгтӕ хыл кӕнынц, ӕмӕ сӕ афтӕмӕй исчи ӕнхъӕлцау сылгоймаджы ныццавта, ӕмӕ уый февзӕр ис, фӕлӕ уымӕй дарддӕр йӕхи удӕн ницы уыди, зӕгъгӕ, уӕд, кӕй аххосӕй фефтыдта, уый сылгоймагӕн бафидӕд, йӕ сӕрыхицау цас зӕгъа, уыйас. 23Сылгоймаг амард, зӕгъгӕ, уӕд та йӕ амарӕг дӕр хъуамӕ мард ӕрцӕуа.
24Цӕстӕн — цӕст. Дӕндагӕн — дӕндаг. Къухӕн — къух. Къахӕн — къах. 25Сыгъдӕн — сыгъд. Хъӕдгомӕн — хъӕдгом.
26Исчи йӕ цагъары — нӕлгоймаг кӕнӕ сылгоймаджы — цӕст куы ныццӕва ӕмӕ йын ӕй куы скъаха, уӕд ӕй уыцы цӕсты ныхмӕ хъуамӕ ссӕрибар кӕна. 27Йӕ дӕндаг ын куы асӕтта, уӕд ӕй хъуамӕ ссӕрибар кӕна уыцы дӕндаджы ныхмӕ.
28Гал йӕ сыкъатӕй нӕлгоймаг кӕнӕ сылгоймаджы мӕлӕтдзаг цӕф куы ныккӕна, уӕд ӕй дурты бын фӕкӕнын хъӕуы. Йӕ дзидза йын хӕрӕн нӕй. Галы хицау ницы аххосджын у. 29Фӕлӕ кӕд, гал цӕваг у, уый йӕ хицау зыдта ӕмӕ йӕ нӕ хъахъхъӕдта, афтӕмӕй йӕ гал нӕлгоймаг кӕнӕ сылгоймаджы амардта, уӕд уыцы галы хъӕуы дурты бын бакӕнын, йӕ хицауы та — амарын. 30Науӕд та хицау йӕхи царды ныхмӕ бафидӕд, цас дзы бацагурой, уыйас. 31Искӕй лӕппуйы кӕнӕ чызджы куы ныццӕва гал, уӕд дӕр ӕххӕст кӕнын хъӕуы ацы уагӕвӕрд. 32Искӕй цагъары — нӕлгоймаг кӕнӕ сылгоймаджы — гал куы ныццӕва, уӕд галы хицау хъуамӕ бафида дӕс ӕмӕ ссӕдз шекелы ӕвзист цагъары хицауӕн. Галы та дурты бын фӕкӕнын хъӕуы.
33Исчи цъайы сӕр куы байгом кӕна кӕнӕ цъай куы скъаха ӕмӕ йӕ гомӕй куы ныууадза, ӕмӕ уырдӕм гал кӕнӕ хӕрӕг куы ныххауа, 34уӕд ын йӕ хицауӕн хъуамӕ цъайы хицау йӕ аргъ бафида, фосы мард та йӕхи фӕуӕд.
35Искӕй гал сыхаджы галы мӕлӕтдзаг цӕф куы ныккӕна, уӕд галты хицӕуттӕ удӕгас галы ауӕй кӕнӕнт ӕмӕ йын йӕ аргъ се ’хсӕн ӕмхуызон байуарӕнт, галы мард дӕр-иу адих кӕнӕнт ӕмхуызон. 36Кӕд гал уый размӕ дӕр цӕваг уыд, ӕмӕ уый йӕ хицау зыдта, фӕлӕ йӕм йӕ цӕст нӕ дардта, уӕд-иу галы марды ныхмӕ раттӕд удӕгас гал, галы мард та йӕхи фӕуӕд.
Currently Selected:
Рацыд 21: ОссБ
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002, 2009, 2011-2015, 2018.
Рацыд 21
21
1Мӕнӕ, адӕмӕн цы уагӕвӕрдтӕ хъуамӕ раттай, уыдон.
2Дзуттаг цагъары куы балхӕнай, уӕд дӕм бакусӕд ӕхсӕз азы, ӕвдӕм аз ӕй суӕгъд кӕн ӕнӕ фиддон. 3Кӕд ӕрмӕст йӕхӕдӕг сси цагъар, уӕд ссӕрибар уӕд йӕхӕдӕг, кӕд ӕмӕ — ӕд ус, уӕд та — йӕ усимӕ. 4Кӕд ын йӕ хицау ус ракуырдта ӕмӕ йын уый лӕппутӕ кӕнӕ чызджытӕ ныййардта, уӕд йӕ ус ӕмӕ йӕ сабитӕ хицауы исбон сты, ӕмӕ йын иунӕг йӕхи ӕмбӕлы ссӕрибар кӕнын. 5Фӕлӕ цагъар куы зӕгъа, уарзын мӕ хицауы, мӕ усы ӕмӕ мӕ сабиты ӕмӕ мӕ сӕрибар нӕ хъӕуы, зӕгъгӕ, 6уӕд ӕй йӕ хицау бакӕнӕд Хуыцауы размӕ — бакӕнӕд ӕй дуармӕ кӕнӕ дуарӕн йӕ тарвазмӕ — ӕмӕ йын уым туасӕй фӕхуынкъ кӕнӕд йӕ хъус, ӕмӕ йӕ хицауӕн цагъарӕй баззайӕд мыггагмӕ.
7Иу адӕймаг йӕ чызджы иннӕмӕн куы ауӕй кӕна, уӕд уыцы чызгӕн нӕлгоймаг цагъартау ссӕрибар уӕвӕн нӕй. 8Йӕ хицау ӕй куринаг уыди, фӕлӕ чызг йӕ зӕрдӕмӕ нӕ фӕцыди, зӕгъгӕ, уӕд бар раттӕд, ӕмӕ йӕ фӕстӕмӕ балхӕной: чызгыл кӕй нӕ баввӕрсыди, уый йын ӕй ӕцӕгӕлӕттӕн ауӕй кӕныны бар нӕ дӕтты. 9Йӕ фыртӕн ӕй куы ракура, уӕд ын, йӕхи чызг цыма у, ахӕм бартӕ раттӕд. 10Хицау ӕй йӕхӕдӕг куы ракура ӕмӕ ма фӕстӕдӕр ӕндӕр ус дӕр куы ’рхӕсса, уӕд йӕ фыццаг усы хӕрд ӕмӕ дарӕсӕй ма фӕцух кӕнӕд, ма йӕ фенӕхай кӕнӕд бинойнаджы бартӕй дӕр. 11Ацы ӕртӕ хорзы йын куынӕ фӕуа, уӕд чызг ссӕрибар уӕд ӕнӕ фиддонӕй.
12Иу иннӕйы ныццавта ӕмӕ йӕ афтӕмӕй амардта, зӕгъгӕ, уӕд йӕхӕдӕг дӕр мард ӕрцӕуӕд.
13Ӕцӕг ын кӕд ӕнӕбары рауад ацы фыдми — Хуыцауы фӕндонӕй йын афтӕ рауад, — уӕд ын бацамондзынӕн, йӕ сӕр бафснайынмӕ кӕдӕм алидза, ахӕм бынат. 14Барӕй, йӕ фыр налатӕй, чи амара искӕй, уый та амарын хъӕуы, Мӕ нывондхӕссӕны цур йӕ сӕр куы бафснайа, уӕддӕр.
15Йӕ мад кӕнӕ йӕ фыдмӕ йӕ къух чи сиса, уый хъуамӕ мард ӕрцӕуа.
16Искӕй чи адава ӕмӕ йӕ чи ауӕй кӕна, науӕд давд адӕймаджы кӕмӕ ссарой, уый хъуамӕ мард ӕрцӕуа.
17Йӕ мад кӕнӕ йӕ фыды ӕфхӕрӕг хъуамӕ мард ӕрцӕуа.
18Хылгӕнгӕйӕ, иу иннӕйы дурӕй кӕнӕ тымбылкъухӕй куы ныццӕва ӕмӕ, цӕф кӕуыл ӕруад, уый куынӕ амӕла, фӕлӕ куы ӕруатон уа, 19стӕй фӕстӕдӕр куы рабада ӕмӕ уынгмӕ лӕдзӕджы ӕнцӕйтты цӕуын куы райдайа, уӕд йӕ ныццӕвӕг ӕфхӕрд ма баййафӕд, фӕлӕ йын, йӕ куыстӕй йӕ цы рӕстӕг бакъуылымпы кодта, уый ӕмӕ йе сдзӕбӕх кӕныны аргъ бафидӕд.
20Исчи йӕ цагъары, нӕлгоймаг кӕнӕ сылгоймаджы, лӕдзӕгӕй куы ныццӕва ӕмӕ йӕ афтӕмӕй куы ӕрбамара, уӕд ахӕм хицау бафхӕринаг у. 21Ӕцӕг, цӕф кӕуыл ӕруад, уый ма иу кӕнӕ дыууӕ боны куы ацӕра, уӕд хицауы ӕфхӕрын нӕ хъӕуы, уымӕн ӕмӕ цагъар йӕ исбон у.
22Нӕлгоймӕгтӕ хыл кӕнынц, ӕмӕ сӕ афтӕмӕй исчи ӕнхъӕлцау сылгоймаджы ныццавта, ӕмӕ уый февзӕр ис, фӕлӕ уымӕй дарддӕр йӕхи удӕн ницы уыди, зӕгъгӕ, уӕд, кӕй аххосӕй фефтыдта, уый сылгоймагӕн бафидӕд, йӕ сӕрыхицау цас зӕгъа, уыйас. 23Сылгоймаг амард, зӕгъгӕ, уӕд та йӕ амарӕг дӕр хъуамӕ мард ӕрцӕуа.
24Цӕстӕн — цӕст. Дӕндагӕн — дӕндаг. Къухӕн — къух. Къахӕн — къах. 25Сыгъдӕн — сыгъд. Хъӕдгомӕн — хъӕдгом.
26Исчи йӕ цагъары — нӕлгоймаг кӕнӕ сылгоймаджы — цӕст куы ныццӕва ӕмӕ йын ӕй куы скъаха, уӕд ӕй уыцы цӕсты ныхмӕ хъуамӕ ссӕрибар кӕна. 27Йӕ дӕндаг ын куы асӕтта, уӕд ӕй хъуамӕ ссӕрибар кӕна уыцы дӕндаджы ныхмӕ.
28Гал йӕ сыкъатӕй нӕлгоймаг кӕнӕ сылгоймаджы мӕлӕтдзаг цӕф куы ныккӕна, уӕд ӕй дурты бын фӕкӕнын хъӕуы. Йӕ дзидза йын хӕрӕн нӕй. Галы хицау ницы аххосджын у. 29Фӕлӕ кӕд, гал цӕваг у, уый йӕ хицау зыдта ӕмӕ йӕ нӕ хъахъхъӕдта, афтӕмӕй йӕ гал нӕлгоймаг кӕнӕ сылгоймаджы амардта, уӕд уыцы галы хъӕуы дурты бын бакӕнын, йӕ хицауы та — амарын. 30Науӕд та хицау йӕхи царды ныхмӕ бафидӕд, цас дзы бацагурой, уыйас. 31Искӕй лӕппуйы кӕнӕ чызджы куы ныццӕва гал, уӕд дӕр ӕххӕст кӕнын хъӕуы ацы уагӕвӕрд. 32Искӕй цагъары — нӕлгоймаг кӕнӕ сылгоймаджы — гал куы ныццӕва, уӕд галы хицау хъуамӕ бафида дӕс ӕмӕ ссӕдз шекелы ӕвзист цагъары хицауӕн. Галы та дурты бын фӕкӕнын хъӕуы.
33Исчи цъайы сӕр куы байгом кӕна кӕнӕ цъай куы скъаха ӕмӕ йӕ гомӕй куы ныууадза, ӕмӕ уырдӕм гал кӕнӕ хӕрӕг куы ныххауа, 34уӕд ын йӕ хицауӕн хъуамӕ цъайы хицау йӕ аргъ бафида, фосы мард та йӕхи фӕуӕд.
35Искӕй гал сыхаджы галы мӕлӕтдзаг цӕф куы ныккӕна, уӕд галты хицӕуттӕ удӕгас галы ауӕй кӕнӕнт ӕмӕ йын йӕ аргъ се ’хсӕн ӕмхуызон байуарӕнт, галы мард дӕр-иу адих кӕнӕнт ӕмхуызон. 36Кӕд гал уый размӕ дӕр цӕваг уыд, ӕмӕ уый йӕ хицау зыдта, фӕлӕ йӕм йӕ цӕст нӕ дардта, уӕд-иу галы марды ныхмӕ раттӕд удӕгас гал, галы мард та йӕхи фӕуӕд.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002, 2009, 2011-2015, 2018.