Sakariyaa̱ 5
5
Chꞌo̱ xo̱jo̱n xi fítji̱e̱e̱n
1Ti̱ iskjininkꞌa ngiñá an kje̱n án, kó nga askotsijen an, kamábe an ngo chꞌo̱ xo̱jo̱n xi tsꞌénfítji̱e̱n. 2Kó bi̱ katsóna kui ndítsjiee̱:
—Mí xí tiye ji.
Kó bi̱ kixiáa̱n:
—Ngo chꞌo̱ xo̱jo̱n xi tsꞌénfítji̱e̱n tsꞌénbe an, xi mara̱ nijan metro̱ nga ndojó ko̱jo nijón metro̱ masien nga tiyá.
3Kósꞌe̱ bi̱ katsóna:
—Kuí bí kui ni xi ndajín xi kjifotjo ngayeje són nga̱sondiee̱. Ngatꞌa̱ xikótsꞌèn je kjitꞌa ngo ndiè, nga ngayeje xota̱ xi chejé, si̱ꞌankjie, kó xikótsꞌèn je kjitꞌa xi ingo ndieè, nga ngayeje xi ngiboanéná tsó kjo̱a̱a̱ ngo ni xi bo̱a̱jín kjiꞌi, ti̱ si̱ꞌankjie nga. 4Án boá xi tsꞌaxié an kui nii̱, tsó Néná xí tsi̱ꞌe̱ jájuún, kó ki̱a̱ kjo̱chó ndiꞌaa̱ chejeé, ko̱jo ndiꞌaa̱ kui xi ꞌbindísó nga tsꞌénkjién jaꞌénna, sꞌe̱ ki̱a̱ kꞌuijñá kui nii̱ ngamasiee̱n ndiꞌaa̱, ngaskande nga kju̱i̱e̱ yátiee̱ ko̱jo ndi̱jo̱ xi kamándani.
Ni xi ndajiín
5Kó jatjoxie kui ndítsjie xi tsꞌénchji̱a̱jona, sꞌe̱ bi̱ katsóna:
—Chjanínkꞌé kje̱n ji, kó tsitsíjìi̱n ni xi kjifotjokjaà.
6Kó bi̱ kixiáa̱n:
—Mí nii̱ bo̱a̱.
Kó kuí, bi̱ katsóna:
—Kuí nii̱ xi ngo chi̱bo̱a̱ xi kjifotjokjà. Kó bi̱ katsó ngasena:
—Kuí boá kui nii̱, xi ni xi ꞌniú ndajín xi ndyi̱tsꞌèn xota̱ nga̱sondiee̱.
7Kósꞌe̱ kachjaninkꞌa ngo ni xi ꞌbíꞌmáni ngo ni xi plomo̱ kamándani, kó ngo na̱ tikónsón ki̱a̱ nga̱són kui chi̱bo̱a̱a̱, 8kó kui ndítsjiee̱, bi̱ katsó: Kuí bí kui nii̱, ni xi ndajiín, kó ki̱a̱ tsꞌajmiyá ngi̱yaa̱ kui chi̱bo̱a̱a̱, sꞌe̱ íchjajo̱ni kui ni xi ꞌbíꞌmáni xi plomo̱ kamándanii̱.
9Sꞌe̱ jaskan iskjininkꞌa an kje̱n án, kó askotsijen an, sꞌe̱ kamábe an jó ínchjín xí tjo̱o̱ katsꞌéntíyaá nga̱a̱, ngatꞌa̱ ja̱kon nga̱a̱ cho̱ singeñaa̱ má kón, kó iskjininkꞌa kui chi̱bo̱a̱a̱ ngi̱jii̱n tꞌanangii̱ ko̱jo nkꞌajmii̱. 10Kó bi̱ kixiáa̱n kui ndítsjie xi tsꞌénchji̱a̱jona:
—Ñá tjifíjo̱ kui chi̱bo̱a̱a̱.
11Kó kui ndítsjiee̱, bi̱ katsóna:
—Ki̱a̱ tjifíjo̱ nangi Babilonia̱, tsi̱ꞌe̱ nga ki̱a̱ si̱ꞌandaa̱ ngo na̱ngo̱xi̱, kó ngije kamá kui na̱ngo̱xi̱i̱, ki̱a̱ si̱ꞌankꞌijñá kui ngi̱ndiee̱.
Currently Selected:
Sakariyaa̱ 5: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Sakariyaa̱ 5
5
Chꞌo̱ xo̱jo̱n xi fítji̱e̱e̱n
1Ti̱ iskjininkꞌa ngiñá an kje̱n án, kó nga askotsijen an, kamábe an ngo chꞌo̱ xo̱jo̱n xi tsꞌénfítji̱e̱n. 2Kó bi̱ katsóna kui ndítsjiee̱:
—Mí xí tiye ji.
Kó bi̱ kixiáa̱n:
—Ngo chꞌo̱ xo̱jo̱n xi tsꞌénfítji̱e̱n tsꞌénbe an, xi mara̱ nijan metro̱ nga ndojó ko̱jo nijón metro̱ masien nga tiyá.
3Kósꞌe̱ bi̱ katsóna:
—Kuí bí kui ni xi ndajín xi kjifotjo ngayeje són nga̱sondiee̱. Ngatꞌa̱ xikótsꞌèn je kjitꞌa ngo ndiè, nga ngayeje xota̱ xi chejé, si̱ꞌankjie, kó xikótsꞌèn je kjitꞌa xi ingo ndieè, nga ngayeje xi ngiboanéná tsó kjo̱a̱a̱ ngo ni xi bo̱a̱jín kjiꞌi, ti̱ si̱ꞌankjie nga. 4Án boá xi tsꞌaxié an kui nii̱, tsó Néná xí tsi̱ꞌe̱ jájuún, kó ki̱a̱ kjo̱chó ndiꞌaa̱ chejeé, ko̱jo ndiꞌaa̱ kui xi ꞌbindísó nga tsꞌénkjién jaꞌénna, sꞌe̱ ki̱a̱ kꞌuijñá kui nii̱ ngamasiee̱n ndiꞌaa̱, ngaskande nga kju̱i̱e̱ yátiee̱ ko̱jo ndi̱jo̱ xi kamándani.
Ni xi ndajiín
5Kó jatjoxie kui ndítsjie xi tsꞌénchji̱a̱jona, sꞌe̱ bi̱ katsóna:
—Chjanínkꞌé kje̱n ji, kó tsitsíjìi̱n ni xi kjifotjokjaà.
6Kó bi̱ kixiáa̱n:
—Mí nii̱ bo̱a̱.
Kó kuí, bi̱ katsóna:
—Kuí nii̱ xi ngo chi̱bo̱a̱ xi kjifotjokjà. Kó bi̱ katsó ngasena:
—Kuí boá kui nii̱, xi ni xi ꞌniú ndajín xi ndyi̱tsꞌèn xota̱ nga̱sondiee̱.
7Kósꞌe̱ kachjaninkꞌa ngo ni xi ꞌbíꞌmáni ngo ni xi plomo̱ kamándani, kó ngo na̱ tikónsón ki̱a̱ nga̱són kui chi̱bo̱a̱a̱, 8kó kui ndítsjiee̱, bi̱ katsó: Kuí bí kui nii̱, ni xi ndajiín, kó ki̱a̱ tsꞌajmiyá ngi̱yaa̱ kui chi̱bo̱a̱a̱, sꞌe̱ íchjajo̱ni kui ni xi ꞌbíꞌmáni xi plomo̱ kamándanii̱.
9Sꞌe̱ jaskan iskjininkꞌa an kje̱n án, kó askotsijen an, sꞌe̱ kamábe an jó ínchjín xí tjo̱o̱ katsꞌéntíyaá nga̱a̱, ngatꞌa̱ ja̱kon nga̱a̱ cho̱ singeñaa̱ má kón, kó iskjininkꞌa kui chi̱bo̱a̱a̱ ngi̱jii̱n tꞌanangii̱ ko̱jo nkꞌajmii̱. 10Kó bi̱ kixiáa̱n kui ndítsjie xi tsꞌénchji̱a̱jona:
—Ñá tjifíjo̱ kui chi̱bo̱a̱a̱.
11Kó kui ndítsjiee̱, bi̱ katsóna:
—Ki̱a̱ tjifíjo̱ nangi Babilonia̱, tsi̱ꞌe̱ nga ki̱a̱ si̱ꞌandaa̱ ngo na̱ngo̱xi̱, kó ngije kamá kui na̱ngo̱xi̱i̱, ki̱a̱ si̱ꞌankꞌijñá kui ngi̱ndiee̱.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014