Sakariyaa̱ 4
4
Ni to̱nsinié xi ꞌbítíyá ndiꞌií ko̱jo ngajó yáꞌoliboo̱
1Kó kui ndítsjie xi tsꞌénchji̱a̱jona kijíkón boaꞌána, sꞌe̱ katsꞌénkjaꞌána, kó bo̱a̱ kamána xikó ma maá kjiꞌanga tjín xí niꞌánkjaꞌaá kjiꞌanga kjiboeꞌéchi̱nii̱. 2Sꞌe̱ bi̱ katsóna:
—Mí xí tiye ji.
Kó bi̱ kixiáa̱n:
—Ngo ni to̱nsinié xi nda xi ꞌbítíyá ndiꞌí tsꞌénbe an, xi tikón maá ngo tasa̱ nga̱soón, ko̱jo yito ndiꞌí xí tsꞌentsíjen síndoo̱, ko̱jo yito tjia tjiín nínga ꞌbíndosón kui ndiꞌií. 3Kó tꞌa kui nii̱, jó yáꞌolibo̱ síndotꞌaa̱, ngo nga fojnií, ko̱jo ngo nga skoón.
4Tsíchji̱a̱ ngase an nga bi̱ kixiáa̱n kui ndítsjie xi tsꞌénchji̱a̱jona:
—Mí nii̱ bo̱a̱ xi̱ꞌba̱, ndi̱a̱.
5Kó kui ndítsjie xi tsꞌénchji̱a̱jona, bi̱ katsó:
—A yejín ji mí nii̱ bo̱a̱ xi̱ꞌba̱.
Kó bi̱ kixiáa̱n:
—Jmí ndi̱a̱.
6Kósꞌe̱ bi̱ katsóna kui nga katsóyà cha̱n cha̱nna:
—Kui nii̱, kuí boá xi eén Néná xí kanangiyaa̱ Sorobabee̱l, kó bi̱ tsó:
Jmí tsi jájún, ti̱nde jmí tsi ngaꞌniú, xí ka̱makjién,
A̱si̱énni̱xtjinna boá xi sa̱ꞌinkjièn án. Tsó Néná xí tsi̱ꞌe̱ jájuún.
7ꞌYá ta̱ jii bo̱a̱ na̱xi̱ xi je. Ngindyi̱ko̱n Sorobabee̱l nangi xi són si̱ꞌaa̱n.
Kuí boá xi kꞌo̱xié ndi̱jo̱ xi ndikón ngasee̱, kó xotaa̱ bi̱ ka̱tso̱:
¡Achichí tsjákjiꞌi, achichí tsjákjiꞌi kui!
8Ingo ndi̱yà nginí tsintꞌie an eén Néná, xí bi̱ tsoó:
9Tsja Sorobabee̱l boá xi je katsꞌénda ngindiee̱ kui Ndiꞌaa̱,
kó kuí boá xi sa̱ꞌíndo̱jo.
Kósꞌe̱ kjiꞌá boá nga xche̱ ji nga Néná xí tsi̱ꞌe̱ jájuún boá xi katsangiyakonna jún.
10Ngatꞌa̱, ꞌyání bo̱a̱ xi chꞌo maa̱ ni̱xtjin xi nda nga ꞌbítsꞌi̱yanii̱ ngo ni.
Kuí xi̱ꞌba̱ xi tsja ka̱maa̱, kó sku̱i̱e̱ plomoo̱ nga tjiyátsjà Sorobabee̱l.
Kó nga yito kui ndyikoo̱n, ndyi̱ko̱n Néná boá xi skotsíjee̱n ngayeje nga̱sondiee̱.
11Kó bi̱ kixiáa̱n:
—Mí ni xi mejeén tsó nga jó kui yáꞌoliboo̱, kui xi síndo ngo nga kixi̱i̱, ko̱jo ngo nga skoón ni xi ꞌbítíyá ndiꞌií.
12Kó ꞌniú katsꞌée̱n nga bi̱ kixian ngasèe̱:
—Mí ni xi mejeén tsó ngajó tjiaa̱ yáꞌolibo̱ xi síndo nga̱ndee̱ nga jó tjiaa̱ ni to̱nsinié xi ꞌbítíyá ndiꞌií, kui xi kjitjón ngo isti̱ xi siniéꞌna̱.
13Kó kui ndítsjiee̱, bi̱ katsóna:
—A yejín jí mí ni xi mejeén tsó kui nii̱.
Kó bi̱ kixiáa̱n:
—Jmí ndi̱a̱, bejín an.
14Kó kuí, bi̱ katsóna:
—Kuí bí xi ngajó xota̱ xi je kachjaꞌájii̱n, kui xi síndo ngindyi̱ko̱n Ndi̱a̱ná xí tsi̱ꞌe̱ ngayeje nga̱sondiee̱.
Currently Selected:
Sakariyaa̱ 4: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Sakariyaa̱ 4
4
Ni to̱nsinié xi ꞌbítíyá ndiꞌií ko̱jo ngajó yáꞌoliboo̱
1Kó kui ndítsjie xi tsꞌénchji̱a̱jona kijíkón boaꞌána, sꞌe̱ katsꞌénkjaꞌána, kó bo̱a̱ kamána xikó ma maá kjiꞌanga tjín xí niꞌánkjaꞌaá kjiꞌanga kjiboeꞌéchi̱nii̱. 2Sꞌe̱ bi̱ katsóna:
—Mí xí tiye ji.
Kó bi̱ kixiáa̱n:
—Ngo ni to̱nsinié xi nda xi ꞌbítíyá ndiꞌí tsꞌénbe an, xi tikón maá ngo tasa̱ nga̱soón, ko̱jo yito ndiꞌí xí tsꞌentsíjen síndoo̱, ko̱jo yito tjia tjiín nínga ꞌbíndosón kui ndiꞌií. 3Kó tꞌa kui nii̱, jó yáꞌolibo̱ síndotꞌaa̱, ngo nga fojnií, ko̱jo ngo nga skoón.
4Tsíchji̱a̱ ngase an nga bi̱ kixiáa̱n kui ndítsjie xi tsꞌénchji̱a̱jona:
—Mí nii̱ bo̱a̱ xi̱ꞌba̱, ndi̱a̱.
5Kó kui ndítsjie xi tsꞌénchji̱a̱jona, bi̱ katsó:
—A yejín ji mí nii̱ bo̱a̱ xi̱ꞌba̱.
Kó bi̱ kixiáa̱n:
—Jmí ndi̱a̱.
6Kósꞌe̱ bi̱ katsóna kui nga katsóyà cha̱n cha̱nna:
—Kui nii̱, kuí boá xi eén Néná xí kanangiyaa̱ Sorobabee̱l, kó bi̱ tsó:
Jmí tsi jájún, ti̱nde jmí tsi ngaꞌniú, xí ka̱makjién,
A̱si̱énni̱xtjinna boá xi sa̱ꞌinkjièn án. Tsó Néná xí tsi̱ꞌe̱ jájuún.
7ꞌYá ta̱ jii bo̱a̱ na̱xi̱ xi je. Ngindyi̱ko̱n Sorobabee̱l nangi xi són si̱ꞌaa̱n.
Kuí boá xi kꞌo̱xié ndi̱jo̱ xi ndikón ngasee̱, kó xotaa̱ bi̱ ka̱tso̱:
¡Achichí tsjákjiꞌi, achichí tsjákjiꞌi kui!
8Ingo ndi̱yà nginí tsintꞌie an eén Néná, xí bi̱ tsoó:
9Tsja Sorobabee̱l boá xi je katsꞌénda ngindiee̱ kui Ndiꞌaa̱,
kó kuí boá xi sa̱ꞌíndo̱jo.
Kósꞌe̱ kjiꞌá boá nga xche̱ ji nga Néná xí tsi̱ꞌe̱ jájuún boá xi katsangiyakonna jún.
10Ngatꞌa̱, ꞌyání bo̱a̱ xi chꞌo maa̱ ni̱xtjin xi nda nga ꞌbítsꞌi̱yanii̱ ngo ni.
Kuí xi̱ꞌba̱ xi tsja ka̱maa̱, kó sku̱i̱e̱ plomoo̱ nga tjiyátsjà Sorobabee̱l.
Kó nga yito kui ndyikoo̱n, ndyi̱ko̱n Néná boá xi skotsíjee̱n ngayeje nga̱sondiee̱.
11Kó bi̱ kixiáa̱n:
—Mí ni xi mejeén tsó nga jó kui yáꞌoliboo̱, kui xi síndo ngo nga kixi̱i̱, ko̱jo ngo nga skoón ni xi ꞌbítíyá ndiꞌií.
12Kó ꞌniú katsꞌée̱n nga bi̱ kixian ngasèe̱:
—Mí ni xi mejeén tsó ngajó tjiaa̱ yáꞌolibo̱ xi síndo nga̱ndee̱ nga jó tjiaa̱ ni to̱nsinié xi ꞌbítíyá ndiꞌií, kui xi kjitjón ngo isti̱ xi siniéꞌna̱.
13Kó kui ndítsjiee̱, bi̱ katsóna:
—A yejín jí mí ni xi mejeén tsó kui nii̱.
Kó bi̱ kixiáa̱n:
—Jmí ndi̱a̱, bejín an.
14Kó kuí, bi̱ katsóna:
—Kuí bí xi ngajó xota̱ xi je kachjaꞌájii̱n, kui xi síndo ngindyi̱ko̱n Ndi̱a̱ná xí tsi̱ꞌe̱ ngayeje nga̱sondiee̱.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014