Sakariyaa̱ 3
3
Néná katsꞌénjetakoón xota̱ na̱xi̱ńdaá
1Jaskan akóna chináꞌmi ngito̱ko̱ Josuee̱, nga ki̱a̱ sikón kje̱n ndítsjie xi Néná, kó xindajín Satanaa̱ ki̱a̱ sikón xtji̱e̱e̱n tsja kixi̱ kui, tsi̱ꞌe̱ nga ko̱óngítaꞌin, 2ta̱nga Néná, bi̱ katsoó xindajín Satanaa̱:
—¡Néná ngatsꞌénxchánjoo̱, xindajín Satana̱! ¡Néná kui xi jaꞌájin na̱xi̱ńdáꞌniú Jerusalee̱n ngatsꞌénxchánjoo̱ ji! Kui nda̱a̱, a kuijín bo̱a̱ xi xikoó ngo to̱ko̱yándíꞌí xí tsꞌaxiéjin an ngi̱jin ndiꞌií.
3Kó Josuee̱, ńjño xi ndándí tsꞌényajá tji̱e̱nga sikón ki̱a̱ kje̱n ndítsjiee̱.
4Kó kui ndítsjiee̱ katsangiya kui xi ndyi̱a̱kixi̱ ki̱a̱ kje̱n, nga bi̱ katsoó: ¡Chje̱ꞌéxínjnúu̱ ńjño ndándí xí yajá kui nda̱a̱! Kó bi̱ katsoó Josuee̱: Jéꞌe̱n, jè jaꞌaxín an jé xí tjiín, kó ngo ńjño tsjakjiꞌi je katsꞌenkajaá.
5Kó bi̱ katsó ngase: ¡Ngo ni ꞌbíꞌá toko xi tsjie tꞌíjñájnúu̱ to̱ko̱! Kó ngo ni ꞌbíꞌá toko ikꞌíjñaá to̱ko̱, sꞌe̱ kiniꞌánkajá ńjño. Tji̱e̱nga ndítsjie xi Néná ki̱a̱ sikónkixi̱i̱. 6Jaskan ndítsjie xi Néná katsꞌénxchánjo̱ Josuee̱, nga bi̱ katsoó:
7Bi̱ tsó Néná xí tsi̱ꞌe̱ jájuún:
Tsi ki̱a̱ tsꞌentje̱ ji ndi̱yàna, kó tsi si̱ꞌinkjatjosén ji kjo̱a̱kitina,
ko̱jo jí boá xi si̱ꞌinjée̱ xota̱ Ndiꞌana, ko̱jo jí boá xi xchíi̱n ndi̱tsee̱n,
kó jí boá xi tsjandieè nga ku̱i̱tjásꞌi̱n ji ngi̱jii̱n kui xota̱ xi síndo kꞌi̱e̱e̱.
8Ndaꞌyé ji ngotꞌe̱ ꞌne̱ Josue̱, ji xi chináꞌmi ngito̱ko̱ ji,
ji ko̱jo xota̱ xi nijan majo̱ ji xi síndo ngindyikin ji:
Kuí boá kui jaá xi chi̱bo̱a̱ ka̱ma kjo̱a̱a̱ ni xi sꞌe̱ ka̱maa̱,
ngatꞌa̱ án boá xi kji̱ndi̱bájo̱ an moso̱na kui xi xikoó ngo ꞌyo̱ ka̱ma.
9Ngotꞌe̱ ꞌne̱, kꞌi̱e̱ tsꞌénꞌbijñá an ngo ndi̱jo̱ kje̱n Josuee̱:
Ta̱ ngo tsí má kui ndi̱jo̱o̱, kó yito ndyikon tjiín,
kó án má bo̱a̱ xi kuitꞌáa̱ ngo én xí bi̱ tsó:
Ta̱ ngo ni̱xtjin tsí kjo̱a̱ꞌáxín an jeé ngayeje nga̱sondiee̱. Tsó Néná xí tsi̱ꞌe̱ jájuún.
10Kui ni̱xtjin jàn, tsó Néná tsí tsi̱ꞌe̱ jájuún,
nga ngo nga ngo jún kꞌuiyàjnúu̱ xota̱ xi nijan majo̱jnú,
tsi̱ꞌe̱ nga ki̱a̱ ku̱i̱ndyiongíjnú ki̱a̱ ngindie ńꞌniuú tostsi̱je̱è, ko̱jo ngindie yáꞌingoo̱.
Currently Selected:
Sakariyaa̱ 3: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
