Na̱ Ruu̱t 4
4
Nga ixán na̱ Ruu̱t ko̱jo Boo̱
1Kósꞌe̱ Boo̱, kijí ki̱a̱ nga̱ntjo̱a̱ nínga bitjasꞌi̱e̱nnii̱ na̱xi̱ńdáꞌniú, ki̱a̱ nínga matikó xotaa̱ nga tsꞌendájin kjo̱a̱xti xi ꞌniú ndikoón, kó ki̱a̱ jaꞌa xi ingo nda̱ xi ꞌniú tiña ngase maa̱ nga xkjín ndie Elimelee̱k.
Kó Boo̱, bi̱ katsó nga askjandáyaá:
—¡Ji nda̱, ja̱bíꞌi̱n, kꞌi̱e̱ tindyin ngotjón ji, ngatꞌa̱ tjín ngo ni xi xchi̱boáni̱jmì!
Kó kui nda̱a̱ jachó kui ngi̱ndiee̱, sꞌe̱ kisꞌijña ki̱a̱a̱. 2Kósꞌe̱ Boo̱ tji̱e̱nmá tsíchji̱a̱a̱ tie xota̱ xi ꞌniú yandikón ki̱a̱ na̱xi̱ńdáꞌniuú, kó katsóyaà tsi̱ꞌe̱ nga ki̱a̱ kꞌuíndojii̱n kui xotaa̱.
Kó ngije kisꞌińdo, 3Boo̱, bi̱ katsoó kui nda̱ xi ingo, xi xkjín kamá ndie Elimelee̱k:
—Na̱ Noemii̱ kui xota̱chjo̱on xí xingi̱ ji ma, sꞌe̱ jeꞌe má nga kjindibáni nangii̱ xota̱ Moaa̱b, kó mején xoò ko̱tíñá tꞌanangi xi tsi̱ꞌe̱ ndie xi̱ꞌii̱n kamá, ndie Elimelee̱k kui xi xingi̱ ñá má. 4Kó án boá xi kamámejénna nga xche̱ ji kui nii̱, ngindyi̱ko̱n kui xota̱ xi xchaá nangina, tsi̱ꞌe̱ nga si̱ꞌi̱ntsie ji, tsi mejeén nga ko̱ꞌna̱xiéꞌé ji kui ngi̱ndiee̱, kó tsi jmí, tꞌíyéní, ngatꞌa̱ jí boá xi tjón tikoón kui kjo̱a̱ndaa̱, sꞌe̱ jaskaa̱n an, tjínna kui kjo̱a̱ndaa̱.
Kósꞌe̱ tji̱e̱nmá bi̱ katsó kui nda̱ xi ingoo̱:
—Jo̱o̱n ndakjiꞌi, ka̱ma kꞌotsie an.
5Kósꞌe̱ Boo̱, bi̱ katsó ngasee̱:
—Ni̱xtjin nga si̱ꞌi̱ntsie ji kui tꞌanangii̱, ngi̱ya tsja na̱ Noemii̱, ti̱ chjiéngá ku̱i̱xenje̱ ji na̱ Ruu̱t nga, kui xota̱chjo̱on xí kjindibáni nangii̱ xota̱ Moaa̱b, kui xi kamá chjo̱ón ndie Majloo̱n, tsi̱ꞌe̱ nga xcha̱jàjín jaꞌeén kui ndiee̱, kjo̱a̱a̱ kui tꞌanangii̱.
6Kó bi̱ katsó xi ingo nda̱ xi tiña ngase kamá nga xkjín ndie Elimelee̱k:
—Ja̱ jmí, ka̱májín kꞌoxiéꞌá an kui ngi̱ndiee̱, tsi̱ꞌe̱ nga tsa̱ꞌa̱n ka̱ma, ngatꞌa̱ kjo̱tson ni xi tjínna án. Ta̱sá jí ti̱ꞌinkjìn jí kjo̱a̱nda xi tjínna án, ngatꞌa̱ ka̱májínna nga an kꞌotsie an.
7Ndeskande koó ngasꞌe̱, kisꞌiee̱ ngo kjo̱a̱xchá xota̱ na̱xi̱ńdá Israee̱l, nga kjiꞌa nga tjín xí tsꞌaxiéꞌá ngo tꞌanangi ko̱jo tsi ngo ni índa, kui nda̱ xi ingoo̱ tsꞌaxié ngo tji̱xíndié xí kjiyaa̱, sꞌe̱ katsjaá xi ingoo̱, kó kui nii̱ xi akó nga kamáchjínií kui nii̱, ki̱a̱ na̱xi̱ńdá Israee̱l:
8Kósꞌe̱ kui nda̱ xi xkjín xí ꞌniú tiña ngase kamaá ndie Elimelee̱k, bi̱ katsoó Boo̱:
—Ji tsꞌi̱tsie ji.
Kósꞌe̱ tsꞌaxié tji̱xíndieé, kó katsjaá Boo̱. 9Kósꞌe̱ Boo̱, bi̱ katsoó xota̱ xi xchaá, ko̱jo ngayeje xota̱ kamátikó kuí ngi̱ndiee̱:
—Jún boá xi chistiko̱jnú, nga kui ni̱xtjii̱n kꞌotsiée na̱ Noemii̱ ngayeje tꞌanangi xi tsi̱ꞌe̱ ndie Elimelee̱k kamá, ko̱jo ngayeje ni xi kisꞌiee̱ ndie Kelioo̱n ko̱jo Majloo̱n nga. 10Ko̱jo xiyàjnúꞌun nga án boá xi ku̱i̱xanjo̱ an na̱ Ruu̱t, kui xi xota̱chjo̱on kꞌaán ndie Majloo̱n kamá, tsi̱ꞌe̱ nga xcha̱jàjín jaꞌeén kui ndiee̱ kjo̱a̱a̱ tꞌanangii̱, ko̱jo nga jaꞌeén kui ndiee̱, kꞌuijñára ngi̱jii̱n ntsꞌi̱e̱ ko̱jo kui na̱xi̱ńdaá. Kó jún boá xi chistiko̱jnú ngotꞌe̱. 11Kó ngayeje xota̱ na̱xi̱ńdá xí kisꞌińdo ki̱a̱ nga̱ntjo̱a̱a̱, ko̱jo xota̱ xi xchaá, bi̱ katsó:
—¡Jo̱o̱n, chistiko̱ ji̱n kjo̱a̱a̱ kui nii̱! Néná ngatsjandieè nga kui na̱ xi kꞌo̱sꞌien ndiꞌáa̱, ka̱ma xikoó na̱ Rakee̱l, ko̱jo tsi xikoó na̱ Liyaa̱, kui ínchjín xí iskjininkꞌa xota̱ tji̱e̱e̱ xota̱ Israee̱l, kó nga ꞌniú ka̱ma ji ki̱a̱ na̱xi̱ńdáꞌniú Efrata̱, ko̱jo nga xcha̱ndikón jaꞌée̱n ki̱a̱ na̱xi̱ńdáꞌniú Israee̱l, 12ko̱jo nga xota̱ tji̱e̱e̱, ka̱ma xikoó xota̱ tji̱e̱e̱ Faree̱, kui ndí xí tsi̱ꞌe̱ Jundáa̱ xi kisꞌiee̱ na̱ Tamaa̱r, kui xota̱ tji̱e̱ xi Néná tsja̱á kjo̱a̱a̱ kui tsa̱kji̱ín.
Ni̱xtjin nga katsen Obee̱nd
13Kó Boo̱ ixánjo̱ na̱ Ruu̱t, kó ngije kisꞌiejo̱ xkjín, Néná katsjaá ngi̱ndie nga tsaꞌa ndí. 14Kó ínchjín xi chji̱a̱ni na̱xi̱ńdáꞌniú Belee̱n, bi̱ katsoó na̱ Noemii̱:
¡Ngatamachikonñé Néná, kui xi tsꞌéntsjandié nga tsꞌéntsjaá xota̱ xi kꞌo̱xiéꞌaá ngaskande ngotꞌe̱! ¡Ngatamayandikón jaꞌeén ngayeje nangi Israee̱l! 15¡Kuí boá xi ngatsjangáꞌniuú ini̱ma̱a̱, kó nga koon ngije ka̱maxchá jí! Ngatꞌa̱ kui kja̱ndàa̱ xi tjoó ji, kui xi je katsee̱n ngo ndií, ꞌniú chjí ngasenii̱ ta̱bo̱a̱jiín yito ndí xíꞌín kuí.
16Kósꞌe̱ na̱ Noemii̱ iskjíbé kui ndií, kó janíkjá, kó ndeskande koó kjiꞌa kui askoo̱n. 17Kó ínchjín xi síndotꞌa ndiꞌaa̱, tsangasee̱ ngo jaꞌén, nga bi̱ katsó: Na̱ Noemii̱ je tjiín ngo ndií, kó Obee̱nd, ítꞌajaꞌén.
Obee̱nd boá xi kamá na̱ꞌmindyiboaa̱ Ndabii̱
Kó Obee̱nd boá xi kamá na̱ꞌmii̱ Isaii̱, kó Isaii̱ boá xi kamá na̱ꞌmii̱ Ndabii̱.
18Kuí bí xi̱ꞌbi̱ xi kamá xota̱ tji̱e̱e̱ Faree̱: Faree̱ boá xi kamá na̱ꞌmii̱ Esroo̱n, 19kó Esroo̱n na̱ꞌmii̱ Raa̱n, kó Raa̱n na̱ꞌmii̱ Aminandaa̱b, 20kó Aminandaa̱b na̱ꞌmii̱ Naasoo̱n, kó Naasoo̱n na̱ꞌmii̱ Salmoo̱n, 21kó Salmoo̱n na̱ꞌmii̱ Boo̱, kó Boo̱ na̱ꞌmii̱ Obee̱nd, 22Obee̱nd na̱ꞌmii̱ Isaii̱, kó Isaii̱ na̱ꞌmii̱ Ndabii̱.
Currently Selected:
Na̱ Ruu̱t 4: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Na̱ Ruu̱t 4
4
Nga ixán na̱ Ruu̱t ko̱jo Boo̱
1Kósꞌe̱ Boo̱, kijí ki̱a̱ nga̱ntjo̱a̱ nínga bitjasꞌi̱e̱nnii̱ na̱xi̱ńdáꞌniú, ki̱a̱ nínga matikó xotaa̱ nga tsꞌendájin kjo̱a̱xti xi ꞌniú ndikoón, kó ki̱a̱ jaꞌa xi ingo nda̱ xi ꞌniú tiña ngase maa̱ nga xkjín ndie Elimelee̱k.
Kó Boo̱, bi̱ katsó nga askjandáyaá:
—¡Ji nda̱, ja̱bíꞌi̱n, kꞌi̱e̱ tindyin ngotjón ji, ngatꞌa̱ tjín ngo ni xi xchi̱boáni̱jmì!
Kó kui nda̱a̱ jachó kui ngi̱ndiee̱, sꞌe̱ kisꞌijña ki̱a̱a̱. 2Kósꞌe̱ Boo̱ tji̱e̱nmá tsíchji̱a̱a̱ tie xota̱ xi ꞌniú yandikón ki̱a̱ na̱xi̱ńdáꞌniuú, kó katsóyaà tsi̱ꞌe̱ nga ki̱a̱ kꞌuíndojii̱n kui xotaa̱.
Kó ngije kisꞌińdo, 3Boo̱, bi̱ katsoó kui nda̱ xi ingo, xi xkjín kamá ndie Elimelee̱k:
—Na̱ Noemii̱ kui xota̱chjo̱on xí xingi̱ ji ma, sꞌe̱ jeꞌe má nga kjindibáni nangii̱ xota̱ Moaa̱b, kó mején xoò ko̱tíñá tꞌanangi xi tsi̱ꞌe̱ ndie xi̱ꞌii̱n kamá, ndie Elimelee̱k kui xi xingi̱ ñá má. 4Kó án boá xi kamámejénna nga xche̱ ji kui nii̱, ngindyi̱ko̱n kui xota̱ xi xchaá nangina, tsi̱ꞌe̱ nga si̱ꞌi̱ntsie ji, tsi mejeén nga ko̱ꞌna̱xiéꞌé ji kui ngi̱ndiee̱, kó tsi jmí, tꞌíyéní, ngatꞌa̱ jí boá xi tjón tikoón kui kjo̱a̱ndaa̱, sꞌe̱ jaskaa̱n an, tjínna kui kjo̱a̱ndaa̱.
Kósꞌe̱ tji̱e̱nmá bi̱ katsó kui nda̱ xi ingoo̱:
—Jo̱o̱n ndakjiꞌi, ka̱ma kꞌotsie an.
5Kósꞌe̱ Boo̱, bi̱ katsó ngasee̱:
—Ni̱xtjin nga si̱ꞌi̱ntsie ji kui tꞌanangii̱, ngi̱ya tsja na̱ Noemii̱, ti̱ chjiéngá ku̱i̱xenje̱ ji na̱ Ruu̱t nga, kui xota̱chjo̱on xí kjindibáni nangii̱ xota̱ Moaa̱b, kui xi kamá chjo̱ón ndie Majloo̱n, tsi̱ꞌe̱ nga xcha̱jàjín jaꞌeén kui ndiee̱, kjo̱a̱a̱ kui tꞌanangii̱.
6Kó bi̱ katsó xi ingo nda̱ xi tiña ngase kamá nga xkjín ndie Elimelee̱k:
—Ja̱ jmí, ka̱májín kꞌoxiéꞌá an kui ngi̱ndiee̱, tsi̱ꞌe̱ nga tsa̱ꞌa̱n ka̱ma, ngatꞌa̱ kjo̱tson ni xi tjínna án. Ta̱sá jí ti̱ꞌinkjìn jí kjo̱a̱nda xi tjínna án, ngatꞌa̱ ka̱májínna nga an kꞌotsie an.
7Ndeskande koó ngasꞌe̱, kisꞌiee̱ ngo kjo̱a̱xchá xota̱ na̱xi̱ńdá Israee̱l, nga kjiꞌa nga tjín xí tsꞌaxiéꞌá ngo tꞌanangi ko̱jo tsi ngo ni índa, kui nda̱ xi ingoo̱ tsꞌaxié ngo tji̱xíndié xí kjiyaa̱, sꞌe̱ katsjaá xi ingoo̱, kó kui nii̱ xi akó nga kamáchjínií kui nii̱, ki̱a̱ na̱xi̱ńdá Israee̱l:
8Kósꞌe̱ kui nda̱ xi xkjín xí ꞌniú tiña ngase kamaá ndie Elimelee̱k, bi̱ katsoó Boo̱:
—Ji tsꞌi̱tsie ji.
Kósꞌe̱ tsꞌaxié tji̱xíndieé, kó katsjaá Boo̱. 9Kósꞌe̱ Boo̱, bi̱ katsoó xota̱ xi xchaá, ko̱jo ngayeje xota̱ kamátikó kuí ngi̱ndiee̱:
—Jún boá xi chistiko̱jnú, nga kui ni̱xtjii̱n kꞌotsiée na̱ Noemii̱ ngayeje tꞌanangi xi tsi̱ꞌe̱ ndie Elimelee̱k kamá, ko̱jo ngayeje ni xi kisꞌiee̱ ndie Kelioo̱n ko̱jo Majloo̱n nga. 10Ko̱jo xiyàjnúꞌun nga án boá xi ku̱i̱xanjo̱ an na̱ Ruu̱t, kui xi xota̱chjo̱on kꞌaán ndie Majloo̱n kamá, tsi̱ꞌe̱ nga xcha̱jàjín jaꞌeén kui ndiee̱ kjo̱a̱a̱ tꞌanangii̱, ko̱jo nga jaꞌeén kui ndiee̱, kꞌuijñára ngi̱jii̱n ntsꞌi̱e̱ ko̱jo kui na̱xi̱ńdaá. Kó jún boá xi chistiko̱jnú ngotꞌe̱. 11Kó ngayeje xota̱ na̱xi̱ńdá xí kisꞌińdo ki̱a̱ nga̱ntjo̱a̱a̱, ko̱jo xota̱ xi xchaá, bi̱ katsó:
—¡Jo̱o̱n, chistiko̱ ji̱n kjo̱a̱a̱ kui nii̱! Néná ngatsjandieè nga kui na̱ xi kꞌo̱sꞌien ndiꞌáa̱, ka̱ma xikoó na̱ Rakee̱l, ko̱jo tsi xikoó na̱ Liyaa̱, kui ínchjín xí iskjininkꞌa xota̱ tji̱e̱e̱ xota̱ Israee̱l, kó nga ꞌniú ka̱ma ji ki̱a̱ na̱xi̱ńdáꞌniú Efrata̱, ko̱jo nga xcha̱ndikón jaꞌée̱n ki̱a̱ na̱xi̱ńdáꞌniú Israee̱l, 12ko̱jo nga xota̱ tji̱e̱e̱, ka̱ma xikoó xota̱ tji̱e̱e̱ Faree̱, kui ndí xí tsi̱ꞌe̱ Jundáa̱ xi kisꞌiee̱ na̱ Tamaa̱r, kui xota̱ tji̱e̱ xi Néná tsja̱á kjo̱a̱a̱ kui tsa̱kji̱ín.
Ni̱xtjin nga katsen Obee̱nd
13Kó Boo̱ ixánjo̱ na̱ Ruu̱t, kó ngije kisꞌiejo̱ xkjín, Néná katsjaá ngi̱ndie nga tsaꞌa ndí. 14Kó ínchjín xi chji̱a̱ni na̱xi̱ńdáꞌniú Belee̱n, bi̱ katsoó na̱ Noemii̱:
¡Ngatamachikonñé Néná, kui xi tsꞌéntsjandié nga tsꞌéntsjaá xota̱ xi kꞌo̱xiéꞌaá ngaskande ngotꞌe̱! ¡Ngatamayandikón jaꞌeén ngayeje nangi Israee̱l! 15¡Kuí boá xi ngatsjangáꞌniuú ini̱ma̱a̱, kó nga koon ngije ka̱maxchá jí! Ngatꞌa̱ kui kja̱ndàa̱ xi tjoó ji, kui xi je katsee̱n ngo ndií, ꞌniú chjí ngasenii̱ ta̱bo̱a̱jiín yito ndí xíꞌín kuí.
16Kósꞌe̱ na̱ Noemii̱ iskjíbé kui ndií, kó janíkjá, kó ndeskande koó kjiꞌa kui askoo̱n. 17Kó ínchjín xi síndotꞌa ndiꞌaa̱, tsangasee̱ ngo jaꞌén, nga bi̱ katsó: Na̱ Noemii̱ je tjiín ngo ndií, kó Obee̱nd, ítꞌajaꞌén.
Obee̱nd boá xi kamá na̱ꞌmindyiboaa̱ Ndabii̱
Kó Obee̱nd boá xi kamá na̱ꞌmii̱ Isaii̱, kó Isaii̱ boá xi kamá na̱ꞌmii̱ Ndabii̱.
18Kuí bí xi̱ꞌbi̱ xi kamá xota̱ tji̱e̱e̱ Faree̱: Faree̱ boá xi kamá na̱ꞌmii̱ Esroo̱n, 19kó Esroo̱n na̱ꞌmii̱ Raa̱n, kó Raa̱n na̱ꞌmii̱ Aminandaa̱b, 20kó Aminandaa̱b na̱ꞌmii̱ Naasoo̱n, kó Naasoo̱n na̱ꞌmii̱ Salmoo̱n, 21kó Salmoo̱n na̱ꞌmii̱ Boo̱, kó Boo̱ na̱ꞌmii̱ Obee̱nd, 22Obee̱nd na̱ꞌmii̱ Isaii̱, kó Isaii̱ na̱ꞌmii̱ Ndabii̱.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014