Na̱ Ruu̱t 3
3
Boo̱ nda katsꞌénjo̱ na̱ Ruu̱t
1Ngo ndi̱yà na̱ Noemii̱ tsíchji̱a̱jo kja̱ndaa̱, nga bi̱ katsoó:
—Ji chjo̱on, tjínna ngo kjo̱a̱ꞌniú án, tsi̱ꞌe̱ nga kongasee ngo ndiꞌa nínga si̱ꞌinkjaꞌyé ji, nínga nda tsꞌén ku̱i̱ndyin ji. 2Kó kui xota̱ xi ꞌmí Boo̱, kui xi tsi̱ꞌe̱ ínchjín moso̱ nínga tiniꞌínxé jí. A mí tsí xkjín ndie xi̱ꞌinna boá kui xotaa̱. Nda má ndaꞌyé ji ni xi xiaán: Kui ni̱xtji̱e̱e̱n ki̱a̱ kꞌuijñá kui ngi̱ndiee̱, nga sa̱ꞌíntsjie xtjieé sebandaa̱. 3Kuíni nga ti̱ndáyé ji, ko̱jo tindyiée̱ ndásíje̱n yojòo̱, kó chi̱e̱je ji xtjí xi ndakjiꞌi ngasèe̱. Kó tꞌen ji ki̱a̱ ngi̱ndie nínga tjitsꞌénxá Boo̱, ta̱nga ngata̱ bokejíi̱n yojòo̱, ngaskande ngije kamaá nga iskjinie nichinie ko̱jo nga katsꞌe niꞌyó. 4Kó ngije kjojñá, tsitsíjin ndé ndée̱ nínga kjiꞌijña, kósꞌe̱ tꞌen ji, kó tꞌítsijin ji se, sꞌe̱ tsjajnitꞌée̱, sꞌe̱ ti̱kuíní bo̱a̱ xi ka̱tso̱yaa̱ ni xi si̱ꞌin ji ngijee̱.
5Kó na̱ Ruu̱t, bi̱ katsoó ṉchiꞌyaá:
—Ndakjiꞌi, ja̱bo̱a̱ sa̱ꞌin an ngayeje ni xi je kasení.
6Kó na̱ Ruu̱t, kijí kui ngi̱ndie jàn, kó bo̱a̱ má katsꞌén xikó má katsoó ṉchiꞌyaá. 7Ngije kamaá Boo̱ nga iskjinie nichinie, ko̱jo nga katsꞌe niꞌyó, ki̱a̱ kijíkjajña nínga síndotikó sebandaa̱. Kósꞌe̱ na̱ Ruu̱t inda inda, ko̱jo si̱e̱n si̱e̱n kijíkóntiñaa̱, kó ngije ítsijen se, ki̱a̱ kisꞌietꞌaa̱.
8Kó nga kamá masien ni̱xtji̱e̱n, ta̱niján má jaꞌaá kui nda̱a̱, kó nga katsꞌéntíyá, ¡kamákjiín nga ngo na̱ kjiꞌijñatꞌaa̱ xtji̱e̱e̱n tꞌa se!
9Kósꞌe̱ Boo̱, bi̱ katsoó kui na̱ xi kjiꞌijñatꞌaa̱:
—ꞌYá jií bo̱a̱.
Kó kui naa̱, bi̱ katsó:
—Na̱ Ruu̱t boá an, na̱ mosòo̱, tjaꞌméní nga̱ndee̱ ńjño xi tjitsjataꞌin ji, ngatꞌa̱ jí boá xi xkjín ndie xi̱ꞌinna, kui xota̱ kꞌo̱xiéꞌána.
10Kó bi̱ katsó Boo̱:
—¡Néná ngatsꞌénchíkonñeé ji chjo̱on! Ngatꞌa̱ je kiniꞌín ji nga nda ngase ka̱ma kjo̱a̱nda xi jaskan sa̱ko̱ó, ta̱bo̱a̱jiín xi tjón kasakoo̱, ngatꞌa̱ jmí tsi já xo̱ngò xí tiꞌmitji̱ngi ji xi ni̱ma̱, ko̱jo tsi xi cho̱n. 11Ngotꞌe̱ ꞌne̱, ji chjo̱on, ngata̱ ndakinjín ma ji, ngatꞌa̱ ngayeje xota̱ na̱xi̱ńdána be nga nda ji xota̱.
12Ta̱nga ngotꞌe̱ ꞌne̱, nda tsi ja̱koxi̱ boá nga án boá kui nda̱ xi kꞌo̱xiéꞌaá, ta̱nga tikón ingo nda̱ xi ꞌniú tiña ngase májnú nga xingi̱jnú, ta̱bo̱a̱jiín an. 13Kꞌi̱e̱ ngatjaꞌaa̱ kui ni̱xtji̱e̱e̱n ngotꞌe̱, kó ndyiojón xcha̱ tsí kui nda̱a̱ ka̱mamejeén kui kꞌo̱xiéꞌaá, ta̱nga tsi sa̱ꞌínjo̱ꞌojín, ¡tikón Néná nga án boá skoon ji! Tꞌenni̱ꞌinkjaꞌyé ꞌne̱, kó nda tsjáfé ji, ndyiojón chiboá.
14Kó kui naa̱, ki̱a̱ kisꞌifé ki̱a̱ tꞌa se Boo̱ ngaskande nga kamángindyiojón, sꞌe̱ ti̱ jñóyà ngase nga jastjíe̱n, ngindiee̱ nga tjín xí sku̱i̱e̱, ngatꞌa̱ Boo̱ bo̱a̱ katsoó nga kamámejénjiín nga tjín xí sku̱i̱e̱ nga ngo na̱ jachókjajñá kui ngi̱ndiee̱. 15Sꞌe̱ Boo̱ tsíꞌaá na̱ Ruu̱t nga ku̱i̱e̱jéntie ńjño xi kjitꞌa nga̱xto̱n, kósꞌe̱ ki̱a̱ indyiá tsꞌatiora̱ yichán kilo̱ sebanda̱. Sꞌe̱ ngije asíko̱jo nga ísoón tjiaa̱, na̱ Ruu̱t kijí nginí na̱xi̱ńdáꞌniú Belee̱n.
16Nga jachó nginí na̱ Ruu̱t, nínga tikón ndiꞌaa̱ ṉchiꞌyaá, na̱ Noemii̱, bi̱ katsoó:
—Mí xí kamá chjo̱on.
Kó na̱ Ruu̱t, katsóyaà ṉchiꞌyaá ngayeje ni xi katsꞌén Boo̱ nganda tsi̱ꞌe̱, 17kó bi̱ katsó ngase na̱ Ruu̱t:
—Boo̱ boá xi katsjána ngayeje kui sebandaa̱, kó bi̱ katsóna: Sa̱ꞌinkjítiyajaán nga kꞌuin nginí ji ndiꞌaa̱ ṉchiꞌyáa̱.
18Kósꞌe̱ na̱ Noemii̱, bi̱ katsoó na̱ Ruu̱t:
—Ti̱ꞌinkjaꞌyé ji chjo̱on, ngotꞌe̱ ꞌne̱, ta̱ chjién tsí nga xchiyá sakon sakoón. Beriíko̱n an nga sa̱ꞌínkjaꞌyájín Boo̱, ngaskande nga ka̱mandajin kui nii̱ ngotꞌe̱.
Currently Selected:
Na̱ Ruu̱t 3: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Na̱ Ruu̱t 3
3
Boo̱ nda katsꞌénjo̱ na̱ Ruu̱t
1Ngo ndi̱yà na̱ Noemii̱ tsíchji̱a̱jo kja̱ndaa̱, nga bi̱ katsoó:
—Ji chjo̱on, tjínna ngo kjo̱a̱ꞌniú án, tsi̱ꞌe̱ nga kongasee ngo ndiꞌa nínga si̱ꞌinkjaꞌyé ji, nínga nda tsꞌén ku̱i̱ndyin ji. 2Kó kui xota̱ xi ꞌmí Boo̱, kui xi tsi̱ꞌe̱ ínchjín moso̱ nínga tiniꞌínxé jí. A mí tsí xkjín ndie xi̱ꞌinna boá kui xotaa̱. Nda má ndaꞌyé ji ni xi xiaán: Kui ni̱xtji̱e̱e̱n ki̱a̱ kꞌuijñá kui ngi̱ndiee̱, nga sa̱ꞌíntsjie xtjieé sebandaa̱. 3Kuíni nga ti̱ndáyé ji, ko̱jo tindyiée̱ ndásíje̱n yojòo̱, kó chi̱e̱je ji xtjí xi ndakjiꞌi ngasèe̱. Kó tꞌen ji ki̱a̱ ngi̱ndie nínga tjitsꞌénxá Boo̱, ta̱nga ngata̱ bokejíi̱n yojòo̱, ngaskande ngije kamaá nga iskjinie nichinie ko̱jo nga katsꞌe niꞌyó. 4Kó ngije kjojñá, tsitsíjin ndé ndée̱ nínga kjiꞌijña, kósꞌe̱ tꞌen ji, kó tꞌítsijin ji se, sꞌe̱ tsjajnitꞌée̱, sꞌe̱ ti̱kuíní bo̱a̱ xi ka̱tso̱yaa̱ ni xi si̱ꞌin ji ngijee̱.
5Kó na̱ Ruu̱t, bi̱ katsoó ṉchiꞌyaá:
—Ndakjiꞌi, ja̱bo̱a̱ sa̱ꞌin an ngayeje ni xi je kasení.
6Kó na̱ Ruu̱t, kijí kui ngi̱ndie jàn, kó bo̱a̱ má katsꞌén xikó má katsoó ṉchiꞌyaá. 7Ngije kamaá Boo̱ nga iskjinie nichinie, ko̱jo nga katsꞌe niꞌyó, ki̱a̱ kijíkjajña nínga síndotikó sebandaa̱. Kósꞌe̱ na̱ Ruu̱t inda inda, ko̱jo si̱e̱n si̱e̱n kijíkóntiñaa̱, kó ngije ítsijen se, ki̱a̱ kisꞌietꞌaa̱.
8Kó nga kamá masien ni̱xtji̱e̱n, ta̱niján má jaꞌaá kui nda̱a̱, kó nga katsꞌéntíyá, ¡kamákjiín nga ngo na̱ kjiꞌijñatꞌaa̱ xtji̱e̱e̱n tꞌa se!
9Kósꞌe̱ Boo̱, bi̱ katsoó kui na̱ xi kjiꞌijñatꞌaa̱:
—ꞌYá jií bo̱a̱.
Kó kui naa̱, bi̱ katsó:
—Na̱ Ruu̱t boá an, na̱ mosòo̱, tjaꞌméní nga̱ndee̱ ńjño xi tjitsjataꞌin ji, ngatꞌa̱ jí boá xi xkjín ndie xi̱ꞌinna, kui xota̱ kꞌo̱xiéꞌána.
10Kó bi̱ katsó Boo̱:
—¡Néná ngatsꞌénchíkonñeé ji chjo̱on! Ngatꞌa̱ je kiniꞌín ji nga nda ngase ka̱ma kjo̱a̱nda xi jaskan sa̱ko̱ó, ta̱bo̱a̱jiín xi tjón kasakoo̱, ngatꞌa̱ jmí tsi já xo̱ngò xí tiꞌmitji̱ngi ji xi ni̱ma̱, ko̱jo tsi xi cho̱n. 11Ngotꞌe̱ ꞌne̱, ji chjo̱on, ngata̱ ndakinjín ma ji, ngatꞌa̱ ngayeje xota̱ na̱xi̱ńdána be nga nda ji xota̱.
12Ta̱nga ngotꞌe̱ ꞌne̱, nda tsi ja̱koxi̱ boá nga án boá kui nda̱ xi kꞌo̱xiéꞌaá, ta̱nga tikón ingo nda̱ xi ꞌniú tiña ngase májnú nga xingi̱jnú, ta̱bo̱a̱jiín an. 13Kꞌi̱e̱ ngatjaꞌaa̱ kui ni̱xtji̱e̱e̱n ngotꞌe̱, kó ndyiojón xcha̱ tsí kui nda̱a̱ ka̱mamejeén kui kꞌo̱xiéꞌaá, ta̱nga tsi sa̱ꞌínjo̱ꞌojín, ¡tikón Néná nga án boá skoon ji! Tꞌenni̱ꞌinkjaꞌyé ꞌne̱, kó nda tsjáfé ji, ndyiojón chiboá.
14Kó kui naa̱, ki̱a̱ kisꞌifé ki̱a̱ tꞌa se Boo̱ ngaskande nga kamángindyiojón, sꞌe̱ ti̱ jñóyà ngase nga jastjíe̱n, ngindiee̱ nga tjín xí sku̱i̱e̱, ngatꞌa̱ Boo̱ bo̱a̱ katsoó nga kamámejénjiín nga tjín xí sku̱i̱e̱ nga ngo na̱ jachókjajñá kui ngi̱ndiee̱. 15Sꞌe̱ Boo̱ tsíꞌaá na̱ Ruu̱t nga ku̱i̱e̱jéntie ńjño xi kjitꞌa nga̱xto̱n, kósꞌe̱ ki̱a̱ indyiá tsꞌatiora̱ yichán kilo̱ sebanda̱. Sꞌe̱ ngije asíko̱jo nga ísoón tjiaa̱, na̱ Ruu̱t kijí nginí na̱xi̱ńdáꞌniú Belee̱n.
16Nga jachó nginí na̱ Ruu̱t, nínga tikón ndiꞌaa̱ ṉchiꞌyaá, na̱ Noemii̱, bi̱ katsoó:
—Mí xí kamá chjo̱on.
Kó na̱ Ruu̱t, katsóyaà ṉchiꞌyaá ngayeje ni xi katsꞌén Boo̱ nganda tsi̱ꞌe̱, 17kó bi̱ katsó ngase na̱ Ruu̱t:
—Boo̱ boá xi katsjána ngayeje kui sebandaa̱, kó bi̱ katsóna: Sa̱ꞌinkjítiyajaán nga kꞌuin nginí ji ndiꞌaa̱ ṉchiꞌyáa̱.
18Kósꞌe̱ na̱ Noemii̱, bi̱ katsoó na̱ Ruu̱t:
—Ti̱ꞌinkjaꞌyé ji chjo̱on, ngotꞌe̱ ꞌne̱, ta̱ chjién tsí nga xchiyá sakon sakoón. Beriíko̱n an nga sa̱ꞌínkjaꞌyájín Boo̱, ngaskande nga ka̱mandajin kui nii̱ ngotꞌe̱.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014