Xota̱ Roma̱ 16
16
Pabloo̱ bi̱ tsꞌén katsꞌéntinde xotaa̱
1Be án ndichjá xi ꞌmí na̱ Febee̱, kui xi xota̱ xi bosikójo xota̱ na̱ngo̱xi̱ xi chji̱a̱ni Senkrea̱, 2nda ti̱ꞌansénjnúu̱ ngi̱yaa̱ jaꞌeén Ndi̱a̱ná, xikótsꞌèn niꞌánseén xota̱ tsjiee̱ Néná, kó tasíko̱jojnú ngayeje ni xi chjieén, ngatꞌa̱ achichí xota̱ xi je asíko̱jo kui naa̱, ngaskande an asíko̱jona.
3Tinde bo̱a̱ tꞌínjnú na̱ Prisilaa̱ ko̱jo Akilaa̱, xi ndyi̱tsꞌèn xaá Kristoo̱ xikoó án. 4Kuí boá xi ndasénjín kamaá tsi ko̱yà, ta̱ngatꞌanii̱ nga asíko̱jona nga kꞌienjín an, jmí tsi ta̱ án tsí xi tsjàa̱ ndokꞌóchjì, ko̱jo tsjaá ndokꞌóchjì ngayeje xota̱ na̱ngo̱xi̱i̱ xota̱ xi jundío̱jín. 5Tinde bo̱a̱ tꞌínjnú ngayeje xota̱ na̱ngo̱xi̱ xi matikó ndiꞌaa̱ na̱ Priskaa̱ ko̱jo Akilaa̱. Tinde bo̱a̱ tꞌínjnú nda̱ xi tjóna xi ꞌmí Epenetoo̱, kuí boá xi tjón kisꞌijii̱n Kristoo̱ nangi Asia̱. 6Tinde bo̱a̱ tꞌínjnú na̱ Riya̱ kui xi achichí jè katsꞌénxá nganda tsa̱jún. 7Tinde bo̱a̱ tꞌínjnú Andronikoo̱ ko̱jo Juniaa̱, kui xi ti̱ xota̱ Israee̱l xikoó án ko̱jo xi nijan kixindyionjne̱ ndo̱bo̱a̱yà, kui xi já apostro̱ boá kó yandikón, kó kui xi tjón ngase kisꞌijii̱n Kristoo̱ ta̱bo̱a̱jiín an.
8Tinde bo̱a̱ tꞌínjnú Ampliyaa̱, nda̱ xi achichí tjóna ngatꞌa̱ ti̱ sꞌijii̱n Jesukristoo̱ nga. 9Tinde bo̱a̱ tꞌínjnú Urbanoo̱, kui xi xikoó ñá nga tjítsꞌén xaá Kristoo̱. Tinde bo̱a̱ tꞌínjnú Estakii̱, nda̱ xi tjóna. 10Tinde bo̱a̱ tꞌínjnú Apelee̱, kui nda̱ xi akó nga ꞌniú sꞌijii̱n Kristoo̱. Tinde bo̱a̱ tꞌínjnú xota̱ ndiꞌaa̱ Aristobuloo̱. 11Tinde bo̱a̱ tꞌínjnú Erondioo̱n, kui xi ti̱ xota̱ Israee̱l xikoó án nga. Tinde bo̱a̱ tꞌínjnú xota̱ xi xkjín má Narsisoo̱, xota̱ xi je sꞌijii̱n Ndi̱a̱ná. 12Tinde bo̱a̱ tꞌínjnú na̱ Trifenaa̱ ko̱jo na̱ Trifosaa̱, xi ndyi̱tsꞌèn xaá Ndi̱a̱ná. Tinde bo̱a̱ tꞌínjnú na̱ ndichjá xi tjóná xi ꞌmí na̱ Pérsindaa̱, kui xi achichí xaá Ndi̱a̱ná jè katsꞌén. 13Tinde bo̱a̱ tꞌínjnú Rufoo̱, nda̱ xi jaꞌájin Ndi̱a̱ná ko̱jo na̱aa̱n, kui xota̱chjo̱on xí xikó maá tsi na̱ana ma.
14Tinde bo̱a̱ tꞌínjnú Asinkritoo̱, ko̱jo Flengontee̱, ko̱jo Ermaa̱, ko̱jo Patrobaa̱, ko̱jo Ermee̱ ko̱jo ntsꞌi̱e̱ xi nijan síndo. 15Tinde bo̱a̱ tꞌínjnú Filólogoo̱, ko̱jo na̱ Juliaa̱, ko̱jo Nereoo̱, ko̱jo ndichja, ko̱jo Olimpaa̱, ko̱jo ngayeje xota̱ tsjiee̱ Néná xi nijan síndo.
16Ti̱ꞌantindéjnú nga ngo nga xingi̱jnú. Tinde bo̱a̱ tꞌínjnú ngayeje xota̱ na̱ngo̱xi̱ xi tsi̱ꞌe̱ Kristoo̱.
17Jún ntsꞌie, ꞌniú míꞌájnúꞌun nga xchónjnúu̱ yojojnú kjo̱a̱a̱ kui xota̱ xi bokjangá, ko̱jo xi tsꞌénchájá xotaa̱, kui xi kondra̱ fínii̱ ni xi je akakoyájnú, chje̱ꞌéxíntꞌajnúu̱ yojojnú xota̱ xi̱ꞌba̱. 18Ngatꞌa̱ kui xotaa̱ jmí tsi xaá Ndi̱a̱ná Jesukristoo̱ xi ndyi̱tsꞌèn, ni xi tsjaa̱ kuí xí ndyi̱tsꞌèn, kó achichí én nda ko̱jo én tsjatsó chji̱a̱ nga ꞌbindísojo̱ xota̱ xi kji̱e̱ ꞌniújín makjiín ni xi tsi̱ꞌe̱ Ndi̱a̱ná. 19Ngatꞌa̱ ngayeje xi be nga jún ndyi̱niꞌánkjatjosónjnúu̱ Néná, kó kui nii̱ xi achichí tsja mana, ta̱nga mejénna nga kꞌuiéjnú kjo̱a̱kjíntakón kjo̱a̱a̱ nga ni xi nda si̱ꞌánjnú, ta̱nga nga jmí tsi ni xi ndajín xi si̱ꞌánjnú. 20Kó Néná xi tsjá kjo̱a̱xioó kuí xí sa̱ꞌín nga jún ko̱jna̱niéjnú xindajín Satanaa̱. Ngatꞌiéjnú kjo̱a̱ndaa̱ Ndi̱a̱ná Jesukristoo̱.
21Tinde xò bo̱a̱ tsó Timoo̱, kui xi nijan ndyi̱niꞌánxátꞌajne̱ Kristoo̱. Tinde xò bo̱a̱ tsó Rsioo̱, ko̱jo Jasoo̱n, ko̱jo Sosípatee̱r, kui xi ti̱ xota̱ Israee̱l xikoó án nga.
22An, Tersioo̱, xi tjítsꞌenda an kui xo̱jo̱o̱n xikótsꞌèn tsꞌéntsóyàna Pabloo̱, tsꞌentindejnúꞌun nga ti̱ sꞌijinna Ndi̱a̱ná nga.
23Tinde xò bo̱a̱ tsó Ngayoo̱, nda̱ xi katsjána ngi̱ndie nga kisꞌijña an ndiꞌaa̱, ko̱jo nínga matikó ngayeje xota̱ na̱ngo̱xi̱i̱. Tinde xò bo̱a̱ tsó Erastoo̱, nda̱ xi koo̱n to̱o̱n na̱xi̱ńdáꞌniuú, ko̱jo nda̱ ntsꞌié xi ꞌmí Kuartoo̱.
24Ngatꞌiéjnú kjo̱a̱ndaa̱ Ndi̱a̱ná Jesukristoo̱ ngayejejnú. Bo̱a̱ kjiꞌi.
Pabloo̱ bi̱ tsꞌén katsꞌénkjietꞌa xo̱jo̱o̱n
25Nganiꞌántsjaà Néná, kui xi maa̱ nga tsja̱ngaꞌniújnú, xikó tsó kui éntjatsi̱e̱ xi tsꞌénꞌbini̱jmì án, ko̱jo ni xi tsꞌénbokoyá an kjo̱a̱a̱ Jesukristoo̱, xikó kjiꞌi kjo̱a̱a̱ ni xi tjíndaa̱ Néná, ni xi tjiꞌmá ndeskande ngindiee̱ nga kamánda kui nga̱sondiee̱. 26Ta̱nga ngotꞌe̱ ꞌne̱ je tikón tsijen kui nii̱, xikó tjítsó xo̱jo̱n xi katsꞌénda jáchji̱ni̱e̱ꞌe̱én Néná, kó tjíniꞌánkintꞌiè ngayeje xota̱ nga̱sondiee̱, bo̱a̱ tsꞌén atíxoma Néná xi tikón ngatsjéni̱xtjii̱n, tsi̱ꞌe̱ nga xotaa̱ sꞌi̱jii̱n kó ku̱i̱ntꞌiéꞌeén Néná.
27Kó ta̱kuítsí Néná xí ngoo̱ xi tjiín kjo̱a̱kjínkoón, kui tsi̱ꞌe̱ ngatama ngayeje kjo̱a̱je ngatꞌaa̱ Jesukristoo̱, ngatsjéni̱xtjin. Bo̱a̱ kjiꞌi.
Currently Selected:
Xota̱ Roma̱ 16: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Xota̱ Roma̱ 16
16
Pabloo̱ bi̱ tsꞌén katsꞌéntinde xotaa̱
1Be án ndichjá xi ꞌmí na̱ Febee̱, kui xi xota̱ xi bosikójo xota̱ na̱ngo̱xi̱ xi chji̱a̱ni Senkrea̱, 2nda ti̱ꞌansénjnúu̱ ngi̱yaa̱ jaꞌeén Ndi̱a̱ná, xikótsꞌèn niꞌánseén xota̱ tsjiee̱ Néná, kó tasíko̱jojnú ngayeje ni xi chjieén, ngatꞌa̱ achichí xota̱ xi je asíko̱jo kui naa̱, ngaskande an asíko̱jona.
3Tinde bo̱a̱ tꞌínjnú na̱ Prisilaa̱ ko̱jo Akilaa̱, xi ndyi̱tsꞌèn xaá Kristoo̱ xikoó án. 4Kuí boá xi ndasénjín kamaá tsi ko̱yà, ta̱ngatꞌanii̱ nga asíko̱jona nga kꞌienjín an, jmí tsi ta̱ án tsí xi tsjàa̱ ndokꞌóchjì, ko̱jo tsjaá ndokꞌóchjì ngayeje xota̱ na̱ngo̱xi̱i̱ xota̱ xi jundío̱jín. 5Tinde bo̱a̱ tꞌínjnú ngayeje xota̱ na̱ngo̱xi̱ xi matikó ndiꞌaa̱ na̱ Priskaa̱ ko̱jo Akilaa̱. Tinde bo̱a̱ tꞌínjnú nda̱ xi tjóna xi ꞌmí Epenetoo̱, kuí boá xi tjón kisꞌijii̱n Kristoo̱ nangi Asia̱. 6Tinde bo̱a̱ tꞌínjnú na̱ Riya̱ kui xi achichí jè katsꞌénxá nganda tsa̱jún. 7Tinde bo̱a̱ tꞌínjnú Andronikoo̱ ko̱jo Juniaa̱, kui xi ti̱ xota̱ Israee̱l xikoó án ko̱jo xi nijan kixindyionjne̱ ndo̱bo̱a̱yà, kui xi já apostro̱ boá kó yandikón, kó kui xi tjón ngase kisꞌijii̱n Kristoo̱ ta̱bo̱a̱jiín an.
8Tinde bo̱a̱ tꞌínjnú Ampliyaa̱, nda̱ xi achichí tjóna ngatꞌa̱ ti̱ sꞌijii̱n Jesukristoo̱ nga. 9Tinde bo̱a̱ tꞌínjnú Urbanoo̱, kui xi xikoó ñá nga tjítsꞌén xaá Kristoo̱. Tinde bo̱a̱ tꞌínjnú Estakii̱, nda̱ xi tjóna. 10Tinde bo̱a̱ tꞌínjnú Apelee̱, kui nda̱ xi akó nga ꞌniú sꞌijii̱n Kristoo̱. Tinde bo̱a̱ tꞌínjnú xota̱ ndiꞌaa̱ Aristobuloo̱. 11Tinde bo̱a̱ tꞌínjnú Erondioo̱n, kui xi ti̱ xota̱ Israee̱l xikoó án nga. Tinde bo̱a̱ tꞌínjnú xota̱ xi xkjín má Narsisoo̱, xota̱ xi je sꞌijii̱n Ndi̱a̱ná. 12Tinde bo̱a̱ tꞌínjnú na̱ Trifenaa̱ ko̱jo na̱ Trifosaa̱, xi ndyi̱tsꞌèn xaá Ndi̱a̱ná. Tinde bo̱a̱ tꞌínjnú na̱ ndichjá xi tjóná xi ꞌmí na̱ Pérsindaa̱, kui xi achichí xaá Ndi̱a̱ná jè katsꞌén. 13Tinde bo̱a̱ tꞌínjnú Rufoo̱, nda̱ xi jaꞌájin Ndi̱a̱ná ko̱jo na̱aa̱n, kui xota̱chjo̱on xí xikó maá tsi na̱ana ma.
14Tinde bo̱a̱ tꞌínjnú Asinkritoo̱, ko̱jo Flengontee̱, ko̱jo Ermaa̱, ko̱jo Patrobaa̱, ko̱jo Ermee̱ ko̱jo ntsꞌi̱e̱ xi nijan síndo. 15Tinde bo̱a̱ tꞌínjnú Filólogoo̱, ko̱jo na̱ Juliaa̱, ko̱jo Nereoo̱, ko̱jo ndichja, ko̱jo Olimpaa̱, ko̱jo ngayeje xota̱ tsjiee̱ Néná xi nijan síndo.
16Ti̱ꞌantindéjnú nga ngo nga xingi̱jnú. Tinde bo̱a̱ tꞌínjnú ngayeje xota̱ na̱ngo̱xi̱ xi tsi̱ꞌe̱ Kristoo̱.
17Jún ntsꞌie, ꞌniú míꞌájnúꞌun nga xchónjnúu̱ yojojnú kjo̱a̱a̱ kui xota̱ xi bokjangá, ko̱jo xi tsꞌénchájá xotaa̱, kui xi kondra̱ fínii̱ ni xi je akakoyájnú, chje̱ꞌéxíntꞌajnúu̱ yojojnú xota̱ xi̱ꞌba̱. 18Ngatꞌa̱ kui xotaa̱ jmí tsi xaá Ndi̱a̱ná Jesukristoo̱ xi ndyi̱tsꞌèn, ni xi tsjaa̱ kuí xí ndyi̱tsꞌèn, kó achichí én nda ko̱jo én tsjatsó chji̱a̱ nga ꞌbindísojo̱ xota̱ xi kji̱e̱ ꞌniújín makjiín ni xi tsi̱ꞌe̱ Ndi̱a̱ná. 19Ngatꞌa̱ ngayeje xi be nga jún ndyi̱niꞌánkjatjosónjnúu̱ Néná, kó kui nii̱ xi achichí tsja mana, ta̱nga mejénna nga kꞌuiéjnú kjo̱a̱kjíntakón kjo̱a̱a̱ nga ni xi nda si̱ꞌánjnú, ta̱nga nga jmí tsi ni xi ndajín xi si̱ꞌánjnú. 20Kó Néná xi tsjá kjo̱a̱xioó kuí xí sa̱ꞌín nga jún ko̱jna̱niéjnú xindajín Satanaa̱. Ngatꞌiéjnú kjo̱a̱ndaa̱ Ndi̱a̱ná Jesukristoo̱.
21Tinde xò bo̱a̱ tsó Timoo̱, kui xi nijan ndyi̱niꞌánxátꞌajne̱ Kristoo̱. Tinde xò bo̱a̱ tsó Rsioo̱, ko̱jo Jasoo̱n, ko̱jo Sosípatee̱r, kui xi ti̱ xota̱ Israee̱l xikoó án nga.
22An, Tersioo̱, xi tjítsꞌenda an kui xo̱jo̱o̱n xikótsꞌèn tsꞌéntsóyàna Pabloo̱, tsꞌentindejnúꞌun nga ti̱ sꞌijinna Ndi̱a̱ná nga.
23Tinde xò bo̱a̱ tsó Ngayoo̱, nda̱ xi katsjána ngi̱ndie nga kisꞌijña an ndiꞌaa̱, ko̱jo nínga matikó ngayeje xota̱ na̱ngo̱xi̱i̱. Tinde xò bo̱a̱ tsó Erastoo̱, nda̱ xi koo̱n to̱o̱n na̱xi̱ńdáꞌniuú, ko̱jo nda̱ ntsꞌié xi ꞌmí Kuartoo̱.
24Ngatꞌiéjnú kjo̱a̱ndaa̱ Ndi̱a̱ná Jesukristoo̱ ngayejejnú. Bo̱a̱ kjiꞌi.
Pabloo̱ bi̱ tsꞌén katsꞌénkjietꞌa xo̱jo̱o̱n
25Nganiꞌántsjaà Néná, kui xi maa̱ nga tsja̱ngaꞌniújnú, xikó tsó kui éntjatsi̱e̱ xi tsꞌénꞌbini̱jmì án, ko̱jo ni xi tsꞌénbokoyá an kjo̱a̱a̱ Jesukristoo̱, xikó kjiꞌi kjo̱a̱a̱ ni xi tjíndaa̱ Néná, ni xi tjiꞌmá ndeskande ngindiee̱ nga kamánda kui nga̱sondiee̱. 26Ta̱nga ngotꞌe̱ ꞌne̱ je tikón tsijen kui nii̱, xikó tjítsó xo̱jo̱n xi katsꞌénda jáchji̱ni̱e̱ꞌe̱én Néná, kó tjíniꞌánkintꞌiè ngayeje xota̱ nga̱sondiee̱, bo̱a̱ tsꞌén atíxoma Néná xi tikón ngatsjéni̱xtjii̱n, tsi̱ꞌe̱ nga xotaa̱ sꞌi̱jii̱n kó ku̱i̱ntꞌiéꞌeén Néná.
27Kó ta̱kuítsí Néná xí ngoo̱ xi tjiín kjo̱a̱kjínkoón, kui tsi̱ꞌe̱ ngatama ngayeje kjo̱a̱je ngatꞌaa̱ Jesukristoo̱, ngatsjéni̱xtjin. Bo̱a̱ kjiꞌi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014