Xota̱ Roma̱ 15
15
1Ñá xi je tajá tindyión nga sꞌijinná Néná, chjiéngá si̱ꞌanchíkjo̱a̱a̱ xota̱ xi tajájín síndo, kó chjiénjín nga ti̱ña̱á si̱ꞌán ni xi tsja so̱bo̱a̱ ka̱máná. 2Nga ngo nga ngo ñá, ku̱i̱ndyi̱sé nga si̱ꞌán ni xi tsjaa̱ xotaa̱, tsi̱ꞌe̱ nga ko̱e̱ꞌéngaꞌniúu̱ ngi̱yaa̱ kjo̱a̱sꞌijii̱n. 3Ngatꞌa̱ Kristoo̱ jmí tsi ni xi tsjaa̱ kui xi tsangase, ta̱sá bo̱a̱ kiniꞌánjo̱ xikótsꞌèn kjitꞌa xo̱jo̱n eén Néná: “Én chꞌo tsó xi katsoó jí xotaa̱, an kasatiena.” 4Ngatꞌa̱ ngayeje ni xi je kiniꞌánꞌindó ngasꞌe̱ xo̱jo̱n eén Néná, kamánda tsi̱ꞌe̱ nga ko̱ko̱yaná, ki̱a̱ ka̱maa̱ nga kui kjo̱a̱tsiekoo̱n, ko̱jo kjo̱a̱niꞌándajoo̱n xo̱jo̱n eén Néná nga xchiyàa̱ ni xi tsja̱aná Néná. 5Néná xí tsjá kjo̱a̱chiyákjo̱a̱a̱ ko̱jo xi tsjá kjo̱a̱niꞌándajoo̱n, ngatsjájnú nga ta̱ ngo ndse̱je̱n nga sꞌi̱jin kjo̱a̱niꞌánkjójnú xikótsꞌèn tjíjii̱n Kristo̱ Kjisoo̱, 6tsi̱ꞌe̱ nga ngo xtín ka̱majnú nga ta̱ ngo nda̱ ka̱majnú nga ko̱e̱ꞌéjnúu̱ kjo̱a̱je Néná xí Na̱ꞌmii̱ Ndi̱a̱ná Jesukristoo̱.
Bi̱ tsꞌén íni̱jmì Pabloo̱ kjo̱a̱a̱ nga xota̱ xi jundío̱jiín kiniꞌánkintꞌié eén Néná
7Kó kuíni nga ja̱kꞌi̱e̱ ja̱ngaján ti̱ꞌanjo̱ꞌojnú xingi̱jnú, xikótsꞌèn Kristoo̱ katsꞌénjo̱ꞌoná, tsi̱ꞌe̱ nga xcha̱ kjo̱a̱jee̱ Néná. 8Ngatꞌa̱ bi̱ xiánjnúꞌun nga Kristo̱ Kjisoo̱ jeꞌe nganda tsi̱ꞌe̱ xota̱ jundíoo̱, tsi̱ꞌe̱ nga ko̱kó ja̱koxi̱i̱ Néná, kó ka̱mando̱jo ni xi katsóyàtjoón Néná xota̱ tji̱e̱ xchá jundíoo̱. 9Ko̱jo tsi̱ꞌe̱ nga xota̱ xi jundío̱jín tsja̱á kjo̱a̱je Néná, ta̱ngatꞌanii̱ nga Néná kamáni̱ma̱a̱ kui xotaa̱, xikótsꞌèn kjitꞌa xo̱jo̱n eén Néná nínga bi̱ tsó:
Kuí kjo̱a̱a̱ nga xiyà an kjo̱a̱je tse̱ ngi̱jii̱n xota̱ xi jundío̱jín,
kó si̱eé ji nga sa̱ꞌintsjaà.
10Kó ti̱ bi̱ tsó nga:
Jún xota̱ xi jundío̱jín, nijan ti̱ꞌantsjàjnú xota̱a̱ Néná.
11Kó ti̱ bi̱ tsó nginí kje̱ꞌe ndiè:
Ti̱ꞌantsjàjnúu̱ Ndi̱a̱ná ngayeje jún xi xota̱ xi jundío̱jínjnú,
kó ngayeje xota̱ na̱xi̱ńdaá xi ngatsꞌéndíkón.
12Kó nda̱ chji̱ni̱e̱ꞌe̱én Néná xi ꞌmí Isayaa̱, ti̱ bi̱ tsꞌén katsꞌénꞌindó:
Xtjonínkꞌá nga kꞌuieé ngaꞌniú ngo nda̱ xi xota̱ tji̱e̱e̱ nda̱ xi ꞌmí Isaii̱,
kó kuí xí ko̱tíxomaa̱ ngayeje xota̱ na̱xi̱ńdá,
kó ngayeje xota̱ na̱xi̱ńdaá kuí xí ka̱maꞌniátakón.
13Kó Néná xí kjimaꞌniátakón, ngatsjájnú kjo̱a̱tsja, ko̱jo kjo̱a̱xió jún xi sꞌijinjnú, tsi̱ꞌe̱ nga ngaꞌniuú A̱si̱énni̱xtjii̱n Néná tsie kjo̱a̱chiyá tsja̱ajnú.
14Ta̱nga an ntsꞌie, bee̱ko̱n an nga ta̱nisién ndajnú xota̱, ko̱jo nga xota̱ kjínkónjnú, kó nga je ka̱majnú nga ti̱ juún ko̱ti̱xomájnúu̱ xingi̱jnú. 15Ta̱nga kamáko̱n an nga katsꞌenda an ngo xo̱jo̱n ngatꞌa̱ mejénná nga xchi̱yàjínjnú ni xi je itꞌajnúꞌun, kó katsꞌen an kui nii̱, kjo̱a̱a̱ kjo̱a̱nda xi katsjána Néná, 16tsi̱ꞌe̱ nga mosoo̱ Jesukristoo̱ ka̱ma an, nganda tsi̱ꞌe̱ xota̱ xi jundío̱jín nga kokoyáa̱ eén Néná, kó kui xotaa̱ ngo kjo̱a̱tjó xi nda ka̱ma ngindyi̱ko̱n Néná, kjo̱a̱tjó xi tjítsꞌéntsjie A̱si̱énni̱xtjii̱n Néná.
17Tsja mana nga chjiá an kjo̱a̱a̱ xá xí katsjána Kristo̱ Kjisoo̱ kjo̱a̱a̱ xaá Néná xí tsꞌen an, 18ngatꞌa̱ ta̱xkiya kuichji̱a̱jín an ngo ni, ta̱ ngototo ni xi tsꞌén Kristoo̱, nga tsꞌénkjiénna tsi̱ꞌe̱ nga ku̱i̱ntꞌiéꞌeén Néná xota̱ xi jundío̱jín, ngatsꞌénkjién án én, ko̱jo ni xi tjítsꞌen an. 19Kristoo̱ katsꞌénkjién ngaꞌniú, ko̱jo chi̱bo̱a̱, ko̱jo kjín kjo̱a̱ndikón, ko̱jo ngaꞌniuú A̱si̱énni̱xtjii̱n Néná, kó kuíni nga bo̱a̱ tsꞌén tsꞌénchji̱a̱ an éntjatsi̱e̱e̱ Néná xi ꞌboxiéꞌáná kui xi tsi̱ꞌe̱ Kristoo̱, xi yaꞌanii̱ ndeskande na̱xi̱ńdáꞌniú Jerusale̱n, ngaskande nangi Ilíriko̱. 20Kó bo̱a̱ tsꞌén katsꞌen an ngo kjo̱a̱ꞌniú nga ini̱jmi án éntjatsi̱e̱e̱ Néná nínga kji̱e̱ ndokjo̱a̱jín jaꞌeén Kristoo̱, ki̱a̱ ka̱maa̱ nga sa̱ꞌinjín an ngo xá nínga je kje̱ꞌe xí ítsꞌi̱yanii̱. 21Ta̱sá tjítsꞌen an xikótsꞌèn kjitꞌa xo̱jo̱o̱n Néná nínga bi̱ tsoó:
Sku̱i̱e̱ kui xota̱ xi jmíni̱xtjin kiꞌmíyaà kjo̱a̱a̱ kui,
Ka̱makjiín kui xota̱ xi jmíni̱xtjin tsintꞌié kjo̱a̱a̱ kui.
Bi̱ katsꞌén Pabloo̱ kjo̱a̱a̱ nga kamámejeén kijí na̱xi̱ńdá Roma̱
22Kuí kjo̱a̱a̱ nga achichí kjín ndi̱yà nga kjimajín tsꞌénfíkatsijenjnúꞌun, 23ta̱nga ngotꞌe̱ ꞌne̱ nga je kamándo̱jo xá xí katsꞌen an kui ngi̱ndiee̱, kó achichí je kjín nó nga mejénna kjuínkátsijenjnúꞌun. 24Kjiꞌanga kjuín án España̱, kjuínkónjnúꞌun, kó skoyáa̱ nga tsjatsꞌèn nijan ku̱i̱ndyión chiboa ni̱xtjin nga kjóchokonjnúꞌun, kó tsi ka̱ma tasíko̱jojnúꞌun tsi̱ꞌe̱ nga ta̱kó kjuínrá an nínga tsꞌénfí an. 25Ta̱nga ngotꞌe̱ ꞌne̱ na̱xi̱ńdáꞌniú Jerusale̱n tsꞌénfí an, tsi̱ꞌe̱ nga kosiko̱jo an ki̱a̱ xota̱ tsjiee̱ Néná. 26Ngatꞌa̱ xota̱ xi chji̱a̱ni nangi Masendonia̱, ko̱jo nangi Akaya̱ ngayeje kon nga jaꞌátikó ngo chji̱e̱ xi sa̱ngíyaá xota̱ tsjiee̱ Néná xí ni̱ma̱ xi síndo na̱xi̱ńdáꞌniú Jerusale̱n. 27Nda kamaá nga bo̱a̱ katsꞌén, ta̱nga kui xotaa̱ tjitjíe̱nrií tsi̱ꞌe̱ xota̱ xi̱ꞌba̱, ngatꞌa̱ tsi Néná katsjaá xota̱ xi jundío̱jín ni xi je katsjaá xota̱ xi Israee̱l, ja̱ kuíni nga xota̱ xi Israee̱ljiín chjiéngá ko̱síko̱jo xota̱ xi Israee̱l kjo̱a̱a̱ ni xi tjín nga̱sondiee̱. 28Kó kuíni nga, ngije kamándo̱jo kuí nii̱, kó ngije katsꞌenkꞌasꞌièe̱n kui xotaa̱ to̱n xi kamátikoó, kjuín án España̱, kó ki̱a̱ kjo̱a̱ꞌa an nínga tindyiónjnú, 29kó be án nga ngije ka̱matikó ñá, Kristoo̱ sa̱ꞌínchikonñéná.
30Ta̱nga ꞌniú míꞌájnúꞌun já ntsꞌie, nga ta̱ngatꞌanii̱ Ndi̱a̱ná Jesukristoo̱, ko̱jo kjo̱a̱tjoó A̱si̱énni̱xtjii̱n Néná, tsꞌénmíꞌájnúꞌun nga si̱ꞌanngo yojoná xikótsꞌèn tsꞌénkjántjé an eén Néná, kó ndókjo̱a̱tjéjnúꞌun nga, 31tsi̱ꞌe̱ nga xín sa̱ꞌínkjaꞌana xota̱ xi sꞌijinjiín Kjisoo̱ xi síndo nangi Jundea̱, kó nga kui chji̱e̱e̱ xána xi yaꞌàa xota̱ tsjiee̱ Néná xí chji̱a̱ni na̱xi̱ńdáꞌniú Jerusale̱n nda tsꞌén skjíbé kuí xotaa̱. 32Bo̱a̱ tsꞌén tsja kꞌuiéna nga kjóchokonjnúꞌun tsi Néná xi mejeén, kó ka̱ma sa̱ꞌinkjaꞌyá an nínga tindyiónjnú. 33Kó kui Néná xí tsjáná kjo̱a̱xioó nga tꞌíjñajinjnú ngayejejnú. Bo̱a̱ kjiꞌi.
Currently Selected:
Xota̱ Roma̱ 15: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Xota̱ Roma̱ 15
15
1Ñá xi je tajá tindyión nga sꞌijinná Néná, chjiéngá si̱ꞌanchíkjo̱a̱a̱ xota̱ xi tajájín síndo, kó chjiénjín nga ti̱ña̱á si̱ꞌán ni xi tsja so̱bo̱a̱ ka̱máná. 2Nga ngo nga ngo ñá, ku̱i̱ndyi̱sé nga si̱ꞌán ni xi tsjaa̱ xotaa̱, tsi̱ꞌe̱ nga ko̱e̱ꞌéngaꞌniúu̱ ngi̱yaa̱ kjo̱a̱sꞌijii̱n. 3Ngatꞌa̱ Kristoo̱ jmí tsi ni xi tsjaa̱ kui xi tsangase, ta̱sá bo̱a̱ kiniꞌánjo̱ xikótsꞌèn kjitꞌa xo̱jo̱n eén Néná: “Én chꞌo tsó xi katsoó jí xotaa̱, an kasatiena.” 4Ngatꞌa̱ ngayeje ni xi je kiniꞌánꞌindó ngasꞌe̱ xo̱jo̱n eén Néná, kamánda tsi̱ꞌe̱ nga ko̱ko̱yaná, ki̱a̱ ka̱maa̱ nga kui kjo̱a̱tsiekoo̱n, ko̱jo kjo̱a̱niꞌándajoo̱n xo̱jo̱n eén Néná nga xchiyàa̱ ni xi tsja̱aná Néná. 5Néná xí tsjá kjo̱a̱chiyákjo̱a̱a̱ ko̱jo xi tsjá kjo̱a̱niꞌándajoo̱n, ngatsjájnú nga ta̱ ngo ndse̱je̱n nga sꞌi̱jin kjo̱a̱niꞌánkjójnú xikótsꞌèn tjíjii̱n Kristo̱ Kjisoo̱, 6tsi̱ꞌe̱ nga ngo xtín ka̱majnú nga ta̱ ngo nda̱ ka̱majnú nga ko̱e̱ꞌéjnúu̱ kjo̱a̱je Néná xí Na̱ꞌmii̱ Ndi̱a̱ná Jesukristoo̱.
Bi̱ tsꞌén íni̱jmì Pabloo̱ kjo̱a̱a̱ nga xota̱ xi jundío̱jiín kiniꞌánkintꞌié eén Néná
7Kó kuíni nga ja̱kꞌi̱e̱ ja̱ngaján ti̱ꞌanjo̱ꞌojnú xingi̱jnú, xikótsꞌèn Kristoo̱ katsꞌénjo̱ꞌoná, tsi̱ꞌe̱ nga xcha̱ kjo̱a̱jee̱ Néná. 8Ngatꞌa̱ bi̱ xiánjnúꞌun nga Kristo̱ Kjisoo̱ jeꞌe nganda tsi̱ꞌe̱ xota̱ jundíoo̱, tsi̱ꞌe̱ nga ko̱kó ja̱koxi̱i̱ Néná, kó ka̱mando̱jo ni xi katsóyàtjoón Néná xota̱ tji̱e̱ xchá jundíoo̱. 9Ko̱jo tsi̱ꞌe̱ nga xota̱ xi jundío̱jín tsja̱á kjo̱a̱je Néná, ta̱ngatꞌanii̱ nga Néná kamáni̱ma̱a̱ kui xotaa̱, xikótsꞌèn kjitꞌa xo̱jo̱n eén Néná nínga bi̱ tsó:
Kuí kjo̱a̱a̱ nga xiyà an kjo̱a̱je tse̱ ngi̱jii̱n xota̱ xi jundío̱jín,
kó si̱eé ji nga sa̱ꞌintsjaà.
10Kó ti̱ bi̱ tsó nga:
Jún xota̱ xi jundío̱jín, nijan ti̱ꞌantsjàjnú xota̱a̱ Néná.
11Kó ti̱ bi̱ tsó nginí kje̱ꞌe ndiè:
Ti̱ꞌantsjàjnúu̱ Ndi̱a̱ná ngayeje jún xi xota̱ xi jundío̱jínjnú,
kó ngayeje xota̱ na̱xi̱ńdaá xi ngatsꞌéndíkón.
12Kó nda̱ chji̱ni̱e̱ꞌe̱én Néná xi ꞌmí Isayaa̱, ti̱ bi̱ tsꞌén katsꞌénꞌindó:
Xtjonínkꞌá nga kꞌuieé ngaꞌniú ngo nda̱ xi xota̱ tji̱e̱e̱ nda̱ xi ꞌmí Isaii̱,
kó kuí xí ko̱tíxomaa̱ ngayeje xota̱ na̱xi̱ńdá,
kó ngayeje xota̱ na̱xi̱ńdaá kuí xí ka̱maꞌniátakón.
13Kó Néná xí kjimaꞌniátakón, ngatsjájnú kjo̱a̱tsja, ko̱jo kjo̱a̱xió jún xi sꞌijinjnú, tsi̱ꞌe̱ nga ngaꞌniuú A̱si̱énni̱xtjii̱n Néná tsie kjo̱a̱chiyá tsja̱ajnú.
14Ta̱nga an ntsꞌie, bee̱ko̱n an nga ta̱nisién ndajnú xota̱, ko̱jo nga xota̱ kjínkónjnú, kó nga je ka̱majnú nga ti̱ juún ko̱ti̱xomájnúu̱ xingi̱jnú. 15Ta̱nga kamáko̱n an nga katsꞌenda an ngo xo̱jo̱n ngatꞌa̱ mejénná nga xchi̱yàjínjnú ni xi je itꞌajnúꞌun, kó katsꞌen an kui nii̱, kjo̱a̱a̱ kjo̱a̱nda xi katsjána Néná, 16tsi̱ꞌe̱ nga mosoo̱ Jesukristoo̱ ka̱ma an, nganda tsi̱ꞌe̱ xota̱ xi jundío̱jín nga kokoyáa̱ eén Néná, kó kui xotaa̱ ngo kjo̱a̱tjó xi nda ka̱ma ngindyi̱ko̱n Néná, kjo̱a̱tjó xi tjítsꞌéntsjie A̱si̱énni̱xtjii̱n Néná.
17Tsja mana nga chjiá an kjo̱a̱a̱ xá xí katsjána Kristo̱ Kjisoo̱ kjo̱a̱a̱ xaá Néná xí tsꞌen an, 18ngatꞌa̱ ta̱xkiya kuichji̱a̱jín an ngo ni, ta̱ ngototo ni xi tsꞌén Kristoo̱, nga tsꞌénkjiénna tsi̱ꞌe̱ nga ku̱i̱ntꞌiéꞌeén Néná xota̱ xi jundío̱jín, ngatsꞌénkjién án én, ko̱jo ni xi tjítsꞌen an. 19Kristoo̱ katsꞌénkjién ngaꞌniú, ko̱jo chi̱bo̱a̱, ko̱jo kjín kjo̱a̱ndikón, ko̱jo ngaꞌniuú A̱si̱énni̱xtjii̱n Néná, kó kuíni nga bo̱a̱ tsꞌén tsꞌénchji̱a̱ an éntjatsi̱e̱e̱ Néná xi ꞌboxiéꞌáná kui xi tsi̱ꞌe̱ Kristoo̱, xi yaꞌanii̱ ndeskande na̱xi̱ńdáꞌniú Jerusale̱n, ngaskande nangi Ilíriko̱. 20Kó bo̱a̱ tsꞌén katsꞌen an ngo kjo̱a̱ꞌniú nga ini̱jmi án éntjatsi̱e̱e̱ Néná nínga kji̱e̱ ndokjo̱a̱jín jaꞌeén Kristoo̱, ki̱a̱ ka̱maa̱ nga sa̱ꞌinjín an ngo xá nínga je kje̱ꞌe xí ítsꞌi̱yanii̱. 21Ta̱sá tjítsꞌen an xikótsꞌèn kjitꞌa xo̱jo̱o̱n Néná nínga bi̱ tsoó:
Sku̱i̱e̱ kui xota̱ xi jmíni̱xtjin kiꞌmíyaà kjo̱a̱a̱ kui,
Ka̱makjiín kui xota̱ xi jmíni̱xtjin tsintꞌié kjo̱a̱a̱ kui.
Bi̱ katsꞌén Pabloo̱ kjo̱a̱a̱ nga kamámejeén kijí na̱xi̱ńdá Roma̱
22Kuí kjo̱a̱a̱ nga achichí kjín ndi̱yà nga kjimajín tsꞌénfíkatsijenjnúꞌun, 23ta̱nga ngotꞌe̱ ꞌne̱ nga je kamándo̱jo xá xí katsꞌen an kui ngi̱ndiee̱, kó achichí je kjín nó nga mejénna kjuínkátsijenjnúꞌun. 24Kjiꞌanga kjuín án España̱, kjuínkónjnúꞌun, kó skoyáa̱ nga tsjatsꞌèn nijan ku̱i̱ndyión chiboa ni̱xtjin nga kjóchokonjnúꞌun, kó tsi ka̱ma tasíko̱jojnúꞌun tsi̱ꞌe̱ nga ta̱kó kjuínrá an nínga tsꞌénfí an. 25Ta̱nga ngotꞌe̱ ꞌne̱ na̱xi̱ńdáꞌniú Jerusale̱n tsꞌénfí an, tsi̱ꞌe̱ nga kosiko̱jo an ki̱a̱ xota̱ tsjiee̱ Néná. 26Ngatꞌa̱ xota̱ xi chji̱a̱ni nangi Masendonia̱, ko̱jo nangi Akaya̱ ngayeje kon nga jaꞌátikó ngo chji̱e̱ xi sa̱ngíyaá xota̱ tsjiee̱ Néná xí ni̱ma̱ xi síndo na̱xi̱ńdáꞌniú Jerusale̱n. 27Nda kamaá nga bo̱a̱ katsꞌén, ta̱nga kui xotaa̱ tjitjíe̱nrií tsi̱ꞌe̱ xota̱ xi̱ꞌba̱, ngatꞌa̱ tsi Néná katsjaá xota̱ xi jundío̱jín ni xi je katsjaá xota̱ xi Israee̱l, ja̱ kuíni nga xota̱ xi Israee̱ljiín chjiéngá ko̱síko̱jo xota̱ xi Israee̱l kjo̱a̱a̱ ni xi tjín nga̱sondiee̱. 28Kó kuíni nga, ngije kamándo̱jo kuí nii̱, kó ngije katsꞌenkꞌasꞌièe̱n kui xotaa̱ to̱n xi kamátikoó, kjuín án España̱, kó ki̱a̱ kjo̱a̱ꞌa an nínga tindyiónjnú, 29kó be án nga ngije ka̱matikó ñá, Kristoo̱ sa̱ꞌínchikonñéná.
30Ta̱nga ꞌniú míꞌájnúꞌun já ntsꞌie, nga ta̱ngatꞌanii̱ Ndi̱a̱ná Jesukristoo̱, ko̱jo kjo̱a̱tjoó A̱si̱énni̱xtjii̱n Néná, tsꞌénmíꞌájnúꞌun nga si̱ꞌanngo yojoná xikótsꞌèn tsꞌénkjántjé an eén Néná, kó ndókjo̱a̱tjéjnúꞌun nga, 31tsi̱ꞌe̱ nga xín sa̱ꞌínkjaꞌana xota̱ xi sꞌijinjiín Kjisoo̱ xi síndo nangi Jundea̱, kó nga kui chji̱e̱e̱ xána xi yaꞌàa xota̱ tsjiee̱ Néná xí chji̱a̱ni na̱xi̱ńdáꞌniú Jerusale̱n nda tsꞌén skjíbé kuí xotaa̱. 32Bo̱a̱ tsꞌén tsja kꞌuiéna nga kjóchokonjnúꞌun tsi Néná xi mejeén, kó ka̱ma sa̱ꞌinkjaꞌyá an nínga tindyiónjnú. 33Kó kui Néná xí tsjáná kjo̱a̱xioó nga tꞌíjñajinjnú ngayejejnú. Bo̱a̱ kjiꞌi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014