Xo̱jo̱n Salmoo̱ 144
144
Néná boá xi tsꞌénkónna
Só xi katsꞌénda Ndabii̱.
1¡Ngatamachikonñé Néná, kui xi Ndi̱jo̱jena,
kui xi tsꞌénchjíni̱e̱ ndsa̱ án tsi̱ꞌe̱ nga kjuín án kjo̱a̱xcha̱án,
ko̱jo kui xi ꞌbíndonda xtín ndsa̱ án tsi̱ꞌe̱ nga skjan an!
2Jí boá xi kjo̱a̱ni̱ma̱takónna, ko̱jo xi ngi̱ndie xi ꞌniúna,
Jí boá xi ꞌnaxiéꞌéní ko̱jo xi niꞌíndéní,
Jí boá xi ni xi ꞌbíchjaá ni xi ndajiín, kó Jí boá xi ki̱a̱ fikoo̱n.
Jí boá xi niꞌín Ji nga xota̱ na̱xi̱ńdaá, an xi kotixomáa̱.
3Ji Ne, ꞌyání bo̱a̱ xota̱ nga̱sondiee̱, tsi̱ꞌe̱ nga kui kjójintakín Ji,
ꞌyání bo̱a̱ xota̱ xi ꞌmee̱, tsi̱ꞌe̱ nga kui xi xꞌi̱e̱xki̱ Ji.
4Xota̱ nga̱sondiee̱, kuí boá xi xikoó ngo tjo̱,
kó ni̱xtjin nga ꞌbíjñá, xikónií ngo tji̱nkꞌi̱én xí tsá foaꞌa.
5Ji Ne, tꞌíjñitꞌín Jí nkꞌajmii̱, kó ndibéjéyé Ji kꞌi̱e̱ tꞌanangii̱,
ti̱ꞌinje̱ Ji na̱xi̱i̱, kó ngatjoo̱ ṉdi̱.
6Ti̱ꞌinkjaꞌatꞌe Ji, kó ti̱ꞌintsojoboe Ji kondra̱a̱,
nangíyée̱ yáyojó, kó ti̱ꞌintsobéjìi̱n.
7Tjin Ji ndse̱ ndeskande ki̱a̱ nkꞌajmii̱,
kó ꞌna̱xiéjinní ngi̱jii̱n ngaꞌniuú kui ndáfoaa̱,
ꞌna̱xiéꞌéní ngi̱ya tsja xota̱ xi xín nangi chji̱a̱nii̱,
8kui xota̱ xi ta̱soboá éndísó boá xí chji̱a̱a̱,
kó kjininkꞌá má tsja xi kixi̱i̱, nga ngiboanéná tsó nga ꞌbindísó.
9Ji Ne, Jí boá xi siee ngo só tja̱tsi̱e̱,
kó salterio̱ xi tie naxá tjiín xi sa̱ꞌinkjièn án nga siee Salmo̱.
10Jí boá xi niꞌín Ji nga tsꞌén já ree̱,
Jí boá xi kichíi̱n mosòo̱ Ndabii̱.
11ꞌNa̱xiéꞌéní kjo̱a̱a̱ kui ki̱cha̱ndojó xi ndajiín,
ti̱ꞌindéní ngi̱ya tsja xota̱ xi xín nangi chji̱a̱nii̱,
kui xota̱ xi ta̱soboá éndísó boá xí chji̱a̱a̱,
kó kjininkꞌá tsja xi kixi̱i̱, nga ngiboanéná tsó nga ꞌbindísó.
12Te̱ꞌéndiè Ji nga ndí xíꞌínjne̱ nda ka̱maxchá,
xikoó xka̱ xi nda kamáxchá nga xo̱ngo̱ò,
ko̱jo nga ndí ínchjínjne̱ ꞌniú ngatama,
xikó maá nijon xoó ngo ndo̱bo̱a̱xa̱á xí tsjatsꞌèn kamánda.
13Ngasꞌikitsieni nichinie ngi̱ndie nínga chjaꞌátjójne̱ ni xi ma xchájne̱,
kó ngayeje to̱ko̱ya to xi ma chinie ngatꞌieé,
kjín mi̱ ngatama cho̱ tjiéjne̱,
kó kjín xtín xí tie mi̱ ngatama cho̱ xi kꞌuiéjne̱ nga ngo foaꞌatjiyajoo̱n.
14Te̱ꞌéndiè Ji nga cho̱yojo xi̱ꞌinjne̱ tsie nichinie ngataꞌanijín.
Nga boeꞌéndièjín Ji nga kondraa̱ kꞌo̱sꞌienni xó xí tjíchjáꞌyaá na̱xi̱ńdáꞌniújne̱,
nga ko̱e̱je̱joꞌniújne̱ kje̱ꞌe na̱xi̱ńdá,
ti̱nde nga jmíjín xi kjandayà nga ndajín kjimataꞌin ndi̱tse̱e̱n na̱xi̱ńdáꞌniújne̱.
15¡Achichíra̱ tsjaa̱ nangi xi tjiín ngayeje kui nii̱!
¡Achichíra̱ tsjaa̱ nangi xi Néná boá xi Nee̱ kui!
Currently Selected:
Xo̱jo̱n Salmoo̱ 144: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Xo̱jo̱n Salmoo̱ 144
144
Néná boá xi tsꞌénkónna
Só xi katsꞌénda Ndabii̱.
1¡Ngatamachikonñé Néná, kui xi Ndi̱jo̱jena,
kui xi tsꞌénchjíni̱e̱ ndsa̱ án tsi̱ꞌe̱ nga kjuín án kjo̱a̱xcha̱án,
ko̱jo kui xi ꞌbíndonda xtín ndsa̱ án tsi̱ꞌe̱ nga skjan an!
2Jí boá xi kjo̱a̱ni̱ma̱takónna, ko̱jo xi ngi̱ndie xi ꞌniúna,
Jí boá xi ꞌnaxiéꞌéní ko̱jo xi niꞌíndéní,
Jí boá xi ni xi ꞌbíchjaá ni xi ndajiín, kó Jí boá xi ki̱a̱ fikoo̱n.
Jí boá xi niꞌín Ji nga xota̱ na̱xi̱ńdaá, an xi kotixomáa̱.
3Ji Ne, ꞌyání bo̱a̱ xota̱ nga̱sondiee̱, tsi̱ꞌe̱ nga kui kjójintakín Ji,
ꞌyání bo̱a̱ xota̱ xi ꞌmee̱, tsi̱ꞌe̱ nga kui xi xꞌi̱e̱xki̱ Ji.
4Xota̱ nga̱sondiee̱, kuí boá xi xikoó ngo tjo̱,
kó ni̱xtjin nga ꞌbíjñá, xikónií ngo tji̱nkꞌi̱én xí tsá foaꞌa.
5Ji Ne, tꞌíjñitꞌín Jí nkꞌajmii̱, kó ndibéjéyé Ji kꞌi̱e̱ tꞌanangii̱,
ti̱ꞌinje̱ Ji na̱xi̱i̱, kó ngatjoo̱ ṉdi̱.
6Ti̱ꞌinkjaꞌatꞌe Ji, kó ti̱ꞌintsojoboe Ji kondra̱a̱,
nangíyée̱ yáyojó, kó ti̱ꞌintsobéjìi̱n.
7Tjin Ji ndse̱ ndeskande ki̱a̱ nkꞌajmii̱,
kó ꞌna̱xiéjinní ngi̱jii̱n ngaꞌniuú kui ndáfoaa̱,
ꞌna̱xiéꞌéní ngi̱ya tsja xota̱ xi xín nangi chji̱a̱nii̱,
8kui xota̱ xi ta̱soboá éndísó boá xí chji̱a̱a̱,
kó kjininkꞌá má tsja xi kixi̱i̱, nga ngiboanéná tsó nga ꞌbindísó.
9Ji Ne, Jí boá xi siee ngo só tja̱tsi̱e̱,
kó salterio̱ xi tie naxá tjiín xi sa̱ꞌinkjièn án nga siee Salmo̱.
10Jí boá xi niꞌín Ji nga tsꞌén já ree̱,
Jí boá xi kichíi̱n mosòo̱ Ndabii̱.
11ꞌNa̱xiéꞌéní kjo̱a̱a̱ kui ki̱cha̱ndojó xi ndajiín,
ti̱ꞌindéní ngi̱ya tsja xota̱ xi xín nangi chji̱a̱nii̱,
kui xota̱ xi ta̱soboá éndísó boá xí chji̱a̱a̱,
kó kjininkꞌá tsja xi kixi̱i̱, nga ngiboanéná tsó nga ꞌbindísó.
12Te̱ꞌéndiè Ji nga ndí xíꞌínjne̱ nda ka̱maxchá,
xikoó xka̱ xi nda kamáxchá nga xo̱ngo̱ò,
ko̱jo nga ndí ínchjínjne̱ ꞌniú ngatama,
xikó maá nijon xoó ngo ndo̱bo̱a̱xa̱á xí tsjatsꞌèn kamánda.
13Ngasꞌikitsieni nichinie ngi̱ndie nínga chjaꞌátjójne̱ ni xi ma xchájne̱,
kó ngayeje to̱ko̱ya to xi ma chinie ngatꞌieé,
kjín mi̱ ngatama cho̱ tjiéjne̱,
kó kjín xtín xí tie mi̱ ngatama cho̱ xi kꞌuiéjne̱ nga ngo foaꞌatjiyajoo̱n.
14Te̱ꞌéndiè Ji nga cho̱yojo xi̱ꞌinjne̱ tsie nichinie ngataꞌanijín.
Nga boeꞌéndièjín Ji nga kondraa̱ kꞌo̱sꞌienni xó xí tjíchjáꞌyaá na̱xi̱ńdáꞌniújne̱,
nga ko̱e̱je̱joꞌniújne̱ kje̱ꞌe na̱xi̱ńdá,
ti̱nde nga jmíjín xi kjandayà nga ndajín kjimataꞌin ndi̱tse̱e̱n na̱xi̱ńdáꞌniújne̱.
15¡Achichíra̱ tsjaa̱ nangi xi tjiín ngayeje kui nii̱!
¡Achichíra̱ tsjaa̱ nangi xi Néná boá xi Nee̱ kui!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014