Xo̱jo̱n Salmoo̱ 143
143
Néná boá xi ꞌniáko̱n an
Só xi katsꞌénda Ndabii̱.
1¡Ji Ne, ndaꞌyé Ji nga kuichjiaá!
¡Ta̱ngatꞌanii̱ kjo̱a̱ꞌniátakóo̱n, nga ti̱ꞌinsée̱n nga ni̱ma̱ xiaán!
¡Ta̱ngatꞌanii̱ kjo̱a̱kixi̱i̱ nga ti̱ꞌinsénní!
2Ngata̱ niꞌínje̱jín Ji xki̱ kui mosòo̱ xi̱ꞌbi̱,
ngatꞌa̱ nde ngojín xota̱ nga̱sondiee̱ xi jmíjéjiín ka̱tso̱ ngindyikin Ji.
3Kondraa̱ je tsangatji̱ngina nga mejeén sa̱ꞌínkꞌién ini̱ma̱na,
kó jè kjiꞌijña tꞌanangii̱ an,
jè nínga jñoó íjñána, xikó maá xota̱ xi je tsienii̱ nga jesoón.
4Kuíni nga a̱si̱énni̱xtjinna, je kjiꞌme ngi̱jii̱n yojona,
kó ini̱ma̱na achichí ni xi kjimaa̱ nga ndasen tikón.
5Nga foaꞌátsjienna ni xi kamá ni̱xtjin xchá jàn,
tsꞌenkjó án ngayeje ni xi je kiniꞌín Ji,
kó ti̱ tsꞌenkjó án kjo̱a̱a̱ ni xi je katsꞌénda ndse̱ Ji.
6Xtji̱e̱e̱n nínga tindyin Ji kjininkꞌa an ndsa̱ án,
kó ini̱ma̱na xíndaá kjo̱a̱a̱ Ji,
xikó má maá tꞌanangi kixií nga mamejeén ndáfoaa̱.
7Ji Ne, tsá ti̱ꞌinsénní,
ngata̱ jè kjiꞌme a̱si̱énni̱xtjinna.
Ngata̱ ꞌbíjñíꞌmíjínní kje̱n Ji,
ngatꞌa̱ mejénjínna nga an xi ka̱ma an,
xikoó xota̱ xi je ki̱a̱ ndyi̱fotjajen nga̱tsjo̱ó.
8Te̱ꞌéndiè Ji nga xki̱ ta̱jñó kuintꞌièe̱ kjo̱a̱ni̱ma̱takóo̱n,
ngatꞌa̱ Jí boá xi ꞌniákoo̱n,
takéní ndi̱yà nínga chjiéngá nga kjótsoꞌbá an,
ngatꞌa̱ ngi̱ya ndse̱ boá nínga tjítsꞌenkꞌasꞌien an ini̱ma̱na.
9Ji Ne, ꞌna̱xiéꞌéní ngi̱ya tsja kondra̱na,
ngatꞌa̱ Jí boá xí tsꞌénmongasee̱ nga xchínní.
10Takoyèní tsi̱ꞌe̱ nga sa̱ꞌín an ni xi mejeén Jí,
ngatꞌa̱ Jí boá xi Néna ma Ji.
Te̱ꞌéndièní nga A̱siénni̱xtjin ndàa̱ ko̱kóna ni xi sa̱ꞌin an ki̱a̱ tꞌanangi xi kixi̱i̱.
11Ji Ne, ta̱ngatꞌanii̱ nga tjoó Jaꞌée̱n, te̱ꞌéndièní nga kotíjña̱ra ngase an,
kó ta̱ngatꞌanii̱ kjo̱a̱kixi̱i̱ nga chje̱ꞌéxíi̱n ini̱ma̱na nga nda̱ kjimaa̱.
12Ta̱ngatꞌanii̱ kjo̱a̱ni̱ma̱takóo̱n nga xió ngatꞌíndo kondra̱na,
ti̱ꞌinkjie Ji ngayeje kondra̱ xi ini̱ma̱na tjimátji̱ngi,
ngatꞌa̱ án boá xi mosòo̱ ma an.
Currently Selected:
Xo̱jo̱n Salmoo̱ 143: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Xo̱jo̱n Salmoo̱ 143
143
Néná boá xi ꞌniáko̱n an
Só xi katsꞌénda Ndabii̱.
1¡Ji Ne, ndaꞌyé Ji nga kuichjiaá!
¡Ta̱ngatꞌanii̱ kjo̱a̱ꞌniátakóo̱n, nga ti̱ꞌinsée̱n nga ni̱ma̱ xiaán!
¡Ta̱ngatꞌanii̱ kjo̱a̱kixi̱i̱ nga ti̱ꞌinsénní!
2Ngata̱ niꞌínje̱jín Ji xki̱ kui mosòo̱ xi̱ꞌbi̱,
ngatꞌa̱ nde ngojín xota̱ nga̱sondiee̱ xi jmíjéjiín ka̱tso̱ ngindyikin Ji.
3Kondraa̱ je tsangatji̱ngina nga mejeén sa̱ꞌínkꞌién ini̱ma̱na,
kó jè kjiꞌijña tꞌanangii̱ an,
jè nínga jñoó íjñána, xikó maá xota̱ xi je tsienii̱ nga jesoón.
4Kuíni nga a̱si̱énni̱xtjinna, je kjiꞌme ngi̱jii̱n yojona,
kó ini̱ma̱na achichí ni xi kjimaa̱ nga ndasen tikón.
5Nga foaꞌátsjienna ni xi kamá ni̱xtjin xchá jàn,
tsꞌenkjó án ngayeje ni xi je kiniꞌín Ji,
kó ti̱ tsꞌenkjó án kjo̱a̱a̱ ni xi je katsꞌénda ndse̱ Ji.
6Xtji̱e̱e̱n nínga tindyin Ji kjininkꞌa an ndsa̱ án,
kó ini̱ma̱na xíndaá kjo̱a̱a̱ Ji,
xikó má maá tꞌanangi kixií nga mamejeén ndáfoaa̱.
7Ji Ne, tsá ti̱ꞌinsénní,
ngata̱ jè kjiꞌme a̱si̱énni̱xtjinna.
Ngata̱ ꞌbíjñíꞌmíjínní kje̱n Ji,
ngatꞌa̱ mejénjínna nga an xi ka̱ma an,
xikoó xota̱ xi je ki̱a̱ ndyi̱fotjajen nga̱tsjo̱ó.
8Te̱ꞌéndiè Ji nga xki̱ ta̱jñó kuintꞌièe̱ kjo̱a̱ni̱ma̱takóo̱n,
ngatꞌa̱ Jí boá xi ꞌniákoo̱n,
takéní ndi̱yà nínga chjiéngá nga kjótsoꞌbá an,
ngatꞌa̱ ngi̱ya ndse̱ boá nínga tjítsꞌenkꞌasꞌien an ini̱ma̱na.
9Ji Ne, ꞌna̱xiéꞌéní ngi̱ya tsja kondra̱na,
ngatꞌa̱ Jí boá xí tsꞌénmongasee̱ nga xchínní.
10Takoyèní tsi̱ꞌe̱ nga sa̱ꞌín an ni xi mejeén Jí,
ngatꞌa̱ Jí boá xi Néna ma Ji.
Te̱ꞌéndièní nga A̱siénni̱xtjin ndàa̱ ko̱kóna ni xi sa̱ꞌin an ki̱a̱ tꞌanangi xi kixi̱i̱.
11Ji Ne, ta̱ngatꞌanii̱ nga tjoó Jaꞌée̱n, te̱ꞌéndièní nga kotíjña̱ra ngase an,
kó ta̱ngatꞌanii̱ kjo̱a̱kixi̱i̱ nga chje̱ꞌéxíi̱n ini̱ma̱na nga nda̱ kjimaa̱.
12Ta̱ngatꞌanii̱ kjo̱a̱ni̱ma̱takóo̱n nga xió ngatꞌíndo kondra̱na,
ti̱ꞌinkjie Ji ngayeje kondra̱ xi ini̱ma̱na tjimátji̱ngi,
ngatꞌa̱ án boá xi mosòo̱ ma an.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014