Xo̱jo̱n Salmoo̱ 136
136
Néná ngatsjéni̱xtjin nga tjiín kjo̱a̱ni̱ma̱takón
1¡Ti̱ꞌantsjàjnúu̱ Néná, ngatꞌa̱ nda xota̱ Kui!
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
2Ti̱ꞌantsjàjnúu̱ kui Ne xi Nee̱ ngayeje ne xi tjiín.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
3Ti̱ꞌantsjàjnúu̱ kui Ndi̱a̱ xi Ndi̱a̱a̱ ngayeje ndi̱a̱ xi tjiín.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
4Ta̱kuítsí Néná xí tsꞌén ni yiꞌi xi fíndikónná.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
5Kui Néná xí katsꞌénkjién kjo̱a̱kjíntakoón nga katsꞌénda ngayeje nkꞌajmii̱
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
6Kui xi katsꞌéntsie ngase tꞌanangii̱ ki̱a̱ nga̱són ndáfoaa̱.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
7Kui xi katsꞌénda nga jó ndiꞌí xí tsꞌentsíjenni nga̱sondiee̱.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
8Katsꞌénda tsꞌueé, tsi̱ꞌe̱ nga kui xi sa̱ꞌíntsijenni nga ni̱xtjii̱n.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
9Katsꞌénda saá ko̱jo ńñoo, tsi̱ꞌe̱ nga kui xi ko̱tíxoma nga jñoó.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
10Kui xi katsꞌénꞌoón nga katsꞌénkjiesón ndí tjoón xota̱ Ejiptoo̱.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
11Kó tsꞌaxiéni xota̱ Israee̱l ki̱a̱ ngi̱jii̱n kui xotaa̱.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
12Katsꞌénkjién ngaꞌniuú nga yejéntie tsja.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
13Kui xi jó tjín katsꞌén nga akjángá Ndáchíkón Inií.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
14Kó ngamasiee̱n ndáchíkoón katsꞌénkjaꞌayise xota̱ Israee̱l.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
15Kó ki̱a̱ Ndáchíkón Inií katsꞌénkꞌién ngándá nda̱ faraoo̱n ko̱jo jájuún.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
16Kui xi ki̱a̱ nangi kixií kijíjo̱ xota̱ Israee̱l.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
17Kui xi katsꞌénꞌoón nga askjanjo̱ já re xi ꞌniú yandikoón.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
18Kó katsꞌénkꞌién re xi kisꞌiee̱ ngaꞌniuú.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
19Katsꞌénkꞌién Sijoo̱n, nda̱ ree̱ xota̱ Amoo̱r.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
20Ko̱jo katsꞌénkꞌién Oo̱j, nda̱ ree̱ nangi Basaa̱n.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
21Kó xota̱ na̱xi̱ńdaá katsꞌénkabii̱ tꞌanangii̱ kui jaá.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
22Kuí boá kui nii̱ xi íjñaá xota̱ Israee̱l, kui xi xota̱ mosoo̱ ma.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
23Kui xi kjiꞌanga ni̱ma̱kjo̱a̱ kixindyión, jaꞌátsjiee̱n ñá.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
24Kui xi tsꞌaxiéꞌáná ki̱a̱ ngi̱ya tsja kondra̱ná.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
25Kui xi tsjaá nichinie ngayeje xi síndo nga̱sondiee̱.
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
26¡Te̱ꞌéjnúu̱ ndokꞌóchji̱ì kui Ne xi tsi̱ꞌe̱ nkꞌajmii̱!
Ngatꞌa̱ ngatsjéni̱xtjin nga tjiín kjo̱a̱ni̱ma̱takón.
Currently Selected:
Xo̱jo̱n Salmoo̱ 136: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
